ايفون 6 ..... شغل بنقال مانبي !!!

[تركي محمد]

السلام عليكم

قسم التلفونات في المنتدى صار كله

للبيع ايفون 6
للبيع ايفون 6 بلس

تدخل الموضوع .... اغلب التلفونات 16 جي بي . اللي هي اقل نوع من انواع الايفون من ناحية السعه

طيب نجي نتكلم عن الاسعار الرسمية

في الاب ستور ينباع ال16 جي بي بقيمة 649 دولار
يعني بالقطري 2368
حط معاها قيمة الشحن وبدل خطر و بدل بترول و بدل آيل و بدل سفايف بنقول 3000 ريال

في قطر اوريدو و فودافون ينباع بقيمة 2900 ريال

تنصدم تدخل شبكة الاسهم تلاقي التلفون بقيمة 6000 !!!!
والثاني اللي يخاف الله يقول ب 5000

طيب السؤال المهم
هل شركات و محلات قطر اعلنوا ان الكمية محدودة و بعدها ماراح نجيب ؟؟
هل ابل ستور قالوا احنا بنصدر كميه محدوده لمتد ايديشن للايفون 6 ؟؟؟

يا جماعه شغل بنقال مانبي :shy:

التلفون مرده بيكون متوفر في قطر البحرين - السعودية - الامارات ....... الخ الخ الخ
وممكن تطلبه من اب ستور خلال اسبوعين ل 3 اسابيع يوصلك


نصيحه للي يبيعون بالمنتدى

تبي تربح !! ياخي بيعه ب 3200 ، 3300 ،، 3400
اتقوا رب العالمين

ترى اهل قطر مب ميتين جوع وشايفين خير وعندهم تلفونات ،، حسستوني ان التلفون اول مره ينزل بالعالم و لمتد اديشن و بتتصل منه ببلاش !!



من الجهة الثانية تلاقي نفس الشخص اللي جاي يبيع بهالمبلغ ،، يتشكى بموضوع ثاني عن العقارات و شلون الاسعار خياليه مقارنة بالسعر الحقيقي لها
ترى انت مثلك مثله مافرقت عنه :weeping:

اتقوا الله في اخوانكم التجاره شطاره مب استغلال و بوق عيني عينك
اربح محد يقولك لا تربح ،، بس لاتطمع ،، الطمع شين ولك في قصص الطمع عبر و مواعظ

على الطاري
عندي لكم ايفون 6 -128جي بي ذهبي ب 7000 escape

[بريق الحق]

اخوي مش مجبور انك تشتريه
قل خيرا او اصمت

[ودي أكون]

كلامك ف محله بارك الله فيك ..

المهم الايفون 6 اذا بتبيعه على 6900 بدال ال7000 بشتريه :tease:

المهم اكون اول وحده تمسك الايفون 6

^ هاذي عقلية البعض هداهم الله

[تركي محمد]

اخوي مش مجبور انك تشتريه
قل خيرا او اصمت


طيب اصمت لانك ماقلت شي مفيد :shy:

[تركي محمد]

كلامك ف محله بارك الله فيك ..

المهم الايفون 6 اذا بتبيعه على 6900 بدال ال7000 بشتريه :tease:

المهم اكون اول وحده تمسك الايفون 6

^ هاذي عقلية البعض هداهم الله

( لازم اكون اول واحد )

هذا اللي مودينا فداهيه ،، وياريت على شي يسوى : )
شاكر لك المرور الجميل

[بومحمد المطاوعه]

الله يجزاك خير

ف الاحسن الواحد ينتظر

ليش مستعجلين على الجوال

بينترس فالسوق

الصبر مفتاح الفرج

[العلياا]

لا تشتري من عندهم
احجزه عن طريق اوريدو
انا توني حجزت اثنين اطلعوا لي ب 5598 ريال بس

[بو الجوري]

:nop:

كل ساقط وله لاقط ، مع الأسف ..

المشكله يدرون إنه في ناس (......) بيشترون بهالمبلغ ، بس عشان شوفوني خذت آيفون قبلكـم :rolleyes2:


متى يجيني هديه :weeping:




زين عندي آيفون 6 فستقي مقلّم بأصفر 27 قيقا .. للبيع بـ 77.000 تومان فرنسي :tease:

[بومحمد المطاوعه]

لا تشتري من عندهم
احجزه عن طريق اوريدو
انا توني حجزت اثنين اطلعوا لي ب 5598 ريال بس

كفووو

بروح اليوم بحجز 3

[بومحمد المطاوعه]

:nop:

كل ساقط وله لاقط ، مع الأسف ..

