قرار غريب يخص حفلات الاعراس في دولة الامارات

[Aaziz]

السلام عليكم

ذكر لي شخص انه تمت دعوته على حفل زواج احد ابناء عمومته في دوله الامارات ،، يقول نزلت في دبي مع احد ابنائي و كانت النيه ان اتواجد في قاعه الحفل الواقعه في احد الفنادق مباشره بعد صلاه العشاء .
وفعلا توجهنا للعرس بعد العشاء و استغربت ان القاعه تكاد تكون خاليه ، و اذا بالمفاجئه الاكبر ان المعرس استقبلنا بدون بشت ؟
يقول: قلت له خير عسى ماشر ظناً مني ان امرا ما قد حصل و الغي مشروع الزواج !
قال المعرس: لا يا يبه عرسنا خلص و انا جالس انتظركم اسلم عليكم ؟
شلون و ليش ؟
قال الحكومه نزلت قرار بان حفلات الزواج تكون مابين صلاه المغرب و العشاء فقط و ان لا يكون فيها سوى الشاي و القهوه و التمر ؟
واول من طبق القرار هو احد ابناء رحمه الله الشيخ زايد او احد احفاده .

ارى انها خطوه مباركه مع العلم ان التكاليف تكون اكبر في حفلات النساء ولكن بالتاكيد سينعكس هذا القرار على الجانب النسائي من حفل الزواج .

[ودي أكون]

خبر قدييم :victory:

بالفعل اول من طبقه ابناء الشيح محمد بن زايد وكانوا من ضمن العرس الجماااعي ..
بدون ذباح .. فقط الفواكه والتمر والشاي والقهوه .. ويخلص العرس من وقت

واغلب العروس حالياً على هالمسار ..

[Aaziz]

خبر قدييم :victory:

بالفعل اول من طبقه ابناء الشيح محمد بن زايد وكانوا من ضمن العرس الجماااعي ..
بدون ذباح .. فقط الفواكه والتمر والشاي والقهوه .. ويخلص العرس من وقت

واغلب العروس حالياً على هالمسار ..

انتي اماراتيه صحيح ؟
اذا اماراتيه عطينا خلفيه عن اعراس النساء بعد القرار ،، هل تغيرت فيها شي فعلينا من ناحيه تقليل التكاليف ؟

[برشلوني قطر]

ههههههههههههههه

ياخوي بوسعود البلا مب ف عرس الرياييل...ماعتقد عرس المعرس بيكلف ذاك المبلغ..

لاكن هل طبق هذا النظام ع العروس ؟؟:(

[Aaziz]

ههههههههههههههه

ياخوي بوسعود البلا مب ف عرس الرياييل...ماعتقد عرس المعرس بيكلف ذاك المبلغ..

لاكن هل طبق هذا النظام ع العروس ؟؟:(

هلااااااااا بالسمي بس غير شوي :nice:
ياخوي اتوقع اكيد راح يتاثر عرس النسوان شوي و يمكن مع الوقت ،، لانه يبيله اقتناع ،، التكاليف هذي غلط ،،، ياحليل الاجانب تلقاها بفستانها تدور في مول تصور مع المعرس ولا عند نافوره في مكان عام .
اخر شخص تزوج عندنا كلف عرسه 180 و ماكان في قاعه

[ودي أكون]

انتي اماراتيه صحيح ؟
اذا اماراتيه عطينا خلفيه عن اعراس النساء بعد القرار ،، هل تغيرت فيها شي فعلينا من ناحيه تقليل التكاليف ؟

لا اخوي قطريه بس الموضوع قديم وسمعت فيه وبالفعل هالشيء لمطبق عندهم .. اما الحريم فحالهم حالنا .. الفرق ان ماعندهم طبالات، واللي اللي حابين يحطون.. اما الاغلب ديجي.. اما احنا عندنا تنافس عالطبالات .! وطبعاً ماعندهم نقوط .. الا العوايل اللي عندهم اهل فقطر مثلاً فيتبعون نظام نقوط..! ويكون القط قليل جداً ..
اما الباقي نفس الشيء.. والله اعلى واعلم

[Aaziz]

