يا حظه اللي عنده واسطه

[أبو سعود]

منذ أيام تقابلت مع أحد المواطنين

وقال لي أن أبنته قد أنهت الدراسه

بأحدى الكليات الأجنبيه بالدوحه منذ عام

وقال لحد الآن لم تحصل هي وزميلاتها على الوظيفه

باستثناء طالبه واحده حصلت على الوظيفه

وذلك عن طريق الواسطه لأن والدها معروف


ويقول طوال هذه السنه

قدمت أوراقها لدى جهات عديده من الوزارات والمؤسسات والشركات

لكن كل المحاولات باءت بالفشل


وتساءل وهو متعجب يقول

بناتنا عندهم الشهاده واللغه ولم يتم تعينهن

في حين أجد المقيمين يحصلوا على الوظائف بكل سهوله

وربما بعضهم ماعندهم شهاده جامعيه


فرد عليه أحد الحاضرين على شكل المزاح

غير أسم أبنتك وجنسيتها لأحدى الدول الأجنبيه خاصه المعروفه

الأ وعلى طول الوظيفه تكون جاهزه لها

وربما قرار التعين سيصل عند بيتكم


وتساءل المواطن مب حرام التعب والصبر

اللي عانته أبنته وصديقاتها من الدراسه

وبالأخير تكون الوظيفه ضاعت عنهم

وأصبحت هباءً منثورآ


وقلت له ما تلاحظ أن الوظائف صارت تبتعد عن أهل البلد

بل تتجه للمقيمين بكل سهوله


والدليل

هو كثره تحويل عدد كبير من أهل البلد للتقاعد

وأستبدالهم بالمقيمين تحت حجه التطوير عن طريق أستخدام الخبراء


برنامج وطني الحبيب يشهد على معاناه البعض


نشاهد ونسمع عن كثره الحالات بشبه يومي

تكون بالعشرات أو بالمئات أو بالآف

التي يستقبلها مركز القومسيون الطبي للموظفين المقيمين الجدد


والنقطه الأخيره

هو عدم قبول تعين الكثير من أبناء البلد بالوظائف عند تخرجهم بالجامعات

وأن تم تعينهم فيكون بعد معاناه شديده من البحث عن الوظائف


بينما أبناء المقيمين يحصلون على الوظائف بكل سهوله

وكذلك يتنقلون من وظيفه لوظيفه بكل سهوله


السؤال :

لماذا الواسطه تتجه لفلان وأبن فلان وللمقيمين

بكل سهوله ؟؟؟؟

بينما الواسطه تصب نار غضبها على باقي أهل البلد

خاصه اللي ما عنده أي واسطه

[R 7 A L]

الحديث عن الواسطة ذو شجن
والاغلبية اذا كانت لهم يرغبونها واذا كانت لغيرهم يذمونها

[الماريّة]

الواسطه سبب من الله سبحانه بتسخير اشخاص لاشخاص

ادعو دائما اللهم سخر لي من عبادك من ينفعني وبتتفرج باذن الله :)

[LSBU]

من جد وجد

[حسن]

وش اقول انا من شوي

انا اطالب باجنبه المسؤلين

يعني يحطون لنا مسؤلين كله اوربيين لانهم اكثر مصداقيه من الكثير من في مناصبهم

توني جاي من جهه حكوميه خاصه ومقدم لها على وظيفه لو لد عم لنا كان يشتغل
خارج قطر بوظيفه اعلى من المتقدم لها الحين
يوم راجعنا الا اللي تحت المدير يقول المدير ماوافق
:omg:

قلت له معقوله ولد شاب عنده خبره خارج قطر ويحمل امتيازات وحصانه
وهني اقل تقولون مافي واوظايف
مع العلم ان عندي علم يجيبون موظفين اجانب عرب يعني مهب اوروبيين راقين
الصراحه رحت للمدير وطلبت مقابلته بحكم نائبه حذفه عليه
وقلت اشوف رده هو بنفسه

الصراحه الشيخ عبدالله بن ناصر وش بي بدي يراقب من ولا من

انا اقتراحي انشاء مكتب تابع لجهاز امن الدوله في كل وزاره لرصد التقارير ورفعها
للجهات العليا ليكون عندهم اطلاع حقيقي من هل البشرمرقه
اللي يحطونهم

اتمنى اقابل مسؤل اجنبي اوروبي لمصداقيته وشفافيته
ولا قطري عيار وشلاخ

انا فقدت الثقه فيهم كلش

ما تشوفون منزل موضوع طبل يامطبل

[monatee]

