تجمع البنات خارج المدرسة في الحر في وقت الظهيرة

[tawareq]

للاسف ادارة مدرسة ايمان الثانوية للبنات تخرج جميع الطالبات عند الساعة 1.40 دقيقة وتجمعهم عند البوابة الرئيسية في الحر وشوفوا الزحمة
لا يوجد اي تنسيق عند المدخل والمخرج للسيارات حاطين نيباليين ما يعرفون اي شي في التنظيم
طبعا الزحمة مسوينها الدريولية ، واولياء الامور مساكين يصفون برع ويمشون علشان ياخذ بناته بعيد عن الزحمة
والبنات يوقفون تقريبا من 10 دقائق الى نصف ساعة اذا مو اكثر ينتظرون اولياء امورهم في الحر
كلمت ادراة المدرسة انهم يكونون داخل المدرسة في قاعة مكيفة وعن طريق المايكريفون يتواصلون مع اولياء الامور مثل ما تصير في المدارس الثانية.

لكن للاسف لا مجيب من ادارة المدرسة بس تشوف المدرسات طالعين من المدرسة وراكبين سياراتهم والبنات مساكين واقفين في الحر.

وانتوا مثل ما تعرفون ممكن الواحد يتاخر على بناته من زحمة الشوارع في وقت الظهيرة ولين يوصل المدرسة ياخذ له اكثر من ساعة وساعة والبنات مساكين ينتظرون في الحر ومب كل واحد عنده دريول ينتظر بالساعات خارج المدرسة فالواحد ملتزم بدوام حكومي ايضا.

اتمنى من ادارة المدرسة تغيير نظام الخروج للطلبة وابقائهم داخل المدرسة لحين وصول اولياء الامور .

وشكرا

[عيون الدوحة]

في أقتراح لأحد الأعضاء أستخدام الباصات بدل ماتنطر البنت في الشمس نص ساعة راح توصل البيت وهي في تكيف الباص بهذا الوقت وراح تقل الزحمة
بس من يطبق

[شبح الصمت]

اخبار جيل الطيبين الي يمرون بالسياكل صوب مدارس البنات

هههههههههههههههههههاي

ويسووي حركات بهلوانية لاجل يجذب الانتباه

:telephone:

[QATAR 77]

مدرسة الرشاد بارك الله فيهم العيال في قاعة الرياضة و الحارس عنده ميكرفون و يصوت على العيال

كلها 500 ريال للمكريفون

[حسن]

انا من اقتراح بقانون الزاميه الباصات واتمنى ان يوصل صوتي الى
من بيده القرار

شوف ياخوي مافي اي مشكله يوقفون برع خير ياطير بسبه عشرولا 5 دقايق
خلههم كلهم عندهم نقص فيتامين دال
اتركو الدلع اللي اصبح اوفر الا شمس ولا حر
انا لما كنت عضو في المدرسه كنت من اشد المطالبيت الغاء ان يتمون الطلبه في الدخله
وانصرافهم ينادون عليهم
مسوين زحمه سيارات على الفاضي يطلعون برع على طول وكلها 5 دقايق ولا بنت اامام المدرسه
لاتضيعون البلد اكثر مهب ضايعه من الحنيه والقرارات التخبطيه

الباصات هي الحل واتمنى رجل رشيد في الدوله يتتخذ هذا القرار

ويوخرس السن المياعه الدلع واصوات النشاز

[حسن]

مدرسة الرشاد بارك الله فيهم العيال في قاعة الرياضة و الحارس عنده ميكرفون و يصوت على العيال

كلها 500 ريال للمكريفون

عاد هذا حل والله محد دمر هل المدارس اللي قرارت النسوان المتخبطه
خلهم على البلاليط ابرك

[لمعة الالماس]

الله يكون في عون الطالبات

الجو بهالوقت حار والشمس قوية

شلون يخلونهم ينتظرون السيارات في هالجو

المفروض يجمعونهم في قاعه او الساحة الداخلية وينادون عليهم بالميكروفون

خطر يكونون كلهم عند الباب

وصح كلامك بالنسبة للزحمة واحنا نوقف برع المدرسة وننزل نأخذ بنتنا

وهذا بحد ذاته خطر المشي بس السيارات ووايد حوادث دهس صارت في مواقف المدارس

[دااانة قطر]

مدرسة الرشاد بارك الله فيهم العيال في قاعة الرياضة و الحارس عنده ميكرفون و يصوت على العيال

