احترام السائقين في قطر لعلامة stop

[عاشق العديد]

السلام عليكم ورحمة الله وبركاته ..

بتكلم بشكل عام والي لاحظته عندنا في قطر ..

انه مافي اي احترام لعلامة ستوب والي هو التوقف الاجباري .. سواء عند تقاطع او اي شكل من الاشكال ..

انصدمت وانا في امريكا .. انه باصات المدارس تحتوي على الجنب بلوحة ستوب وانه قرار اللزامي على الجميع التوقف من يمين ويسار .. الين ما الطالب ينزل ..

وقلت اه ليش ماعندنا بقطر ..

الي صدمني زياده اني شفت باص اليوم الصباح وانا رايح الدوام عنده نفس نظام لوحة ستوب ..
ولكن السائقين ولا كنه في باص يحمل طلاب مدارس ..
الكل ماشي ولا في اي اهتمام للعلامه ..

في رايكم .؟ هل يجب فرض غرامه لمن يخالف هالعلامه .؟

راي انه يشكرون على وضع العلامه ويشكرون على تنبيه السائقين انه هذا باص مدرسه ويجب على الكل التوقف ..
ولكن هنا دور المرور وتوعية السائقين انه يجب التوقف عند روية هالعلامه في اي مكان .. لو كانت في صحراء وشارع فاضي ..

[بن غيث]

قوانينا كثيرة .. وصارمة ..
لكن .. هل تطبق .. واذا كانت تطبق هل تطبق على الجميع
الله المستعان ..

[R 7 A L]

ابشرك باصات كروه الجديدة من اسبوع اشوفهم يستخدمونها اذا بينزلون طلاب
بس ماحد يحترم هاللوحة لو وقفت انت ورى الباص تعال شوف الهرنات وراك والسب هذا من غير الي يطوفك وانت واقف من يسار غير معتبر للقانون

في امريكا الي مايوقف عند ستوب في التقاطعات الصغيرة حتى لو الساعة 2 في الليل علية مخالفة هذا من بعد مايوقفة الشرطي وينقعة نص ساعة

[ودي أكون]

على هالزحمه اخوي من تبيه يتقيد بالقوانين .. بهدلتنا الزحمه والله شوفولنا حل :eek3:

كلها الا ستوب مو قطع اشاره اخوي .. :whistling:

[عاشق العديد]

قوانينا كثيرة .. وصارمة ..
لكن .. هل تطبق .. واذا كانت تطبق هل تطبق على الجميع
الله المستعان ..

القوانين ماتطبق ..

واذا بتطبقق .. بتطبقق على القطري والي بالعربي يبين عليه من سيارته شاب اما الباقي عادي ولاكنه بشارع .. اتمنى وقفه من وزارة الداخليه لادارة المرور ..

[عاشق العديد]

ابشرك باصات كروه الجديدة من اسبوع اشوفهم يستخدمونها اذا بينزلون طلاب
بس ماحد يحترم هاللوحة لو وقفت انت ورى الباص تعال شوف الهرنات وراك والسب هذا من غير الي يطوفك وانت واقف من يسار غير معتبر للقانون

في امريكا الي مايوقف عند ستوب في التقاطعات الصغيرة حتى لو الساعة 2 في الليل علية مخالفة هذا من بعد مايوقفة الشرطي وينقعة نص ساعة

نعم هذا صحيح ..

ابشرك انا اول مره بحياتي اتم شهر ما اهرن ما استخدم الهرن شهر كامل محد لف علي ..
تدري لي يومين بقطر .. وطلعت يمكن ساعتين فقط ..

والله العظيم ماقدر احسب كم مره هرنت .؟

السائقين الي بقطر هل هم من المريخ .؟
الخلل في من .؟

[عاشق العديد]

على هالزحمه اخوي من تبيه يتقيد بالقوانين .. بهدلتنا الزحمه والله شوفولنا حل :eek3:

كلها الا ستوب مو قطع اشاره اخوي .. :whistling:

الزحمه سببها احنا .؟
مش شوارع ولا اشغال ولا مرور .؟
السواقه عندنا كل واحد بكيفه ..
مافي تقيد بالقوانين ..

مافي حق للطريق ..

وعلامة ستوب هاذي تمنع حالات كثيره .. اندهسو فيها اطفال مدارس ..
لاتصتغرينها .. وهي لها اهميه كبيره .. واشكر المجلس الاعلى عليها .. ولكن هنا دور المرور في فرض غرامه ومحكمه لكل من مايوقف ..