اها ،، بس زين فيه تغيير في العرس النسائي بعد هالقرار ،، شي طيب بصراحه .
تكاليف الاعراس في الامارات كانت اضعافنا قبل هذا القرار ،، متاكد من هالشي ،،خصوصا اهل بوظبي و العين ،، اذا مايكلف العرس مليوم و ميتين و حولها ولا ماتجمل

[برشلوني قطر]

هلااااااااا بالسمي بس غير شوي :nice:
ياخوي اتوقع اكيد راح يتاثر عرس النسوان شوي و يمكن مع الوقت ،، لانه يبيله اقتناع ،، التكاليف هذي غلط ،،، ياحليل الاجانب تلقاها بفستانها تدور في مول تصور مع المعرس ولا عند نافوره في مكان عام .
اخر شخص تزوج عندنا كلف عرسه 180 و ماكان في قاعه

هلا بك زووود بوسعود << عجبني السمي غير هههههه

ماشاء الله كلفه وايد العرس...

اعتقد ياخوي القوانين ماتضبط السالفه ...وثانيا بوسعود تخيل جايينك ضيوف ياخي ماتقدر تخليهم بدون عشا

وسؤالي هل هي سنه وما رأي الشرع في هذا الموضوع ؟؟

[R 7 A L]

انت لو تلاحظ الناس ما قامت تأكل خاصة في الاعراس
والله انها صحون بقصاديرها ماحد لمسها

[Aaziz]

هلا بك زووود بوسعود << عجبني السمي غير هههههه

ماشاء الله كلفه وايد العرس...

اعتقد ياخوي القوانين ماتضبط السالفه ...وثانيا بوسعود تخيل جايينك ضيوف ياخي ماتقدر تخليهم بدون عشا

وسؤالي هل هي سنه وما رأي الشرع في هذا الموضوع ؟؟

اذا كان قرار معناته على الكل راح يطبق ،، و محد راح يلوم حد ،، يعني الي ذكر لي القصه هذي ،، رجع من الامارات معجب بهالشي .. ما نقدر عليهم مع انه ضيف جاي من بلد اخر.
و الشرع ما افتي ولكن شروط الاشهار متوفره في الحفل المبسط


انت لو تلاحظ الناس ما قامت تأكل خاصة في الاعراس
والله انها صحون بقصاديرها ماحد لمسها

صحيح رحال و هالشي ملاحظه وهو الصح بيني و بينك .. عيشتنا مظره من قلب و جسم الانسان صار ضعيف

[ولد شرق]

السلام عليكم

ذكر لي شخص انه تمت دعوته على حفل زواج احد ابناء عمومته في دوله الامارات ،، يقول نزلت في دبي مع احد ابنائي و كانت النيه ان اتواجد في قاعه الحفل الواقعه في احد الفنادق مباشره بعد صلاه العشاء .
وفعلا توجهنا للعرس بعد العشاء و استغربت ان القاعه تكاد تكون خاليه ، و اذا بالمفاجئه الاكبر ان المعرس استقبلنا بدون بشت ؟
يقول: قلت له خير عسى ماشر ظناً مني ان امرا ما قد حصل و الغي مشروع الزواج !
قال المعرس: لا يا يبه عرسنا خلص و انا جالس انتظركم اسلم عليكم ؟
شلون و ليش ؟
قال الحكومه نزلت قرار بان حفلات الزواج تكون مابين صلاه المغرب و العشاء فقط و ان لا يكون فيها سوى الشاي و القهوه و التمر ؟
واول من طبق القرار هو احد ابناء رحمه الله الشيخ زايد او احد احفاده .

ارى انها خطوه مباركه مع العلم ان التكاليف تكون اكبر في حفلات النساء ولكن بالتاكيد سينعكس هذا القرار على الجانب النسائي من حفل الزواج .

