الكورنيش وسوء النظافه من بعض البشر ,.,

[بومحمد المطاوعه]

السلام عليكم ورحمه الله وبركاته ..

مساكم الله بالخير جميعآ


موضوعي اليوم عن كورنيش الدوحه ..

امس خذت العيال وام العيال قلت بروح الكورنيش لأن الجو كان حلو

وبالمره خذت لفه في احدى اللنجات

للأسف طرحت موضوع قبل عن مدخل اللنجات ولا صار شي بالموضوع
قطعه خشب وللأسف اي كلام في السيفتي ومعرض للسقوط

المهم موضوعي اليوم عن الوصاخه المحذوفه على الأرض

والله شي مؤسف

انصدمت من بعض الناس الي قاطين القمامه على الحشيش او في المواقف
اول ماوقفت بطلت باب سيارتي اشوف كيس شبس وماي وكيس مربوط محذوف

انزين لو مشيت خطوتين بتحصل حاويه القمامه
ياخي قطها في الحاويه

ليش هالتصرف البذيئ

كنت اتمنى اشوف هذا الشخص ولاكن للأسف شفت قاذوراته ولا شفت صاحب القاذورات
وبعدها نزلت من السياره اتمشى في ممشى الكورنيش وشفت نفس الشي

اكياس من الشبس او قواطي عصير

لاتقولون وين عامل النظافه والله العظيم حاويات القمامه في كل مكان متوافره وقريبه من بعض
حتى لو موجود عامل النظافه

هل هذا التصرف تصرف انساني وتصرف بشر ...؟

للأسف شي مؤسف ومحزن في بلادي وارى هذي الأشياء الغير حضاريه
مابي اقول انهم فقط اجانب او مقيمين الي يسوون جذي

رسالتي لكل شخص له مثل هذا التصرف

اتمنى منك ان تعدل تصرفك هذا

واسأل الله ان يحفظنا ويحمينا

اخوكم بومحمد المطاوعه

[طبيب قطري]

المفروض يحطون كميرات بطول خط الكورنيش حتى ترصد هذولا اللي يقطون المخلفات وايضا حق اي تصرفات او ملابس غير لائقه..

[بومحمد المطاوعه]

المفروض يحطون كميرات بطول خط الكورنيش حتى ترصد هذولا اللي يقطون المخلفات وايضا حق اي تصرفات او ملابس غير لائقه..

اي والله المفروض

مثل بعض المواقف فيها كاميرات ومحطات وقود

الصراحه نتمنى هذا القرار

[طلعة الروح]

من زمان تكلمنا في هالموضوع وعن حق الماره والطريق،،
لكن الوصخ وصخ أخوي مافي فايده واللي ماتربى ع النظافه عمره مايهتم بنظافة بيئته او يفتكر بمشاعر الناس،
الموضوع عباره عن فطره انسانية مفقوده في بعض البشر.

[بومحمد المطاوعه]

من زمان تكلمنا في هالموضوع وعن حق الماره والطريق،،
لكن الوصخ وصخ أخوي مافي فايده واللي ماتربى ع النظافه عمره مايهتم بنظافة بيئته او يفتكر بمشاعر الناس،
الموضوع عباره عن فطره انسانية مفقوده في بعض البشر.

اي والله لو تتكلم مليون مره ولا في فايده

ياخي صدقت والله الوصخ وصخ والعياذ بالله

الله يهديهم ويستر عليهم

[POINT]

ذكرتني بموقف، ماكان فالكورنيش تحديدا ولكنه يحاكي نفس الموضوع.
شخص من جنسية عربية شرب العصير ولما خلص، حذف الغرشة فالثلاجات المفتوحة فوق الاغراض!!!!!!

ما استحملت! رحت و ناديته، قلتله هل تشوف هالتصرف حضاري؟؟؟ تقط مخلفاتك على أغراض الناس تشتريها؟؟
والله تفشل و راح شل الغرشة على طوووووول

[دنيا الاسهم]

شي يحزن والي يقهر اكثر ملابس الاجانب الملاعين
والوصاخة لازم كلنا نتعاون والي يشوف منكر يغيرة بسرعة ،، يعني شفت اجنبية او عربية لايسة لباس غير محتشم كلمها بادب ان هذة البلاد لها عادات وتقاليد وهذا اللباس لا يصلح في قطر
واذا شفتوا هندي ( يبطل باب السيارة ويتفل الله يعزكم ) سووا له هرن لين يلتفت وصوروا رقم السيارة وكلموة ان فية غرامة على هذا التصرف القذر
وذا شفتوا حد يوصخ الشارع كلموة ،، يعني يدنا كلنا كمواطنين في يد بعض ضد الظواهر السلبية وان شاء الله تخف

[جاسم الدوحة]

كل واحد منهم جاي بثقافته وتربيته من بلاده
هذا كلام مفروغ منه .

لكن شتقولون بالله في شبابنا
جدام المعاصر ومطاعم الكرك
(بعضهم) ياكلون في السيارة ..