المشكله يدرون إنه في ناس (......) بيشترون بهالمبلغ ، بس عشان شوفوني خذت آيفون قبلكـم :rolleyes2:


متى يجيني هديه :weeping:




زين عندي آيفون 6 فستقي مقلّم بأصفر 27 قيقا .. للبيع بـ 77.000 تومان فرنسي :tease:

تستاهل كل خير يالذيب


اي والله

يفوشر جدام ربعه اول شخص ههههه

[العلياا]

كفووو

بروح اليوم بحجز 3

الحجز عن طريق الموقع ينخصم المبلغ من الفيزا والاستلام ب بطاقتك الشخصية

[ودي أكون]

الحجز عن طريق الموقع ينخصم المبلغ من الفيزا والاستلام ب بطاقتك الشخصية
والله زين

اخوي بومحمد احجز لي واحد انا ماعندي فيزا
ومابي اتعبك اكثر انا بستلمه بروحي ان شاءالله هههههه

الله المستعان


ياجماعه حاسبوا بعد يمكن اللي ينباع الصيني لاني سمعت ان في صيني انباع قبل ماينزل ال6
فالاحوط انكم تاخذون من الفروع الرسميه فودافون او اوريدو ايفون 6

ان شاءالله اخر كلمتين مفهومه :shy:

[بونووف]

امس مريت فيديو الصقر .... 9000 ريال :rolleyes2: والمشكله بيوصل اخر الشهر

[بومحمد المطاوعه]

الحجز عن طريق الموقع ينخصم المبلغ من الفيزا والاستلام ب بطاقتك الشخصية

يعطيج العافيه

توني اشوف الموقع

بحجز الحين ان شاءالله

[عاشق العديد]

مستغرب من الناس ميتين عليه ليش شكبره جنه جلكسي معني انا رجعت قطر باليوم الي نزل فيه يعني كنت اقدر اخذه لكن ماعجبني لانه مثل جلكسي

لكن لو اوريدو بيبعون ابي واحد لكن مابي حجز وخرابيط علئ جك بوك

[بونووف]

الحجز عن طريق الموقع ينخصم المبلغ من الفيزا والاستلام ب بطاقتك الشخصية

مب متوفر شي عندهم الا 16gb

[بومحمد المطاوعه]

امس مريت فيديو الصقر .... 9000 ريال :rolleyes2: والمشكله بيوصل اخر الشهر

ههههههههههههههههه

9000 اشتري تواير ورنقات وسفايف للكورفت

[بومحمد المطاوعه]

والله زين

اخوي بومحمد احجز لي واحد انا ماعندي فيزا
ومابي اتعبك اكثر انا بستلمه بروحي ان شاءالله هههههه

الله المستعان


ياجماعه حاسبوا بعد يمكن اللي ينباع الصيني لاني سمعت ان في صيني انباع قبل ماينزل ال6
فالاحوط انكم تاخذون من الفروع الرسميه فودافون او اوريدو ايفون 6

ان شاءالله اخر كلمتين مفهومه :shy:


خير ان شاءالله

انتي اشتري لي

فلوسج وايد
ماشاءالله

[العلياا]

مب متوفر شي عندهم الا 16gb

أي انا حجزت 16 لان القديم نفس السعه وما احمل برامج ف يناسبني
البلاس مخلص
باقي الفضي كمن حبة والذهبي حتى الرمادي مخلص من ال6

[بومحمد المطاوعه]

أي انا حجزت 16 لان القديم نفس السعه وما احمل برامج ف يناسبني
البلاس مخلص
باقي الفضي كمن حبة والذهبي حتى الرمادي مخلص من ال6

بقولج الخصم نفس الوقت ولا

من الفيزا؟

ومتى استلم الجوال

[العلياا]

بقولج الخصم نفس الوقت ولا

من الفيزا؟

ومتى استلم الجوال

أي ينخصم على طول
ويعطيك تفاصيل الطلب تاريخ الشراء ورقم الطلب والسعر ومن أي فرع ل اويدور تحب تستلمه

انا اليوم حجزت والاستلام السبت

[alsoq]

العجله ما منها فايده خل جيزك جيز الناس اشتر معهم شحادك تاخذ قيمه جوالاين بجوال

وكلها كم يوم وترا مابه ذاك الفرق الشاسع من 5 اس

[حسن]

هذا يرجع على عقلية الشراي اذا هو فنان ولا غبي

بحكم اني خبير
اشتريه اذا صار عليه عرض وخصوصا المناسبات
اليوم الوطني وغيره

انا اتعلم اذا انافنان

:)

[بومحمد المطاوعه]

أي ينخصم على طول
ويعطيك تفاصيل الطلب تاريخ الشراء ورقم الطلب والسعر ومن أي فرع ل اويدور تحب تستلمه

انا اليوم حجزت والاستلام السبت

حلووو

الحين جاري الحجززززز

[الخيالة]

مستحيل اشتري تلفون بهالمبلغ حتي ايفون فايف آس اللي عندي رفيجاتي حطوا فلوس كل وحده مبلغ و جابوا لي يوم عيدميلادي أزعل اذا صرفت هالمبلغ للتلفون لان عندي أمور اهم للبيت من جوال بس فعلا غالي بس مثل ماقلت مرده بيتوفر في كل مكان المساله ان بعض الناس يحبون يراوون و يقولون انا اول شخص حصلت علي ايفون الجديد
وايفون بلاس ماعجبني بعد وايد كبير

[fhd4]

أخوي …

أول شي فيه فرق بين الكماليات والأساسيات الحياتية … وبالنسبة للايفون يعتبر من الكماليات البحتة …


اللي يحدد السعر هو الطلب …

لو واحد باع الايفون بـ 20 ألف فهذا حلال عليه بدون خلاف …

لكن الخوف على اللي اشترى هل هو من الاسراف او نية ثانية

دام عندك اللي بيشتري بيع بالسعر اللي يعجبك …

مستحيل يوصل هالسعر اذا مافي ناس يشترون

[العربية نت]

وصف ينطبق على الواقع الي نشوفه فعلاً شغل بنقاليه هههههههههه :eek5: والي يقول الاجهزة الحديثه كماليات فهو عايش في عصر مضى الحين يستطيع الواحد من خلال هالاجهزة يخلص امور كثيرة مثل بنك المرور وغيره بس اشوف اللوم يقع على الي يشتري من هؤلاء فشركات الاتصالات قامت بتوفيره وبسعر منافس ليش تروح لهم :) ويجب على اوريدو وفودافون توفيره بكميات اكبر

[Charisma]

مرحبا اخوي ..

