المساعد الشخصي الرقمي

مشاهدة النسخة كاملة : بخصوص برنامج الدرب - الخطوط الجوية القطرية


مدققة جامعية
21-09-2014, 02:16 PM
سلام عليكم و رحمته الله و بركاته

حابة اطرح عن برنامج الخطوط الجوية القطرية (الدرب) قدمت برنامج تطوير الخريجيين الجدد اقصد من الجامعة و تخصص مطلوب

سويت معاهم مقابلة .... و حسسوني اني ما افلح بالبرنامج معني اسست نفسي من اول ما تخرجت من المدرسة و دخلت كليه النورث واشتغلت و معاي بكالريوس و لغتي الانجليزية جيدة و مع هذا جاو واحتجوا على اني ضعيفة في القرامر من خلال الاسبكينغ مالي

و المشكلة الي تقيمني عربية اوني اقدر ادقق في اللغة سويت اكثر من اربع مقابلات حق برامج تدريبية و ربي يشهد ان الكل كان منبهر من الطريقة الي طورت نفسي فيه

من البداية يدخلونك بإحباط و فوق هذا قالوا لي يبين عليج خجولة كنت اجاوب على اسألتهم بكل ثقة و لاباقة ...... الله يسامحهم بس
بريق الحق
21-09-2014, 02:17 PM
خيره من رب العالمين
ودي أكون
21-09-2014, 02:26 PM
اذا اتحسين انهم اظلموج ف حقج عند رب العالمين موب ضايع حبيبتي
واعتبريها خيره لج وهو الافضل لج حبيبتي
عاشق العديد
21-09-2014, 02:27 PM
ههه قطريه يبيلهم واحد مثلي يدخل برفسة باب عشان يقولون هذا ماعندوش مشاكل صارت معاي وانتهت المقابله بهواش
وحيد-الشوق
21-09-2014, 07:18 PM
خيره لج ان شاء الله بدال ماتشتغلين مع جنسيات لا اود ذكرها بتكرهين الشغل بعدها

القطرية اسم على غير مسمى
POINT
21-09-2014, 07:37 PM
الحين طايحين بموضه في توظيف القطريات، كل مابغوا يصرفون وحده قالوا خجولة ماتنفع
شتبونها تسوي؟ تطبل وتتقهقه لآخر الممر؟؟

لاحول الله يارب، معليه أختي الكريمة، الخيرة فيما اختاره الله
جايز صلاح
Super Cool
22-09-2014, 07:47 AM
اختي هل انتي فعلاً ضعيفة في الغرامر ولا لا؟ نبي اجابة صريحة
الجـــوديّ
22-09-2014, 11:51 AM
امممم

استفيدي من التجربة أختي

الشركات الكبيرة يبيلها تكونين انتي واعية لهم لان المقابلات الشخصية
البعض يتفنن فيها حتى لو اتحسين يبون يطفشونج

يمكن هي كانت تبي تختبر ثقتج بنفسج ...
وطبعاً بتقارنج مع أفضل واحد قابلوه واقنعهم باسلوبه وأداءه لأي درجة هو واثق من نفسه

او يمكن فعلا عندج اخطاء في القرامر - بنفترض جدلا على اساس الهنود
اللي تارسين القطرية ما عندهم أخطاء في القرامر !


في كل الاحوال ... لا تنظرين لهالمقابلة باحباط .. بالعكس استفيدي منها ..
انتي ضفتي خبرة لخبراتج شلون تجرى المقابلات الشخصية
واستمري طوري نفسج وتلافي الملاحظات اللي قالت عنها وإن شاءالله تنقبلين في المقابلة الي بعدها.


انا حالياً ما احتاج اغير وظيفتي .. بس ابي اجرب يسوون لي
مقابلات شخصية علشان اتعرف على هالمجال

علشان لي بغيت أغير وظيفتي اكون متأهلة زين وعارفة شلون اسوّق لنفسي
واقنع اصحاب العمل فيني وفي شغلي .. وما شيل هم المقابلة.



موفقة ومعوضة خير :)
مدققة جامعية
22-09-2014, 03:21 PM
Super Cool
انا ما اقدر احكم على نفسي اني بيرفكت بس عندي قدرة على التواصل بالانجليزي لاني موب مولودة وانا بلبل انجليزي واللغة موب فطرة هي مهارة نكتسبها يعني مع الممارسة والممارسة ما تكون الا في بيئة العمل حتى اقدر اغطي نقاط الضعف
مدققة جامعية
22-09-2014, 03:29 PM
جاكلين قطر

اول شىء شكرا على الرد

انا لما قدمت على القطرية كنت قدمت اوراقي فقط لاني ما عملت حساب اشتغل عندهم من كثر الشكاوي من طلابها حطيت اوراقي فقط في حال ما حصلت شغل و بما ان على بالهم اني انسانة بلبل انجليزي و ما اخذوني والله ثم والله في شركات و ااايد اماكن تفتخر في امثالنا كطلاب جامعيين اما بنسبة للمقابلة الاغلب يتهاوشون معاهم ما سألوا نفسهم ليش يصير معاهم جي

كل يوم ادعي اني ما اتوظف عند ناس ما تقدر و ترحم

الله المستعان
Super Cool
23-09-2014, 12:07 PM
Super Cool
انا ما اقدر احكم على نفسي اني بيرفكت بس عندي قدرة على التواصل بالانجليزي لاني موب مولودة وانا بلبل انجليزي واللغة موب فطرة هي مهارة نكتسبها يعني مع الممارسة والممارسة ما تكون الا في بيئة العمل حتى اقدر اغطي نقاط الضعف

هالمعلومة غير صحيحة اختي...الممارسة وحدها ما تكفي...يعتمد الضعف وين بالضبط

الغرامر كمثال ما يجي بالممارسة و يجي أكثر بالقراءة...لأن التحدث في كثير من الأحيان يكسر

القواعد اللغوية لكن لما الموضوع متعلق بالعمل ففي اساسيات للغة "الفنية"...اللي تستخدم

فقط في مجال العمل و ما تجي الا بالتعلم....بناءً على منهجيتج في تعلم اللغة أقدر أقيم "تقديرياً"

مستواج...وللأمانة ما أعتقد أنه سيء لكن في مجال للتحسين