وين ممكن الاقي wheatgrass عشبة القمح

[SOUD.QA]

السلام عليكم ورحمة الله وبركاته

صار لي كم يوم ادور على عشبة القمح wheatgrass وهذي الصوره للتوضيح اكثر

http://www.tamilcollections.com/images/recipes/wheatgrassjuice.jpg

ياليت إذا عندكم فكره اخواني وخواتي وين الاقيها او وين الاقي بذورها وكيف زراعتها

شاكر لكم مقدما

[R 7 A L]

وش سشالفتها هالنبته
تعصر وتشرب
وهل هي دواء ؟

[SOUD.QA]

وش سشالفتها هالنبته
تعصر وتشرب
وهل هي دواء ؟


هالنبته اخوي رحال تعصرها ولها فوائد بالهبل منها تحسين التخلص من المشاكل الهضميه مثل فرط حموضة المعدة والإمساك والبواسير والقرحة الهضمية والتهاب القولون - تعزيز مناعة الجسم - تنقية الجسم من السموم - إمداد الجسم بالطاقة ومقاومة الاجهاد والتعب - تساعد في تنزيل الوزن - المساهمة في تحسين صحة القلب والأوعية الدموية وخفض ضغط الدم المرتفع عبر خفض نسبة الكولسترول في الدم

اكيد مرت عليك في امريكا خصوصا فمحلات السموذيز للرياضيين ادمنتها هناك مع الرياضه

[R 7 A L]

كني شفتها بس مااذكر اني دققت فيها


اشكرك على الرد
وان شاء الله يفيدونا الاخوة عن مكانها

[SOUD.QA]

كني شفتها بس مااذكر اني دققت فيها


اشكرك على الرد
وان شاء الله يفيدونا الاخوة عن مكانها


العفو اخوي اكيد انك شفتها فمكان احيان يخلطونها مع اشياء ثانيه للقرين سموذيز

لقيتها بالنت عدة الزراعه كامله بس وزن الشحن ثقيل بيطلع مبلغ وقدره على ارامكس

[الجـــوديّ]

ما قد شفتها في قطر ولو بتكون موجودة ... ماراح تلقاها الا في السوبر ماركتس الاجنبية.

تقدر تزرعها بارخص التكاليف وتعصرها عادي في البيت ... هي ببساطة مثل الحية بية ... تخبرها :nice:

تاخذ whole seed wheat من الجمعية أو من مركز الغذاء الصحي في بن عمران (نسيت اسمه)

وتتبع خطوات الزراعة الفيلم .. أشوف هالمراة اجادت الزراعة

وفيه افلام وايد ع اليوتيوب

http://www.youtube.com/watch?v=Mw57kmVdx5Q

او ممكن تزرع في طين عادي وتحش عادي وتعصره.

البذور المنبتة قوة المغذيات فيها 21 مرة عن الطعام العادي لذلك ينصح به وخاصة القمح لأنه يرفع المناعة في الجسم.

بالتوفيييق:victory:

[SOUD.QA]

ما قد شفتها في قطر ولو بتكون موجودة ... ماراح تلقاها الا في السوبر ماركتس الاجنبية.

تقدر تزرعها بارخص التكاليف وتعصرها عادي في البيت ... هي ببساطة مثل الحية بية ... تخبرها :nice:

تاخذ whole seed wheat من الجمعية أو من مركز الغذاء الصحي في بن عمران (نسيت اسمه)

وتتبع خطوات الزراعة الفيلم .. أشوف هالمراة اجادت الزراعة

وفيه افلام وايد ع اليوتيوب

http://www.youtube.com/watch?v=Mw57kmVdx5Q

او ممكن تزرع في طين عادي وتحش عادي وتعصره.

البذور المنبتة قوة المغذيات فيها 21 مرة عن الطعام العادي لذلك ينصح به وخاصة القمح لأنه يرفع المناعة في الجسم.

بالتوفيييق:victory:


يا زينها من ايام الحيه بيه

:nice:

اشكرج عاللنك حبيت طريقتها اسهل من الطين والسماد والخرابيط اللي يستخدمونها لها إذا ما لقيتها هني شكلي بطلب الحبوب وبزرعها لقيت نفس جدرها وانا ادور الحبوب في امازون

:victory:

وين مكانه اللي في بن عمران لان حتى الحبوب دورتها ما لقيتها هني

صدقتي فوائد احنا الله بالخير عنها ذي لو تشربين منه كل يوم مقدار بياله بتحسين بفرق شاسع فالصحه

[الجـــوديّ]

ما يحتاج تطلب الحبوب من برا تراها متوفرة بكثرة بس لازم تتأكد انها حبة كاملة .. هي نفس حب الهريس بس الهريس مقشر

للزراعة لازم تكون حبة كاملة مب مقشرة

نفس هالصورة

http://3.imimg.com/data3/UR/VJ/MY-4799016/organic-wheat-seeds-250x250.png



اللي في بن عمران يجيك في سيد الشاهين ..عقب حلويات طارق بتلقى ذيه المركز ... مادري اسمه تداوي ... (ناسيته)

هو محل اغذية صحية تابع للدكتورة نوال الشعراني

بتلقى الستاند عند الباب ..

