القطريين في ذيل الطياره !

[همر]

حجزت تذكره على الخطوط الجويه القطريه

وكان التوزيع "التلقائي" لكرسيي في الصف

العاشر .. فتحت مخطط الطياره ولقيت كراسي

في الصفوف الاماميه فاضيه !

واخترت لنفسي كرسي قدام ..

ولما ركبت الطياره بطل العجب ...

لأن الطياره مافيها بزنس او فيرست كلاس

كل الشقر اصحاب البدل قاعدين في

الكراسي الاماميه .. مع فراغات بين

كل واحد وواحد عشان ياخذون راحتهم !


وباقي الجنسيات من اسيويين

ونازل ... باعتبارنا في اسفل القائمه..

يبتدون من الصف العاشر ونازل ...

وبين كل واحد وواحد .. واحد ..

والود ودهم يخلونهم اثنين ...

ولو في امكانيه فوق بعض بعد ..

مافي مشكل .. اهم شي الشقر مرتاحين

قدام ...


صراحه نرفزني الوضع لأنه مستحيل

يكون صدفه ... اذكر في الزمانات ...

وانا اركز على هالامور في سفراتي ...

كانوا يحطون العوايل القطريه قدام ..

وتلاقي الاسيويين والاجانب في ذيل الطياره ...


ماهي هالسفره وبس ... وانته متغير علي ...

صارلك كم سفره وانته ... انته بالك ماهو لي ...


سافرت في السابق الى دوله اسيويه ...

على البزنس لأن الرحله طويله .. كانت الطياره كبيره

لدرجة فيها كبينتين مفصولين للبزنس .. غير كبينة

الفيرست قدام ... وكما جرت العاده تم "فرزي"

الياً في الكبينه الثانيه .. دخلت على المخطط وغيرت

كراسيي للكبينه الاولى .. ليتبين لي سر التوزيعه

المدروسه بعد ماركبت الطياره .. ان كل اللي معاي في

الكبينه الاماميه ... عفارم عليكم ... شقر اصحاب بدل ...

والكبينه الخلفيه رازين فيها البطرانين من اسيويين !


اللي خلاني احس بالمؤامره .. جاتني المضيفه بعد

ماجلست تقولي .. انت مكانك هني ؟!!

قلت لها ايه في شي ؟!!



باحتسب حسن النيه .. وبقول يفصلون

الاجانب عن الاسيويين (القطريين included)

لان الاجانب يشربون وخايفين على مشاعرنا

كمسلمين ...

طيب ليش تقعدونهم قدام ؟!!

والقطريين في ذيل الطياره !!!


شفتوا الاحساس ايام كنا نركب بيكم ابو غماره

الصيه يقعد قدام .. والبلشتيه في الحوض !


احس اني بلشتي معاكم يا خطوطنا الجويه

القطريه !

[طبيب قطري]

ترى اذا طاحت الطياره نسبة نجاة الركاب في المقاعد الخلفية اكثر من اللي قاعدين جدام .. يعني افضل لنا نقعد ورا للعلم وهم خليهم يشربوا ويقعدوا جدام قلعتهم..

[ذكي جدااا]

انا اشوف انه مافيها شي. ثانيا اللي يقعدون بذيل الطياره يمكن ماخذين التذاكر عن طريق الاميال الكيومايلز

[R 7 A L]

شوف
ما نقدر نقول مؤامرة أو حسن نيــه
بس الأكيد
أن مصلحتهم ( موظفين القطرية ) هي الأهم حتى لو على حساب الخطوط القطرية
لدرجة حجزهم لانفسهم بأساميهم للتواريخ المهمة وبيعها ( سوق سودا )
بالإضافـه الى اميالهم الكثيرهم بالرغم من سفراتهم القليلة لو صارت الله أعلم !!

[سهيمان]

من زمان غسلت يدي من القطرية الله يخلي طيران الدول الشقيقة

[رهيب]

اي واحد يقدر يختار الكرسي اللي يبغيه.....

[امل الحياه]

عن نفسي ما اقول الا الاجانب عندنا العبو فينا بكل شي حسبي الله ونعم الوكيل على العموم بنأخذها من جانب جبر خاطر هههه اذا طاحت الطياره نسبة نجاة الركاب في المقاعد الخلفية اكثر من اللي قاعدين جدام

[الرايــق]

اي واحد يقدر يختار الكرسي اللي يبغيه.....

:victory::victory::victory:

[R 7 A L]

اي واحد يقدر يختار الكرسي اللي يبغيه.....



