الايفون 6 بـ 9000 ريال ..!!!

[لاجئ عاطفي]

رغم ان جهاز الايفون الجديد 6 مايتعدى بكل حالاته الـ 4000 ريال الا ان بعض محلات بيع الهواتف قامت اتبيعه من 7000 ريال الين 9000 ريال وهذا استغلال وجشع وطمع لايجب السكوت عنه فياريت يكون هناك جولة تفتيشيه لحماية المستهلك والحد من هالنوع من الاستغلال والجشع ضد المستهلكين

[غريب الدّار]

رغم ان جهاز الايفون الجديد 6 مايتعدى بكل حالاته الـ 4000 ريال الا ان بعض محلات بيع الهواتف قامت اتبيعه من 7000 ريال الين 9000 ريال وهذا استغلال وجشع وطمع لايجب السكوت عنه فياريت يكون هناك جولة تفتيشيه لحماية المستهلك والحد من هالنوع من الاستغلال والجشع ضد المستهلكين

بس اخوي عندي سؤال
اللي موافق وراضي ومستانس يدفع 9000 ريال علشان يشتري تلفون هو يدري انه راح ينزل بأقل من هالسعر

حماية المستهلك شتقدر تسوي له ؟؟؟؟

[ضوى]

الصراحة ماشوف حماية المستهلك لها دور بهالشي اذا المستهلك راضي ويبي ياخذ الشي قبل الكل عليه بالعافية ،

[لاجئ عاطفي]

دور حماية المستهلك مثل دورها لما انطالبها بتحديد الاسعار في السلع الاستهلاكيه مثل التموين وغيرها دايما نطلب تحديد اسعار مع ان هناك من يقدر يشتري وبرضاه نفس ماتقولون ولكن القصد هنا نمنع الجشع والاستغلال حتى لو ان هناك من عنده القدرة على الشراء

[للصبر اخر]

انت من وين طالع اصلااا

المستهلك بنفسه مايبي الحماايه
عاادي عندده
يتذمر ويتذمر واخر شي يشترري

[لاجئ عاطفي]

شنو انت من وين طالع؟؟ خير من متى المعرفه؟؟؟
واذا المستهلك مايبي حمايه ليش امسندرينا على غلاء الاسعار في كل شي؟؟؟ انتي اللي وين عايشه ؟؟ اللي مثلج هم السبب في تمادي التجار بكل شي لين ماوصلنا لهالحال جهاز قيمته 4000 ينباع ب 9000 وانقول مانبي حمايه ؟؟

[الخيالة]

المشكلة من الناس لان وايد منهم حتي بدون مايسالون اي سعر يقولون لهم علي طول يشترون وبعضهم يستحون يقولون اخر كم او نزل من السعر و في الأخير وايد ناس مايهمهم يشترون الشي اللي يبونه باي سعر عادي بس عشان يراوون باقي الناس اهمه اول ناس اللي شروا هالشي

[غريب الدّار]

انت من وين طالع اصلااا



:con2:

[كلاسيك قطر]

ابصراحه حرامية

في السعودية والامارات مايتعدى 3000 ريال

[العرّاف]

انا ماحب الايفون ولا ابي اشتريه والموضوع مايهمني ... لكن انا رايي

انه لازم تدخل من حماية المستهلك ولا بيتكرر هالموضوع مع كل منتج عليه طلب

هذا استغلال واضح من التجار والمحلات .. يصير مع كل المنتجات الي عليها طلب سواء تلفونات او سيارات او غيره ..

يجون التجار يزاحمون الفقير ويحجزون معضم الطلبات من الموردين وتعال انت اشتر منهم بالدبل

لكن العتب مو عليهم العتب على الي يشتري الاي فون ب 9000 وهو عارف انه بعد شهر او اقل بيحصله ب 4000 لمجرد انه يكون من اول الناس الي شروه .. هذا الشخص مايبيله حماية مستهلك .. هذا يبيله دكتور نفسي.