الخبر فيه نوع من المبالغه
يعني نفترض جدلا ان العرس بين الصلاتين يعني ساعه ونص تقريبا
اشدعوه دخل العرس وحصل المعرس بروحه يعني محد من المدعويين جلس اكثر من الوقت بين الصلاتين ولا حتى هله وجماعته؟
بعدين اش هالسنع اللي يقول حط للناس شاي و فواكه؟
بعيدا عن العادات والتقاليد الرسول صلى الله عليه وسلم يقول اولم ولو بشاة
اخذوا الزين وخلو الشين من اي دوله

[Aaziz]

الخبر فيه نوع من المبالغه
يعني نفترض جدلا ان العرص بين الصلاتين يعني ساعه ونص تقريبا
اشدعوه دخل العرس وحصل المعرس بروحه يعني محد من المدعويين جلس اكثر من الوقت بين الصلاتين ولا حتى هله وجماعته؟
بعدين اش هالسنع اللي يقول حط للناس شاي و فواكه؟
بعيدا عن العادات والتقاليد الرسول صلى الله عليه وسلم يقول اولم ولو بشاة
اخذوا الزين وخلو الشين من اي دوله

الي ذكر لي القصه ما اعتقد انه يبالغ نهائيا
اخوي ترى اعراس الامارات قبل هذا القرار تستمر 3 ايام بعدين اهل البلاد كلهم عارفين النظام ،،، تبي تحظر عرس قريبك ولا صديقك ،، جهز نفسك بعد صلاه المغرب ،، سلم و بارك و تقهو ،، شتبي زود بعد .
اشوفه قرار موفق و سنه حسنه ليت نتبعها .
عندي واحد من اخواني يمكن يتزوج قريب ،، اقول له شوف عرسك انا بسنعه و ماتدخل فيه ،، و نيتي اني اسويه شي مصغر جدا ،،، شي يجمل فقط .
مش من باب بخل ابدا ،، ولكن من باب عدم التبذير و احنا الرجال لله الحمد نظرتنا للمبالغه في الاعراس الرجاليه نعتبرها انتقاد .. يعني عمري ما قلت عرس فلان ماشاءالله مكلف و مخسر .. ولكن يبهرني العرس الرجالي اذا جيت و لقيت امه لا اله الا الله حاظره العرس تقريدرا للمعرس و اهله .

[ودي أكون]

الخبر فيه نوع من المبالغه
يعني نفترض جدلا ان العرس بين الصلاتين يعني ساعه ونص تقريبا
اشدعوه دخل العرس وحصل المعرس بروحه يعني محد من المدعويين جلس اكثر من الوقت بين الصلاتين ولا حتى هله وجماعته؟
بعدين اش هالسنع اللي يقول حط للناس شاي و فواكه؟
بعيدا عن العادات والتقاليد الرسول صلى الله عليه وسلم يقول اولم ولو بشاة
اخذوا الزين وخلو الشين من اي دوله

المعرس واخوانه واهله يقعدون اخوي .. وحتى اللي عند اهل فالقاعه وحاب يقعد يقعد مافيها مشكله ..
الرسول صلى الله عليه وسلم يقول اولم ولو بشاة
اتوقع والله اعلم المعنى ان يكون في توجيب في أكل اللي هي الضيافه .. وهم بدال ماينقط الاكل فضلوا بدالها الفواكه والتمر والحلوى والشاي والقهوه .. ما اتوقع ان القصد لازم انك تذبح والناس مااا تاكل ..
مع العلم ان اللي يبي يحط ذباح يحط .. بس القانون للتقليل والتوفير على الاسر اللي عليها تكاليف .. والله اعلى واعلم

والله اعلى واعلم .. حاولت اجتهد فالحديث إن أحسنت فمن الله، وإن أسأت أو أخطأت فمن نفسي والشيطان .. غفر الله لي يارب ..

[w.qatar]

شلون مافي ذبايح ترا اكيد المعرس في بيتهم بيعزمهم على غدا او عشى لازم وليمه العرس هذي سنه

وبخصوص اعراس الحريم في الامارات لو شفتوا التكاليف و السوالف اللي مالها داعي بتحمدون ربكم ان اعراسنا في قطر بسيطه مقارنه بهم

[ضوى]

عزيز القرار وايد حلو ، وان شاء الله ان شاء الله ان شاء الله عرس عيالي يكون مثلهم وعرس بنتي يكون مثل اعراس الاجانب ويكتبون عني في الصحف المحلية والناس تقتدي فيني

[فريج النجادة]

شلون مافي ذبايح ترا اكيد المعرس في بيتهم بيعزمهم على غدا او عشى لازم وليمه العرس هذي سنه

وبخصوص اعراس الحريم في الامارات لو شفتوا التكاليف و السوالف اللي مالها داعي بتحمدون ربكم ان اعراسنا في قطر بسيطه مقارنه بهم