شلووون ؟

[حسن]

ياهمر

حلاته وره في الذيل وخصوصا قبل الحمام الله يعزكم

:)

بس في امكانك تحجز الكراسي الوضع الحين غير وتدخل على كابينه الطياره وتنقي الكرسي
اللي يعجبك

في رجعتي من برع اخرت كم يوم وطلبت من اخوي يحجزلي
فطرش لي الحجز مع الكراسي كلها
هو بنفسه عن طريق النت
فما لها دعوي سواء قطري ولا سنغالي

وبعدين الطيران القطري من افضل طيران في العالم صدقني
كل ماركبت ومعاي اجنبي اسئله
يقول كلهم ممتاز وطيارات جديده واسعارهم ممتازه

مشكلتنا احنا ما نتخذ القرار في الوقت المناسب

المهم انت رجعت لنا سالم وكلكم وصلتو في وقت واحد


:)

[المستقل]

كلام الأخ همر صحيح ، بتقولوا شلون؟


إذا فتحت الطيارة لحجز المقاعد من خلال موقع القطريه أحصل كل المقاعد المريحه ماقدر أحجزها حاط عليها بلوك ( المريحه أقصد أول صف في كل قسم في الطيارة أو على أبواب الطوارىء لأن فيه سعه ومريحه طبعاً أتكلم عن السياحية) ولما أتصل يقلون هذي لبعض الحالات الي تحتاج أو للي معاهم رضع أو أو قلت مش مشكله أهم شيء الحالات الإنسانيه!

ولكن أتفاجأ إذا دش الطيارة أحصل ياهندي الدهن مسوي فرقه في راسه من الجريان أو إنجليزي أحمر تشوف الدعم يجري فعروقه من العافيه ، لاكبار سن ولا رضع ولاشيء !!


الملاحظه هذي ملاحظه أكثر من مره مش كلام منقول لي

[q6ri_vip]

من كثر سفراتي عرفت اللي أتقوله صحيح وكلمتهم بهالموضوع ردهم بأن المسافرين يحجزون مقاعدهم أوو لاين
طيب لو حد معاه عائلة مكونه من ثلاث أشخاص مب أكثر بينثرهم في الطايرة عشان خاطر هالحجز اون لاين

[همر]

ترى اذا طاحت الطياره نسبة نجاة الركاب في المقاعد الخلفية اكثر من اللي قاعدين جدام .. يعني افضل لنا نقعد ورا للعلم وهم خليهم يشربوا ويقعدوا جدام قلعتهم..


تهقى يضحون فيهم علشانا ؟!!

اتغرغرت عيناي بالدموع :(

[همر]

انا اشوف انه مافيها شي. ثانيا اللي يقعدون بذيل الطياره يمكن ماخذين التذاكر عن طريق الاميال الكيومايلز


ماله علاقه..

[qatari 111]

السبب واااضح .. الاجنبي اذا شاف الراحه والدلع عالخطوط القطريه راح يطلع دعايه لها ويتم يتمدح فيها وهنا راح تنتشر ايجابيات الشركه حول العالم عن طريق الاجانب .. يعني الخطوط القطريه يشوفون مصلحتهم وسمعتهم عن طريق الاجانب عاى حسابنا احنا القطرييين .. خلوها على الله

مره ركبت الطياره وعقبنا جو عايله قطريه تفاجوا بانهم منثرينهم الرجال بصوب وزوجته بصوب مع رجال وغير عيالهم .. فقمت انا وربعي من الكراسي اللي قاعدين فيها وخليناهم يقعدون فيها واحنا تناثرنا .. بس اهم شي راحتهم وما نرضى على اهلنا يقعدونهم بين الرجال ..

[همر]

شوف
ما نقدر نقول مؤامرة أو حسن نيــه
بس الأكيد
أن مصلحتهم ( موظفين القطرية ) هي الأهم حتى لو على حساب الخطوط القطرية
لدرجة حجزهم لانفسهم بأساميهم للتواريخ المهمة وبيعها ( سوق سودا )
بالإضافـه الى اميالهم الكثيرهم بالرغم من سفراتهم القليلة لو صارت الله أعلم !!


ماحط في ذمتي :whistling:

[همر]

من زمان غسلت يدي من القطرية الله يخلي طيران الدول الشقيقة



المشكله تذكرة القطريه 1900 ريال وتذكرة طيران الدوله المجاوره

2400 ريال !

[همر]

اي واحد يقدر يختار الكرسي اللي يبغيه.....



انا كاتب اني مختار كراسيي..

انا اتكلم اذا ماخترت كرسيك السستم وين يحطك

من نفسه ...

[همر]

عن نفسي ما اقول الا الاجانب عندنا العبو فينا بكل شي حسبي الله ونعم الوكيل على العموم بنأخذها من جانب جبر خاطر هههه اذا طاحت الطياره نسبة نجاة الركاب في المقاعد الخلفية اكثر من اللي قاعدين جدام


كلمه ولو جبر خاطر ... :victory:

[قلب الحدث]

اغلب الاجانب يحجزون عن طريق الانترنت ويختارون المقاعد الامامية وانا اعمل نفس الشي دايما اكون بين السطر الثاني للخامس لان اول سطر بعد البيزنس ما تقدر تختاره عادة بيكون للنساء والاطفال الصغار والقطريين يحجزون من المكتب وعند الكاونتر التشيك ان يحطونك اي محل احجز من الانترنت واختار الكرسي الي يريحك

[رهيب]

شلووون ؟

اون لاين ... يعني عند حجز التذكرة او حتى بعد الحجز تقدر تدخل على موقع القطرية و تحجز اي كرسي فاضي ماعدا الصف الاول و عند مخارج الطوارئ يكون الحجز عند البوردينج




انا كاتب اني مختار كراسيي..

