احذروا يبيعونكم التقليد من ايفون باسعار خياليه

[مضارب دوسري]

السلام عليكم
واحد من الربع لما راح لندن فالصيف راح لشركة ابل قالوله جوالك تصنيع اسيا مب من عندنا او امريكا (هو رايح يشتكي من البطاريه والكاميرا )
قال لهم لا انا شاريه بسعر كذا وكذا ومتاكد انه اصلي ركبوا عليه اجهزه عندهم عشان يعرفون قالوا له جوالك مب بريطاني او امريكي جوالك تصنيع اسيا عطاهم جوال المره قالوله نفس الشي
عطاهم جوال ولده قالوا له هذا اصلي
انا اتحدث فالموضوع عن ايفون 5 اس
حتى هو من نفسه قال انا شاري جوالي وجوال المره من مكان واحد
والولد شاري جواله من مكان اخر
وهذا اللي اكد له صحة كلامهم

ولكن الان نزل ايفون 6 الصيني للاسواق قبل الشركه الام
تحملوا يبيعونكم الصيني او (تصنيع اسيا) باسعار فلكيه
الافضل الواحد يحكم عقله
بعض ضعاف النفوس يبيعونه على انه بريطاني

وبعض المشترين يشتري ولا يعرف شنو استخداماته او كيف يعرف انه اصلي او لا
يشتريه عشان بس قدام الناس يراويهم
ف احذروا

بعض عشاق الايفون ماشاء الله عليهم يعرف يفرق بين الاصلي والغير اصلي

انا عن نفسي ماعرف
ف دايم اشتريه من شركات الاتصالات او من مكان اثق فيه او تعاملت معاه سابقا

الموضوع لا يخص محلات الهواتف فقط ولكن ايضا يخص من يعرضون فالنت
فالله اعلم بامانة كل شخص
لذلك وجب التنبيه

[Bin Hood]

شكرًا على التنبيه

بس عجبتني عشاق الآي فون ما يفرقون بين الأصلي والتقليد

[مضارب دوسري]

شكرًا على التنبيه

بس عجبتني عشاق الآي فون ما يفرقون بين الأصلي والتقليد

حركات بعد ههههههه
البعض مثل ما قالولي يتصلون فالشركه او شي جذي يعطونكم السيريال نمبر عشان يتاكدون
ف الواحد ينتبه من النكبه يشتري جوال ب 6000 ويطلع تقليد
مقلب شديد بصراحه

[ودي أكون]

صحيح كلامك .. انت دافع دافع.. بدفع ع مكان فيه ضمان ..

لكن للاسف البعض همه ان يكون عنده الايفون اول شيء.. هاي اهم شي عندهم .. اصلي تقليد مايهمهم .؟!




المهم انا حتى لو تقليد ترا عادي اقبله :shy:


نسخه لـ اخوي بومحمد المطاوعه :tease:

[الخيالة]

انزين حد يقول شلون نعرف اصلي من التقليد

[العابد]

كل الآيفون يصنع في الصين
كيف أمريكي وأسيوي وبريطاني

[المبرمج صلاح]

انزين حد يقول شلون نعرف اصلي من التقليد

هلا اخوي اشلون الواحد ما يقدر يفرق بين الاصلي والتقليد مع احترامي للشخص الفرق واضح بين الاتنين مثل الشمس والقمر
الا اذا هو كان مشتري الايفون بس عشان اسمه ايفون

كل الاجهزة الايفون الاصليه تصنع في الصين ( Made in china )


ابسط طريقة عند تشغيل الجهاز بمجرد تلمس الجهاز سوف تعرف انه تقليد اذا كنت استخدمت الايفون من قبل

واذا ما عندك اي خبرة في الايفون او عمرك ما استخدمته من قبل افتح app store ونزل منه برنامج
find my iphone
او
whats up

بشرط ما يكون محمل عالجهاز من قبل

اذا اشتغل وقبل منك اليوزر وباسورد الابل وقام بتحميل البرنامج عالايفون واشتغل البرنامج فهنا الايفون اصلي 100 %

من يمكلون الايفون من قبل بمجرد ان يشوفو شاشة الايفون سوف يعرفون اصلي ولا لا الفرق بينهم واضح مثل الشمس والقمر

لا مجال للخداع او النصب الا اذا كان المشتري لا يعرف ما هو الايفون اصلا

[لبيبة]

وعليكم السلام ورحمة الله وبركاته

كيف ما يقدر يميز انه تقليد والنظام اللي داخله اندرويد؟! مختلف تماما من الداخل

بديت اشك ان ابل تقدم دعم اقليمي للجهاز اذا حصلت له مشكلة تتطلب استبداله،

لأن الاجهزة تختلف في الاعدادات الداخلية وبعض الاعدادات في الهاردوير بين الاقاليم،

منها اختلاف نطاقات شبكات فور جي لتتوافق مع شبكات المنطقة كذلك تفعيل او تعطيل فيس تايم، مثلا في اجهزة الايفون وارد الامارات (الموجودة في كل دول الخليج) يوجد اعداد داخل الهاردوير يحذف الفيس تايم من الايفون ويعطل الاي مسج عند وضع سيم كارد لشركة اتصال من السعودية او الامارات، ويرجعه عند ادخال سيم كارد من شبكات الدول الخليجية الباقية. بينما باقي اجهزة الايفون التي تكون وارد الدول او الاقاليم الاخرى، لا يتعطل فيها فيس تايم حتى لو تم وضع سيم كارد سعودي او اماراتي.

(وتم التلميح للسماح بالفيس تايم قريبا في السعودية عن طريق ابديت من الشبكة)

ما اقصده هنا من كل هذا، انه بسبب اختلاف الاعدادات الداخلية لأجهزة الايفون، فإنه عند حدوث اي عطل يتطلب تبديل الجهاز، قانونيا عندهم يجب تبديله بنفس الموديل بالضبط (ان كان ايفون وارد اماراتي يجب ان يعطونه اماراتي، ان كان الايفون بريطاني يجب ان يعطونه بريطاني) بنفس اللون والمساحة ايضا، لا يمكنه ان يختار لون آخر او يطلب ترقية الجهاز لسعة اعلى. كلامي عن تجربة لجهاز ايفون (وارد بريطاني) اخترب فيه زر التشغيل، فبدلوه لي فورا بنفس الجهاز ووارد بريطاني، على الرغم من ان ابل ستور هذا كان في دولة اوروبية اخرى، لكن عندهم دعم اقليمي لأجهزة ايفون الاوروبية والامريكية.

لا اعتقد ان المشكلة كانت في كون الجهاز تقليد، اعتقد انه طلب الدعم لايفون وارد اسيا في ابل ستور اوروبي، ولا يتوفر عندهم نفس الجهاز لتبديله له. ولو راح لدولة اسيوية فيها ابل ستور اعتقد بيبدلونه له لتوفر الاجهزة المماثلة لجهازه.

[Al Basha]

ذكرتوني بشخص عزيز وغالي ضاع عليه أيفونه .. شوي إلا يقولي إنه كان يشيل الكفر من ورى .. ويشيل البطارية .. ويركب الشريحة :)
لا صج ترى أيفوني أصلي شفيك إنت :)
رح زين :) أصلاً شريت الأيفون 6 قبلك :)