75% من ضحايا حوادث الطرق شباب ؟؟؟!!

[حمد بن خالد]

ضحايا حوادث الطرق شباب ؟؟

ماختلفنا

لكن السؤال يقول : من المتسبب في هذه الحوادث , وكم نسبة الخطأ منهم ؟؟

اعتقد الجواب واضح

والمفروض ان هذا اللي يتم مناقشته في الجريدة


=======

دائماً العين على الشباب والتركيز كله على الشباب واللوم كله على الشباب

ويتناسى الكاتب الفاضل بقية مستخدمي الطريق , وطرق قيادتهم (( الغبية )) اللي لاتمت للقيادة الصحيحة بأي صلة

اتمنى من صحفنا الابتعاد عن الشباب

اعتقد والله العالم ان سبب الاتهام الدائم على فئة الشاب المواطن هو لصب التركيز عليهم وغض النظر عن باقي الفئات , واللي الكل عارف وملاحظ مخالفاتهم اللي بالجملة وواضحة للعيان ووقحة وبشكل شبه يومي

الشباب المتهور مالهم أي حل إلا الدعاء , لأن هذا الحل الوحيد اللي نفع مع حالتي كسائق متهور سابق .

[بريق الحق]

اي والله سواقة الاجانب الله المستعان

[qtr qtr]

معاك اخوي .. صاار فيهم تسييب وعدم احترام مرتادي الطريق ..

الشباب كم عددهم اذا عددنا المواطنين مايتعدى 300 الف .. من كثرهم الشباب مساكين .
سواقة الاسيويين اخطر منها مافي يودون الواحد فدااهيه ويسببون الزحمه وعرقلة السير ويضربون قوانين االمرور بعرض الحائط

الشباب الله يحفظهم ملوا من الطلعه فالدوحه كلهم فالمجاالس فالوقت الحالي

[ودي أكون]

عشان انكون صادقين مع نفسنا

الحواداث اللي نتيجتها الموت او العنايه المركزه.. هاذي اغلبها بسبب الشباب محد ينكر هالشي.. فلان لف ع فلان.. فلان دعم فلان.. وفلان وفلان.. غير الحوادث الشخصيه فلان انقلب والسبب الهاتف او التاير الخ ..

اما الحوادث اللي تتعلق بالشمخ او الصدام او ضربة باب او او او .. نعم اغلبها الاسيويين ..

والله اعلم

[حمد بن خالد]

عشان انكون صادقين مع نفسنا

الحواداث اللي نتيجتها الموت او العنايه المركزه.. هاذي اغلبها بسبب الشباب محد ينكر هالشي.. فلان لف ع فلان.. فلان دعم فلان.. وفلان وفلان.. غير الحوادث الشخصيه فلان انقلب والسبب الهاتف او التاير الخ ..

اما الحوادث اللي تتعلق بالشمخ او الصدام او ضربة باب او او او .. نعم اغلبها الاسيويين ..

والله اعلم

صحيح

مثل ماذكرت فوق (( ماختلفنا ))

بس ليش ينصب التركيز على فئة الشباب المواطن فقط ؟؟؟!!

هذا محور الحديث

[بومحمد المطاوعه]

الله يشفيهم يارب

اليوم على خط بوسمره

راعي كروزر ماسك اقصى اليسار

ويتعبث فالتلفون ويمشي 120
والمسار الاوسط والايمن فاضي


ياخي وخر واترك عنك الجوال


جهل
غباء
نفسيه

[بومحمد المطاوعه]

اما بخصوص من متسبب ف الحوادث مايشوفونها

يشوفون الححادث نفسه

شاب قطري متهور


انزين ليش ماتشوفون الحفر فالشوارع ؟؟
او الحنيات القويه

او المتسببين ف الحادث .؟


الله كريم

[ودي أكون]

صحيح

مثل ماذكرت فوق (( ماختلفنا ))

بس ليش ينصب التركيز على فئة الشباب المواطن فقط ؟؟؟!!