انا اتكلم اذا ماخترت كرسيك السستم وين يحطك

من نفسه ...


ويش دراك انه اللي قاعدين في الصفوف الامامية ما حجزوا كراسيهم مسبقا

[همر]

ياهمر

حلاته وره في الذيل وخصوصا قبل الحمام الله يعزكم

:)

بس في امكانك تحجز الكراسي الوضع الحين غير وتدخل على كابينه الطياره وتنقي الكرسي
اللي يعجبك

في رجعتي من برع اخرت كم يوم وطلبت من اخوي يحجزلي
فطرش لي الحجز مع الكراسي كلها
هو بنفسه عن طريق النت
فما لها دعوي سواء قطري ولا سنغالي

وبعدين الطيران القطري من افضل طيران في العالم صدقني
كل ماركبت ومعاي اجنبي اسئله
يقول كلهم ممتاز وطيارات جديده واسعارهم ممتازه

مشكلتنا احنا ما نتخذ القرار في الوقت المناسب

المهم انت رجعت لنا سالم وكلكم وصلتو في وقت واحد


:)


ماختلفنا يابوعلي .. تقدر تحجز بنفسك ..

بس اذا ماحجزت التوزيع الالكتروني او

وقت التشك ان يختارون لك كرسي ...

كرامة المواطن القطري بااااقوه يابوعلي ...

[همر]

كلام الأخ همر صحيح ، بتقولوا شلون؟


إذا فتحت الطيارة لحجز المقاعد من خلال موقع القطريه أحصل كل المقاعد المريحه ماقدر أحجزها حاط عليها بلوك ( المريحه أقصد أول صف في كل قسم في الطيارة أو على أبواب الطوارىء لأن فيه سعه ومريحه طبعاً أتكلم عن السياحية) ولما أتصل يقلون هذي لبعض الحالات الي تحتاج أو للي معاهم رضع أو أو قلت مش مشكله أهم شيء الحالات الإنسانيه!

ولكن أتفاجأ إذا دش الطيارة أحصل ياهندي الدهن مسوي فرقه في راسه من الجريان أو إنجليزي أحمر تشوف الدعم يجري فعروقه من العافيه ، لاكبار سن ولا رضع ولاشيء !!


الملاحظه هذي ملاحظه أكثر من مره مش كلام منقول لي



نسخه الى الاخ رهيب ...

في كل رحله احجز كرسيي وعند التشك ان اسألهم

عن كراسي مخارج الطواري يقولون لي فل !!!

حتى لو رحت قبل الرحله باربع ساعات !!!

متى حجزوها وهي مش متاحه اونلاين مادري ...

[همر]

من كثر سفراتي عرفت اللي أتقوله صحيح وكلمتهم بهالموضوع ردهم بأن المسافرين يحجزون مقاعدهم أوو لاين
طيب لو حد معاه عائلة مكونه من ثلاث أشخاص مب أكثر بينثرهم في الطايرة عشان خاطر هالحجز اون لاين


يقعد يحب خشوم مع فلان وعلان في الطياره

[همر]

السبب واااضح .. الاجنبي اذا شاف الراحه والدلع عالخطوط القطريه راح يطلع دعايه لها ويتم يتمدح فيها وهنا راح تنتشر ايجابيات الشركه حول العالم عن طريق الاجانب .. يعني الخطوط القطريه يشوفون مصلحتهم وسمعتهم عن طريق الاجانب عاى حسابنا احنا القطرييين .. خلوها على الله

مره ركبت الطياره وعقبنا جو عايله قطريه تفاجوا بانهم منثرينهم الرجال بصوب وزوجته بصوب مع رجال وغير عيالهم .. فقمت انا وربعي من الكراسي اللي قاعدين فيها وخليناهم يقعدون فيها واحنا تناثرنا .. بس اهم شي راحتهم وما نرضى على اهلنا يقعدونهم بين الرجال ..


الله يرحم ايام القطريه اللي كانت تراعي

عاداتنا وتقاليدنا .. كانوا المضيفات بنفسهم

اذا شافوا عوايل مفرقين او شباب بين بنات

او العكس يعيدون ترتيب الكراسي ...

الحين تجي وحده تقول للمضيفه كرسيي

بين اثنين رجال تقول لها قعدي ولا طارت الطياره

بنشوف لج صرفه ...