ساس المشكله المسؤول القطري

هو اللي يخش الوظايف حق فلان وعلان

ورفيجتي تدور وظيفه وقابولها وكل شي تمام

واخر شي قالت لها احنا نبيج لكن مدير الموارد البشريه مب راضي يعطيج هالوظيفه

عندج واسطه ؟!!! حد بيتكلم لج بيرضى ،، لان الاخ خاش الوظايف حق مادري من

[حسن]

ساس المشكله المسؤول القطري

هو اللي يخش الوظايف حق فلان وعلان

ورفيجتي تدور وظيفه وقابولها وكل شي تمام

واخر شي قالت لها احنا نبيج لكن مدير الموارد البشريه مب راضي يعطيج هالوظيفه

عندج واسطه ؟!!! حد بيتكلم لج بيرضى ،، لان الاخ خاش الوظايف حق مادري من

اي والله هو ساس المشكله
ولا الدوله مهب مقصره نهائيا ويضغطون عليهم ولكن يد وحده ماتصفق
المسؤل القطري هو السبب

انا اتمنى باجنبه المسؤلين جميعا

:)

[المحاميه]

موضوعك مؤلم


بس لازم نتوكل على الله واهم شي اليقين بقدرة الله وان الله بيحجب عنك الوظيفه او الشغله الفلانيه اذا مافيها خير لك وان شاء الله بتحصل امورك تمام

[ترياق]

والله ياخوي فالحالتين الواسطه اهيه اللي ماشيه انا قطريه مالقيت وظيفه

وزوجي اجنبي وخريج من جامعه معترف فيها وعنده خبره وصارلنا فتره طويله واحنا نبحث

والجهات يقولون احنا ما نوظف الا قطريين و الاغلب عطونا كاش اذا تعرفون حد بيمشيكم يعني بالمختصر واسطه

واحنا ما عندنا الا واسطة رب العالمين

[ودي أكون]

الواسطه سبب من الله سبحانه بتسخير اشخاص لاشخاص

ادعو دائما اللهم سخر لي من عبادك من ينفعني وبتتفرج باذن الله :)
بارك الله فيج .. انا منهم بعد ردج هذا اغلق الموضوع :secret:

لان تم الخلط ف الموضوع بين الواسطه والاجانب .. عندك معرفه بتخلص امورك .. ماعندك طبيعي الواحد بينطر دوره ..

لو كانت المشكله ان الوظيفه مايبونها الا للاجانب .. بنقول معليه ليش وليش .. اما اذا السالفه سالفة واسطه .. فالاخت كفت بالرد

هذا من وجهة نظري والسموحه

[الخيالة]

اليوم رحت مقابله مادري شنو بيصير بس وانا اهناك شفت شكثر اجانب و رواتب خياليه في عمري ماستلمت نفس راتبهم كنت اقول شلون و ليش احنا لا وانا من مواليد قطر مب مواطنة ماقول ماشفت مواطنين بس وايد اجانب شفتهم وانا قاعده احاول عل وعسي احصل راتب حتي لو باربعة الألاف ريال الله كريم

[الدوحه1]

حطوا اساميهم وافضحوهم!!

[المحاميه]

اليوم رحت مقابله مادري شنو بيصير بس وانا اهناك شفت شكثر اجانب و رواتب خياليه في عمري ماستلمت نفس راتبهم كنت اقول شلون و ليش احنا لا وانا من مواليد قطر مب مواطنة ماقول ماشفت مواطنين بس وايد اجانب شفتهم وانا قاعده احاول عل وعسي احصل راتب حتي لو باربعة الألاف ريال الله كريم

توكلي على الله والله ينولج مرادج

نعم الاجانب موجودين ومانقرضوا

يعني لما نطلع نشوف نسبة الاجانب صح ؟ يعني مو معقوله ذيله جايين سياحه او قاعدين ف بيوتهم اكيد يشتغلون ولا ليش جايين

وشي ثاني ان الدوله قاعده تشتغل على موضوع التقطيير

بس اتمنى وجود الكفأه القطريه والعمل تحت الذمه والضمير وبجديه وترك الكماليات والسوالف والاكل للويكند ..

الله يقدر السواعد القطريه على تطوير البلاد ودفعها للافضل

[حسن]

حطوا اساميهم وافضحوهم!!