هذا محور الحديث

لان حوادث المواطنيين مميته اخوي .. مو مثل حوادث الاسيويين واللي تتعلق بتصليح السياره فقط

والله اعلى واعلم

[بومحمد المطاوعه]

لان حوادث المواطنيين مميته اخوي .. مو مثل حوادث الاسيويين واللي تتعلق بتصليح السياره فقط

والله اعلى واعلم


هههههههه اشدخل

بعد الحادث حادث

لان الاسويين على قولتج يربطون الحزام


وطبعآ كل شي بيد رب العالمين

بس نأخذ بالاسباب

يعني بربط الحزام ولاكن ماقول الحافظ الحزام

ولاكن الله الحافظ

[ودي أكون]

هههههههه اشدخل

بعد الحادث حادث

لان الاسويين على قولتج يربطون الحزام


وطبعآ كل شي بيد رب العالمين

بس نأخذ بالاسباب

يعني بربط الحزام ولاكن ماقول الحافظ الحزام

ولاكن الله الحافظ

اربطوا لحزام ورونا من اكثر فيكم حوادث .. بعيد الشر ان شاءالله

اخوي مايخصه لحزام .. صدقني الهندي لو ادعمه قطري نفس الحوادث اللي نسمعها .. لا الحزام بنافع الهندي ولاشيء.. مابتنفعه الا رحمة ربي ذاك الوقت

مواتر تتكنسل بسبب حوادث المواطنين .. ناس اتموت .. وغير اللي فالعديد .. والا ع طريج سلوى .. واللي واللي ..


المهم .. متى بيوصل ايفوني ان شاءالله :tease:

[Charisma]

مرحبا اخوي ..

النسبه بنظري واقعيه .. كم خسرنا من ربعنا والمقربين لنا بحوادث .. اسال اي احد حولك تعرف احد من ربعك او جماعتك توفى بحادث سياره ؟ وشوف الجواب .. الاسباب كثيره وعلى رأسها .. الشباب وثقافه الأستعراض والريس على الشوارع العامه .. ومن بعدها دور الأب اللي من يدخل ولده الثانوية طلع له موتر اخر موديل .. ومن بعدها المرور وتركيزهم عالمخالفات اكثر من توعيه الشباب وابتداءا من المدارس .. وتشديد اختبارات الحصول على الليسن للجميع .. والتحكم بحركه الشاحنات وقوافل الباصات على الطرق السريعه ..

والله يستر علينا وعليكم ..

[بومحمد المطاوعه]

اربطوا لحزام ورونا من اكثر فيكم حوادث .. بعيد الشر ان شاءالله

اخوي مايخصه لحزام .. صدقني الهندي لو ادعمه قطري نفس الحوادث اللي نسمعها .. لا الحزام بنافع الهندي ولاشيء.. مابتنفعه الا رحمة ربي ذاك الوقت

مواتر تتكنسل بسبب حوادث المواطنين .. ناس اتموت .. وغير اللي فالعديد .. والا ع طريج سلوى .. واللي واللي ..


المهم .. متى بيوصل ايفوني ان شاءالله :tease:

هههههه

انزين انا الحمدلله اربط الحزام لو اروح الدكان

خلاص تعودت عالحزام لو اركب روز رايز بعد اربط ولله الحمد



ترى حتى فالهند الهنود يموتون اكثر من الاجانب بالنسبه لهم
شي طبيعي جذي

بس المشكله المتهورين هم السبب



ومافي ايفون في جوال بوليت خخخخ

[حمد بن خالد]

مرحبا اخوي ..

النسبه بنظري واقعيه .. كم خسرنا من ربعنا والمقربين لنا بحوادث .. اسال اي احد حولك تعرف احد من ربعك او جماعتك توفى بحادث سياره ؟ وشوف الجواب .. الاسباب كثيره وعلى رأسها .. الشباب وثقافه الأستعراض والريس على الشوارع العامه .. ومن بعدها دور الأب اللي من يدخل ولده الثانوية طلع له موتر اخر موديل .. ومن بعدها المرور وتركيزهم عالمخالفات اكثر من توعيه الشباب وابتداءا من المدارس .. وتشديد اختبارات الحصول على الليسن للجميع .. والتحكم بحركه الشاحنات وقوافل الباصات على الطرق السريعه ..