[همر]

اغلب الاجانب يحجزون عن طريق الانترنت ويختارون المقاعد الامامية وانا اعمل نفس الشي دايما اكون بين السطر الثاني للخامس لان اول سطر بعد البيزنس ما تقدر تختاره عادة بيكون للنساء والاطفال الصغار والقطريين يحجزون من المكتب وعند الكاونتر التشيك ان يحطونك اي محل احجز من الانترنت واختار الكرسي الي يريحك




طيب انا احجز اونلاين وعضو فضي في نادي الانحياز مالهم

وكرسيي تلقائي ينحجز لي "دريشه" مثل ما انا مختار

في اعدادات ملفي ...

اول ما احجز اونلاين على طول يعطيني كرسي

دريشه من نص الطياره وتحت ليش ؟!!!

ليش مايبدى يعبي الطياره من قدام لي ورى ؟!!

من ورى لي قدام .. عطني نظام مفهوم يمشون عليه ؟!!


الشي الوحيد اللي فهمته انه مبرمج بالجنسيه ...

قطري بيحذفك ورى ... هندي في النص .. اشقر احذى الطيار !


فسر .. علل .. هل كيف ؟!!

[المحاميه]

انزين ياهمر الله يهداك انت عفست البطح وعفست اللحم بعد

ماتدري الله يسلمك ان ذيل الطياره احسن مكان يبه

هذا اكثر مكان امن فالطياره عشان اذا صار شي لاقدر الله

فهم يبون يتخلصون من الطبقه الشقراء فيقطونهم جدام هههه وهذا اخطر مكان

ويبون يحافظون على السواعد السمر (السواعد القطريه) وهذي هي زبدة الموضوع ياخوي

بس انت اشعرفك
استعيلت فالطرح

:victory:

[الزعفراني]

انا كاتب اني مختار كراسيي..

انا اتكلم اذا ماخترت كرسيك السستم وين يحطك

من نفسه ...


اخوي شلون تختار كرسيك ؟
تقصد في مكتب الحجوزات لما تقص التذكرة ؟

[همر]

اون لاين ... يعني عند حجز التذكرة او حتى بعد الحجز تقدر تدخل على موقع القطرية و تحجز اي كرسي فاضي ماعدا الصف الاول و عند مخارج الطوارئ يكون الحجز عند البوردينج



ويش دراك انه اللي قاعدين في الصفوف الامامية ما حجزوا كراسيهم مسبقا



اولا اتحداك تلاقي كراسي امرجنسي لا عند البوردنج

ولا عند التكتنج ..

وثانياً .. جايز حاجزين .. انت قولي ..

ليش السستم ماحطني معاهم تلقائياً ؟!!

حطني في صف فيه اثنين حذاي ولقيت كرسي

قدام فاضي ... ناقص يكتبونها بالمفتشر بعد ..

[المحاميه]

ياناس الدنيا تطورت

الحين تقدر تدخل الموقع مال القطريه وتختار وين تبي كرسيك

عشان جذي لما تروحون تسون بوردينج تكون الطيور طارت بارزاقها مع انك اول واحد فالطابور بس تقولك مافي مكان هههه لان الناس حاجزه بالنت

بس والله استغربت من كلامك همر

شلون حجزت وشفت مكانك وين ولما رحت الطياره شفت مكان ثاني معطينك

زين جان طبعت الورقه اللي حاجز فيها بالنت

الصراحه لو مكانك ماسكت عنهم .. واخر شي اخليهم يتوهقون وينزلوني من الطياره بس اهم شي ارتاح نفسيا واسببلهم ازمه

[المحاميه]

انزين يالمطرقه شوي شوي

يمكن فيه ناس حاجزه بس تأخرت فالصعود ولا يمكن كنسلوا ولا فاتتهم الرحله


ولا انت قعدت طول الوقت تراقب الكراسي ههههه

[همر]

انزين ياهمر الله يهداك انت عفست البطح وعفست اللحم بعد

ماتدري الله يسلمك ان ذيل الطياره احسن مكان يبه

هذا اكثر مكان امن فالطياره عشان اذا صار شي لاقدر الله

فهم يبون يتخلصون من الطبقه الشقراء فيقطونهم جدام هههه وهذا اخطر مكان

ويبون يحافظون على السواعد السمر (السواعد القطريه) وهذي هي زبدة الموضوع ياخوي

بس انت اشعرفك
استعيلت فالطرح

:victory:



اكيد بتدافعين عنهم ضد المواطن المسكين المطحون

المشخول الثريد الهريس ... عفواً .. الجوع كافر ..

لا استعيلت في الطرح ولا تهورت في الجمع ..

انا ملاحظ من زمان الزمانين وشايل في قلبي

وساكت الى ان طفح الشاي !

[المحاميه]

اكيد بتدافعين عنهم ضد المواطن المسكين المطحون

المشخول الثريد الهريس ... عفواً .. الجوع كافر ..

لا استعيلت في الطرح ولا تهورت في الجمع ..