كلها 500 ريال للمكريفون

مدرسة الوجبة متبعة نفس النظام وماعندهم اي تاخير
لكن عانيت السنه في مدرسة الرساله قبل مانقل بنتي ومدرسة الشيماء بعد مانقلتها
زحمة وفوضى غير طبيعيه




اخوي حسن اذكر الله
انا مسجلة بناتي في مدارس بعيدة عن بيتي وين يركبون الباص وشلون ينزلون بروحهم وانا في الشغل اذا كنت انا اللي اوصلهم وارد اخذهم الظهر ؟؟
كفاية موعد انصراف يوم الخميس مدري من اللي قالهم 12 ونص

[al saad]

اخبار جيل الطيبين الي يمرون بالسياكل صوب مدارس البنات

هههههههههههههههههههاي

ويسووي حركات بهلوانية لاجل يجذب الانتباه

:telephone:

:nice::nice::nice::nice::nice::nice::nice:

[شبح الصمت]

:nice::nice::nice::nice::nice::nice::nice:




ما سويتها يالسد


عيني في عيوونك
:eek5:

الشعر على جمب ضاربه بماي والقحفيه فالوسط


وتنقز

ههههههههههههههههههههاي

[عثرة جواد]

مادري انا اشوف ان هاي اجمل لحظه وقت انصراف الطلاب وكل واحد ينتظرسيارته

بسنا مياعة زايده خلو كل شي يمشي مل قبل كل ماعقدتوها تعقدت

[حسن]

مادري انا اشوف ان هاي اجمل لحظه وقت انصراف الطلاب وكل واحد ينتظرسيارته

بسنا مياعة زايده خلو كل شي يمشي مل قبل كل ماعقدتوها تعقدت

ايوالله صدقتي كلشي كامو يذمونه قزرنا نمشي بالكيلوات للمدرسه
والحين 5 دقايق انتظار حانينهم ولا ياريت فوقهم الشمس مضله شكبرها
محد خبر العييال الا غياب دور الرجل واصبح زوج بسبه الوظيفه

[tawareq]

اخبر مدرسة موزة بنت محمد ومدرسة الاقصى الاعدادية المستقلة للبنات يخلون البنات في القاعة ويصوتون عليهم بالمايكروفون اذا وصل ولي الامر

هذا احسن حل

عيل البنات يشقحون الشارع في المواقف والادريولية كل واحد مستعجل يبي يطلع من الزحمة ممكن يسويله اي حادث لا سمح الله .

الله المستعان

[tawareq]

لا وان شالله جايكم الشتا قريب شوف البرد والبنات واقفين ينتظرون اولياء امورهم

[ودي أكون]

واولياء الامور شلون يرضون ع بناتهم يوقفون برع ينطرون؟
المفروض يتمون داخل .. مو بس عشان الحر .؟!.. مفهوم كلامي

اما بالنسبه للمديره.. اقولها نعم التربيه يالشيخه !!!!!!

والله انا ك ولي امر .. بعرف شلون اسنع المدرسه اذا السالفه فيها غلط .. لا تسكتون

والله المستعان

[يمامـة]

ملاحظ أيضا ان بعض المدارس الثانوية.. البنت تنتظر سيارتها خارج اسوار المدرسة
الأمر هذا أساسا مرفوض بشكل عام وما بالكم الطالبة المفروض تنتظر في حدود اسوار المدرسة!!

[رهج السنابك]

ركبوا عيالكم باصات الحكومه اسلم واامن لين الله يفرجها ويصير عندنا مترو

[ضوى]

انت تقصد ينتظرون في حوش المدرسة صح ؟ لانه بنتي الله يحفظها العام كانت تنتظر بحوش المدرسة ، صج حر ورطوبة ، بس لو فكرنا فيها قاعة الرياضة بتستوعب من والا من ؟ المشكلة في عدد الشغالات اللي كل ماله في ازدياد وهم اللي مسوين الزحمة عند الباب ، الله يعين الناس على مافيها

[حسن]

مدرسة الوجبة متبعة نفس النظام وماعندهم اي تاخير
لكن عانيت السنه في مدرسة الرساله قبل مانقل بنتي ومدرسة الشيماء بعد مانقلتها
زحمة وفوضى غير طبيعيه




اخوي حسن اذكر الله
انا مسجلة بناتي في مدارس بعيدة عن بيتي وين يركبون الباص وشلون ينزلون بروحهم وانا في الشغل اذا كنت انا اللي اوصلهم وارد اخذهم الظهر ؟؟
كفاية موعد انصراف يوم الخميس مدري من اللي قالهم 12 ونص