والله يستر علينا وعليكم ..


معاك الله يسلمك

وماقلنا شي عن هالموضوع

احنا نتكلم عن مسببين الحوادث في الدوحة , أي فئة , وكم نسبتهم ؟

ياليت لو يتكلمون عنهم لو مرة وحدة

[حمد بن خالد]

اما بخصوص من متسبب ف الحوادث مايشوفونها

يشوفون الححادث نفسه

شاب قطري متهور


انزين ليش ماتشوفون الحفر فالشوارع ؟؟
او الحنيات القويه

او المتسببين ف الحادث .؟


الله كريم

بغض النظر ,, لازم السايق يكون منتبهه حق كل شي


يعني اليوم الصبح وانا ياي الدوام شفت اربعه متداعمين

الغلط على من ؟؟؟

على راعي الباص مال العمال اللي حذاهم !!!!!

تخيل يعني ...

لف عليهم وخلاهم يتصافقون وهو ماصار فيه ولا شي ..

وثلاث من اللي متداعمين قطريين وواحد منهم ضابط في الجيش , بيقولون القطريين حاولوا يحاشرون راعي الباص مثلاً ؟؟

[حسن]

السبب الريئسي هو السرعه وعدم الانتباه والحذر من اخطاء الاخرين

بالنسبه للشباب فعلا هم اعلى نسبه

وللاسف نسمع كثيرا عن وفايات الشباب

عدم وجود رقابه من الاهل واهتمام وشبابا يمكلون سيارات سريع ولا في اتعاض
وتزويد سيارات واستخادمات الاجهزه تلفون وغيره

فئتهم العمريه وسن المراهقه ولا يوجد وعي من قبل الدوله سواؤ عن طريق المدارس
وغيرها
الحاله الماديه

قبل اسبوع وانا رايح شمال مرو علي استاندرات اثنين يتتابعون مسابق
لو مالو على الخور كان بلغت عليهم دوريه الزباره

خوفا عليهم وعلى الاخرين

لازلت اتوقع النسبه بازدياد يجب التركيز يكون من الوالدين اولا بتقديم النصح والارشاد والسؤال عنهم
وتذكيرهم والتاكد من طلعاتهم وجياتهم

والله يكفينا شر الحوادث

[راعي الكورفت]

الحوادث تصير بنسبه كبيره للشباب لعدة اسباب وهي الرعونه والسرعه وهو راكب كروزر يعني موتر كبير مش مصنوع للسرعه ..

وبنلاقيهم يسوقون فوق 200 في سياره مصنوعه من ورق وبرعونه شديده واطلعوا على الخطوط وبتشوفون اشلون الاستهتار ولاحول ولاقوة إلا بالله

[رجل تعليم]

" الحياة أمانة لنحافظ عليها "
كان هذا شعار اللجنة الوطنية للوقاية من حوادث السير ذات صيف بعيد
ونظرا لارتفاع حوادث المرور عندنا فقد سنت الدولة المغربية " مدونة سير صااااااااااارمة جدا "

وجاءت النتائج مبهرة ، بحيث حين تكون خلف المقود كسائق فإنك لا تفكر في أي شيء آخر سوى في " عدم ارتكاب الخطإ "
لأن الغرامة والأحكام وسحب رخصة القيادة تنتظرك بمجرد ارتكابك لحماقة معينة لا قدر الله .
أكثر الناس لدينا خوفا على مصائرهم هنا هم " السائقون " وهكذا بتنا نلاحظ تغيرا جذريا في سلوكهم والحمد لله.
الحل بيد الدولة وقبلها بيد المدرسة ... لكن حين يستفحل الوضع فلا حل سوى الصرامة ومنتهى الصرامة وسترون النتائج في اليوم الأول لتطبيق القوانين .
سحب رخصة القيادة هي الحل الأمثل أمام هؤلاء المتهورين الذين يعرضون حياتهم وحياة غيرهم للخطر .
وارجو الله أن يهدي ويحفظ الجميع.

