1000 ريال ملابس !! [الأرشيف] - منتديات شبكة الأسهم القطرية

بن كهلان

21-09-2014, 07:01 PM

السلام عليكم ورحمة الله

حبيت استفسر عن موضوع تسجيل الطلاب في المدارس الخاصة (اللي أسمائها بالإنجليزي ) هاالسنة قلت أسجل الولد في مدرسة تتعامل بالكوبونات اللي من المجلس الأعلى. المهم يوم وديته قالوا ادفع 200 اختبار تحديد مستوى قلنا طيب. قبلوه قالوا تدفع 500 رسوم تسجيل. قلنا طيب. شوي قالو تدفع 1000 ريال ملابس. وغيره من المتطلبات. سؤالي هل هذه الطلبات واقعة في كل المدارس الخاصة اقصد ان المجلس الأعلى يدري بذلك ؟ ودي اسمع اراؤكم في الموضوع وتحية للجميع

همر

21-09-2014, 07:41 PM

لاتنسى تدفع 6000 ريال حق الباص !

دايموند

21-09-2014, 07:47 PM

بل بل بل اشدعوه !! وهالشي مايشمله القسايم؟!!

اخوي اشتك عند مجلس الاعلى خل نشوف ردهم

المحقق كونان

21-09-2014, 08:10 PM

مدارس تجارية

roma27

21-09-2014, 09:17 PM

لا وتدفع للكتب وبرامج الدعم وفرق المبلغ بين الكوبونات ورسوم السنه الدراسيه يطلع لك فوق مبلغ الكوبونات

Charisma

21-09-2014, 09:20 PM

مرحبا اخوي ..

اذا امكن تذكر اسم المدرسة .

CH Engineer

21-09-2014, 10:15 PM

أول دوله فالعالم رسوم المواطن في التعليم اعلى من رسوم المقيم!

نتمنى ابعاد التجاره ابعاد تام عن التعليم والصحة الحمدلله دولتنا غنيه ومب محتاجه لفلوس التجار للنهوض بالتعليم والصحة

CH Engineer

21-09-2014, 10:16 PM

ويا ليت يحطون سقف اعلى للربح واي ارباح تزيد عن هالمبلغ تروح للدولة

الارباح تكون نسبة وتناسب مع عدد الطلاب

بن كهلان

22-09-2014, 04:33 AM

مرحبا اخوي ..

اذا امكن تذكر اسم المدرسة .

هلا الشيخ ....مدرسة نيوتن في دحل الحمام ولها فرع في المرخية

بن كهلان

22-09-2014, 04:37 AM

مدارس الاول وشفيها يازينها خرجت الوزراء والمدراء وناس ماسكين مناصب مرموقة وكفائات مشهود لها.قلنا نجرب مدارس الكوبونات لكن الحين اصبح التعليم فيه متاجرة والسعي واء المااااااادة. تحية للجميع

لاجئ عاطفي

22-09-2014, 07:40 AM

نعم انا اايد كلامك انا دفعت نفس الرسوم لولدي من تسجيل ورسوم اختبار وملابس 1000 ريال والمشكله الملابس مهب على قد ولدي وديتها لخياط عشان يضبطها يعني ملابسهم حتى اي كلام وماشوف انها تسوى هالمبلغ ولكن احنا مانلومهم دام المجلس الاعلى تارك لهم الحبل على الغارب

الزعفراني

22-09-2014, 08:14 AM

في ظل وجود القسائم التعليمية لاشك سوف تواجه هذه المدارس ضغط من حيث الاقبال على التسجيل في هذه المدارس من قبل المواطنين .. والتي في الأصل اسست هذه المدارس لتكون ( للأجانب ) بحكم لغة التدريس وانماط التدريس وعدم وجود فرص لالتحاق الاجانب بالمدارس الحكومية لاختلاف لغة التدريس ..ولتخفيف هذا الضغط تقوم هذه المدارس باستحداث رسوم ما انزل الله بها من سلطان .. تمثل عبء على البعض وتخلق نوع من عدم الرضا حيث ان ولي الأمر يجبر على دفع رسوم إضافية خلاف مبلغ القسائم التعليمية التي تكفلت بها الدولة ..

هذا والله أعلم

لمعة الالماس

22-09-2014, 09:40 AM

رسوم المقابلة
رسوم حجز مقعد
رسوم التسجيل
رسوم الملابس
رسوم الكتب
رسوم الكورس الاول والثاني وبعضهم عندهم كورس ثالث

وبعد ما يداوم الطالب

يرسلون له قائمة بالأشياء اللي تشتريها من المكتبة والجمعية( مواد نظافة )
والقائمة كبيرة

عيل ليش فاتحين مدارس

المفروض المجلس الاعلى يدقق عليهم ويمنعهم من هالطلبات الغير معقولة

او يعاقبهم ويسحب منهم الترخيص

وحيد-الشوق

22-09-2014, 09:50 AM

بعض طلبات المدارس مالها داعي غير التكليف على الطلاب واولياء الامور حتى اذكر في ايامنا كانوا يطلبون تجليد الدفاتر والكتب مادري كتابي ولاكتابكم !! :(

دااانة قطر

22-09-2014, 09:57 AM

بعض طلبات المدارس مالها داعي غير التكليف على الطلاب واولياء الامور حتى اذكر في ايامنا كانوا يطلبون تجليد الدفاتر والكتب مادري كتابي ولاكتابكم !! :(

يازين ايااام التجليد
الحين مايحبون

Right

22-09-2014, 10:02 AM

مقولة الإرتقاء بالتعليم ، أصبحت الإرتقاء بالرسوم الدراسية فقط !!