ومن قال ان الزبو في قطر اقل من الامارات

الحريم اهم اساس المشاكل في التكاليف على المعرس

والله يعين كل من اراد الزواج

[w.qatar]

ومن قال ان الزبو في قطر اقل من الامارات

الحريم اهم اساس المشاكل في التكاليف على المعرس

والله يعين كل من اراد الزواج

انا شفت اعارس بنات خالتي :secret: في شكثر اشياء مالها داعي وعندنا ما نسويها هذا وهم بعد في غياثي مب داخل ابوظبي
ومن قال يعتمدون عالدي جي ترا يجيبون مطربات
هذا غير المهر بعد 200 المتعارف عليه عندهم مب مثل قطر

[بومحمد المطاوعه]

صح كلامك


هاي قرار قديم اشوي

بس لاكن اشوفه زين وفوق الزين

لاخساير ولا شي





والحين من يتعشى العالم اكثريتهم قص معده هههههههه


تحياتي لك


بس بدون بشت ماله حل

[QTR-1978]

حبيت اوضح لكم انه مب قرار ولكنها مبادره من شيوخ الامارات
انا حضرت عرس ف ابوظبي ابتدا الساعه 4 وانتهي 7 بتوقيت قطر
وحضرت عرس بعدها فتره كان بعد المغرب الى اخر الليل

[بومحمد المطاوعه]

حبيت اوضح لكم انه مب قرار ولكنها مبادره من شيوخ الامارات
انا حضرت عرس ف ابوظبي ابتدا الساعه 4 وانتهي 7 بتوقيت قطر
وحضرت عرس بعدها فتره كان بعد المغرب الى اخر الليل

صحيح على حسب

اعراس عيال خالتي وخوالي

مثلنا فالدوحه

عشى وخير وعرضه

واعراس الربع البعض منهم مثل ماقلت

بدأ من 4 لين 8 تقريبآ وخلاص

[راجي الْعفو]

قرار ممتاز من ناحية الحد من الاسراف أو التبذير ..

أما كون المعرس يحط بس شاهي و فواكه .. فأشوف أن هذا غير مناسب ..

وعموما .. دام الأمر جا بقرار من الحكومة وفيه مصلحة للناس ولا يخالف الشرع ..

فيقولون لهم : سمعا و طاعة ..

مع التحية ..

[Aaziz]

اسمحولي اسمحولي على تخطي الردود ،، ضوى ناويه على حدث عظيم


عزيز القرار وايد حلو ، وان شاء الله ان شاء الله ان شاء الله عرس عيالي يكون مثلهم وعرس بنتي يكون مثل اعراس الاجانب ويكتبون عني في الصحف المحلية والناس تقتدي فيني

ضوى تكلمين جد ،، يعني العيال الله يحفظهم ممكن لكن عرس بنتج و انتي ام ،، بتقبلين انها تسوي شي مبسط ،، ماراح يسبب لج هالشي حرج مع جماعتكم و معارفكم .. و البنت بتقبل انها تسوي شي اقل من صديقاتها ؟
ليكون مشتطه و تاثرتي بمواضيع المنتدى !

[عاشق العديد]

ارحب يابو سعود ..

والله مبادره جميله ومنها توفير ..

ووشي جميل ..

ادعولي اسسسوي عرسي كهذا ..
ونفس اليوم اسافر من العرس الى المطار ابدل فسياره بعد ماعندي مشاكل

[Charisma]

اسمحولي اسمحولي على تخطي الردود ،، ضوى ناويه على حدث عظيم



ضوى تكلمين جد ،، يعني العيال الله يحفظهم ممكن لكن عرس بنتج و انتي ام ،، بتقبلين انها تسوي شي مبسط ،، ماراح يسبب لج هالشي حرج مع جماعتكم و معارفكم .. و البنت بتقبل انها تسوي شي اقل من صديقاتها ؟
ليكون مشتطه و تاثرتي بمواضيع المنتدى !

بالعكس ياخي .. احنا في حاجه الى اصحاب المبادرات .. الله يبلغها في عيالها ويحفظهم لها .. لكن الموضوع يحتاج لكسر روتين ومبادره .. وتسويق مجتمعي للفكره انها رائعه وبسيطه وهذا الهدف .