شوي والا منزل الدريشة قاط فاين
شوي والا قراطيس السندويشات
شوي والا قوطي البيبسي
شوي والا فضلات الأكل .

والله يا شوف عيني هالشي ..
تقريبًا كل ماروح هالأماكن أشوف هالأشكال
وكلهم من الجيل الجديد (للأسف)
والله إني أنقهر وأتضايق حدي بس شاقول؟

إذا نزلت أكلمه بيقول شيخصك؟
والا أسمع منه كلمة مب عدلة .

ناس تحشمهم
وناس تحشم نفسك عنهم .

[R 7 A L]

كل واحد منهم جاي بثقافته وتربيته من بلاده
هذا كلام مفروغ منه .

لكن شتقولون بالله في شبابنا
جدام المعاصر ومطاعم الكرك
(بعضهم) ياكلون في السيارة ..

شوي والا منزل الدريشة قاط فاين
شوي والا قراطيس السندويشات
شوي والا قوطي البيبسي
شوي والا فضلات الأكل .

والله يا شوف عيني هالشي ..
تقريبًا كل ماروح هالأماكن أشوف هالأشكال
وكلهم من الجيل الجديد (للأسف)
والله إني أنقهر وأتضايق حدي بس شاقول؟

إذا نزلت أكلمه بيقول شيخصك؟
والا أسمع منه كلمة مب عدلة .

ناس تحشمهم
وناس تحشم نفسك عنهم .

تدري شلي خلا الشباب يتمادون ويحذفون مخلفاتهم
عمال المطاعم نفسهم الي حاطين درام وكل دقيقة ينظفون المكان خوفاً من مخالفات البلدية

[بومحمد المطاوعه]

ذكرتني بموقف، ماكان فالكورنيش تحديدا ولكنه يحاكي نفس الموضوع.
شخص من جنسية عربية شرب العصير ولما خلص، حذف الغرشة فالثلاجات المفتوحة فوق الاغراض!!!!!!

ما استحملت! رحت و ناديته، قلتله هل تشوف هالتصرف حضاري؟؟؟ تقط مخلفاتك على أغراض الناس تشتريها؟؟
والله تفشل و راح شل الغرشة على طوووووول


كفو عليك ياخوي
والله يجزاك خيررر

[بومحمد المطاوعه]

شي يحزن والي يقهر اكثر ملابس الاجانب الملاعين
والوصاخة لازم كلنا نتعاون والي يشوف منكر يغيرة بسرعة ،، يعني شفت اجنبية او عربية لايسة لباس غير محتشم كلمها بادب ان هذة البلاد لها عادات وتقاليد وهذا اللباس لا يصلح في قطر
واذا شفتوا هندي ( يبطل باب السيارة ويتفل الله يعزكم ) سووا له هرن لين يلتفت وصوروا رقم السيارة وكلموة ان فية غرامة على هذا التصرف القذر
وذا شفتوا حد يوصخ الشارع كلموة ،، يعني يدنا كلنا كمواطنين في يد بعض ضد الظواهر السلبية وان شاء الله تخف

الله المستعان ياخوي

للأسف البعض مايقدر ينكر المنكر
ويقولك مالي دعوه

هذي القهر

[بومحمد المطاوعه]

كل واحد منهم جاي بثقافته وتربيته من بلاده
هذا كلام مفروغ منه .

لكن شتقولون بالله في شبابنا
جدام المعاصر ومطاعم الكرك
(بعضهم) ياكلون في السيارة ..

شوي والا منزل الدريشة قاط فاين
شوي والا قراطيس السندويشات
شوي والا قوطي البيبسي
شوي والا فضلات الأكل .

والله يا شوف عيني هالشي ..
تقريبًا كل ماروح هالأماكن أشوف هالأشكال
وكلهم من الجيل الجديد (للأسف)
والله إني أنقهر وأتضايق حدي بس شاقول؟

إذا نزلت أكلمه بيقول شيخصك؟
والا أسمع منه كلمة مب عدلة .

ناس تحشمهم
وناس تحشم نفسك عنهم .

والله صدقت ياخوي
ولو كلمته وقالك شيخصك

قوله اوكي
صور موتره مع وصاخته الي حاذفها وطرش مطراش 2

او اشتك عليه

خله يتعلم السنع والاحترام

[بومحمد المطاوعه]

تدري شلي خلا الشباب يتمادون ويحذفون مخلفاتهم
عمال المطاعم نفسهم الي حاطين درام وكل دقيقة ينظفون المكان خوفاً من مخالفات البلدية

المشكله يالغالي

غصب يحطون عمال

لان بيتخالفون

[بالمرصاد]

أشكرك اخوي بو محمد على هالمواضيع الواقعية

[بومحمد المطاوعه]

أشكرك اخوي بو محمد على هالمواضيع الواقعية

الشكر لله تعالى
بارك الله فيك ياخوي