[كلاسيك قطر]

اتمنى يشفون الموضوع لانه السعر 9000 ريال هاذا تقريبا نفس سعر البلاك بيري البورش

انصحكم الجالكسي الاستعمال

[ابوعلي]

والله ياخوي ماشوف ان لهم دور وخاصة ان مش سلعة اساسية

ولكن بعض العقول الي ياخذون بهالاسعار هم الي يحتاجون لتوعية وفهم

[معاند احساسه]

لاجئ عاطفي الله يجزاك خير على الموضوع وانا معاك بس هل التلفونات يتبعون مسار اهل معارض السيارات لوتلاحظ الله كريم ياخوي

[مخطط قطري]

انا اعرف واحد مستعد يدفع 10000 بس يكون اول واحد ياخذه في قطر بس مع الاسف انصدم يوم شافه عند الناس كلهم

[ملك المشاعر]

حماية المستهلك للاشياء الاساسية او اللي يكون فيها تلاعب علئ المستهلك

اما الكماليات ماعتقد يكون لهم دور فيها عرض وطلب وسعر ابل معروف للجميع

[الراعد12]

اول شي حبيت اشكر صاحب الموضوع الهادف وسبقني فيه الصراحه وكلامك عين العقل
ياجماعه الخير لو (( حمايه المستهلك )) تتدخل في نفس هالمواضيع ماتآخرنا في شراء الاجهزه يعني ماتتدخل في اسعار الاجهزه وبرا قطر سعره مايتعدى 4000 مثل ماقال اخوي الفاضل وهذا جهد منهم ك حمايه مستهلك يديرون الحمايه بالشكل السليم .. يعني عندنا كآن حمايه المستهلك فاتحين محل جوالات ويترزقون الله لازم يكون فيه مختصين يسعرون الجهاز بالسعر الرسمي قبل نزول واذا نزل يطبق عليه السعر والربح يكون عاده 100 الى 200 ريال بسس اول مانزل الايفون 6 قيمته 5500 وتطلبه من عند كيوتل بالطلب المسبق 2799 يعني كم ربح المحل .. ؟؟

وعندي اقتراح لشركه اوريدو لو يكثرون من الدعايات للايفون خصوصا في شارع السلام ( الشافي ) يكون احسن وتكون الناس عارفه الجهاز كم سعره .. واحباط بعض المحلات اللامراقبه..

والله ولي التوفيق

[حمد بن سعد]

احنا مشكلتنا انا نشتري لو كم سعره نشتريه عشان نفوشر فيه ان عندي ايفون 6 لو الناس اتخليه ومتاخذه كان التجار الجشعين مارفعو الاسعار

[Fhd AlSuwaidi]

لو مره وحده الشعب يوقف ومايشتري الايفون بهالاسعار الغاليه و ينطرون لين ماينزل بسعره الاصلي بعدها بيعرفون شلون يبيعونه بسعر غالي لكن بعد شنسوي اذا في ناس تدفع اكل من 9000 عشان تاخذ الايفون بأسرع وقت .... شلون تبي الناس ماتبيع بهالاسعار
ولا يقولون لك اذا مب ماتبي في غيرك يبي ...

[السنيور]

هاي المحلات المفروض حماية المستهلك يقوله كم ربحك وياخذ الربح منه ويعطيه فايده 200 ريال على كل جهاز ويادبه ويعلمه اشلوون ايش هالتخلف وين الرقابه عنهم ولا بس يعرفون يكتبون في الجريده تم تفتيش وتم تسعير وتم وتم وتم واخر شي خرطي التجار لاعبين بالسوق لعب البضاعه في قطر صارت اغلى من لندن بلادنا صار كل شي فوق ولا في قرار رادع للتجار الي كل واحد فيهم الجشع عمى قلبه وكل همه انه يرغع سعر السلع لين متى بنتم على هالحال ملينا ايش الي ينقصنا علشان انخلي اسعارنا نفس اسعار الدول المجاوره العالم كله يبحث عن حلول للحد من التضخم الا احنا التضخم لاعب فينا لعب والتجار لا حسيب ولا رقيب

اتمنى من المسؤولين محاسبتهم ويرضخونهم بقانون يخليهم عبره اليه جدا بسيطه ورقه وقلم وتحديد اسعار مايبيله ذاك المخ يبون اليه مستعد اسويلهم مليون اليه اتحد من التضخم واتحد من العب وخل القانون يمشي على الكل والغاء اي بند يلغي المخالفه واجبار المالك على دفع المخالفه بالاضافه الى المخالفات توصل الى اغلاق المحل فتره معينه للعبره ولوقف جشع التجار

