المساعد الشخصي الرقمي

مشاهدة النسخة كاملة : جدوى انشاء فندق


bus3od
21-09-2014, 05:45 AM
السلام عليكم و رحمة الله و بركاته

بحكم عملي و كثر تنقلي خارج الدوله كنت ابحث عن الفرص او المشاريع الاستثماريه اللي تحتاجها الدوله خلال الفتره الجايه و في نفس الوقت لها مدخول جيد

احد هاذي المشاريع هي وكالة فندق عالمي بس لحد الحين متردد هل اتفاوض معاهم على الاستثمار المباشر و المشاركة في رأس المال مع ان بتواجهني صعوبات في توفير رأس المال الكبير للفندق او اني ادخل معاهم كشريك بالاسم و اوفر لهم جميع التسهيلات في الدوحه و هم يجيبون راس مالهم و عمالتهم و فالنهاية انا لي نسبة .

أتمنى اللي عنده خلفية عن هالموضوع يفيدنا و اذا في امور ثانيه ممكن يوضحها لي او لازم ما اغفل عنها ، و انا طرحت الموضوع هنا للفائده العامه .

وشكرا
الدوحه1
21-09-2014, 08:58 AM
ليش ماتستثمر في المجال الاعلامي؟؟؟
عندي فكرة مشروع هو الاول من نوعه في قطر وحاولت اطلع التراخيص اللازمه .. الجهه الاولى وافقت على المشروع ولكن الجهه الثانيه حفظت الموضوع؟؟؟.
للعلم المشروع مب فتح قناه تلفزيونيه او محطة اذاعه لاني ادري ان القنوات الخاصه في قطر ممنوعه في الوقت الحالي!!

مشروعي محتاج"واو"!!
شموخ دائم
21-09-2014, 10:25 PM
,

,


مرحبا


اخوي الكريم


من افضل المشاريع المستقبليه باذن الله هو ( الفندق ) بكل انواعه
وخاصه الفنادق الصغيره ابو 3 نجوم و 4 نجوم
يوجد نقص فنادق صغيره بقطر علما ان عليها اقبال كبير وراح يتضاعف الطلب مستقبلا

الفنادق الصغيره ممكن عماره صغيره حتى لو دورين او ثلاث ادوار نستاجرها ونحولها الى فندق نظام الغرف
نحتاج شخص خبرته جيده باداره الفندق الصغير ( الموتيل )

اهم شي الموقع يكون على شارع رئيسي
او بقرب سوق او بقرب شارع تجاري اوبقرب منطقه سياحيه

واذا التكلفه فوق قدراتك الاحسن تكون ( سبونسر ) تسهل الامور الاداريه لهم داخل الدوله مقابل نسبه لاتزيد عن 4% ( سنويه )
او مبلغ ( مقطوع ) في السنه الاولى 300 الف وفي السنوات القادمه يزيد الى ان يصل مليون ريال
حسب حجم الفندق ومستواه وحسب النمو الي يحققه

,

,

اخوك

شموخ دائم
bus3od
22-09-2014, 02:29 AM
ليش ماتستثمر في المجال الاعلامي؟؟؟
عندي فكرة مشروع هو الاول من نوعه في قطر وحاولت اطلع التراخيص اللازمه .. الجهه الاولى وافقت على المشروع ولكن الجهه الثانيه حفظت الموضوع؟؟؟.
للعلم المشروع مب فتح قناه تلفزيونيه او محطة اذاعه لاني ادري ان القنوات الخاصه في قطر ممنوعه في الوقت الحالي!!

مشروعي محتاج"واو"!!

والله اخوي المجال الاعلامي انا ما عندي اي خلفيه عنه كلش ميح في الاعلام
و فكرتي عنه انه صعب يدخل ربح مجزي و انا عندي استعداد اني اسمع وجهة نظرك في هالنقطه و ممكن انك تقنعني
و بالنسبه للمشروع اذا انت سويت له دراسة جدوى و تشوف انه في منه ربح و تبي معاك شريك ( حسب اللي فهمته ) ياليت تعطيني فكره موجزه عنه حتى لو عالخاص
bus3od
22-09-2014, 02:36 AM
,

,


مرحبا


اخوي الكريم


من افضل المشاريع المستقبليه باذن الله هو ( الفندق ) بكل انواعه
وخاصه الفنادق الصغيره ابو 3 نجوم و 4 نجوم
يوجد نقص فنادق صغيره بقطر علما ان عليها اقبال كبير وراح يتضاعف الطلب مستقبلا

الفنادق الصغيره ممكن عماره صغيره حتى لو دورين او ثلاث ادوار نستاجرها ونحولها الى فندق نظام الغرف
نحتاج شخص خبرته جيده باداره الفندق الصغير ( الموتيل )

اهم شي الموقع يكون على شارع رئيسي
او بقرب سوق او بقرب شارع تجاري اوبقرب منطقه سياحيه

واذا التكلفه فوق قدراتك الاحسن تكون ( سبونسر ) تسهل الامور الاداريه لهم داخل الدوله مقابل نسبه لاتزيد عن 4% ( سنويه )
او مبلغ ( مقطوع ) في السنه الاولى 300 الف وفي السنوات القادمه يزيد الى ان يصل مليون ريال
حسب حجم الفندق ومستواه وحسب النمو الي يحققه

,

,

اخوك

شموخ دائم

جزاك الله خير اخوي شموخ دائم

الفندق الاغلب بيكون 4 او 5 نجوم و بعد فكرة الموتيل ممكن تنطرح بس انا بيكون عندي شرط معاهم انه ما يكون فيه خمر و اتوقع هذا بيكون اصعب جزء في التفاوض اذا عندك اقتراحات او نقاط ممكن تكون في صالحي في التفاوض و هل من حقي اذا كنت ( سبونسر) اشترط عليهم هالشرط ؟
شموخ دائم
22-09-2014, 12:39 PM
,

,

مرحبا

اخوي الكريم

جزاك الله كل الخير والله يكثر من امثالك

ما تقدر تشترط شي لانهم هم الطرف ( الاقوى) هم راح يشترطون وجود الشراب والملهى الليلي
والمطاعم وقاعات الاجتماعات والمؤتمرات والافراح

هذي من اساسيات العمل الفندقي والسياحي الي يدخل ربح كبير عليهم وبمجرد طرح الفكره
راح يبحثون عن شخص غيرك هذا 100% السيناريو المتوقع وراح تحس ببرود في المفاوضات
ويمكن ما يجيك رد نهائيا
:)

هم دائما يحطون شرط ( عدم تدخلك في سياسه عمل الفندق او حساباته او التدخل المباشر مع الموظفين )
وانت مسئول فقط عن الامور الاداريه مع مؤسسات الدوله الاعمال الخارجيه وليس داخل
دورك بعيد جدا عن أي شي داخل الفندق

هناك شخصيات فندقيه من المملكه العربيه السعوديه عندهم سلسله فنادق في العالم بدون الشراب
انت تحتاج هذا النوع من الشركاء

الحل الاسهل اقترحت عليك الفندق ال 3 نجوم هو الافضل لك مدخوله جيد ومافيه الشراب وانت تتحكم فيه والقرار لك

ومن بعدها تتدرج الى شي اكبر وتقدر تركز على الشقق ( العائليه المفروشه ) نظام فندقي
عليها طلب كبير جدا من السياح الخليجيين الان بقطرفوق ما تتصور.

بالتوفيق لك

,

,


اخوك

شموخ دائم
السيليه
07-10-2014, 12:02 AM
جزيت خير اخوي شموخ علي النصيحه