[QATAR 77]

على الاقل سندويشة شوارما :shy:

[Aaziz]

شلون مافي ذبايح ترا اكيد المعرس في بيتهم بيعزمهم على غدا او عشى لازم وليمه العرس هذي سنه

وبخصوص اعراس الحريم في الامارات لو شفتوا التكاليف و السوالف اللي مالها داعي بتحمدون ربكم ان اعراسنا في قطر بسيطه مقارنه بهم

غدا ثاني العرس هذا عرف ماينترك ،، مع انه غثيث على المعرس عقب ليله عصيبه بدت من صلاه المغرب


ومن قال ان الزبو في قطر اقل من الامارات
الحريم اهم اساس المشاكل في التكاليف على المعرس
والله يعين كل من اراد الزواج

اسمع من اخوك الصغير ،، مع انه مش موضوعنا ولك شيبنا و احنا نبي نثبت الخطا من الرجل او المره و هي سالفه البيضه قبل او الدجاجه
اذا اهلي اسرفو و فوشرو فهذا شي انا اتحمل مسؤوليته والمفروض اني اعرض عن هالطاري دامني رضيت فيه .


صح كلامك
هاي قرار قديم اشوي
بس لاكن اشوفه زين وفوق الزين
لاخساير ولا شي
والحين من يتعشى العالم اكثريتهم قص معده هههههههه
تحياتي لك
بس بدون بشت ماله حل

ههههه كثر منها قص المعده ،، والله انها نعمه انعم الله فيها على العالم
المهم وضحتو جزاكم الله خير ان الموضوع طلع مبادره مش قرار حكومي ،، والالتزام بها وهي مبادره فهو قمه الرقي و التقارب بين الحاكم و المحكوم ولا قصور في الكل


حبيت اوضح لكم انه مب قرار ولكنها مبادره من شيوخ الامارات
انا حضرت عرس ف ابوظبي ابتدا الساعه 4 وانتهي 7 بتوقيت قطر
وحضرت عرس بعدها فتره كان بعد المغرب الى اخر الليل

ياسلام ،، عرس يبدا 4 هذا العرس المبروك و يستمر 3 ساعات بس
ماتشيل همه نهائيا و عندنا المثل يقول لا وجع مثل وجع الضرس ولا هم مثل هم العرس


قرار ممتاز من ناحية الحد من الاسراف أو التبذير ..

أما كون المعرس يحط بس شاهي و فواكه .. فأشوف أن هذا غير مناسب ..

وعموما .. دام الأمر جا بقرار من الحكومة وفيه مصلحة للناس ولا يخالف الشرع ..

فيقولون لهم : سمعا و طاعة ..

مع التحية ..

والله ياراجي العفو ارضى باني اقدم لظيوفي شاهي و قهوه و فواله و قدوتاً بحكومتي
ولا اقبل فيديو شفت قبل فتره ،، الي صحون العشا مركبين لها تواير يدزونها لين قدام الضيوف وهم قاعدين ... فسق و بطره و النعمه زواله


ارحب يابو سعود ..
والله مبادره جميله ومنها توفير ..
ووشي جميل ..
ادعولي اسسسوي عرسي كهذا ..
ونفس اليوم اسافر من العرس الى المطار ابدل فسياره بعد ماعندي مشاكل

الله يرحب بك اخوي عاشق ،،، ربي يوفقك في بنت الحلال الي تسعدك و ترضيك
وعرس مايكلف اكثر من 100 الف رجال و حريم ،، و بعدها احلى شهر عسل في احلى فنادق العالم .




بالعكس ياخي .. احنا في حاجه الى اصحاب المبادرات .. الله يبلغها في عيالها ويحفظهم لها .. لكن الموضوع يحتاج لكسر روتين ومبادره .. وتسويق مجتمعي للفكره انها رائعه وبسيطه وهذا الهدف .

هلابك بايلوت ،، انا ما استنكر نيه ضوى ،، ولكن اسئل هل هي جاده فعلا ،،، لان دايما ام العروس هي الي تعفس البطح تبي التميز في عرس بنتها .
فا اذا الامهات صارت عندهم قناعه بان البهرجه الزايده اسراف و تبذير و عندهم قدره ان يواجهون المجتمع بعرس متواضع .. فهذي نعمه و فعلا مبادره طيبه و سنه حسنه لمن يبديها .