سبحان الله والحمد لله

بعد حتى الانصراف يوم الخميس بدري ماتبينه الله يهداك انتي لك حاله استنثنائيه
وبعدين وايد محجمين الخوف والله العظيم تحسسوني ان قطر دوله ارهابيه ولا
ولا من اخطر دول العالم

وهذه الخاصيه لا حظتها في النسوان بالضبط ومهولين الشي
ووايد الخوف على العيال مع العلم مدارس الاولاد والبنات
من تقبلين عليهم تشوفين الخدامت والسواقين بالامئات وضع مخزي
ويضر بسمعه القطرين
صورتهم ونشرتها على التويتر لاقت اسائه من مشاهدتهم في التويتر
لو انا مسؤل في وزراه التربيه لطرتهم برع المدرسه
ابي اصولها لوزير التربيه يشوف الوضع شلون اصبح الاعتماد على الخدم حتى في عيالنا
اصبحو تنابله
لا تقولين خوق وخوف هذا اسمه فوبيا وعلاجه الطب النفسي
وناديا بانتشار الامراض النفسيه في المجتمع بشكل كبير جدا
واكثرها في النساء اكثر من 80 % يعانون منه
الله يشفيهم

عيالكم نقص الفيتامين دال منتشر كله بسبه الفوبيا النسائيه

الله ياخذ روحهم هل المسؤلين

:)

[يمامـة]

انت تقصد ينتظرون في حوش المدرسة صح ؟ لانه بنتي الله يحفظها العام كانت تنتظر بحوش المدرسة ، صج حر ورطوبة ، بس لو فكرنا فيها قاعة الرياضة بتستوعب من والا من ؟ المشكلة في عدد الشغالات اللي كل ماله في ازدياد وهم اللي مسوين الزحمة عند الباب ، الله يعين الناس على مافيها
مب في حوش المدرسة يا ضوى..

ينتظرون خارج اسوار المدرسة مابين السيارات.. وبروحي شفت بنات يطلعون بعشرات الأمتار عن بوابة المدرسة
لانتظار سياراتهم ..

وفي مدرسة البنت توقف يوميا في التجاهلة الثانية من سور المدرسة في انتظار سيارتهم..

فمب عارفة هالمشرفات وين دورهم في مثل هالحالات؟

[حسن]

ياريت ينتظرون خارج سور المدرسه كان ماشفنا فوضى هل المديراات
اللي محد يوقفهم عند حدهم
لو في يدي القرار
لا خليت جميع المدراء رجال وخليت المديرات يسون ملفوف
وورق عنب

وبعد مهب ضابطينه

الصراحه الوزاره يبيلها رجل يضرب من حديد وينفس النسوان برع

[بصمة قطرية]

خارج أسوار المدرسة ما يصير و مب حلوة في حق البنات ..
خصوصاً إنهم بنات ..
لو أولاد الوضع عادي ..
داخل أسوار المدرسة عادي جداً و ما أشوف فيه شي غلط ..!
ياما إنتظرنا نفسهم ..
فكرة المايكروفون معمول فيها في مدارس كثيرة
بالذات المدارس الإبتدائية
الطالب ينتظر السيارة في الساحة مب شرط قاعه
و لما ينادون إسمه يطلع ..
حالياً كل المدارس مستقلة يعني مبنية على نفس الستايل
كل الساحات مكيفة ..
ممكن حد يوصل هالكلام للوزير
عشان يلزم كل المدارس تطبق فكرة المايكروفون
حصوصاً مدارس البنات ..
أحسن من منظر البنات و هم واقفين في الشارع ..
و بعدين خطر عليهم الشارع ( خارج أسوار المدرسة ) مب أمان ..

[BoFahed]

عاد هذا حل والله محد دمر هل المدارس اللي قرارت النسوان المتخبطه
خلهم على البلاليط ابرك

ههههههه صادق بو علي اعفسوا التعليم فوق تحت واخرتها عطوك قسايم وقالولك اتفضل علا الخاص اذا مب عاجبك الحكومي

فالحين في الشو الاعلامي

[alsoq]

الحل على كل بناء مدرسة جديده بنا قاعه كبيره مكيفه يتجمع فيها الطالبات وقت الخروج وفيها ميكرفون وعند البوابه يطلب اسم الطالبه وتطلع

اما واقفين داخل في الحر والبهذله ما يسوى عليهم التعليم