[بومحمد المطاوعه]

العتب على المشتري

الله عطانا عقل


استغفرالله من بعض البشر


ف فودافون يبدأ من 2700 ريال

[عضو مشاكس]

لاتشتري وخلاص خل الناس تترزق

[المحاميه]

ول
اشوف البرودكاستات كلها عن ايفون 6

السعر اوفر خل يدورون ربعهم
عاد الحين هل الزبو اول ناس بيرزونه
عندكم بوحارب واحد منهم
الله يخلي البورش الاسود ش زينه وب 7 :tease:

[مضارب دوسري]

انا دايم اشتري الايفون شهر 1
او اذا حصلته بسعر اغلى من اوروبا ب 200 او 300 ريال

اخواني فيه نصصابين ف محلات الجوالات والليعرضون فالنت يبيعون صيني

[بـارود]

النعمة زوالة ..!

[بومحمد المطاوعه]

هذا اسمها نصب وبوق
مب اسمه يترزقون

[R 7 A L]

احس ان هالموضوع بيحرج حماية المستهلك

اخر شي بيقولون الايفونات مو مواد استهلاكية خخخخخخخخخخه

[CH Engineer]

للاسف اكثر المستهلكين ماعندهم ثقافه شرائية ولا عندهم ثقافه بحقوقهم كمستهلكين واكبر دليل ردهم على موضوعك

انا معاك اخوي المفروض مسح كل انواع الطمع والجشع والاستقلال المفروض يغلقون المحلات الي تبيع بهالطريقة... الجوال سعره 3000 يحطون حاجز لكل محل 10-15% اقل او اعلى من السعر الرسمي ( على حسب رغبة المحل)
مافي شي اسمه هو حر يبيع بالسعر الي يبيه في شي اسمه حق المستهلك.. يحصل البضاعه الي يبيها بالسعر المناسب والمكان المناسب... مايضيع وقته بالبحث او الانتظار وهذا له دور كبير بضياع مصلحة و وقت الفرد واللي هو جزء من المجتمع

الي يبي يبيع ب9000 و 10000 له الحريه الكامله ولكن ماينباع بمكان له سجل تجاري ورخصه تجاريه
يقدر يكون له سوق سوده او يبيع كتاجر مشرد

[CH Engineer]

انا دايم اشتري الايفون شهر 1
او اذا حصلته بسعر اغلى من اوروبا ب 200 او 300 ريال

اخواني فيه نصصابين ف محلات الجوالات والليعرضون فالنت يبيعون صيني

هلا مضارب دوسري
شفت لك موضوع بالحوار العام عن الايفون الصيني ومن الكسل بجاوب عليك اهني

الايفون الي يجيك مصنوع في الصين هو نفسه الايفون البريطاني والامريكي بالملي.. << الله يذكره بالخير
بس الفرق ان صناعة فرع أبل في الصين.. و 99% من الي ينزل عندنا صناعة الصين

والمقصود بالايفون الصيني تلفون تقليد ينعرف من شكله حتى نظام السوفتوير يختلف والكاميرا اضعف والشاشه الله بالخير وينباع برخيص جدا جدا جدا

[غريب الدّار]

لو انا عندي محل يبيع تلفونات

وجبت أي فون 6 وقلت بابيعه بخمسين الف

ليش تبون حماية المستهلك يتدخلون ؟؟؟ انتوا تدرون ان التلفون بينزل بعد فترة قصيرة بارخص من هالسعر بوايد
وغير جذيه الاي فون 6 مب مادة أساسية للحياة مثلا
وانا مب محتكر السلعة او وكيلها
وسعري واضح وأقول لكم عليه قبل لاتشترون يعني ماخدعتكم


ليش تبون حماية المستهلك يتدخلون؟ مافهمت بصراحة

[لـبـيـه]

رغم ان جهاز الايفون الجديد 6 مايتعدى بكل حالاته الـ 4000 ريال الا ان بعض محلات بيع الهواتف قامت اتبيعه من 7000 ريال الين 9000 ريال وهذا استغلال وجشع وطمع لايجب السكوت عنه فياريت يكون هناك جولة تفتيشيه لحماية المستهلك والحد من هالنوع من الاستغلال والجشع ضد المستهلكين