على الاقل سندويشة شوارما :shy:

لا وين شاورما ههههه اما على سنعها ولا نعمل بالمبادره

[بصمة قطرية]

أنا أحضر أعراس هلي في الإمارات
ما تفرق عن أعراسنا ..
و أعراس الرجال نفس الشي نفس أعراسنا
عشا و عرضة ..
هاي مب قرار ..
هاي بادرة و كل شخص له الحرية
يسوي اللي يبيه ..

[قطريه ماركه]

ان شااااء الله يتطبق هالشي في قطر
و خاصه اعراس النسااء
لانه ما يحطوون العشااء الا الساعه 12 و اغلب النسوان يكونون طلعوا
و حرااام الاكل كله يزيد

[راجي الْعفو]

اخوي عزيز .. القصد ان الوليمة أتكون مناسبة للمعزومين في عرف هل البلد وتحفظ بها مكانتهم .. يعني ما يليق في عرفنا ان الرجل الغني صاحب الملايين يجي عرسك و تقدم له شاهي ولا فاكهة و انت انسان قادر وما قاصركـ شي ! اما الإسراف و التبذير فهذا امر مفروغ منه كونه ما يجوز ..

لك التحية ..

[Charisma]

هلابك بايلوت ،، انا ما استنكر نيه ضوى ،، ولكن اسئل هل هي جاده فعلا ،،، لان دايما ام العروس هي الي تعفس البطح تبي التميز في عرس بنتها .
فا اذا الامهات صارت عندهم قناعه بان البهرجه الزايده اسراف و تبذير و عندهم قدره ان يواجهون المجتمع بعرس متواضع .. فهذي نعمه و فعلا مبادره طيبه و سنه حسنه لمن يبديها .






الموضوع يحتاج حمله اعلاميه .. وترويج مجتمعي لها .. وانا ارشح العضو راجي العفو لتنسيق متطلبات هذه الحمله .. وبأشراف العضو حسن والعضو عاهد .

[كيلو حديد]

قرار طيب

[معماري قطري]

إِحنا أُمة وسط وأَرجو أَن نكون كذلك

الرسول صلى الله عليه وسلم أَمر بالوليمة .. والعرس بعشاء غير متكلف أَو بوفيه بسيط بعد أَحلى وأَبهج ومن واجب المدعوين إِحياء العرس بالمشاركة الفعالة ومنها الأَكل وتفريق الأَكل على الفقراء.

[معماري قطري]

الي ذكر لي القصه ما اعتقد انه يبالغ نهائيا
اخوي ترى اعراس الامارات قبل هذا القرار تستمر 3 ايام بعدين اهل البلاد كلهم عارفين النظام ،،، تبي تحظر عرس قريبك ولا صديقك ،، جهز نفسك بعد صلاه المغرب ،، سلم و بارك و تقهو ،، شتبي زود بعد .
اشوفه قرار موفق و سنه حسنه ليت نتبعها .
عندي واحد من اخواني يمكن يتزوج قريب ،، اقول له شوف عرسك انا بسنعه و ماتدخل فيه ،، و نيتي اني اسويه شي مصغر جدا ،،، شي يجمل فقط .
مش من باب بخل ابدا ،، ولكن من باب عدم التبذير و احنا الرجال لله الحمد نظرتنا للمبالغه في الاعراس الرجاليه نعتبرها انتقاد .. يعني عمري ما قلت عرس فلان ماشاءالله مكلف و مخسر .. ولكن يبهرني العرس الرجالي اذا جيت و لقيت امه لا اله الا الله حاظره العرس تقريدرا للمعرس و اهله .

ههههه عزيز يبون يزيدون مخالفات الرادار .. تحصل الواحد نفخ يبي يلحق عن العرس ليخلص .. وخصوصاً لو ياي من امارة بعيدة

[راجي الْعفو]

الموضوع يحتاج حمله اعلاميه .. وترويج مجتمعي لها .. وانا ارشح العضو راجي العفو لتنسيق متطلبات هذه الحمله .. وبأشراف العضو حسن والعضو عاهد .

