بيوت مافيها لا ابرة ولا خيط..!!!

[حمد 2002]

السلام عليكم ورحمه الله وبركاته



http://up.arabseyes.com/uploads2013/25_09_14141162097049641.jpg (http://up.arabseyes.com/) العاب (http://games.arabseyes.com)



بيوت مافيها لا ابرة ولا خيط..!!!

قبل تطور الحياة ما كان يخلو بيت قطري من إبرة وخيط، ونلقى كل البنات والحريم
الغالبية العظمى منهن على قدرة عالية من التعامل مع الابرة والخيط و أمور الخياطة
حسب قدرة وهواية بنات البيت او أمهم.

في وقتنا الحاضر زادت أعداد البيوت والبنات وقل استخدام الإبرة والخيط في المنزل.

ياترى ماهي الأسباب الحقيقية لذلك؟

[QATAR 77]

يلا يا بنات فصلوا سراويل حق العيد :tease:

[LSBU]

انا بصراحة ماعرف استخدم الابرة والخياط :shy:

[ضوى]

مافي بيت يخلو من الابرة والخيط ، احنا اذا بشناط ايدنا فيها ابرة وخيط وبالشغل في تبي بيوتنا مافيها ؟ بالعكس وايد هالأشياء ضرورية ، عيل ان شاء الله كل ماطاح زر ثوب من ثياب العيال ركضت فيه الخياط ؟ او اذا تفتقت ثياب البنات ركضت فيها الخياط ،

[النهار]

عاد عن الخريط ياحمد اي بنت لازم تحصل في شنطة اليد ابره وخيط وهي طالعه من البيت
فمابالك ركز على فما بالك في البيت

[عطر فرنسي]

ممكن تقولي اشلون عرفت انه مافي ابره ولا بيت سويت احصائيه يعني وقفت عند باب كل بيت وسألتهم ولا بس هاي الكلام من مخيلتك قلته

[QATAR 77]

شكله عنده محل يبيع اغراض الخيايط

[العلياا]

مافي بيت يخلو من الابرة والخيط ، احنا اذا بشناط ايدنا فيها ابرة وخيط وبالشغل في تبي بيوتنا مافيها ؟ بالعكس وايد هالأشياء ضرورية ، عيل ان شاء الله كل ماطاح زر ثوب من ثياب العيال ركضت فيه الخياط ؟ او اذا تفتقت ثياب البنات ركضت فيها الخياط ،

كنت بقول نفس الكلام
شخصياً لازم في شنطتي ودرج المكتب ابرة وخيط

[ولد العرب]

بالله ارتقي بالمواضيع ارتقي ياحمد

بكره بتقول ماعندكم بقر وغنم تحلبون :rolleyes2:

[حراير قطر]

ممكن تقولي اشلون عرفت انه مافي ابره ولا بيت سويت احصائيه يعني وقفت عند باب كل بيت وسألتهم ولا بس هاي الكلام من مخيلتك قلته

يمكن في بيتهم ما عندهم لا ابره ولا خيط :secret:

[راجي الْعفو]

وعليك ورحمة الله ..

بوشهب ..

ممكن نسخة من الإحصائية ..


مع التحية ..

[نوفا91]

حمد من قال مافيه انا اطلع ومعاي مكينة الخياطه ، اذا على ابره وخيط

اهم شي ترتاح

[w.qatar]

السبب انهم كنسلوا مقرر الاقتصاد المنزلي

انا من الجيل اللي درس هالمقرر و ابشرك عندي في البيت ماكينه سنجر بعد :nice:

بعض البنات هالوقت اذا طاح طقطق عبايتها توديها الخياط ماتعرف تسنع نفسها اتكاليين لابعد الحدود

[MAZEN37]

ممكن توضيح فكرة الموضوع اكثر

[سعد محمد]

اعتقد يمكن طرح الموضوع لانه فعلاً فيه اشياء اللي كانوا يسوونها الحريم قبل صارت شبه مندثره بسبب التطور الحاصر ومهب بس على الحريم حتى على الشباب فيه شغلات صارت اليوم عيب وبرستيجه مايسمح او صار اتكالي ..

