هل الجرانيت الصيني ينفع ارضيه ?

[MAZEN37]

تحيه لكل الاعضاء والاخوان
اتمني الي عنده خبره وملاحظات علي الجرانيت الصيني للارضيه يفيدنا
هل ينفع هل تنظيفه عملي هل لونه يبهت في مشاكل من اي ناحيه ثانيه
بالنسبه للسعر هو مقارب جدا للسيراميك الاسباني نخب اول
لكن حسب علمي انه الجرانيت اصلب واقوي
انا بحيره من امري

[Bozizoo]

أخوي من تجربه شخصيه الجرايت الي مثل البورسلان جيد.
انا كنت مركبه في بيتيوï»» فيه اي مشاكل ..بس نصيحه البورسلان الصيني من الافضل انه ينعمله الكروس او الصليبه احسن ..عشان تخفي عيوب جوده البورسلان.
وعلى فكره حتى الاسباني و الايطالي فيهم عيوب على حسب في نخب اول وهو افضل شي وفي الثاني و في ثالث..الثاني و الثالث فيهم عيوب في التصنيع وبتلاحظ هذا في التركيب اذا كان زيزو جوينت بدون كروس.ومافي امل يقولك الكلام ذا راعي السراميك.وكيف تعرف انه اي نخب تحصل مكتوب على كل كرتون

[شموخ دائم]

,

,

مرحبا

اخوي الكريم


اهم نقطه تشتري الجرانيت الصيني من مكان ( موثوق ) ومعروف وله سمعه كبيره بقطر
وراح اوضح لك ليش اخر الرد !!

الجرانيت ( الصيني ) والجرانيت ( الهندي ) جيد جدا جربته سابقا وما زال راكب على عتبات الدرج الخارجي 3 سم صار له 8 سنوات
وركبت جرانيت صيني بالبرنده الخارجيه وما زال جيد جدا سماكه الارضيات 2 سم

والجرانيت الهندي ممتاز جدا جدا خاصه الاسود والاخضر والبني ولكن سعره ضعف سعر الجرانيت الصيني


الشركات الصينيه لهم حركات تلاعب عليك الانتباه منها

على سبيل المثال خلك حريص ان السماكه للدرج 3 سم
وللارضيات 2 سم

اللعب الي يلعبونه يكون السماكه بدل 3 سم تلاقيه 2 ونص
وبدل 2 سم تلاقيه 1 و80سم اقل من 2
ومن هذا المنطلق يخفضون سعره مقابل المتانه

كون حريص على هذا الموضوع ونبه على البائع انك بترجعه لو طلع اقل من مواصفاتك

والجرانيت يجي سلابات كبيره ويقصونها هنا ويحطونه بالصناديق ومايكون موضح على الصندوق كم سماكته
لانها تعبئه محليه

تقدر تقيسه بنفسك بالموقع حتى لو بمسطره عاديه يبين الفرق واضح

لذلك لو اخذته من مكان معروف راح تريح نفسك من هذا الحركات

بالتوفيق لك

,

,


اخوك


شموخ دائم

[MAZEN37]

جزاكم الله خير

[Azizuk]

عفوا راعي الموضوع

ممكن حد يشرح لي عن الدفان قبل تركيب الرخام او البورسلان

واحد قالي دفان رمل وبعدين مونه اسمنتيه

والثاني قالي لا يسون لك خلطه أسمنت ورمل مع مواد ويستوي مثل الصبيه

وبعدين يتلزق بماده سوى كان بتركب رخام او بورسلان

وتطلع عندك الأرضية قوية

وإذا في حد يعرف مبلط الله يعزكم للحمامات يعطيني رقمه

يمدحون واحد اسمه سردار يقولون عنه ممتاز بس ان غلاوي شوي

[$الملياردير$]

ربي يوفقك

[MAZEN37]

ازيزوك انا اشوف لو سويت تسويه الارض بالسمنت ثم ركبت عليه البورسلان
ينفع للزيرو جوينت لكن هالحركه اولا تكلفه اكبر وثقل في الدور الثاني