دكتور الغده الدرقية

[بومحمد55]

أنا الحين أخذ حبوب الثيروكسين وصار لي تقريباً
سنة أخذ 200 mcg وكل ما أسمع حد عنده الغده
يقول لي أنه يأخذ حبه وحده 50 mcg فحسيت أن
أنا ولا شي . مع العلم أني في أخر شهرين كنت أخذ
250 mcg وبعدها رحت حق دكتور في اﻷهلي أسمه
نبيل نزل لي 50 هالكلام صار في شهر 7 عندي موعد
بكره عند الدكتور نبيل .
اللي يعرف دكتور غير الدكتور نبيل يفيدني حتى لو كان في
دولة مجاورة . ﻷن الصراحه الدكتور نبيل محد يمدحه

[العلياا]

السلام عليكم

اخوي انا اول مرة اعرف ان في ميتين !!
عندي اختي صار لها سنين تاخذ الحبوب واقصى شي امية !!
والثانية من فترة اصرفوا لها خمسين وكانت عند دكتور نبيل اتابع حالتها
كان لي موضوع بحط لك الرابط اكثر من عضو حطوا تجاربهم ونصايحهم

وشخصيا امدحوا لي دكتور امين الجيوسي في مستشفى الخور لكن للامانة ما قدرت اودي اختي له لان بعيد
وايضا دكتور محمود زرعي وكان في اجازة
http://www.qatarshares.com/vb/showthread.php?591371-%25CA%25D6%25CE%25E3-%25C7%25E1%25DB%25CF%25C9-%25C7%25E1%25CF%25D1%25DE%25ED%25C9-!!

الله يشفيك ويعافيك

[بومحمد55]

السلام عليكم

اخوي انا اول مرة اعرف ان في ميتين !!
عندي اختي صار لها سنين تاخذ الحبوب واقصى شي امية !!
والثانية من فترة اصرفوا لها خمسين وكانت عند دكتور نبيل اتابع حالتها
كان لي موضوع بحط لك الرابط اكثر من عضو حطوا تجاربهم ونصايحهم

وشخصيا امدحوا لي دكتور امين الجيوسي في مستشفى الخور لكن للامانة ما قدرت اودي اختي له لان بعيد
وايضا دكتور محمود زرعي وكان في اجازة
http://www.qatarshares.com/vb/showthread.php?591371-%25CA%25D6%25CE%25E3-%25C7%25E1%25DB%25CF%25C9-%25C7%25E1%25CF%25D1%25DE%25ED%25C9-!!

الله يشفيك ويعافيك

صحيح أخوي أقصى شي 100 بس أنا أخذ حبتين يومياً
بس أن شاء الله بحاول أخذ موعد مع الدكتور أمين

[اهل قطر]

السلام عليكم ورحمة الله
تقدر تتابع في المركز الصحي , كم نسبة الهرمون من خلال التحاليل
كل المراكز عندها وحدة الامراض المزمنه , نسبه الهرمون هي الي تحدد الجرعه الي تاخذها

[مــاي ورد]

مافي اقصى شي للجرعة اصلا !! على حسب الحالة والظاهر عندك ضعف شديد اخوي

هني المستشفيات و المراكز مب معطينك غير الجرعه يزيدونها و نقصونها

احسن تاخذ اعشاب او تشوف بدائل للعلاج

عندي وحده كانت تاخذ 125 والحين تاخذ 75 والحمدلله مستمرة عليه وساعدها موقع صيني لعللاج الغدة وكانت تتابع معاهم اون لاين كل شهر

شكلك اخوي ما تاخذها بانتظام او يمكن تاخذ الحبة و ع طول تاكل !! او في مشكلة ثانيه لان الجرعة عالية

الرياضة و الاكل الصحي وتناول السمك بانتظام بيساعدك ان شاء الله

[غايه الطواش]

اخوي انا حاليا خذ 200 وقبلها 150 وقبل 100 واول مابديت 75
بس المشكله مني اني ماخذها بانتظام ادى الى نقص الهرمون فيني بس يرد الهرمون طبيعي راح ارجع على 100
وانصحك بالدكتور الجيوسي
انا اخذ الحبوب من سنه 2002

[بصمة قطرية]

تسع سنين عانيت من الغدة
و لخبطة الجرعات ..
حالياً الحمدلله صار لي أكثر من سنه موقفة العلاج
و الهرمون طبيعي اللهم لك الحمد و الشكر ..
بصراحة أنا أتابع مع دكتور في البحرين ..
إذا بغيت برسل لك إسمه و رقم المستشفى ..
الدكتور ممتاز و أغلب مرضاه من قطر
رحت له بعد ما مدحته لي وحدة و قالت انها ارتاحت على علاجه ..
ما تشوف شر ان شاءالله ..