انا ملاحظ من زمان الزمانين وشايل في قلبي

وساكت الى ان طفح الشاي !




شدخل
لا يبه والله مب ضد المواطن انا

بس احب اوزن الامور

وابي عرف ليش صار هاللبس وليش غيروا مكانك

انزين انت ليش ماستفسرت منهم ولاتخاف ماتحصل الرد الشافي صح

تحصلهم بروحهم مختبصين

وبعدين انا اقولك الصج ترا ورا اامن شي

وقدام اخطر شي

خلنا نتخلص منهم وناخذ مكانهم

[همر]

اخوي شلون تختار كرسيك ؟
تقصد في مكتب الحجوزات لما تقص التذكرة ؟


يا جماعه ترى والله اني متطور وفاهم في النت

لاتحسسوني اني ماعرف من النت الا المنتدى :(


انا احجز تذاكري اونلاين .. والسستم من نفسه يعطيني

كرسي .. اقدر اغيره .. وادخل دايماً اغيره ... لانه دايماً

يقطني ورى ...


لين الحين محد جاوبني ليش السستم

يفرزني ويحطني ورى ؟!!

ابي جواب مفحم عشان اسكر الموضوع واروح

انام :(

[همر]

ياناس الدنيا تطورت

الحين تقدر تدخل الموقع مال القطريه وتختار وين تبي كرسيك

عشان جذي لما تروحون تسون بوردينج تكون الطيور طارت بارزاقها مع انك اول واحد فالطابور بس تقولك مافي مكان هههه لان الناس حاجزه بالنت

بس والله استغربت من كلامك همر

شلون حجزت وشفت مكانك وين ولما رحت الطياره شفت مكان ثاني معطينك

زين جان طبعت الورقه اللي حاجز فيها بالنت

الصراحه لو مكانك ماسكت عنهم .. واخر شي اخليهم يتوهقون وينزلوني من الطياره بس اهم شي ارتاح نفسيا واسببلهم ازمه



الحين انا اللي عافس اللحم ؟!!

المحاميه انتي جايه متأخره ومش فاهمه الموضوع

وداشه عرض ... حركات المحاكم هذي ماتمشي علينا ..

ردي اقري حيثيات القضيه بتمعن ...

ترفع الجلسه لمعاينة محامي قلب الهجوم ...

[المحاميه]

هههه

لا انا اخذ اول السطور


اما البير وغطى هادته حق حمد ورفيجه

[حمد 2002]

همر ابيك اتقول لنا سالفه الطياره ام احمد بما انك من الرعيل الاولى ..

وصج كانوا يستخدمون ليتات الباصات لانارت مدرج المطار لهبوط الطياره ؟!

[MMD]

انا بالعاده لما أسافر .. وحتى وانا عامل تشيك إن أون لاين .. بطلب من المضيفه عالبوردنج إنها تحطني على الإكزت سيت .. وفي أغلب الأوقات تمشي..

[alnaseer555]

وانا أقوووووووووووووووووول شسالفه ثالث رحله يقطوني ورااااا وبالأخص هم ثلاث كراسي مب اربع

[همر]

همر ابيك اتقول لنا سالفه الطياره ام احمد بما انك من الرعيل الاولى ..

وصج كانوا يستخدمون ليتات الباصات لانارت مدرج المطار لهبوط الطياره ؟!



الله يهداك يا حمد اقولك كنا نركب في البدي في البيكم

تقولي طياره :eek5:

[همر]

انا بالعاده لما أسافر .. وحتى وانا عامل تشيك إن أون لاين .. بطلب من المضيفه عالبوردنج إنها تحطني على الإكزت سيت .. وفي أغلب الأوقات تمشي..


وباقي الاوقات تقعد ... صح ولا لا ؟!! كفك :victory:

[همر]

وانا أقوووووووووووووووووول شسالفه ثالث رحله يقطوني ورااااا وبالأخص هم ثلاث كراسي مب اربع



قول لهم .. قول لهم ... اتهموني بالهذيان :(

[R 7 A L]

ماحط في ذمتي :whistling:


شنو
المؤامرة
ولا استنتاجي

[شيخ الديرة]

كل حجوزاتي عن طريق الأنترنت, من التسعينيات.

أريد أفهم كيف يعرفون جنسيتك عندما تحجز عن طريق الأنترنت؟

لا أتفق مع صاحب الموضوع, وأنما هي مهاراتك أنت في الحجز المبكر ومتابعة التفاصيل.

عندما تحجز عن طريق الأنترنت او عند المكتب, قل لهم في نفس اللحظة أن يرتبولك المقاعد حسب رغبتك. قبل اسبوعين اتصلت بالتلفون على طيران الخليج لترتيب المقاعد لأنه لا يتوفر هذا الخيار عن طريق الأنترنت, وتم بدقائق.

من الطبيعي أذا تنتظر الى أن تذهب للسفر, تكون المقاعد الفارغة متناثرة , وبالخلف.