[همر]

مافي بيت يخلو من الابرة والخيط ، احنا اذا بشناط ايدنا فيها ابرة وخيط وبالشغل في تبي بيوتنا مافيها ؟ بالعكس وايد هالأشياء ضرورية ، عيل ان شاء الله كل ماطاح زر ثوب من ثياب العيال ركضت فيه الخياط ؟ او اذا تفتقت ثياب البنات ركضت فيها الخياط ،


انا بعد اقول جيه .. قعده في مكاتب وضرب فطاير

وماعندهم ابره وخيط !!! مستحيل ...




بس الصوره متعوب عليها يا حمد ... استمر ...

[همر]

السبب انهم كنسلوا مقرر الاقتصاد المنزلي

انا من الجيل اللي درس هالمقرر و ابشرك عندي في البيت ماكينه سنجر بعد :nice:

بعض البنات هالوقت اذا طاح طقطق عبايتها توديها الخياط ماتعرف تسنع نفسها اتكاليين لابعد الحدود


تبيعين ؟!! يقولون فيها زئبق احمر !!


الله يرحم ايام ماكانت تنبط صراويلنا ونقعد نخيطهم بنفسنا :(

انا كنت نفس توم وجيري امسك كورة الخيط والابرتين

ماتدرين الا مخيط "كنزه" ...

والحين مايعرفون يجكون خيط بابره ..

[ضوى]

انا بعد اقول جيه .. قعده في مكاتب وضرب فطاير

وماعندهم ابره وخيط !!! مستحيل ...




بس الصوره متعوب عليها يا حمد ... استمر ...



لا همر خلاص قديمة سالفة الفطاير ، بطلنا من زمان

الحين توسته سمرا ما تركي مدخن وشاي اخضر

[همر]

لا همر خلاص قديمة سالفة الفطاير ، بطلنا من زمان

الحين توسته سمرا ما تركي مدخن وشاي اخضر



انا ما اقصدج انتي الله يهداج راح بالج قريب ...

عندنا مكاتب تفوح منها ريحة مجابيس الصبح

بس ماحط بذمتي ...


بس ليش التركي مايقلع عن التدخين ؟!! مب زين :(

[نفسي عزيزه]

حمد شصادك مليون موضوع بالشهر ولازم عن البنات :rolleyes2:

انا لازم ازوجك يمكن تنزل مواضيع رومانسيه عقب عنهم :shy:

سبب عدم وجود الابره بالبيت الريال ياحمد فلازم تنزل مواضيع عن الرجال والاهمال وعقب يقطونها على الحريم

انت السبب ياحمد :(

[طبيب قطري]

بالعكس اخوى لايخلو اي بيت من وجود الابره والخيط.. حتى لو مب اهل البيت يستخدمونه اكيد بتحصله عند الخدامه !

[مخطط قطري]

عادي مب لازم الخيايط واجد انقص زرار عندك 10 ثياب غيرهم وش المشكله يعني وش اهميه الابره والخيط انا فاهم قصدك الي ترمي اليه من بعيد انه بنات هاليومين سنعهم مش ولا بد لا مطبخ تدخله ولا تخيط ولاتعرف شي في التدبير المنزلي مع انه الدوله ماقصرت متمثله في الجهاز التعليمي ووفرت ماده التدبير المنزلي في المدارس بس مافي فايده بس انا اشوف الوقت الحالي مب لازم بنت تخيط او تطبخ احنا في وقت رفاهيه عسى الله لايغير علينا كل بيت فيه 6 او 7 خدامات لازم يحللون رواتبهم ويشتغلون وراعيه البيت ترتاح

[غايه الطواش]

وصلت الفراغه للخيط والابره!!