دايموند

22-09-2014, 11:38 AM

اتمنى مجلس الاعلى لتعليم التدخل السريع والنظر في الموضوع

Riku3

22-09-2014, 12:07 PM

من سنة دخلنا شركاء في استثمار في مدرسة اجنبية عالمية جديدة في قطر بتفتح السنة الجاية وبعدها جاتنا طلبات دخول شراكة في مدارس اخرى قائمة وحابه تتوسع .. واطلعت بنفسي على معلومات البيانات المالية الخاصة ببعض المدارس للسنوات السابقة وما ابالغ لما اقولكم كمثال ان مدرسة كان صافي ربحها قبل 4 سنوات 1.6 مليون .. صار 6.8 السنة الي فاتت مع ان المدرسة ما توسعت في هالفترة بشكل ينعكس على زيادة ارباحها 450% .

الرقابه ضعيفة والمجلس الاعلى مب مفتكر .

LSBU

22-09-2014, 12:10 PM

انا انصحكم بالمدارس المستقلة تراء الخاصة مامنها خير وعلى فكرة المدارسة المستقلة قوية صارت في التعليم

ضوى

22-09-2014, 12:15 PM

انا انصحكم بالمدارس المستقلة تراء الخاصة مامنها خير وعلى فكرة المدارسة المستقلة قوية صارت في التعليم

وانا اشهد وابصم بالعشرة

بنت مريخ

22-09-2014, 12:15 PM

من فتره قعدت مع مديره مجمع تربوي
من كلامها واااايد تغيرت المدارس المستقله
تقول صار فيه كتب من الوزاره وفيه مودجهات يحضرون الحصص الامتحانات موحده
شجعتني السنه اليايه ان شاءالله ادخل ولدي مستقله

eXpert*

22-09-2014, 12:45 PM

مع الاسف كل سنة المدارس تزيد الرسوم الدراسية و الشركات ترفع من سقف قيمة بدل التعليم للموظف ..

وكل سنة هالحال !! و محد يأكلها الأ اللي يدرس عياله على حسابه الشخصي !!

يمامـة

22-09-2014, 02:10 PM

في مدراس تدفع للكتب + الملابس + المواصلات + الاكل

هذا غير رسوم الدراسة اللي تكون اكثر من قيمة الكوبونات التعليمية...

دايموند

22-09-2014, 06:51 PM

الجـــوديّ

22-09-2014, 11:10 PM

انا انصحكم بالمدارس المستقلة تراء الخاصة مامنها خير وعلى فكرة المدارسة المستقلة قوية صارت في التعليم

اتفق معاج ..

والله ان مناهجهم على مستوى وما تقل عن المدارس الاجنبية

بن كهلان

23-09-2014, 02:00 AM

اتفق معاج ..

والله ان مناهجهم على مستوى وما تقل عن المدارس الاجنبية

نتمنا ذالك بس لو يفكونا من هم الامتحانات الوطنية

لاجئ عاطفي

24-09-2014, 08:09 AM

ولدي يوم كان في الروضه كانت طلبات المدرسه علب كلينكس وصابون سائل وكلينكس معقم وغيره من الادوات التنظيفيه واللي من المفترض ان الروضه توفرها مهب الطالب ولكن بعض المدارس تستغل اهالي الطلاب واتوفر من ميزانيتها على حساب الطلاب والله شي يقهر استغلال لابعد حد

لبتونه

24-09-2014, 09:13 AM

بناتي في قطر المستقله منهج ودراسه وكادر تعليمي قوي اشكرهم كل شكر على الاهتمام وبناتي ماشاءالله من اوائل

و ولدي في عمر بن الخطاب كادر تعليمي ممتاز

ماطلبوا منهم و لاشي وهالسنه عطوهم دفاتر من المدرسه

تطبيقات اسبوعيه و واجبات يوميه ومشاريع الصفيه الصراحه اهتمام كبير في التدريس

لبتونه

24-09-2014, 09:17 AM

و ولدي الصغير عمره سنه في حضانه شهريا ادفع له 2400 هالسنه زادوا صار المبلغ 2700

الموضوع صار تجاري بشكل كبير طفل في حضانه 2700 لمدة 12 شهر يطلع 32الف و 400 ريال في السنه

مبلغ كبير