وين يبا ماتقدر انت في المجتمع الغربي يسون لك مليون قضيه

ماشفت من كم يوم عضو في البرلمان مادري وزير
حذفوه المواطنين في الدارام الزباله الله يعزكم
هناك غير يبه

[R 7 A L]

والله ياخوي فالحالتين الواسطه اهيه اللي ماشيه انا قطريه مالقيت وظيفه

وزوجي اجنبي وخريج من جامعه معترف فيها وعنده خبره وصارلنا فتره طويله واحنا نبحث

والجهات يقولون احنا ما نوظف الا قطريين و الاغلب عطونا كاش اذا تعرفون حد بيمشيكم يعني بالمختصر واسطه

واحنا ما عندنا الا واسطة رب العالمين



الواسطة ماتعرف قطري من غير قطري


واحد من الربع عنده ماجستير ومافيه مكان ماقدم فيه وكلهم يبون خبرة
وللحين مادور واسطة يقول خلني اشوف اخره هالشهادة وين بتوصلني بدون واسطة
وعمرة توه في بداية ال 30

[الخيالة]

توكلي على الله والله ينولج مرادج

نعم الاجانب موجودين ومانقرضوا

يعني لما نطلع نشوف نسبة الاجانب صح ؟ يعني مو معقوله ذيله جايين سياحه او قاعدين ف بيوتهم اكيد يشتغلون ولا ليش جايين

وشي ثاني ان الدوله قاعده تشتغل على موضوع التقطيير

بس اتمنى وجود الكفأه القطريه والعمل تحت الذمه والضمير وبجديه وترك الكماليات والسوالف والاكل للويكند ..

الله يقدر السواعد القطريه على تطوير البلاد ودفعها للافضل

انا ماقلت مايشتغلون بس أنصدم يوم مثلا اشوف مواليد دوحه رواتبهم بسيطه يادوب يمشون امورهم و الأجانب من بره غير السكن البلاش في احسن مكان و حتي الأكل المجاني والتأمين والسيارة و بدل جوال بعد اللي عادي يطلعون لهم ايفون بعد و بدل وايد أمور شنو الفرق بينهم وليش كل هالاختلاف وآخرته يا ما شفت هالاجانب اللي خذوا سلفيات و اشردوا يعني ماعندهم اخلاص جايين و في بالهم شي يسووونه و يروحون الله يوفق الجميع

[ترياق]

الواسطة ماتعرف قطري من غير قطري


واحد من الربع عنده ماجستير ومافيه مكان ماقدم فيه وكلهم يبون خبرة
وللحين مادور واسطة يقول خلني اشوف اخره هالشهادة وين بتوصلني بدون واسطة
وعمرة توه في بداية ال 30

الله يعين ياخوي
والحياه صارت صعبه يعني المسؤوليات كل مالها تزيد والواحد ما يقدر ايتم ينتظر من غير لا يسعى
الله يفرجها علينا وعليه ونلقى الشغل المناسب

[ريتويت]

اهم شي التوفيق فالنهايه

[الجـــوديّ]

اليوم رحت مقابله مادري شنو بيصير بس وانا اهناك شفت شكثر اجانب و رواتب خياليه في عمري ماستلمت نفس راتبهم كنت اقول شلون و ليش احنا لا وانا من مواليد قطر مب مواطنة ماقول ماشفت مواطنين بس وايد اجانب شفتهم وانا قاعده احاول عل وعسي احصل راتب حتي لو باربعة الألاف ريال الله كريم

- جملة اعتراضية -


اطمحي للأكثر علشان الله يعطيج
احلمي بالعشرين والخمسين حتى لو تشوفينهم مستحيل أو ضرب من الخيال..
لأن الله كريم وعند حسن ظن عبده به
لا تطمحين في القليل

[أبو سعود]

ساس المشكله المسؤول القطري

هو اللي يخش الوظايف حق فلان وعلان

ورفيجتي تدور وظيفه وقابولها وكل شي تمام

واخر شي قالت لها احنا نبيج لكن مدير الموارد البشريه مب راضي يعطيج هالوظيفه

عندج واسطه ؟!!! حد بيتكلم لج بيرضى ،، لان الاخ خاش الوظايف حق مادري من

المفروض الوظيفه تكون لمن يستحق

خاصه اللي عنده الكفاءه والخبره

فأن ذلك سيكون مردود أيجابي

وبالتالي سيطور مستوى العمل

أما تكون الوظيفه بالواسطه لفلان وفلان

وهو ماعنده خبره ولا كفؤ

فأن ذلك سيكون مردود سلبي على العمل

[Right]

الواسطة وصلت لأتفه الأمور


أجلكم الله عزوجل ، حتى لو الواحد يبي سيارة شفط مجاري يبي له واسطة !!


فما بالك بوظيفة وغيرها ؟!



أنصحكم كل واحد يدور له واسطة من ذوو العيون الخضر والزرق والشعور الشقر

ويحطه إحتياط !!

[الخيالة]

الواسطة وصلت لأتفه الأمور


أجلكم الله عزوجل ، حتى لو الواحد يبي سيارة شفط مجاري يبي له واسطة !!


فما بالك بوظيفة وغيرها ؟!



أنصحكم كل واحد يدور له واسطة من ذوو العيون الخضر والزرق والشعور الشقر

ويحطه إحتياط !!




