بسافر بكره وابي اعرف اذا بوقف موتري فالمطار

[مضارب دوسري]

السلام عليكم
اخواني بسافر بكره ان شاء الله وابي اعرف كم سعر الساعه فالمطار الجديد ؟؟؟؟؟؟؟؟؟؟


وجزاكم الله خير

[سليمان احمد]

نعم فيه مواقف جديده اول ماتدخل المطار وقبل صاله المغادرين

اخذ جهه المواقف بتحصل لافته قبل المغادرين وطريق خاص مكتوب المواقف

بعد ماتاخذ طريق المواقف بتحصل علامتين العلامه الاولى مكتوب عليها

المواقف القصيره هذي خلها للمواقف اللي اقل من 8 ساعتين

وبتحصل مواقف طويله الامد وهذي تقدر توقف ليها بالايام والشهور

انا قبل شهر وقفت موتري اكثر من اسبوع بعد ماتنزل بتحصل قاعه

انتصار صغيره مكيفه يجيك باص ويشيلك لين صاله المغادرين بس انتبه

اعرف رقم موقفك لان المواقف مصنفه حرفيا a b c d e f g h

مثلا راح تكون في زون b الموقف رقم 63 مثلا احفضه

عشان وانت راجع فيه باص على طول واقف امام صاله المغادرين

يوديك هناك وراح يلف على كل المواقف فاحيانا تكون بروحك في الباص

مثلي ف تقول له روح ل b 63 ودايركت يوديك واقولك مكان امن وسيكورتي وبوابه

وموترك في الحفظ والصون بالتوفيق وترجع بالسلامه

[مضارب دوسري]

جزاك الله خير
وكم سعر الساعه فالمواقف اخوي ؟

[بو الجوري]

سؤالك في وقته اخوي
لاني كنت افكر اصف الموتر 4ايام

وسلمان ماقصر ، بس نبي نعرف كم سعر اليوم في المواقف طويلة الامد

[ملك المشاعر]

مجانية مواقف طويله الامد ومظلله

[مضارب دوسري]

جزاك الله خير اخوي ملك المشاعر

ابو الجوري تروح وترجع بالسلامه

[سليمان احمد]

ياجماعه المواقف الطويله الامد ( مجانيه ) وانا شايف سيارات مغبره شكلها لها شهور

ومع ذلك سالت السيكورتي للتاكيد وقالي فري

وفعلا سافرت اسبوع ولا دفعت ريال والامور سهالات

اللي بفلوس المواقف قصيره الامد للزوار ومتوب عليها تسعيره

يعني صف سيارتك وانت مرتاح على ضمانتي

[aljaber1]

وكيف بيعرف بوابة الخروج ان هذه السيارة كانت في مواقف طويلة المدى
تقصدون طويلة المدى لها بطاقات دخول تخصها

[سليمان احمد]

Aljaber : لان الطريق اللي راح تسلكه وانت طالع يوديك عالشارع العام مباشره

مايحتاج انك تروح للبوابه ولابطاقه ولاشي نزل سيارتك وسافر وارجع بالسلامه

واركب سيارتك وتوكل على الله انا شايف سيارات مغبره شكلها لها شهور

[لاجل QT]

موظف ملغ قالي هالمواقف فري عاد استانست مظللة بركنت فيها..سافرت 19 يوم ..الا دفعوني 2200 تقريبا

الموافف المجانية الجهة الاخرى بعيدة اشوي

[لاجل QT]

وياريت على هالمبلغ في اهتمام ونظافة للسيارات رجعت حصلت السيارة مغبرة وصخة

[aljaber1]

Aljaber : لان الطريق اللي راح تسلكه وانت طالع يوديك عالشارع العام مباشره

مايحتاج انك تروح للبوابه ولابطاقه ولاشي نزل سيارتك وسافر وارجع بالسلامه

واركب سيارتك وتوكل على الله انا شايف سيارات مغبره شكلها لها شهور



مشكور اخي على التوضيح وفي ميزان حسناتك

[سليمان احمد]

