ما رأيكم

[خوي الدرب]

السلام عليكم ورحمة الله

احتجت لرأيكم ومن له سابق تجربة يعطينا رأية
الليلة بعد العصر ذهبت إلى محل العطارة الموجود في مكان سوق الخميس والجمعة
وأعطاني أربع حبات يقول أنها عشبية طبيعية
المهم الرجل يقول أكل هذه الحبات الأربع دفعة واحدة
حقيقة أنا متخوف من مسألة أكل هذه الحبات الأربع دفعة واحدة
فهل سبق لأي منكم تجربتها أو هل لديكم معرفة بها ؟
ولكم وافر التقدير

[ضوى]

ليش مارفعت الصورة !؟

[للصبر اخر]

اخوي انت ماذكرت شنو الحبوب ومن شنو انت تشكي؟
انا اللي اعرفه حبوب الخروع هي اللي تاخذها من 4 الى6اقراص دفعه واحدده فقط

[ضوى]

غالبا هالحبات تكون اعشاب مطحونة ومجهزة على شكل حبوب ، او كبسولة ، انت من شنو تشتكي ؟! اذا مثل العشرج عادي مافيها اي ضرر ، لكن اذا للتخسيس وهالخرابيط هنا لازم نوقف ونسال شنهي هي

[خوي الدرب]

الرجل يقول أنها تعمل عمل العشرج بس هي أقوى من العشرج
وان ما منها ضرر
وانا مادري صراحة هل أحد يعرفها ولا جربها
هي أربع حبات سود

[CH Engineer]

للحين ماعرفنا ليش تبي تاخذ ال4 حبات!!

ليش ماتاكل بدالهم بيض وطماط مثلاً ؟

[الجـــوديّ]

دع ما يريبك إلى ما لا يريبك

[همر]

للحين ماعرفنا ليش تبي تاخذ ال4 حبات!!

ليش ماتاكل بدالهم بيض وطماط مثلاً ؟



او كنتاكي ...

[شيخ الديرة]

الرجل يقول أنها تعمل عمل العشرج بس هي أقوى من العشرج
وان ما منها ضرر
وانا مادري صراحة هل أحد يعرفها ولا جربها
هي أربع حبات سود

هل شكلها مثل هذي؟
http://paleoleap.com/wp-content/uploads/2014/04/activated-charcoal-tablets.jpg

عادة توصف للأسهال والأضطرابات المعدية, والمادة الأساسية هي الفحم. نحتاج معلومات أكثر منك, هل هناك كتابة على الحبات او أي شي؟؟

[R 7 A L]

الحين محلات العطاريين هل عليها رقابة ؟

[Super Cool]

اذا سودة مثل الصورة عادي تاخذ 4 مافي مشكلة

انا مجرب

[خوي الدرب]

هل شكلها مثل هذي؟
http://paleoleap.com/wp-content/uploads/2014/04/activated-charcoal-tablets.jpg

عادة توصف للأسهال والأضطرابات المعدية, والمادة الأساسية هي الفحم. نحتاج معلومات أكثر منك, هل هناك كتابة على الحبات او أي شي؟؟
مرحبا يا شيخنا شيخ الديرة
لا هذي حبوب هو مسويها وشكلها دائري مثل شكل التيلة أي مكورة ؛ بس أنها صغيرة
ولونها اسود

[الزعفراني]

خذ يارجال مافي احلى من روح المغامره .. انا خذت 5 حبات .. بس من صيدلية حمد لونهم أصفر وتعطي نفس المفعول لان كان عندي تصوير اشعه :)

[شيخ الديرة]

مرحبا يا شيخنا شيخ الديرة
لا هذي حبوب هو مسويها وشكلها دائري مثل شكل التيلة أي مكورة ؛ بس أنها صغيرة
ولونها اسود





لا تاخذ أي حبوب واحد مسويها. أرفض أن يكون عضو في المنتدى ممن يجرب خلطة غير معروفة

[يمامـة]

للحين ماعرفنا ليش تبي تاخذ ال4 حبات!!

ليش ماتاكل بدالهم بيض وطماط مثلاً ؟

هاهاها

حسبي الله على ابليسك..

ومسيو همر يقول كنتاكي..

خلكم في صلب الموضوع بارك الله فيكم..

اشعندها اميرة الخوارج ..................> الخواج عن نصوص المواضيع مب الخوارج الشيعة!!

[طبيب قطري]

واي حد يعطيك حبوب تاخذهم وخلاص ؟ ليش ماسألته هذي حق شنو؟ وليش اخترتني انا عشان اخذهم؟!