بالنسبه لموضوع الايفون والاسطوانه السنوية المعاده .. بحيث تستغل المحلات والتجار طرح الجوال في الاسواق العالميه وتأخره في اسواقنا المحليه .. وعرضه باسعار خياليه ومبالغ فيها .. احنا مابيدنا شي وتاكد لو قلت له " ياخي حرام عليك ليش حاط هالسعر وترى انت مبالغ في سعره و و و .. الخ " ماراح يلتفت ولا لكلمه من اللي تقولة .. الحل انك لاتشتري من عنده وانا ماشتري من عنده وغيرنا مايشترون من عنده .. اهني بيعيد حساباته .

هالسنه الوضع اختلف .. شاركت اوريدو وفودافون في توزيع الدفعه الثانيه " بعد امريكا وبريطانيا وهونغ كونغ وسنغافورة ..الخ " واللي هي تاريخ 27 ولو ان الاسعار لك عليها شوي لانها اغلى من الاسعار الرسميه بـ 200 ريال .. على العموم هذي تعتبر صفعه قوية للمحلات لان في السابق كانت تنزل الجوال بعد صدورة الرسمي بشهرين وثلاثه ..

نصيحه للجميع لاتتسرعون بشراء الجوال من المحلات باسعار مبالغ فيها + لاضمان ولاغير .. خصوصا ان الدفعات الاولى قد تكون فيها عيوب مصنعيه .. وانتظروا فودافون واوريدو وفيرجن ودي جي شرف وجرير للي ماحجزوا لانهم بينزلون كميات كل فتره .. وبالتوفيق للجميع

[sweet qatar]

والله الأسعار تهون عند الأسلوب

صدمني أسلوب أحد التجار.. :omg:


( عَنْ جَابِرِ بْنِ عَبْدِ اللَّهِ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ*رَحِمَ اللَّهُ*عَبْدًا سَمْحًا*إِذَا بَاعَ*سَمْحًا إِذَا اشْتَرَى سَمْحًا إِذَا اقْتَضَى)

[بومحمد المطاوعه]

والله الأسعار تهون عند الأسلوب

صدمني أسلوب أحد التجار.. :omg:


( عَنْ جَابِرِ بْنِ عَبْدِ اللَّهِ قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ*رَحِمَ اللَّهُ*عَبْدًا سَمْحًا*إِذَا بَاعَ*سَمْحًا إِذَا اشْتَرَى سَمْحًا إِذَا اقْتَضَى)


صدقتي

بعيد الشر

البعض الله يستر عليهم

[نوار قطر]

الصراحه انا مستغربه من الهبه الي طالعين فيها على الايفون ،،، الكل مستخف عليه والي عنده ايفون6 يزابي ،، ليش ليش ،، ترى كله جوال والسوق بينبط منه بس انطرو شهر ،، مادري ليش مستعيلين ،،

[بومحمد المطاوعه]

اي والله اختي نوار قطر

[puree]

المشكلة مب في البائع .. المشكلة من اللي يشترون !

[Azizuk]

ترا حتى في أمريكا مب زحمه مثل قبل

ناس ترقد عند المحلات تنظر دورها

واحد من الشباب راح ثالث يوم نزل واشتراه ومافي زحمه

والإقبال عليه عادي جداً

عن نفسي مهب مطيور

راح انتظر لين ينزل في السوق

يازين السامسونغ لا صجه وإلا رجه

ينزل في السوق وتحصله في كل مكان وجميع الألوان

وأشوف أوروبا وآسيا اكثر الناس عندهم سامسنغ

[ANONYMOUS]

البنقالي اللي بيشتريه وهو مش مقتنع بالسعر وبيقعد يأذينا انه شراه بغالي

[دايموند]

يالبنقاليه هههههه

[المحقق كونان]

عاد حجم 16جيجا مب مرغوب ومتوفر في اوريدوو والتجار مدبليين سعره والمشكله في ناس تشتري بس عشان الزبو

وبينزل في اوريدوو وفودافون ومكتبة جرير وفيرجن واللولو

[طبيب قطري]

تصدقون عاد انا ماعمري دخلت سوق التلفونات بالمنتدى .. بروح اشوفه وراجع !

[هبوب الكوس]

اخوي مش مجبور انك تشتريه
قل خيرا او اصمت

يعني كل اللي قاله في توعية الناس بالاسعار الحقيقية والمناسبة مب خير :)

[الوسيط العقاري]

باشتري أيفون 6

لين ماتصير عليه تنزيلات 50 %

[POINT]

البنقالي اللي بيشتريه وهو مش مقتنع بالسعر وبيقعد يأذينا انه شراه بغالي

فعلا هههههههههههه

أنا عن نفسي، راح انتظر شوي وأشوف
جايز يكون فيه عيوب و ديفكتس؟ اصبروا خلنا نشوف الميديا و آراء الكستمرز

[CH Engineer]

عندي iphone 5s وماشوف في فرق بينه وبين الايفون6 زادت السرعه شوي ماراح يأثر والايفون الي عندي عمره ماعلق وسريع
والبطاريه صارت اقوى بشوي والشاشه زادت حجمها يعني ماتغير شي لان حجم الشاشه اكبر وتحتاج بطاريه اقوى وساعات العمل والاتصال نفس الشي
وكل المواصفات الثانيه نفسها ماتغيرت

والايفون 6 بلس حجمه مبالغ فيه وين تحطه فجيبك وتشيله معاك
بس بشوف احتمال اخذه وابيع اللاب توب اذا ينفع..