قمح كامل الحبة

وممكن تلقاه في ميغا مارت أو اي سوبر ماركت من هذول الماركيتات

وتتأكد ان مكتوب على الباكيت من برا whole seed




وعليكم السلام ورحمة الله وبركاته :shy:

[زمن الغربة]

أخوي سعود شوف السموثي لعبتي هههههه...الامور بسيطه...الصراحه مب أنا لكن الجماعة عندي فالبيت متخصصين في هالاشياء...شوف القمح او ممكن تستبدله بالشعير وله نفس الفوايد تقريبا تقدر تشتري الكيلو(البدور) بخمس ريال من عند مختار في سوق واقف...وبس تاخد كميه وتزرعها عندك فالبيت وادا زرعتها برع احرص انك تغطي المكان بشي لان العصافير والحمام بياكلون البدور ههههههه وما بينبت شي :/ وممكن تزرع في احواض زراعه داخل البيت حط الحوض عند الشباك عشان الشمس...خلال اسبوع تقريبا تنبت البدره عقب تجيب مقص وتقطع الحشيش وتغسله زين وتحطه فالخلاط...فالعاده نحط معاه افكادو وانناس وتفاح ونخلطهم فالخلاط ويطلع لك احلا سموثي بيتوتي...وادا ودك بعد اشتر من عند محتار يدور البرسيم(الجت) وازرعها نفس الشعير لكن مدة زراعتها شوي اطول لكن فوايد البرسيم شي فوق الخيال ممكن تدور ع النت وتقرا عن الفوايد...دايما نزرعه ونحطه مع السموثي شي عجيب....معليه ماعندي فالكيبور حرف الدال كله دال ههههههههههه

[SOUD.QA]

ما يحتاج تطلب الحبوب من برا تراها متوفرة بكثرة بس لازم تتأكد انها حبة كاملة .. هي نفس حب الهريس بس الهريس مقشر

للزراعة لازم تكون حبة كاملة مب مقشرة

نفس هالصورة

http://3.imimg.com/data3/UR/VJ/MY-4799016/organic-wheat-seeds-250x250.png



اللي في بن عمران يجيك في سيد الشاهين ..عقب حلويات طارق بتلقى ذيه المركز ... مادري اسمه تداوي ... (ناسيته)

هو محل اغذية صحية تابع للدكتورة نوال الشعراني

بتلقى الستاند عند الباب ..

قمح كامل الحبة

وممكن تلقاه في ميغا مارت أو اي سوبر ماركت من هذول الماركيتات

وتتأكد ان مكتوب على الباكيت من برا whole seed




وعليكم السلام ورحمة الله وبركاته :shy:



رحت المكان اللي قلتي عنه اظن اسمه دايت سنتر عندهم مقشر ومنتفينه حصلت عندهم كينوا بسعر حلو على 25 باقي الاماكن من خمسين وطالع

دورت الميره وكارفور وميقا ما حصلت عندهم شي بكمل رحلة البحث بعد العيد

:victory:


أخوي سعود شوف السموثي لعبتي هههههه...الامور بسيطه...الصراحه مب أنا لكن الجماعة عندي فالبيت متخصصين في هالاشياء...شوف القمح او ممكن تستبدله بالشعير وله نفس الفوايد تقريبا تقدر تشتري الكيلو(البدور) بخمس ريال من عند مختار في سوق واقف...وبس تاخد كميه وتزرعها عندك فالبيت وادا زرعتها برع احرص انك تغطي المكان بشي لان العصافير والحمام بياكلون البدور ههههههه وما بينبت شي :/ وممكن تزرع في احواض زراعه داخل البيت حط الحوض عند الشباك عشان الشمس...خلال اسبوع تقريبا تنبت البدره عقب تجيب مقص وتقطع الحشيش وتغسله زين وتحطه فالخلاط...فالعاده نحط معاه افكادو وانناس وتفاح ونخلطهم فالخلاط ويطلع لك احلا سموثي بيتوتي...وادا ودك بعد اشتر من عند محتار يدور البرسيم(الجت) وازرعها نفس الشعير لكن مدة زراعتها شوي اطول لكن فوايد البرسيم شي فوق الخيال ممكن تدور ع النت وتقرا عن الفوايد...دايما نزرعه ونحطه مع السموثي شي عجيب....معليه ماعندي فالكيبور حرف الدال كله دال ههههههههههه


هلا بالغالي انا اقول شهالريحه الطيبه اللي هفت علي فالموضوع وينك وين ديارك من فتره مالك حس شهالغيبه اشتقت لسوالفك وفنك فموضوع العطور والله مكانك مبين الله يطيبك من اطياب الجنه

السموثي شي عجيب لعبتي اخلط كل شي من الحب الافوكادو صرت تخصص قرين سموثيز فالبيت

والله شكلي باخذ بنصيحتك وبروح عند مختار اجرب الاثنين

من ماكل عندك نقطة ال ذ

:tease:

[رهج السنابك]

حمستوني
احب الاشياء الصحيه بس معدتي ماتتقبل اي شي طعمه مب حلو الترجيع عندي ببيزه

[SOUD.QA]

حمستوني
احب الاشياء الصحيه بس معدتي ماتتقبل اي شي طعمه مب حلو الترجيع عندي ببيزه


عيدج مبارك اختي معدتج حدها ارستقراطيه

:tease:

شوفي خيتو تدرجي بالاشياء لحد ما تتعودين ابتدي مثلا في كم حبة سبانخ فرش مع اناناس وتفاح

شي ثاني عندج بعد نعناع ليمون وخيار وشوية عسل

بعدها ابتدي عالقرين سموثيز دايما اخلطي الاشياء مع عسل لجل تتقبلين الطعم جربي Baby Spinach & Kale مع عسل وممكن تحطين نص تفاحه او شوية اناناس إذا الطعم ما تقبلتيه

احلى شي لما تخلطين القرينز مع مكس بيريز شي لذيذ

:victory:

[النهار]

ياخوي موجوده في جمعية الميره في بن عمران اشوف اكثر ناس يشترهونها الفلبينين

[SOUD.QA]

ياخوي موجوده في جمعية الميره في بن عمران اشوف اكثر ناس يشترهونها الفلبينين


هلا اخوي إن شاء الله بمر بن عمران