صح بعيده بس فيه باص ياخذك لين الصاله

ويرجعك من الصاله لسيارتك بعد الوصول

الامور سهالات ولا مضلله بعد وسيكورتي

يعني سافر وانت مرتاح

[دايموند]

الي فهمته ان في مواقف مجانيه لكنها بعيده

اوك لنفرض وقفنا بهالمواقف اشلون نشيل اغراضنا والمسافه بعيده؟
هل الباص يمر كل ربع ساعه او 10 دقايق والا اشلون اتم انطر الباص كم ساعه؟

[سليمان احمد]

الافضل بالنسبه للشنط يتم تنزيلها عند باب المغادرين عن طريق احد الاشخاص اللي معاك او احد العمال

لين يتم توقيف السياره والرجوع بالباص هذي طريقه مجربه

بالنسبه للباص ماياخذ 10 دقايق الا هو مار عليك والانتصار في مكان مكيف ونضيف

[بو الجوري]

دخلت موقع المطار ، ومالقيت خريطه توضع مواقف طويلة الأمد ..

عالعموم أنا بروح الأحد بصف الموتر ، بس إذا رجعت ودفعوني
ترا الحساب عليك يا سليمان أحمد :telephone:

[سليمان احمد]

بو الجوري ؛ على مسئوليتي لاتخاف انا بدفع هههه

لالا وقف موترك ولاتحاتي لانه اصلا من تقرب من المطار

راح تشوف لافتهمكتوب عليها فقط ( المواقف ) بدون تفصيل

واذامسكت الطريق راح يعطيك الخيارين خيار المواقف القصيره وهي اللي بفلوس

والمواقف طويله الامد وهي مجانا

بالتوفيق للجميع

[المحاميه]

معلومات جديده
جزاكم الله خير

وفعلاً اللي معاه شناط ينزلها عند باب المغادرين ويصف السياره وعقب يروح بالباص مافي الا جذي

:nice:

[المحاميه]

موظف ملغ قالي هالمواقف فري عاد استانست مظللة بركنت فيها..سافرت 19 يوم ..الا دفعوني 2200 تقريبا

الموافف المجانية الجهة الاخرى بعيدة اشوي


تو ماتج

جان قلتي الموظف عطاني معلومات مش دقيقه ومالي خص :secret:

[بو الجوري]

بو الجوري ؛ على مسئوليتي لاتخاف انا بدفع هههه

لالا وقف موترك ولاتحاتي لانه اصلا من تقرب من المطار

راح تشوف لافتهمكتوب عليها فقط ( المواقف ) بدون تفصيل

واذامسكت الطريق راح يعطيك الخيارين خيار المواقف القصيره وهي اللي بفلوس

والمواقف طويله الامد وهي مجانا

بالتوفيق للجميع

:nice: تممممام ،

وشكراً للمعلومـه .. :victory:

[قلب الحدث]

سؤال للأخوة للحين المواقف مجانية؟؟ لان سفرتي بعد يومين وناوي اخلي الموتر بالمطار

[بو الجوري]

هلا الشيخ

اي اخوي المواقف مجانيه

انا من يومين راجع والامور تمام

اهم شي تنزل الشنط اول ؛ وطبعا في باصات تجي تاخذك

[قلب الحدث]

تسلم الشيخ ما قصرت

[بو الجوري]

الله يسلمـك ، والأهم من هاي كله إنك تصور رقم الموقف ، عشان لما ترجع تتذكر وين صاف :telephone:

[لاجل QT]

تو ماتج

جان قلتي الموظف عطاني معلومات مش دقيقه ومالي خص :secret:

الموظف بيقولى ذس نت ماي بروبلم

اللى باط جبدي ليش مافي اهتمام للسيارات اللى موقفها بفلوس ..حصلت سيارتى كلها تراب ..من زود التراب مدري من كاتب على سيارتي وراسم قلوب ورسومات ..التراب يشجع على الرسم هههههههه