[بالمرصاد]

التهور هو السبب الرئيسي في الحوادث

[رجل الجزيرة]

لا ترحون بعيد شوفوا إحصائيات إدارة المرور أغلبية الحوادث الخشنة هم الشباب فإلي توفى الله يرحمه وإلي معوق الحين يتأسف ويتندم وإلي الله كاتبه العافية فما يتوب إلا بالعكس يزيد في شطانته لين ربي يصلحه إلا من رحم ربي، فالله يصلح الجميع.

[حمد 2002]

طبعا السبب الرئيسي للحوادث هو القدر وكل انسان من انولد مكتوب يومه ، لكن لكل شيء اسباب طبعا .
ولكي نعرف اكثر الفئات الي اتصيدها الحوادث سواءا شباب او شياب او مواطنين او مقيمين ، يجب ان تتوفر لنا احصائيات دقيقه من قبل الجهات المختصه ووقتها نستطيع الحكم وأبداء رئينا .

(( الحدث من تلك الحوادث ))


للحد وللتقليل من تلك الحوادث يجب علينا أولا

توجيه المجتمع بخطورة تلك الحوادث عن طريق أطلاق حملات توعويه ليس لها فترات معينه بل مفتوحه طوال العام لاننا لللأسف نجد بان اكثر تلك الحملات تتركز ونلاحظها بأسبوع المرور فقط .

هل العقاب وفرض غرامات هو الحل ؟

لا طبعا فالعقاب عمره ماكان حل بل سيزيد المشكله تعقيدا ، لاننا لاحظنا ونحن نقوم بهذا الامر كذلك ، اذا جفنا رادار خففنا السرعه واذا عديناه صطينا العداد 160 وفوق ، بل البعض امركب بموتره جهاز لكشف اماكن الردارت المتحركه .


والبعض اذا جاف شرطه قدامه ربط الحزام واذا عداهم شله !! ، ونحن نقوم بهذا الامر ولسنا معصومين منه .


انا بأعتقادي بأن العقوبات الماديه فائدتها الوحيده هي زياده ميزانيه وزاره الداخليه فقط .


لماذا لانشاهد مثلا تواجد ظباط وعساكر بالدوارات والاشارات ينصحون الناس ويقابلونهم بابتسامه ويوزعون مطويات على السيارات وكتب وهدايا عن خطر السرعه وضروره اتباع الارشادات الامنيه بالشوارع !! .

اذا نلاحظ بان اسلوب التغريب هو الافضل من اسلوب الترهيب .


البعض يقول بان اشغال هي السبب ، والجهات المسؤله عن الشوارع ؟!! ، نعم انا لا ابرئها ولكن يجب علينا الصبر عليهم قليلا ، لان اصلاح الشوارع والبنيه التحتيه لايأتي بين يوم وليله بل يحتاج الى عده سنوات طبعا .


مع التحيه .

[حسن]

الاسبوع الماضي فقدنا شابين وهم في عز الشباب

بسبب هل الدراجاات

الله يرحمهم

الا سباب لايوجد ثقافه سواقه نهائيا
مع العلم تشديد العقوبه ووضع عقوبات صارمه وتحويل البلد كاملا الى كيمرات ورادارت
ولا زال النزيف مستمرا

رحت المانيا ماشفت راادار واح لا على اشاره ولا في الشوارع ولا حووادث

صج متخلفين عنا

:)

[بومحمد المطاوعه]

بغض النظر ,, لازم السايق يكون منتبهه حق كل شي


يعني اليوم الصبح وانا ياي الدوام شفت اربعه متداعمين

الغلط على من ؟؟؟

على راعي الباص مال العمال اللي حذاهم !!!!!

تخيل يعني ...

لف عليهم وخلاهم يتصافقون وهو ماصار فيه ولا شي ..

وثلاث من اللي متداعمين قطريين وواحد منهم ضابط في الجيش , بيقولون القطريين حاولوا يحاشرون راعي الباص مثلاً ؟؟

صحيح اكيد ان السايق اهو المفروض ينتبه

بس بعد

يتحمل عواقب الاخرين والاخرين المفروض يحاسبون

مثل ماقلت راعي الباص المفروض الغلط عليه كله

شذنبي يلف علي وادعم ويحطون الغلط علي

انزين والي لف علي .,.؟