ننتظر ايفون7

[Super Cool]

كيف نوصفهم؟

التم المتعوس على خايب الرجا

[limited]

مع احترامي لراعي الموضوع معلوماته كلها غلط من ناحية السعر

[بن مفتاح]

للاسف محد سبب ارتفاع الاسعار الا احنا .. !!

كل(ن)يبي يتميز عن غيره .. وفترة وينتهي هالتميز .. ويعيش وينتظر تمز جديد .. عجبي لبعض الناس .......!!!

انا ما زال عندي ايفون 4 وماني مستعجل على تغييره .. لحد الان موفي بالغرض المطلوب منه .. لاحقين على التغيير ..

وعجبتني تغريدة لا اتذكر صاحبها تقول .. البعض سيشتري الايفون 6 بمبلغ وقدره .. وعندما يأتي وقت الاضحية سيقول ان اسعار الاضحية غالية .. عجبــــي ..

[شبح الصمت]

منشن حق أصدقائي الثلاثة

@ بوحارب
@ بوالجوري
@ عطر فرنسي





بتشترون لي الفووون صح ..

حلو عجيب

:shy:

[Super Cool]

للاسف محد سبب ارتفاع الاسعار الا احنا .. !!

كل(ن)يبي يتميز عن غيره .. وفترة وينتهي هالتميز .. ويعيش وينتظر تمز جديد .. عجبي لبعض الناس .......!!!

انا ما زال عندي ايفون 4 وماني مستعجل على تغييره .. لحد الان موفي بالغرض المطلوب منه .. لاحقين على التغيير ..

وعجبتني تغريدة لا اتذكر صاحبها تقول .. البعض سيشتري الايفون 6 بمبلغ وقدره .. وعندما يأتي وقت الاضحية سيقول ان اسعار الاضحية غالية .. عجبــــي ..

تعرف ليش؟؟؟

بعض الناس شكلهم ستاندرد و أخلاقهم ستاندرد و انجازهم فالعمل ستاندرد
و ذكائهم ستاندرد و سواقتهم "تحت الستاندر" ولا في أي شي يميزهم خير شر

بالتالي الحل يشترون شي يميزهم

[شبح الصمت]

فيني طبع ما احب اغير تلفوني الا لين يقولي تكفى خلاص تراني مقدر اكمل معاك خلني ارتاح منك


بس ان جاني هديه ماقول لا

ههههههههاي

[الزعفراني]

ياخوي وين المشكلة في الموضوع .. في ناس فلوسها زايده .. وتبي تشتري الشي اول ما ينزل .. وقبل الكل .. سمه تميز سمه مفوشر سمه اللي تسميه .. فلوسه وهو حر فيها
وترى لين دفع في الجهاز 5000 الاف ريال .. ثرى يدري انه بينزل الدوحة بأقل من هالسعر .. ويدري انه ينباع برا أقل من هالسعر .. بس هو هذا مزاجه وماعنده مشكله يدفع هالمبلغ
مقابل انه يكون عنده الجهاز قبل لا ينزل رسمي في قطر

والشخص اللي يعرض هالجهاز بهالقيمة اكيد يبي يتربح من وراه .. واكيد يدري ان سعر الجهاز بينباع اقل اول ماينزل في قطر .. يعني اللي يعرض الجهاز بهالسعر انت مش مستهدف عنده

المستهدف الشخص الدفيع اللي ما يفتكر ويبي الجهاز يكون عنده قبل لا ينزل بدون عباله انه يطلبه من بريطانيا والا أمريكا والا غيره .. واكيد لين يدفع فيه هالمبلغ هو مقتنع وراضي ..

وبس والله

[Super Cool]

ياخوي وين المشكلة في الموضوع .. في ناس فلوسها زايده .. وتبي تشتري الشي اول ما ينزل .. وقبل الكل .. سمه تميز سمه مفوشر سمه اللي تسميه .. فلوسه وهو حر فيها
وترى لين دفع في الجهاز 5000 الاف ريال .. ثرى يدري انه بينزل الدوحة بأقل من هالسعر .. ويدري انه ينباع برا أقل من هالسعر .. بس هو هذا مزاجه وماعنده مشكله يدفع هالمبلغ
مقابل انه يكون عنده الجهاز قبل لا ينزل رسمي في قطر

والشخص اللي يعرض هالجهاز بهالقيمة اكيد يبي يتربح من وراه .. واكيد يدري ان سعر الجهاز بينباع اقل اول ماينزل في قطر .. يعني اللي يعرض الجهاز بهالسعر انت مش مستهدف عنده

المستهدف الشخص الدفيع اللي ما يفتكر ويبي الجهاز يكون عنده قبل لا ينزل بدون عباله انه يطلبه من بريطانيا والا أمريكا والا غيره .. واكيد لين يدفع فيه هالمبلغ هو مقتنع وراضي ..