[فاهم وساكت]

كلام فاضي مع احترامي لك ..

اذا عندك دليل يثبت كلامك بان فيه عنصريه وانهم يحطون القطريين ورا والاجانب قدام جيبه ..

وثاني شي وهي المشكله .. انك فبداية موضوعك داخل وكانك جاي تكشف بان فيه عنصريه وكنت منزعج من هالشي وبعد كم سطر انقلبت وصرت تطالب بالعنصريه " القطريين قدام ومادري شنو خخخ "

والله مادري شنو الي بتوصلون له لين تعاملون العالم بعنصريه؟ يعني بدال ماتزرع الحقد بين العالم ياخي جرب تسوي العكس ..

انا مثلا لو اسافر برا واشوف بان الناس بذاك البلد تعاملني باحترام وماتفرق بيني وبين اي شخص ثاني بيكون شعوري اتجاهم ايجابي وهالشي بيفيد الطرفين .. عكس العنصريه والحقد على العالم !

تقريبا بكل موضوع اشوف فيه عنصريه .. والمشكله ان النتيجه قدامكم تعيشونها كل يوم بس بعد ماتبون تتغيرون !

[بو روضة]

بسم الله الرحمن الرحيم


اسمحولي على هالمداخله

حبيت اوضح شغلة ان اصحاب البدل عارفين كيف يسافرون مش يروحون المطار وسوون لهم قصه عند موظف الجيك ان عشان كرسي قدام ولا وره نفس اصحاب الثياب

الاجنبي عارف النظام ان قبل الاقلاع ب 24 ساعه يفتحون موضون الجيك ان وحجز الكراسي
طبعا هو اول مايفتحون الجيك ان يدخل النت ويحجز له كرسي جدام وضبط نفسه
ويجي المطار ويعطونة الكرسي اللي اهو اختارة

لكن الناس اللي ماتعرف هم الي يجون المطار واتهاوشون عشان كرسي
طبعا الاولوية حق اللي حاجز قبل اون لاين وليس حق اللي جاي عشوائي
وفي السفر وخطوط الطيران مافي فرق بين هندي وقطري واوربي وامريكي
كل واحد حسب سعر تذكرته وحسب اجراءه الصحيح
واسمحلي على المداخلة

[بوحارب]

سوو أب قريد للتذكرة على الفيرست كلاس

واعتبرها مدفوعة :)

وبتحصل مرسدس slr. شتري واقف عند باب الطيارة بيوصلك للفندق

اهم شي همر ما يزعل علينا

[aldeem1]

الفرق ان الاجنبي يفكر قبلها ويقولهم اي كرسي يبي. او يدخل يسوي شك ان اونلاين قبل الرحله وينقي الكرسي اللي يبيه.
اما القطري يبي كل شي جاهز وعلى اخر لحظه يروح يتهاوش مع الكل.
اول ما تحجز التذكره من موقعهم او من مكتب السفريات يعطيك اوبشن انك تختار الكرسي, واعتقد ان الناس ما يقرون وعقبها يلومون غيرهم.

[الجوكر90]

السلام عليكم
ولله الحمد اسافر وايد بس ماخبر اني ركزت ع هالامور
لان انا بوصل معاهم
وباكل نفس اكلهم
اعور راسي ليش
انا قطري حق نفسي
والكل يدري القطريه لغير القطريين
يعني ناطرين اكبر الباكر او مسئول فالقطريه يقرى كلامكم يقول
اوووه شت صادونا لازم نغير الخطه الحين
ولاحد بداري عنا

[مخطط قطري]

يارجال انا بلاتنيوم عندهم وكل سفراتي درجه اولى واغلبها اوروبا وحتى الخليج اولى بعد وعندي اميال قربت تخلص ولااستخدمتها وهي توديني درجه اولى اوروبا تذكرتين ماقدرت اخذهم من سنين والسبه كل مابي احجز على الاميال يقولك مافي مقاعد او تضطر تاخذها دبل كيلو مايلز ,,, عز الله انه خط الاولوليه مالهم للاعضاء البلاتنيوم ناس ونعم فيهم من سلطنه عمان اسلوبهم طيب ويحاول يساعدك بس الرزيل الي يحط بلوكات على مقاعد الاولى والبزنس ماعرف وش وضعه ولين متى المفروض الاميال ماينحط بلوك عليها ويرفعون عدد مقاعدهم وبنسبه لللاسعار مصخوها واجد 3 تذاكر بزنس واشنطن 82 الف !!!
انا من سنتين مسافر واشنطن وماخليت ولايه مافتريت فيها وعلى البزنس بعد رايح و3 اشخاص بعد ماكلفتني سفرتي كلها 80 الف مع السكن والتذاكر

[حسن]

ماختلفنا يابوعلي .. تقدر تحجز بنفسك ..

بس اذا ماحجزت التوزيع الالكتروني او

وقت التشك ان يختارون لك كرسي ...