واتمنى كذلك فرض غرامه ماليه .. على كل من مايفتح الطريق امام الاسعاف ..

[romoz]

آداب السياقة بشكل عام (منحلة) عندنا في قطر ، خصوصا من الجاليات المقيمة
لا يوجد احترام للطريق

قبل فترة رأيت شايب كبير مع الدريول ماله ، و في يده "عجرا" كان في الخانه الوسطية و يمشي بالسرعة المطلوبة ، و كان اي سيارة تتعداه من يمين يبطل الجامة و يهوزها بالعجرا و طبعا يهاوشهم

الصراحة استانست عليه مع انه الموقف مضحك ، بس من القهر اللي يشوفه من هذولي المقيمين

[R 7 A L]

نعم هذا صحيح ..

ابشرك انا اول مره بحياتي اتم شهر ما اهرن ما استخدم الهرن شهر كامل محد لف علي ..
تدري لي يومين بقطر .. وطلعت يمكن ساعتين فقط ..

والله العظيم ماقدر احسب كم مره هرنت .؟

السائقين الي بقطر هل هم من المريخ .؟
الخلل في من .؟


الخلل
من اخوانا هل شرق اسيا
في بلادهم حتى السياكل مايسوقون كله مشي في مشي
وفي اقل من شهرين يسوقون يا تريلة ولا فورويل

[عاشق العديد]

آداب السياقة بشكل عام (منحلة) عندنا في قطر ، خصوصا من الجاليات المقيمة
لا يوجد احترام للطريق

قبل فترة رأيت شايب كبير مع الدريول ماله ، و في يده "عجرا" كان في الخانه الوسطية و يمشي بالسرعة المطلوبة ، و كان اي سيارة تتعداه من يمين يبطل الجامة و يهوزها بالعجرا و طبعا يهاوشهم

الصراحة استانست عليه مع انه الموقف مضحك ، بس من القهر اللي يشوفه من هذولي المقيمين
زين يسسسوي اشكره صصراحه

[شبح الصمت]

صباحك ورد وجوري عاشق

اشلونك يالغالي ونورت


شوف السواقه التزام وفن واحترام ..

اذا فقدت هالثلاث وش تنتظر من حد ..


والله يهدينا ويغفر لنا اوقات نكون مخالفين لكن نعاكس انفسنا في الردود ..

[عاشق العديد]

الخلل
من اخوانا هل شرق اسيا
في بلادهم حتى السياكل مايسوقون كله مشي في مشي
وفي اقل من شهرين يسوقون يا تريلة ولا فورويل
طيب ادارة المرور ليش ماتحط حد ليش مايكون في توعيه لانه انا اشوف كل من يستخدم طريق في خططر في ظل هاذي السسواقه

[عاشق العديد]

صباحك ورد وجوري عاشق

اشلونك يالغالي ونورت


شوف السواقه التزام وفن واحترام ..

اذا فقدت هالثلاث وش تنتظر من حد ..


والله يهدينا ويغفر لنا اوقات نكون مخالفين لكن نعاكس انفسنا في الردود ..



صصباح النور اخوي شبح شاكر لك مرورك

انا حتئ لو بخالف اتمنئ تتم معاقبتي
عشان ما اعيد المخالفه نفسها واحترم طريق

لكن مش معقوله سواقه بهالشكل كل من فشارع يلف عليك ويمحون وجودك يعني بتخليني امر غصب طيب وغصبن عنك ماني محترم المرور

[ودي أكون]

الزحمه سببها احنا .؟
مش شوارع ولا اشغال ولا مرور .؟
السواقه عندنا كل واحد بكيفه ..
مافي تقيد بالقوانين ..

مافي حق للطريق ..

وعلامة ستوب هاذي تمنع حالات كثيره .. اندهسو فيها اطفال مدارس ..
لاتصتغرينها .. وهي لها اهميه كبيره .. واشكر المجلس الاعلى عليها .. ولكن هنا دور المرور في فرض غرامه ومحكمه لكل من مايوقف ..

واتمنى كذلك فرض غرامه ماليه .. على كل من مايفتح الطريق امام الاسعاف ..

غلطان :anger1:
الزحمه سببها الشوارع الضيقه
الزحمه سببها رجال المرور يعرقلون مرات الطريق
الزحمه سببها الاشارات اللي فوق 4 دقايق وانت واقف تنطرها تفتح
الزحمه سببها تشابك اوقات الدوام مع دوام الطلاب

تعال دور عالزحمه وقت الطلاب اجازه..!
تعال دور الزحمه يوم ماتشوف لك شرطي عالرصيف..!