انا وحده ماخيط،الشغاله تخيط وتعدل وعندها مكينه

[مرتبش]

ما اعتقد

[(بوطلال)]

معاك حق ياحمد

[ماعندي سهم]

احنا عندنا مكينة خياطه :nice:

[بصمة قطرية]

عندنا في البيت
و مكينة خياطة بعد ..
و لازم في شنطتي و معانا في السفر ..
تصدق حمد ذكرتني خذت مكينة خياطة صغيرة
من تايلند العام ..

بطلعها أجربها :)

[تاجر كشخة]

جيل الايباد

[Rosy]

خلصت المواضيع ؟ ولا شالسالفه

[مضارب دوسري]

عاد عن الخريط ياحمد اي بنت لازم تحصل في شنطة اليد ابره وخيط وهي طالعه من البيت
فمابالك ركز على فما بالك في البيت

مب عشان شي
عشان يبططون التواير ههههه

[بوNasser]

اذا تدور كور وقبة وما ادري شنهو في كل بيت يمكن ما تلقى
الناس تطورت، علبة صغيرة تكفي
مثل هالأنواع
http://www.exportglobalgroup.com/gig-ebay/zx216/4.jpg
http://www.brandmerchandise.com/productimages/1107405B.1.jpg

[نوفا91]

خلصت المواضيع ؟ ولا شالسالفه

مادري مللل

[حمد 2002]

شكرا لكم ،،

[العقل المدمر]

انا كنت في مدرسة ماتدرس الاقتصاد المنزلي
اتذكر لما شفت رفيجتي تخيط انصدمت قلت لها من علمج
ونسيت ان المدارس تعلم .. صج وقتها انقهرت
احس المادة كانت شي مهم بس عاد الحين مالي خلق اتعلم

[R 7 A L]

شكلك تبي تقلب البيوت خياييط هههههههههههههههههه

[يمامـة]

انا كنت في مدرسة ماتدرس الاقتصاد المنزلي
اتذكر لما شفت رفيجتي تخيط انصدمت قلت لها من علمج
ونسيت ان المدارس تعلم .. صج وقتها انقهرت
احس المادة كانت شي مهم بس عاد الحين مالي خلق اتعلم

الادهي والأمر ان البنات بالفعل ما يعرفون يمسكون ابرة وخيط ويعقدون الخيط..

قد تكون في البيوت ابرة وخيط.. لكن من هذي اللي اليوم ممكن تخيط قميصها لو انفتك طرف منه؟

من هذي اللي ممكن تركب الطق طق في بلوزتها؟ من هذي اللي ممكن ترتب الشق في فتحة التنورة؟

مثل هالأمور البسيطة صار الخياط يسويها ..

نعم حمد الإبرة والخيط ما عادت لهم استخدام في تربيتنا لبناتنا..
وهذا واقع ما نقدر ننكره ابدا ..

[Super Cool]

كلام غير صحيح و غير واقعي

مافي بيت وصل لدرجة انه مافيه خيط و ابرة

حتى يوم كنت طالب عزوبي و ساكن بنفسي بعد عندي خيط و ابرة

لو أطق الباب على اي دريول في اي بيت فالفريج بلاقي خيط و ابرة

حتى لو اطق على حجرة مؤذن في مسجد بعد بلاقي ابرة

الموضوع ليس محل النقاش لأنه غير واقعي

[زود الهموم]

90420

[يمامـة]

كلام غير صحيح و غير واقعي

مافي بيت وصل لدرجة انه مافيه خيط و ابرة

حتى يوم كنت طالب عزوبي و ساكن بنفسي بعد عندي خيط و ابرة

لو أطق الباب على اي دريول في اي بيت فالفريج بلاقي خيط و ابرة

حتى لو اطق على حجرة مؤذن في مسجد بعد بلاقي ابرة

الموضوع ليس محل النقاش لأنه غير واقعي

واقعي ومعاصر.. الجيل الجديد من البنات حتى لو في بيوتهم ابر وخيوط لكن ما يعرفون يتعاملون وياهم..

فالإبرة وجودها مب مهم كثر استخدامها.. فالاساس ان الجيل الحالي الغالبية العظمى منه ما يعرف يستخدم
الابرة والخيط.. والشواهد حولي كثيرة..