وبس والله

في مشكلة اشلون مافي مشكلة...مب بس كل من عنده قرشين يدفع اي سعر و كيفه...أو اللي عنده بضاعة يرفع
السعر على كيفه لا ترى هذي تضر السوق كله بكل المستهلكين الي فيه...ولا ليش حطوا حماية المستهلك؟...يبي
يفوشر أو غيره هذا الله يحاسبه آخر همي لكن مب يجي يضر باقي الزباين...انا بوصل لك اياها بطريقة ثانية

انت واقف عند إشارة حمرة و منتظر فالسيد حالك حال غيرك و محترم نفسك و غيرك..الإشارة تقلب و تصير خضرة
بس واحد من السيد المقابل قرر انه يقطع إشارته الحمرة و يعبر قبلك...هو أولاً "ما عنده إستعداد ينتظر" و ثانياً
"عنده فلوس" و مب مفتكر في المخالفة...انت شنو موقفك وقتها؟ تقول فلوسه و كيفه ولا تقول له احترم غيرك؟

[الزعفراني]

في مشكلة اشلون مافي مشكلة...مب بس كل من عنده قرشين يدفع اي سعر و كيفه...أو اللي عنده بضاعة يرفع
السعر على كيفه لا ترى هذي تضر السوق كله بكل المستهلكين الي فيه...ولا ليش حطوا حماية المستهلك؟...يبي
يفوشر أو غيره هذا الله يحاسبه آخر همي لكن مب يجي يضر باقي الزباين...انا بوصل لك اياها بطريقة ثانية

انت واقف عند إشارة حمرة و منتظر فالسيد حالك حال غيرك و محترم نفسك و غيرك..الإشارة تقلب و تصير خضرة
بس واحد من السيد المقابل قرر انه يقطع إشارته الحمرة و يعبر قبلك...هو أولاً "ما عنده إستعداد ينتظر" و ثانياً
"عنده فلوس" و مب مفتكر في المخالفة...انت شنو موقفك وقتها؟ تقول فلوسه و كيفه ولا تقول له احترم غيرك؟

وين أخوي انت بعدت في الموضوع بارك الله فيك .. وهو ابسط من اللي تتوقعه .. ماله خص انه يضر السوق .. وحماية المستهلك ماتسوي لك شي بتقوله هذا سوق حر عرض وطلب بتلقى فيه الايفون على 5000 ريال
وعلى 3000 ريال وعادي على 1000 ريال .. انا وانت مش مجبورين نشتري بـ 5 الاف .. لكن حمّود بوراس ماعنده مشكلة يشتري بـ 5 الاف .. كيفه فلوسه .. ولو حمّود مب موجود مالقيت الناس تعرض الجهاز بهالاسعار ..

واللي يعرض الجهاز بهالسعر تأكد ما يدور عليك او يدور على النوعية اللي مثلي مثل ماذكرت فوق ولكن يدور الناس اللي فعلا تبي تتملك الايفون قبل الكل وقبل لا ينزل .. وذي شي راجع لهم ومشكلتهم هم

مب مشكلتي او مشكلتك .. ولا مشكلة اللي يعرض الايفون بهالسعر ..

اليوم الناس فاهمه وتعرف مب نفس قبل .. واللي يشتري الجهاز بهالقيمة وهو ماعنده خبر بسعره الاصلي وعقب يتم يصيح ويولول انقص علي تبقى ذي مشكلته بعد

لذلك اللي يبيع الجهاز بهالقيمة ما ضرني ولا ضرك .. واللي يشتري الجهاز بهالقيمة بعد ماضرني ولا ضرك ..

فالموضوع عادي .. وبس والله

[بوجاسـم]

ياخوي وين المشكلة في الموضوع .. في ناس فلوسها زايده .. وتبي تشتري الشي اول ما ينزل .. وقبل الكل .. سمه تميز سمه مفوشر سمه اللي تسميه .. فلوسه وهو حر فيها
وترى لين دفع في الجهاز 5000 الاف ريال .. ثرى يدري انه بينزل الدوحة بأقل من هالسعر .. ويدري انه ينباع برا أقل من هالسعر .. بس هو هذا مزاجه وماعنده مشكله يدفع هالمبلغ
مقابل انه يكون عنده الجهاز قبل لا ينزل رسمي في قطر

والشخص اللي يعرض هالجهاز بهالقيمة اكيد يبي يتربح من وراه .. واكيد يدري ان سعر الجهاز بينباع اقل اول ماينزل في قطر .. يعني اللي يعرض الجهاز بهالسعر انت مش مستهدف عنده

المستهدف الشخص الدفيع اللي ما يفتكر ويبي الجهاز يكون عنده قبل لا ينزل بدون عباله انه يطلبه من بريطانيا والا أمريكا والا غيره .. واكيد لين يدفع فيه هالمبلغ هو مقتنع وراضي ..

وبس والله




وين أخوي انت بعدت في الموضوع بارك الله فيك .. وهو ابسط من اللي تتوقعه .. ماله خص انه يضر السوق .. وحماية المستهلك ماتسوي لك شي بتقوله هذا سوق حر عرض وطلب بتلقى فيه الايفون على 5000 ريال
وعلى 3000 ريال وعادي على 1000 ريال .. انا وانت مش مجبورين نشتري بـ 5 الاف .. لكن حمّود بوراس ماعنده مشكلة يشتري بـ 5 الاف .. كيفه فلوسه .. ولو حمّود مب موجود مالقيت الناس تعرض الجهاز بهالاسعار ..

