مخطط استراحة

[w.qatar]

الارض مساحتها 828

افكر اسويها استراحه

وافكر اسوي فيها ارتواز يمكن فيها ماي و افتك من الدناكر

و بركه سباحه و جزئين للعائله و جزء للشباب عشان الخصوصية مبدئيا يمكن اخلي البنيان في زاويه او مثل حرف اليو

في انتظار افكاركم و نصايحكم لاني في مرحله التخطيط الحين اذا جمعت افكار ببدا ارسم الخريطه

وبعد ابي اعرف هل استخدام الحديد بدال الاعمده الصب المعتاده ارخص ولا اغلى في البنيان ؟؟

مثل هذي الصوره


http://www.m5zn.com/uploads2/2011/8/4/photo/080411120813m6cwhzen0a87.jpg

[شموخ دائم]

,

,


مرحبا

فكره طيبه ان شاء الله انا اشجعك عليها بالتوفيق لك
كل فكره تصب في السياحه او الترفيه العائلي ممتازه جدا في المستقبل القريب

انا افضل تبنينها فيلا عاديه دورين لعده اسباب
1- توفير لمساحه الارض الدور التحتي صالات مفتوحه وزجاج للواجهات عمل اطلاله على المسبج والزراعه والغرف فوق
2- لو حبيتي استخدامها لغرض السكن او ما مشيت فكره الاستراحه بعد سنوات يكون استخدامها وايجارها سهل
3- بيعها سهل وتصلح لكل الاستخدامات مو مقيده

بالنسبه لعمل ( بير ) او ( رق ) مثل ما نسميه الفكره طيبه جدا ولكن ...
فهذا سالفته طويله جدا جدا ويحتاج موافقه ( الوزير ) شخصيا والناس من زمان تنتظر الموافقات صار لها سنوات

طبعا البعض يخالف ويجيب ( باكستاني ) ويحفر كانها مسوي حفره تصريف مجاري ولكنها ( بير ) بالخش احيانا يطلع الماي بسرعه
خلال 10 متر واحيانا نحتاج 30 متر او 40 متر حسب المنطقه ويمكن يطلع الماي مالح حسب المنطقه
قدموا كتاب حفر وانتظروا الموافقه ان شاء الله
هذا يتبع البيئه

وانا ما انصح في مخالفه القوانين كل شي قانوني زين
:)
بالنسبه لطريقه البناء حديد او خرسانه فهذا يفيدنا فيه الخبير معماري قطري
اذا حضر الماء بطل التيمم

,

,





شموخ دائم

[حسن]

البنيان انا اشوفه افضل
واذكر في شركه تبي بنيان سريع نسيت اسمها ولا سوي عمدان وجسور واسقف جاهزه سريعه التركيب

بالنسبه للبير توني اسئل شخص عن الرخصه يقول موقفه من زمان
ومافي رخص الى رخصه تنظيف البير

بالتوفيق

[ameeer3]

الله يوفقك في المشروع الي اكثر من ناجح - وان شاء الله يرزقنا رب العالمين بذلك المشروع

[Aaziz]

بالنسبه للرق اقول لج اصرفي نظر عنه ،، حفرنا رق (قانوني) و طلع الماي ماينشرب و يوم ودينا عينه للفحص اتضح انه مايعيش عليه الا النخل و كم نوع من النباتات للشرب طبعا مايصلح .
صرف الناس للماي قليل مايكلف و البركه تنترس مره في السنه و اجهزه التنقيه و التعقيم تطورت و صار مقدور عليها .
بالنسبه لنوع البنيان حسب الميزانيه ،، كله زين و ايضا على حسب المشروع هل ناوين انه طويل الاجل ولا مثلا عشر سنوات و بعدها ممكن يصير هدم و استغلال الارض للسكن ؟
موفقين خير

[معماري قطري]

الأَرض صغيرة وتحتاج تصميم جيد يتناسب لكل هذي الإِحتياجات

لو تفكر في زراعة سقفية وبناء خرساني خفيف ممكن يطلع أَفضل خصوصاً الخرسانات الجاهزة .. يعني طابوق عادي بفتحات بعضها فيه خرسانة وصبيات خرسانة المجوفة تركيب .. اللي في الصورة تبين لي جودة التنفيذ تعبانة وتركيب الطابوق متعرج .. واتصال الطابوق بالعمود بيسوي كراكات وفجوات .. بنيان الحديد بطريقة صحيحة يكون غالي لو تم تنفيذه بواسطة مقاول مختص ويكون أَقوى المفروض.