اشكرك ع حسن ظنك استاذ بايلوت

وان كنت اقل من ذلك

[برشلوني قطر]

ارحب يابو سعود ..

والله مبادره جميله ومنها توفير ..

ووشي جميل ..

ادعولي اسسسوي عرسي كهذا ..
ونفس اليوم اسافر من العرس الى المطار ابدل فسياره بعد ماعندي مشاكل

ههههههههههههه اللهم آمين.الله يرزقك الزوجه الصالحه.. اهم شي لا تنسى االوزار:rolleyes2:

[ضوى]

اسمحولي اسمحولي على تخطي الردود ،، ضوى ناويه على حدث عظيم



ضوى تكلمين جد ،، يعني العيال الله يحفظهم ممكن لكن عرس بنتج و انتي ام ،، بتقبلين انها تسوي شي مبسط ،، ماراح يسبب لج هالشي حرج مع جماعتكم و معارفكم .. و البنت بتقبل انها تسوي شي اقل من صديقاتها ؟
ليكون مشتطه و تاثرتي بمواضيع المنتدى !

خليني اعترف لك بشي ، ليومك هذا وانا اقول لبنتي لا تفكرين بمهر وبهانس دنيا مالها اي فكري اشلون تاخذين واحد ماعليه ديون عشان تكونين سعيدة ، وضربت لها مثل باعراس الاجانب ، واشلون بسيطة وراقية بنفس الوقت وغير متكلفة ، واقولها ماقولج لا تسوين عرس لا بالعكس سوي عرس وافرحي واعزمي ربعج وسوي اللي تبين بس لا تبالغين ، ووايد حاطة برايها انا انه يكون عرسها شعبي وبخيمة جنب البيت ويااارب تقتنع مع كثر الزن عليها

[ضوى]

بالعكس ياخي .. احنا في حاجه الى اصحاب المبادرات .. الله يبلغها في عيالها ويحفظهم لها .. لكن الموضوع يحتاج لكسر روتين ومبادره .. وتسويق مجتمعي للفكره انها رائعه وبسيطه وهذا الهدف .

بالضبط يا بايلوت هي الخطوة الاولى تكون صعبة المبادرة اهم شي في الموضوع واللي الله بيكتبه بيصير بالنهاية

[S S]

القرار ممتاز ليته يطبقونه عندنا

[ماعندي سهم]

زين تدرون ان هالشي مخالف لسنة :)

روي أن النبي صلى الله عليه وسلم أمر بها وفعلها. فقال لعبد الرحمن بن عوف، حين قال: تزوجت: أولم ولو بشاة

التوسط جميل والكرم يشرح الصدر و الاكل نعمة ودليل فرح و سرور

انا ضد هالشي واذا سوه عيال الشيخ زايد مب قدوه لنا في الاخير :)

على اساس اذا طلعوا من العرس مافي بوفيه ينتظرهم في البيت :)

[Aaziz]

أنا أحضر أعراس هلي في الإمارات
ما تفرق عن أعراسنا ..
و أعراس الرجال نفس الشي نفس أعراسنا
عشا و عرضة ..
هاي مب قرار ..
هاي بادرة و كل شخص له الحرية
يسوي اللي يبيه ..

يوله يوله :nice:
مقتنع بان المعرس و العروس لو يوفرون في تكاليف العرس ،، و بارق المبلغ عن العرس العادي ،، يجيب هدايا و اغراض افخم و اكثر جوده ،، راح يكون احب على قلب الزوجه و بتفرح فيه اكثر و بيدوم معاها عمر .
في كلا الاحوال اي عرس مايخلا من انتقاد او اتهام بقصور بكل صراحه .


ان شااااء الله يتطبق هالشي في قطر
و خاصه اعراس النسااء
لانه ما يحطوون العشااء الا الساعه 12 و اغلب النسوان يكونون طلعوا
و حرااام الاكل كله يزيد

قاصين المعده عشان هشكل ما يحضرون العشا :nice:


اخوي عزيز .. القصد ان الوليمة أتكون مناسبة للمعزومين في عرف هل البلد وتحفظ بها مكانتهم .. يعني ما يليق في عرفنا ان الرجل الغني صاحب الملايين يجي عرسك و تقدم له شاهي ولا فاكهة و انت انسان قادر وما قاصركـ شي ! اما الإسراف و التبذير فهذا امر مفروغ منه كونه ما يجوز ..
لك التحية ..