واللي يعرض الجهاز بهالسعر تأكد ما يدور عليك او يدور على النوعية اللي مثلي مثل ماذكرت فوق ولكن يدور الناس اللي فعلا تبي تتملك الايفون قبل الكل وقبل لا ينزل .. وذي شي راجع لهم ومشكلتهم هم

مب مشكلتي او مشكلتك .. ولا مشكلة اللي يعرض الايفون بهالسعر ..

اليوم الناس فاهمه وتعرف مب نفس قبل .. واللي يشتري الجهاز بهالقيمة وهو ماعنده خبر بسعره الاصلي وعقب يتم يصيح ويولول انقص علي تبقى ذي مشكلته بعد

لذلك اللي يبيع الجهاز بهالقيمة ما ضرني ولا ضرك .. واللي يشتري الجهاز بهالقيمة بعد ماضرني ولا ضرك ..

فالموضوع عادي .. وبس والله

قلت المفيد الله يجزاك خير

[غايه الطواش]

في فتوى قريتها تقول ان الربح 100% يعتبر حرام
عاد وين قريتها الله واعلم

[لـبـيـه]

والي يقهر يحجزون ويشترون باغلى الاسعار واخرتها ليش عشان يعطي لايكات على صبع هذي والى البنت تعطي لايك على همبرغر مزبد

[تركي محمد]

مع احترامي لراعي الموضوع معلوماته كلها غلط من ناحية السعر

صححها اذا انا غلطان فديت خشمك
الاسعار خذتها من المواقع الرسمية ماجبتها من عندي : )
شرفني مرورك و مرور الاخوان جميعاً

[يمامـة]

اعجبني الموضوع

فشكرا اوي خالص جدا عليه..


بالفعل وجود الفلوس في ايادي السفهاء مع احترامي للجميع
يخليهم يتصرفون تصرفات تضحك المجنون عليهم..

معليه ايفون سكس نزل او بلاس نزل.. شنهو اللي بيميزني عن خلق الله
لو اني أكون اول من يشله ما بين يدي وادفع فيه 7000 ريال؟

المشكلة هالنوعية من الناس ما تعرف من الجوال الا اسمه ولونه وسعته بس..

شنهي هالمميزات اللي بتخليني اخذ جوال سعره 3000 ريال بينزل عقب شهر
فادفع فيه 7000 او 6000 او 5000 او 4000 او 3500
وهو أساسا بينباع على 3000 ؟

اللهم عافنا مما بلاهم يارب..

انا لو عطوني إياه هدية ماخذته هالايفون..

ياربي اشكرني على ثقتي بجوالي اللي في يدي...

[تركي محمد]

استغلال حاجة الناس برفع سعر الهاتف لانه يعرف انه مطلوب ،، و هذا يسمى فقهياً ( احتكار )

و الرسول عليه الصلاة و السلام قال :

لا يحتكر الا خاطئ

البائع يبحث عن الربح ،، ولكن منطقيا الربح بضعف مبلغ الهاتف !! يعتبر استغلال واضح

مشكورين عالرورو و الاراء وهذا رايي

[ضوى]

اعجبني الموضوع

فشكرا اوي خالص جدا عليه..


بالفعل وجود الفلوس في ايادي السفهاء مع احترامي للجميع
يخليهم يتصرفون تصرفات تضحك المجنون عليهم..

معليه ايفون سكس نزل او بلاس نزل.. شنهو اللي بيميزني عن خلق الله
لو اني أكون اول من يشله ما بين يدي وادفع فيه 7000 ريال؟

المشكلة هالنوعية من الناس ما تعرف من الجوال الا اسمه ولونه وسعته بس..

شنهي هالمميزات اللي بتخليني اخذ جوال سعره 3000 ريال بينزل عقب شهر
فادفع فيه 7000 او 6000 او 5000 او 4000 او 3500
وهو أساسا بينباع على 3000 ؟

اللهم عافنا مما بلاهم يارب..

انا لو عطوني إياه هدية ماخذته هالايفون..

ياربي اشكرني على ثقتي بجوالي اللي في يدي...

اما انا لو يجيني هدية مب قايلة لا

يازين الايفون ، بس 6 ماعجبني وايد مافرق عن الطابوقة الجالاكسي

[يمامـة]

اما انا لو يجيني هدية مب قايلة لا

يازين الايفون ، بس 6 ماعجبني وايد مافرق عن الطابوقة الجالاكسي

شوفي من الجميل ان نعطي الشيء حقه..

ايفون 6 يستحق الاقتناء خاصة بعد جيل من الهواتف القزمة من ابل

وليش يستحق الاقتناء؟

لأن شاشته أكبر .. واليوم الجوال ما عاد للاتصال فهو صار كمبيوتر
فليس من الحكمة يا عزيزتي ضوى ان تخسرون نظر عيونكم في شاشات ام صبع ونص..

فلاحظي كل شي في العالم يتجه الى التصغير الا تقنية الشاشات هي اللي كل مالها تكبر
فهذا من صالح البشرية..

وما زلت مصرة ان هالايفون مستحيل اشله في يدي حتى لو كان هدية وفوقه عشرة الاف ريال..
ياربي جدا اشكرني على صراحتي..