قبل كنت اشتغل في مكان كانت تبرع جبدي من اللي اشوفه فلبينيات كل وحده تاخذ درجة و مرتاحه في شغلها غير هاي ان احتاجت شي المدير الاوروبي بره الدوام كان يساعدها في كل شي بس لان عادي اهمه يطلعون مع بعض ويحتفلون و يشربون و ضحك و مصخره طبعا مستحيل احنا نسوي جذيه حتي لو مجبورة و محتاجة وظيفه وفعلا كانوا يعزموني وكنت اقول اسفه احنا حرام عندنا جذيه ومانسوي المصخره اللي انتوا تسوونه غذا عمل عشا عمل حفلة عمل مادري شنو وووو

[Right]

قبل كنت اشتغل في مكان كانت تبرع جبدي من اللي اشوفه فلبينيات كل وحده تاخذ درجة و مرتاحه في شغلها غير هاي ان احتاجت شي المدير الاوروبي بره الدوام كان يساعدها في كل شي بس لان عادي اهمه يطلعون مع بعض ويحتفلون و يشربون و ضحك و مصخره طبعا مستحيل احنا نسوي جذيه حتي لو مجبورة و محتاجة وظيفه وفعلا كانوا يعزموني وكنت اقول اسفه احنا حرام عندنا جذيه ومانسوي المصخره اللي انتوا تسوونه غذا عمل عشا عمل حفلة عمل مادري شنو وووو






الله يآخذهم ويفكنا منهم ، يعني صارت الدرجة والترقية تجي على سواد الوجه


دام الخيط والمخيط عندهم ، من إلي يقدر يتكلم ويفتح حلقه بشيء ؟!

[طلعة الروح]

وايد مقابلات ووايد طلبات بس كلها على فشوش على قولة المصريين.
لين اضطريت أقبل الوظيفه اللي عطوني فيها أوفر عشان افتك من الروحه والرده، مع اني مب مقتنعه انها تناسب شهاداتي وخبراتي.
الوظايف اللي فيها منصب وGrade زين للأسف مب لنا.
حق اللي عنده واسطه أو اللي خاس كم سنة بمنصب واحد وبالصدفه رقوه.
سوري ع التعبيرات السابقه بس هاي واقع الناس اللي عندها خبرة وشهادات وماعندها واسطات.

[POINT]

نعم الاجانب موجودين ومانقرضوا

يعني لما نطلع نشوف نسبة الاجانب صح ؟ يعني مو معقوله ذيله جايين سياحه او قاعدين ف بيوتهم اكيد يشتغلون ولا ليش جايين

وشي ثاني ان الدوله قاعده تشتغل على موضوع التقطيير

بس اتمنى وجود الكفأه القطريه والعمل تحت الذمه والضمير وبجديه وترك الكماليات والسوالف والاكل للويكند ..

الله يقدر السواعد القطريه على تطوير البلاد ودفعها للافضل

ياريت لو أجانب عليهم القيمة، يساهمون في تطوير الوطن والمواطن القطري، بل للأسف قاعدين يشردون المواطن القطري ويذبحون كفاءته للحفاظ عالوظيفه. قاعدين يستهترون بالعمل ويمططونه عشان يتمون اكثر فاكثر لان الراتب خيالي ومستحيييل يلاقونه برى... الأغلب جايين بشهادات الله العالم فيها هذا اذا ماتوظف عن طريق طوايفه الي شغالين "فالاتش ار" بطرق مريبة. ولي يجي الدوحة ويشوف الوضع و حقوق المواطن المهضومة وظيفية يطرش مسج لولد خاله ويالله تعال اهني الوضع سهالات، القسم كله عيال عمنا ما عدى المدير السمنديقه الي كل مانشتكيله من قطري، يصدق و يوقع عالاستقاله!!!!!!

ارجوكم كفى
اذا التقطير للحين مش فعال ولا لهم نية يفعلونه، شوفوا لنا حل فالامراض القهرية الي طالعتلنا كل يوم
وقفوا الابتعاث للخارج، شالفايدة نسافر ونتعلم ونرجع علشان هالاسى كله؟ ولا زال الموظف الاجنبي الي عشت في بلاده سنين أخذ علمه له الافضليه في بلدي حتى لو كان غير منجز ولا فعال!!! وحتى لو كان قاعد يتخبط مهنيا و يجرب فالإدارة ومسموح له يا سبحان الله...... بس اسمه اجنبي و عيونه خضر

السواعد القطرية تقتل فالمهد و تدمر، وينها و وين تنهض بالبلد يا اخي الفاضل
ياريت يكون لهالموضوع حل، وطني الحبيب صباح الخير يصدح، الجرايد تتكلم، الناس تشتكي