يارجال

ارقام السيارات اغلى من السيارات

اسعار الاراضي اغلى من البنيان

اسعار روض الاطفال اغلى من الدراسه الجامعيه

خلها على الله الزمن معكوس وحن الي عاكسينه

[زود الهموم]

خيشة عيش مب ايفون ياخوي منتب ميت اذا ماشريته وشدخل حماية المستهلك فيك اذا انت مافيك صبر

[qatari 111]

خلوا العاالم تترزق من الناس اللي جيووبهم مليانه دام ان مايضرهم ال9 الاف ريال .. ليش تسمونه بوق وسرقه وحراميه مايجوز هالاتهامات الباطله فيهم .. هم مادشوا بيوتكم ولا باق شي من مخابيكم عشان تتهمونهم بهالاتهامات الباطله .
مب عاجبك السعر انطر كم من شهر واخذه برخيييص .

وحمااية المستهلك مالها دوور في هالموضوع بتاتا ومب من اختصااصها .

الله يخلي لنا الجالاكسي تارس السوق وبسعر رخيص

[RSI]

الي يقول بوق مادري ماخذين الفلوس من مخباه وهو مايدري عشان يقول بوق مب عاجبك السعر لاتشتري
مشكلة البعض يأمر الناس بالمعروف وينسى نفسه

[المقيد]

لان الطلب علي الهاتف مبالغ فيه

[باراكودا]

انت من وين طالع اصلااا

المستهلك بنفسه مايبي الحماايه
عاادي عندده
يتذمر ويتذمر واخر شي يشترري

هذا رد يدل أن صاحبة يهرب منتجات من السوق السودا

[qatari 111]

الي يقول بوق مادري ماخذين الفلوس من مخباه وهو مايدري عشان يقول بوق مب عاجبك السعر لاتشتري
مشكلة البعض يأمر الناس بالمعروف وينسى نفسه

اخوي عادي اقتبس كلامي وواجهني بالرد ماعندي مشكله لا تخاف تراني ما ازعل على حد ولا اعصب .. واخذ الامور بصدر رحب

المهم ايش المقصد من يأمر الناس بالمعروف وينسى نفسه؟
انت تظن اني من النوعيات اللي تلاحق كل موديل جديد ويشتريه .. تدري لين الحين وانا استعمل نوكيا 6110 وتوني شريت نوكيا نوت 3 عقب ماطاح سعره .. لا تفكر ان الناس كلها مثلك .. في اللي مثلك وفي اللي مثلي .

[Dmy Enabi]

العتب كل العتب على المستهلك يعني الواحد يبي يدفع ماعنده مشكلة ،شبيسوون له لكن هل في أحد لقى هالسعر وتواصل مع حماية المستهلك ؟
الإدارة وضعت قوانين ويبذلون جهد يشكرون عليه
السؤال كم واحد قرأ هالقوانين ؟ وكم واحد بلغ ؟ وشصار معاه ؟
بس فالحين ننتقد في المنتدى

[حليتان]

تبي الصراحة يرجع الى المستهلك ال........... الي كله يبي يكون هو المميز المستهلك عقلة في راسه ويعرف كم سعر الجوال بس للاسف مايحاسب على موضوع الصرف والادخار وقبل اخر الشهر شوفه يدور يبي يبيعه

[كيلو حديد]

لو الناس ما يشترون ماكانوا التجار يلعبون عليهم

اول الولو يبيعونه ب 4700 اول ما نزلته فودا قاموا يبيعونه ب 2800
مدري وش شعور الي يشتراه بهالمبلغ


اتركوه يخيس بمخازنهم ومعارضهم ومحلاتهم
الناس معادوا يصبرون شهر شهرين
الله المستعان

[كيلو حديد]

أكثر شيء يضايقني هالنوع من البشر
عبوديه وجري وراء امور كماليه ليس لها قيمة حقيقية

بس بالنهايه هي ارزاق لآخرين بس هم ما كسبوا شيء من هالصرف .

[المهلهل]

طيب ليش ما دشون موقع اروريدو وتحجزونه ... ثاني اسبوع عندكم وبسعره الاصلي وظمان ولا وعوار راس