[يمامـة]

استغلال حاجة الناس برفع سعر الهاتف لانه يعرف انه مطلوب ،، و هذا يسمى فقهياً ( احتكار )

و الرسول عليه الصلاة و السلام قال :

لا يحتكر الا خاطئ

البائع يبحث عن الربح ،، ولكن منطقيا الربح بضعف مبلغ الهاتف !! يعتبر استغلال واضح

مشكورين عالرورو و الاراء وهذا رايي


يا تركي .. ما اعتقد الحاصل يسمى احتكار..

الاحتكار هو انك تخبئ بضاعة معينة من العرض ومن ثم تعرضه بأسعار خيالية
او انك تكون وكيل لبضاعة معينة وتتحكم في السعر ..

اما اللي حاصل في سالفة الايفون

ان جهل الناس وقلة عقولهم هي اللي ترفع من سوق النصابين..

فاللي يحصل هذا نصب .. ولابد من التبليغ على من يقوم ببيع السلعة بهذا السعر الكبير..

محتاجين دور اكبر لحماية المستهلك..

وينه مسيو همر بيك.. اللحين بيقول مب من اختصاص حماية المستهلك متابعة الأسعار
!!

[ضوى]

شوفي من الجميل ان نعطي الشيء حقه..

ايفون 6 يستحق الاقتناء خاصة بعد جيل من الهواتف القزمة من ابل

وليش يستحق الاقتناء؟

لأن شاشته أكبر .. واليوم الجوال ما عاد للاتصال فهو صار كمبيوتر
فليس من الحكمة يا عزيزتي ضوى ان تخسرون نظر عيونكم في شاشات ام صبع ونص..

فلاحظي كل شي في العالم يتجه الى التصغير الا تقنية الشاشات هي اللي كل مالها تكبر
فهذا من صالح البشرية..

وما زلت مصرة ان هالايفون مستحيل اشله في يدي حتى لو كان هدية وفوقه عشرة الاف ريال..
ياربي جدا اشكرني على صراحتي..

البس نظارة واكتب بصبع ونص ولا امسك طابوقة بيدي

[تركي محمد]

يا تركي .. ما اعتقد الحاصل يسمى احتكار..

الاحتكار هو انك تخبئ بضاعة معينة من العرض ومن ثم تعرضه بأسعار خيالية
او انك تكون وكيل لبضاعة معينة وتتحكم في السعر ..

اما اللي حاصل في سالفة الايفون

ان جهل الناس وقلة عقولهم هي اللي ترفع من سوق النصابين..

فاللي يحصل هذا نصب .. ولابد من التبليغ على من يقوم ببيع السلعة بهذا السعر الكبير..

محتاجين دور اكبر لحماية المستهلك..

وينه مسيو همر بيك.. اللحين بيقول مب من اختصاص حماية المستهلك متابعة الأسعار
!!

الاحتكار فقهيا معناه
استغلال حاجة النـــاس

يعني تستغلين حاجتهم في شئ معين تجبرهم انهم ياخذونه منج

وهذا اللي حاصل ... اسحبوا كل التلفونات اللي في اوريدو خلال ربع ساعه من فتح الطلبات
وصاروا يبيعونه بالضعف لان حاجة الناس صارت عندهم و هم يستغلون هذا الوقت بالذات

مجرد مايتم توفيره في السوق ينتهي هذا الاستغلال و يرجع السعر طبيعي وهم مجبورين عليه

و كلامج صحيح فئة من الناس خذوا التلفونات و خبأوها عندهم ... السوق مافيه تلفونات ... اعرضوا التلفونات الي عندهم بسعر خيالي : )

هذا رأيي و هذا معنى الاحتكار من الناحيه الفقهيه اللي قرأته واستفسرت عنه

[يمامـة]

البس نظارة واكتب بصبع ونص ولا امسك طابوقة بيدي

مردج للطابوقة الايفونية

لأن حسب ما قالت لي مستشارتي الخاصة .. ان ما بينتجون نفس حجم الايفون بو صبع ونص اللي عندج
حزتها بتشلين الايفون الطابوقة ......................> اللي تقول مستشارتي انه نفذ خلال ثواني مع فتح
باب الطلبات..

[يمامـة]

الاحتكار فقهيا معناه
استغلال حاجة النـــاس

يعني تستغلين حاجتهم في شئ معين تجبرهم انهم ياخذونه منج

وهذا اللي حاصل ... اسحبوا كل التلفونات اللي في اوريدو خلال ربع ساعه من فتح الطلبات
وصاروا يبيعونه بالضعف لان حاجة الناس صارت عندهم و هم يستغلون هذا الوقت بالذات

مجرد مايتم توفيره في السوق ينتهي هذا الاستغلال و يرجع السعر طبيعي وهم مجبورين عليه

و كلامج صحيح فئة من الناس خذوا التلفونات و خبأوها عندهم ... السوق مافيه تلفونات ... اعرضوا التلفونات الي عندهم بسعر خيالي : )

هذا رأيي و هذا معنى الاحتكار من الناحيه الفقهيه اللي قرأته واستفسرت عنه

مب مختلفة معاك ابدا خالص من اللي تقوله..

لكن بعد لازم تكون هناك وقفة لمن يشتري من مزودي الخدمة في قطر ويرفع السعر اضعاف مضاعفة
عيني عينك في إعلانات ومنتديات ومدونات وتويتر وانستغرام بأسعار خيالية..
وجزاك الله خير على التنبيه...