حط حدود الأَرض ووشو الموجود حواليها وباحاول اسوي لك مخطط مبدئي لتوزيعة الأَرض والبناء حسب احتياجك.

[معماري قطري]

,

,


مرحبا

فكره طيبه ان شاء الله انا اشجعك عليها بالتوفيق لك
كل فكره تصب في السياحه او الترفيه العائلي ممتازه جدا في المستقبل القريب

انا افضل تبنينها فيلا عاديه دورين لعده اسباب
1- توفير لمساحه الارض الدور التحتي صالات مفتوحه وزجاج للواجهات عمل اطلاله على المسبج والزراعه والغرف فوق
2- لو حبيتي استخدامها لغرض السكن او ما مشيت فكره الاستراحه بعد سنوات يكون استخدامها وايجارها سهل
3- بيعها سهل وتصلح لكل الاستخدامات مو مقيده

بالنسبه لعمل ( بير ) او ( رق ) مثل ما نسميه الفكره طيبه جدا ولكن ...
فهذا سالفته طويله جدا جدا ويحتاج موافقه ( الوزير ) شخصيا والناس من زمان تنتظر الموافقات صار لها سنوات

طبعا البعض يخالف ويجيب ( باكستاني ) ويحفر كانها مسوي حفره تصريف مجاري ولكنها ( بير ) بالخش احيانا يطلع الماي بسرعه
خلال 10 متر واحيانا نحتاج 30 متر او 40 متر حسب المنطقه ويمكن يطلع الماي مالح حسب المنطقه
قدموا كتاب حفر وانتظروا الموافقه ان شاء الله
هذا يتبع البيئه

وانا ما انصح في مخالفه القوانين كل شي قانوني زين
:)
بالنسبه لطريقه البناء حديد او خرسانه فهذا يفيدنا فيه الخبير معماري قطري
اذا حضر الماء بطل التيمم

,

,





شموخ دائم

مشكور إِخوي شموخ دائم على هذي الشهادة والإِشادة

تبي الصج الطريقتين ممكن عملهم بس تحتاج تفاصيل صح وشغل صح .. للدورين الأَرضية الخرسانية عملية وما يكون فيها صوت وممكن تركيب الخرسانة المجوفة على الحديد .. بس من الصورة واضح إِن البنيان بحديد وبطابوق مثل الموجود يبين شغل ناس غير مختصين .. للأَسف إِنتشر عندنا الشغل الرخيص .. قصدي الرخيص في جودة البناء والغالي نسبياً في السعر.

ولبنيان غرف استراحة بتكلفة معقولة وبجودة بعد مقبولة ممكن تحتاج تبني بطابوق وبأَرضية حديد خفيف وفوقها خشب مثبت ببراغي ونوعية المارين بلايوود السميك وبدون خرسانات كلش .. الطابوق بنفسه قوي وحامل .. بس يكون تركيبه صح وتكون الغرف صغيرة .. طبعاً عن الصوت تركز على العوازل تحت السجاد والسجاد السميك.

حوض السباحة لو محتاج تسويه سوه بعمق بسيط 1.25 متر كافي للسباحة براحة .. وركز على الترفيه والرياضة مثل صالة رياضية وتنور وباربيكيو متطور.

[w.qatar]

يعطيكم العافيه ما قصرتوا على هالردود

ان شاء الله بعد فتره بحط المخطط

و للعلم صورة البنيان اللي فوق هذي من النت بس خذيتها ابي اوضح الفكره اللي ابيها