كرامة المواطن القطري بااااقوه يابوعلي ...



شنسوي ياهمر

زامنا خرابيها

ياخوك صدعونا هل القطرين يبون كلشي على كيفهم

باقي تقول ابي الكرسي اللي جنب الطيار

:)

كله واحد ياهمر ولا تزعل اركبك في طرادي وبالمقدمه علشان تعرف شلون رضخ الموج

يبا ورا احسن ماتحس بالمطبات صدقني اسئلني خبره في البحر


:)

[مخطط قطري]

حسن مال اول طراد الناس الحين في يخوت وانت تقولي طراد ماتعرف شكل رضخه الموج على قولتك والسرعه 70 عقده

[حسن]

حسن مال اول طراد الناس الحين في يخوت وانت تقولي طراد ماتعرف شكل رضخه الموج على قولتك والسرعه 70 عقده

شنسوي ننطر القص الثاني علشان اشتري مثل يخت المناقوستا حق العود

اللي مبركنج في اللولوه
بس حرام هذا مال كان ولاماربيا

احلا مع الكرو

:)

[غايه الطواش]

همر اذا بتسافر مره ثانيه
عطني الرفرنس نمبر وانا اضبط لك احسن كرسي مع شيشه
بس لاتحط ف خاطرك ع القطريه

[alsoq]

انت اللي تختار مكان المقعد
انا كل مره اسافر ورحلات طويله اختار مكان المقعد ودايم اختار الاماميه محد قدامي امد ريولي على راحتي:)

[همر]

همر اذا بتسافر مره ثانيه
عطني الرفرنس نمبر وانا اضبط لك احسن كرسي مع شيشه
بس لاتحط ف خاطرك ع القطريه



دام انج مدير كبير في القطريه ابي

استخدم الاميال اشتري تذاكر في العيد

حق لندن :)






ابجريد طيب :(






لحاف زياده زين :weeping:

[غايه الطواش]

دام انج مدير كبير في القطريه ابي

استخدم الاميال اشتري تذاكر في العيد

حق لندن :)






ابجريد طيب :(






لحاف زياده زين :weeping:


يومك مخطط تسافر فالعيد المفروض تحجز من فتره
تذاكر الأميال متوفره بعد تاريخ ظ،ظ*اكتوبر

بخصوص اللحاف اطلب من المظيفه وراح توفر لك لحاف اكسترا

اما في حاله الابقريد تكون ع الرحلات الي ماتكون حجوزاتها فل

[همر]

يومك مخطط تسافر فالعيد المفروض تحجز من فتره
تذاكر الأميال متوفره بعد تاريخ ظ،ظ*اكتوبر

بخصوص اللحاف اطلب من المظيفه وراح توفر لك لحاف اكسترا

اما في حاله الابقريد تكون ع الرحلات الي ماتكون حجوزاتها فل



اسمحي لي اقول لج هالكلام baloney

انا حاجز من رمضان ومافي حجز بالاميال..

من رمضاااان !!! ولا حتى أبقريد ...

يوم ان القطريه مش معترفه بالقطريين

تسوي بلاك اوت في اوقات عطلات القطريين ليش ؟!!

سووا بلاك اوت في الكرسمس .. في عيد بوذا ..

في عيد البقر ...

بس لا طبعاً .. عيد البقر فيه خصومات واعياد

المسلمين الاسعار دبل وماتقدر تستخدم الاميال ..


قمت اشتري بالاميال عطور :(

[POINT]

اتفق مع اخوي همر
ولله الحمد أموري دايما مرتبة وحاجز قبل بوقت، بس فعلا الكراسي الأمامية داااااااايما بلوك
و حتى قبل 24 ساعه بعد مافي فايدة

تعامل القطرية مع الاجانب وحتى الهندي أفضل بكثير من القطريين

مثال صغير، سافرت مع الوالدة مره وكانت مسوية عملية و تعبانة، ما تقدر تمشي لين البوردنغ
طلبت من كوانتر القطرية يوفرون كرسي متحرك للوالدة، رفضوا بشكل انيق، على أساس ان ما عندهم موظفين و و و
و يصير خير، انطروا عند الجيك ان، خلكم قريب منا وان شاء الله خير!

الله بريء منهم!
ضاع الوقت ماقدرنا نشوف السوق الحرة واضطرت الوالدة انها تمشي شوي و تريح شوي

المفاجأة الكبرى ان عامل فالقطرية جااااااااااااااي بكرسي متحرك و عليه افريقي!!!!!!!!!!!!!!!
من الأسى الي حسيت فيه، صورت الموقف.

للأسف....