[المبرمج صلاح]

البس نظارة واكتب بصبع ونص ولا امسك طابوقة بيدي

تذكر دائما أنك بمرور السنوات ستتغير كثيرا ، ستحب ماكنت تكره وربما تكره ماكنت تحب ستنسى ماتعلقت به ، وستمضي الحياة لتجعل منك شخصا لا يشبهك

توقعيك اعجبني من فترة وطبقته على نفسي والان اقدر اطبقه عكلامك عجلة التقدم التكنولوجي متسارعة اسرع مما نتخيل حتى اسرع من قناعتنا الشخصية

[المبرمج صلاح]

بالنسبة للموضوع اتوقع مسئولية المشكلة مشتركة بين الاتنين البائع والمشتري اللي اكبر همه في الدنيا المظاهر فقط لاغير ( المفشور عقولتكم )
والنسبة الاكبر في المشكلة تقع عالمشتري ولكن في الاخير لا نستطيع ان نمنعه طالما لا يضر بمصالح المجتمع او باشخاص اخرين غيره
هو حر في فلوسه ان شاء الله يشتري حمام ويطيره

للاسف انا منصدم مما يحدث في سوق الجوالات حاليا ليس من رفع السعر او بعض الاستغلال الموجود

الا من ثقافة الناس وطريقة تفكيرهم وشدة التنافس بينهم على اقتناء شي كل ما يكتسبه من وراه انه هو الاول اللي امتلكه
في الاول والاخير هو مجرد جهاز تلفون لن يغير شي في حياتنا بيحسسوني انهم ما عندهم تلفون من قبل وهم اغلبيتهم يملكون احدث الجوالات من قبل فالتاخير في شراء الجهاز لن يضرهم بشي ولكن سبحان الله العقول والثقافات تختلف

[عضو مشاكس]

شغل بنقال هههههههههه

[المحاميه]

هههههه
والله اشكرك من اعماق قلبي
فعلا نصب
من 2000 لين 9000 حسبي الله ونعم الوكيل عالنصب

وانا مب معوره راسي ولا افكر في الايفون ذي اللي سندرتونا عليه
اخرتها بطلعون عيوب الدنيا فيه

[الدوحه1]

ايفون 6 ..... شغل بنقال مانبي !!!

مادري ليش استعملت "بنقال" مع ان في بعض الجنسيات العربيه "اوسخ" من البنقال في النصب والاحتيال؟؟؟

[بومحمد المطاوعه]

مادري ليش استعملت "بنقال" مع ان في بعض الجنسيات العربيه "اوسخ" من البنقال في النصب والاحتيال؟؟؟

ههههههههه

في منتصف الجنسيات

الله يهديهم ياخوي

الحرامي حرامي
سواء كان قطري ولا بنقالي ولا عربي

الله يهديهم يارب

[زود الهموم]

يعرضه بمليون بكيفه فلوسك في جيبك وتلفونه عنده

[سهم صعب]

إذا كان لديك هاتف "أيفون 6 بلس"، فلا تضعه في جيب البنطلون إذا كنت تعتزم الجلوس لفترة طويلة، فقد يتعرض للثني.. هذا ما ذكره موقع " mashable" المختص بالتكنولوجيا، الذي بين أن العديد من التقارير على منتدى شركة أبل أوضحت أن هاتف "آي فون 6 بلس" يتعرض للانثناء داخل جيب البنطلون أثناء الجلوس لفترة طويلة.

أحد أعضاء المنتدى نشر صورة لهاتفه الآيفون الجديد الذي كان يضعه في الجيب الأمامي لبنطلونه خلال ساعات قليلة أثناء قيادة السيارة، حيث بدى أن التليفون قد تعرض لانثناء.

90212


راحت فلوسنا ياحسين :cry2::cry2:

المصدر (http://dotmsr.com/ar/605/1/86251)

[ودي أكون]

إذا كان لديك هاتف "أيفون 6 بلس"، فلا تضعه في جيب البنطلون إذا كنت تعتزم الجلوس لفترة طويلة، فقد يتعرض للثني.. هذا ما ذكره موقع " mashable" المختص بالتكنولوجيا، الذي بين أن العديد من التقارير على منتدى شركة أبل أوضحت أن هاتف "آي فون 6 بلس" يتعرض للانثناء داخل جيب البنطلون أثناء الجلوس لفترة طويلة.

أحد أعضاء المنتدى نشر صورة لهاتفه الآيفون الجديد الذي كان يضعه في الجيب الأمامي لبنطلونه خلال ساعات قليلة أثناء قيادة السيارة، حيث بدى أن التليفون قد تعرض لانثناء.

90212


راحت فلوسنا ياحسين :cry2::cry2:

المصدر (http://dotmsr.com/ar/605/1/86251)

:confused:

عادي اذا انثنه .. حاول تقعد عليه عالطرف الثاني بيتعدل :rolleyes2:

المهم ياجماعه حتى لو انثنى .. عادي طرشوه لي اياه انا بستخدمه مو مشكله

[أمير المحبه]

اخوي كل واحد على حسب مقدرته اخوي تركي

يعني في ناس تدفع وفي ناس تنطر

ترا مهما نصحت مردهم بيشترون الايفون 6 قبل لا ينزل