[Princess-style]

امين الجيوسي وابراهيم الجناحي ومحمد زرعي ممتازين

نبيل النسعه الي بالاهلي يجرب ادويه لا اكثر

وترى المركز الصحي الي انت تابعه له ،، يفحصون لك الغده اذا كانت خامله شوي يعطونك هم الادوية
اما اذا خامله بزياده يحولونك لحمد

وابرك لك من هالمستشفيات الخاصه معظمها تركض ورا الفلوس وسلامتك مو مهمه

[غايه الطواش]

تسع سنين عانيت من الغدة
و لخبطة الجرعات ..
حالياً الحمدلله صار لي أكثر من سنه موقفة العلاج
و الهرمون طبيعي اللهم لك الحمد و الشكر ..
بصراحة أنا أتابع مع دكتور في البحرين ..
إذا بغيت برسل لك إسمه و رقم المستشفى ..
الدكتور ممتاز و أغلب مرضاه من قطر
رحت له بعد ما مدحته لي وحدة و قالت انها ارتاحت على علاجه ..
ما تشوف شر ان شاءالله ..

شلون وقفتي العلاج ؟؟؟
انا قالولي طول العمر لاني استئصلتها

[ولد العرب]

سلام عليكم
الله يشفيكم كلكم يارب

بس وش تسوي الغده

[بصمة قطرية]

شلون وقفتي العلاج ؟؟؟
انا قالولي طول العمر لاني استئصلتها

دكتور البحرين نظم لي الجرعات
كل ثلاث شهور اعيد التحليل
كل ست شهور أروح له ..
كل مرة كان الهرمرن أحسن من قبل ..
على فكرة أنا معاي ( هاشيموتو ) و هو التهاب مزمن في الغدة ..
المفروض آخذ الحبوب طول العمر
بس الحمدلله الهرمون رجع طبيعي
لي سنه تاركة الحبوب ..
من اسبوع حللت الحمدلله الهرمون طبيعي ..

اذا استأصلتي جزء لازم تاخذين الحبوب
عشان تعوضين ..

سلامتج غاية ..

[المحاميه]

اول مره ادري ان علاج الغده طول العمر

الله يشفيكم ويشفي جميع مرضى المسلمين

[بصمة قطرية]

سلام عليكم
الله يشفيكم كلكم يارب

بس وش تسوي الغده

وعليكم السلام والرحمة
آمين يارب ..
جزاك الله خير ولد العرب ..

الغدة مكانها في العنق ..
و هي نوعين
نشطة معاها المريض يفقد وزنه
خاملة العكس يزيد وزن المريض ..
و في التهاب مزمن في الغدة يعتبر من ضمن
أمراض المناعة ..
و هو الهاشيموتو ..

هالرابط بيفيدك عشان تعرف عن الغدة ..

http://www.tbeeb.net/ask/showthread.php?t=76381

[w.qatar]

الدكتور الجناحي ممتاز

انا اخذ 150

وكل شخص يقرر له الدكتور الجرعه حسب نسبة الهرمون في دمه لا تقارن بينك وبين اللي حولك

[ولد العرب]

وعليكم السلام والرحمة
آمين يارب ..
جزاك الله خير ولد العرب ..

الغدة مكانها في العنق ..
و هي نوعين
نشطة معاها المريض يفقد وزنه
خاملة العكس يزيد وزن المريض ..
و في التهاب مزمن في الغدة يعتبر من ضمن
أمراض المناعة ..
و هو الهاشيموتو ..

هالرابط بيفيدك عشان تعرف عن الغدة ..

http://www.tbeeb.net/ask/showthread.php?t=76381
اسال الله العظيم ان يمن عليكم بكرمه وعفوه وشفاء وعافيه لكم

مشكورة بصمه