كلامك مقنع ،، لكن ياخوي ترانا في اعراسنا كلنا ندخل في جانب التبذير والله اعلم ،، في العشا يبدا بعشرين خروف و حوار ،، و ينتهي ب ثلاثين خروف و خمس حيران .
الافكار كثيره و مجالات التوفير كثيره .
اذكر من سنين حضرت عرس في الرياض كان في قاعه ،، و كان العشا خرفان مقطعه ،، مش نفسنا لقن عليه مفطح او لقن عليه قوايم .
المهم سالت و قالو هذا نظامنا الحين .. الخروف مقطع و بعد ماينتهون الرجال من العشا ،، يدخل راعي المطبخ يشيل بقايا اللحم المنتف و العظام و يزيد العيش و يرتبه و يزيد شوي قطع لحم .. و عقب يقلطون النسوان ،، لان قاعه العشا لها مدخل من عند الرجال و بعد مايخلصون الرجال من العشا يسكرون الباب و يدخلون النسوان .
هذا جانب من حسن التصرف بصراحه .


قرار طيب

صحيح


إِحنا أُمة وسط وأَرجو أَن نكون كذلك

الرسول صلى الله عليه وسلم أَمر بالوليمة .. والعرس بعشاء غير متكلف أَو بوفيه بسيط بعد أَحلى وأَبهج ومن واجب المدعوين إِحياء العرس بالمشاركة الفعالة ومنها الأَكل وتفريق الأَكل على الفقراء.


ههههه عزيز يبون يزيدون مخالفات الرادار .. تحصل الواحد نفخ يبي يلحق عن العرس ليخلص .. وخصوصاً لو ياي من امارة بعيدة

بصراحه البوفيه افضل بكثير ،، لان فيه تنوع و خفايف .. الدسم ذبح العالم ،، بخصوص الرادار ماعليك هل الامارات سمحين في هالجانب ،، واحد من الربع قط عني مخالفات رادار الله العالم بعددها .




خليني اعترف لك بشي ، ليومك هذا وانا اقول لبنتي لا تفكرين بمهر وبهانس دنيا مالها اي فكري اشلون تاخذين واحد ماعليه ديون عشان تكونين سعيدة ، وضربت لها مثل باعراس الاجانب ، واشلون بسيطة وراقية بنفس الوقت وغير متكلفة ، واقولها ماقولج لا تسوين عرس لا بالعكس سوي عرس وافرحي واعزمي ربعج وسوي اللي تبين بس لا تبالغين ، ووايد حاطة برايها انا انه يكون عرسها شعبي وبخيمة جنب البيت ويااارب تقتنع مع كثر الزن عليها

اسكتي اسكتي ضوى لاتعلمين حد بهالسالفه ،، الخوف حد يطمع في البنت :ok:
ربي يوفقها بالمعرس الي يستاهلها و تستاهله و يسترها و تستره


القرار ممتاز ليته يطبقونه عندنا

منتاز منتاز على قوله الدكتور بوحارب


زين تدرون ان هالشي مخالف لسنة :)

روي أن النبي صلى الله عليه وسلم أمر بها وفعلها. فقال لعبد الرحمن بن عوف، حين قال: تزوجت: أولم ولو بشاة

التوسط جميل والكرم يشرح الصدر و الاكل نعمة ودليل فرح و سرور

انا ضد هالشي واذا سوه عيال الشيخ زايد مب قدوه لنا في الاخير :)

على اساس اذا طلعوا من العرس مافي بوفيه ينتظرهم في البيت :)

والله ياخوي هذي يبيلها شيخ مفتي لان الامور فيها قياس ،، في اعراسنا ماهو حد التبذير ؟ هل احنا متخطينه او لا ؟
بعدها نرجع للحديث الشريف اعلاه او ناخذ بقوله تعالى {ولا تبذر تبذيرا إن المبذرين كانوا إخوان الشياطين وكان الشيطان لربه كفورا } صدق الله العظيم

[طبيب قطري]

القرار ممتاز ليته يطبقونه عندنا


اتفق معك