[Eng. q6r]

دائما وابدا تسسون من الحبه قبه ...!!
تكبير المواضيع وتضخيمها وفبركتها .. الخ
وهي السالفه كلها
ليش عطوني كرسي ورى والاجنبي قدام
انت الحين مسافر ولا حاجز شاليهات في البحر الكاريبي بس الغرفه اللي حاجزها كانت مطله على الخليج العربي !!! ههههههه

[جبر ال جبر]

:victory:
مهندس قطر

[wesam82]

دائما وابدا تسسون من الحبه قبه ...!!
تكبير المواضيع وتضخيمها وفبركتها .. الخ
وهي السالفه كلها
ليش عطوني كرسي ورى والاجنبي قدام
انت الحين مسافر ولا حاجز شاليهات في البحر الكاريبي بس الغرفه اللي حاجزها كانت مطله على الخليج العربي !!! ههههههه

صح اللي قلته، بس الأطفال الرضع يتعرضون للخطورة إذا جلسوا أخر الطيارة. في واحد الله رزقه مولود وسافر لمانشيستر على القطرية الأيرباص A330 وأبنه عمره 4 شهور وفي الطيارة صاد أبنه أنسدداد في الأذن ومات Ear Plug
الطيارة هدوئها بس في الكراسي الأمامية جنب المحرك أو أمام المحرك يعني درجة رجال الأعمال
دائما أنا أستخدم الإماراتية لمانشيستر لأن طياراتهم بوينج 777 وطبعا ماعليها كلام هالطيارة هادئة أكثر من القطرية الأيرباص بكثير. والأماراتية كراسيهم الأمامية مخصصة للأطفال والعوائل ومحد يقدر يحجزها من الأنترنت عكس القطرية اللي تسمح لأي أحد يحجز الكراسي الأمامية من الأنترنت وينحرم الطفل وكبار السن.

[بنت المطر]

هههههههههههههههههههههههههههههه

ضحكتني من الصبح

اضحك الله سنك

هههههه

وملاحظتك صحيحه دايم فيه تفرقه عنصرية بس شتقول """ هذي عوايدهاااا قطر

[وحيد-الشوق]

واحنا رداين من جده امي مريضة وعندها اعاقة في المشي بسبب الكسور حاطين لك هنود وشباب مافيهم شيء في الكراسي الامامية ماقدرت تقعد مسكينه الله يجزاهم خير 2 قطريين كلمناهم وبدلنا كراسيهم المفروض هالكراسي فقط للاطفال الرضع مع امهاتهم ولكبار السن لكن القطرية طيران خمس نجوم للهنود والاجانب

[POINT]

http://www.al-sharq.com/news/details/273172#.VCq5imIaySM

تحية كبيرة للدكتور ربيعة بن صباح الكواري على هذه المقالة

[ya3coub]

الحلو فالقطرية انه كل ما حجزت قبل بوقت تختار الكرسي الي تبيه بالمكان المتاح

و عمري ما اشتكيت منهم صج اسعارهم خيالية فقط غير عن هاي لما جربت غيرهم خصوصا الرحلات الطويلة ارجع و اقول السياحية عالقطرية احسن من البزنس بكثير من شركات الطيران المصنفه من الأعلى عالميا.

[مراد2015]

يعني بكرة انا في اخر كرسي في الطياره انا والعائلة بحاوووول معهم الله يهديهم

[وحيد-الشوق]

الحلو فالقطرية انه كل ما حجزت قبل بوقت تختار الكرسي الي تبيه بالمكان المتاح

و عمري ما اشتكيت منهم صج اسعارهم خيالية فقط غير عن هاي لما جربت غيرهم خصوصا الرحلات الطويلة ارجع و اقول السياحية عالقطرية احسن من البزنس بكثير من شركات الطيران المصنفه من الأعلى عالميا.

طيب شيء حلو بس في ناس المفروض تكون الاولوية لهم تخيل مره واحد شايب يمشي بعصا قاعد ورا معانا والهندي صاحي مافيه شيء وشباب وقاعد قدام !!! المفروض الكراسي الامامية تكون فقط للناس المحتاجه مب لكل من هب ودب !!!

[ya3coub]

طيب شيء حلو بس في ناس المفروض تكون الاولوية لهم تخيل مره واحد شايب يمشي بعصا قاعد ورا معانا والهندي صاحي مافيه شيء وشباب وقاعد قدام !!! المفروض الكراسي الامامية تكون فقط للناس المحتاجه مب لكل من هب ودب !!!

هاي ليش بالعادة في بلوك على اول صف من السياحية و الكراسي الي على مخارج الطوارئ

و لما تحجز تقدر تحط نوت مكان الوجبة المفظلة و تذكر انه الشخص من كبار السن

و لما يوصل المطار يوصل قبل بوقت او احد العيال يسوي البوردنج و كلشي "على ايام المطار القديم" الجديد تروحون من وهل و ما يقصرون دامكم من اوائل الناس من حقكم و الصف الأمامي من كل قسم يكون مخصص للي عندهم رضع و لكبار السن بالذات.

[مهره]

القطرية من زمان ما ركبتها بسبب العنصرية الي فيها صراحه