اذا بتقارن بينا وبين امريكا .. هذا غلط ولا يجوز وممنوع منعاً باتاً :anger1:
اولاً .. عندهم الباصات .. عادي تركبها
ثانياً .. الشوارع الوسيعه والهاي وي
ثالثاً .. الاب مايوصل زوجته والا ولده..!.. كل واحد فيهم اتشوفه قابض الشارع بروحه..!
رابعاً.. عادي يروحون الدوام والمادرس مشي والا بالسياكل ..


نعم عندنا بعض السواقين سواقتهم تعبانه.. لكنها مو السبب الرئيسي للزحمه..!
السبب الرئيسي الاسباب اللي ذكرتها لك .. كل يوم اوصل الدوام متأخره ياخي هاذي حاله :eek3:

[Aaziz]

السلام عليكم

صبحك الله بالخير ،، شوف طال عمرك ،، الموضوع هذا شائك جدا و بنفس الوقت بسيط ،، شلون
المشاكل كثيره و الاخطاء اكثر ولكن الحل سهل و معروف .
رجل الشرطه (مرور اخويا وغيرهم ممن يحق لهم تطبيق النظام) هم مقصرون جدا جدا جدا
لا طروهم حتى في المنتدى كلن يقول ياخي جزاهم الله خير من يوقف هالظهاري تحت الشمس ينظم السير .
صح جزاهم الله مليون الف خير نعم .. ولكنهم مدفوعين لبذل جهد كبير في حل احد نتائج الاخطاء ،، الاجد هو حل الخطاء من الاساس
اعتقد والله اعلم ان رجل تطبيق القانون في الشارع يعمل بالاتجاه غير الصحيح بالكامل .
يعني مع احترامي لمضمون موضوعك ولكني اشوفه يعتبر بسيط جدا جدا جدا مقارنتا مع كوارث تصير في الشارع في كل دقيقه و ثانيه وهي نتيجه تقصير رجل القانون في تطبيق القانون <<< مش فاظي لان مجهوده و فكره متجه باتجاه اخر

[العلياا]

وعليكم السلام

اعذرني اخوي عاشق لجهلي بس شلون شكل علامة ستوب !!

[R 7 A L]

طيب ادارة المرور ليش ماتحط حد ليش مايكون في توعيه لانه انا اشوف كل من يستخدم طريق في خططر في ظل هاذي السسواقه



إدراة المرور
تخلت عن دورها ( الميداني ) واصبح دورها فقط ( إداري )

[Charisma]

السلام عليكم ورحمة الله وبركاته ..

بتكلم بشكل عام والي لاحظته عندنا في قطر ..

انه مافي اي احترام لعلامة ستوب والي هو التوقف الاجباري .. سواء عند تقاطع او اي شكل من الاشكال ..

انصدمت وانا في امريكا .. انه باصات المدارس تحتوي على الجنب بلوحة ستوب وانه قرار اللزامي على الجميع التوقف من يمين ويسار .. الين ما الطالب ينزل ..

وقلت اه ليش ماعندنا بقطر ..

الي صدمني زياده اني شفت باص اليوم الصباح وانا رايح الدوام عنده نفس نظام لوحة ستوب ..
ولكن السائقين ولا كنه في باص يحمل طلاب مدارس ..
الكل ماشي ولا في اي اهتمام للعلامه ..

في رايكم .؟ هل يجب فرض غرامه لمن يخالف هالعلامه .؟

راي انه يشكرون على وضع العلامه ويشكرون على تنبيه السائقين انه هذا باص مدرسه ويجب على الكل التوقف ..
ولكن هنا دور المرور وتوعية السائقين انه يجب التوقف عند روية هالعلامه في اي مكان .. لو كانت في صحراء وشارع فاضي ..

ياشيخ عاشق .. لاتلوم السائقين .. لاشوارع عدله .. مطبات بكل مكان .. مخالفات .. زحمه .. ضغط ..سكر ..

[معاند احساسه]

محد يوقف لاحد الحين الله يستر علينا وشاكرك لطرح الموضوع عاشق العديد

[للصبر اخر]

لابد من حملة تثقيفيه للشعب لظرورة الالتزام بالقوانيين
هني القوانين مظروبه بالطوفه ولاحد مفتكر
الاشااااره حمرا ويتمون يطلعوون وماهم اللي له الدوور بالطقااااق
مافي احترام اببببببببببببببد