خطر السكوترات والى اين ياوزاره الداخليه ؟؟؟؟

[حسن]

السلام عليكم ورحمه الله وبركاته

موضوعي اليوم عن خطر الاسكوترات على مرتادي الشواطئ
وخصوصا جزيره السافليه والغاريه

الوضع الحاصل في المنطقتين لايمكن السكوت عنه من قبل الجهات الرسميه
بسبب خطورته على كل من يرتاد المنطقتين للنزه والسباحه والاستمتاع باجازه نهايه الاسبوع

حدثني صديق انه يوم الخميس نزل الغاريه اللسباحه
يقول ودك تنزل اعمى واصمخ من خطوره المنطقه بواسطه الاسكوترات

للاسف ان سواقين الاسكوترات الغالبيه الساحقه لا يحترمون زوار هذه المناطق
يدخلون بين الناس بشكل خطير وقاتل وياما نسمع بحوادث قاتله
زين الى متى

معقوله مافي حل

انا خطتي اوجهه للمسؤلين في وزاره الداخليه والى جهه الاختصاص لديهم
مع التنسيق باادراه المواني اذا لزم الامر

وضع بو يات على خط مستقيم تعمل حد فاصل بين الشاطي بمسافات كبيره لا تقل عن 500 متر
سواء في الجزيره السافليه او في الغاريه
وتثبيت دوريه من اداره خفر السواحل لمراقبه الوضع في وقت نهايه الاسبوع

تخصيص مناطق معينه لاستخدامات الاسكوترات بعيدا عن المتنزهين لكي يمارسون هوايتهم بحريه
وامن وامان


اتمنى هذه الاقتراحات توصل الى المسؤلين وهو حل يرضى جميع الاطراف


مع تحياتي

حسن

:)

[R 7 A L]

المفروض يمنع تملك السكوترات من قبل الافراد
المفروض تكون تابعة لنادي او شركة ولها مكان خاص
حالها حال الفورملا وسيارات السباقات والاستعراض

[حسن]

المفروض يمنع تملك السكوترات من قبل الافراد
المفروض تكون تابعة لنادي او شركة ولها مكان خاص
حالها حال الفورملا وسيارات السباقات والاستعراض


مرحبا يارحال

تعرف طبيعه قطر غير عن طبيعه الكثير من الدول
يعني الحمدلله الكثير يقدر يشتري سكوتر الحين والكل يمتلك سيارات
هذه نعمه من رب العالمين محرومين منها الكثير من شعوب العالم
واحنا مانقدر نمنع ونسوي سجن على المواطن اكثر ونمنع عنه التنزه في بلاده فهذا حقه
ولكن ننظم العمليه
يعني الاسكوترات اعداها اصبحت مثل النمل وللاسف لاتوجد ثقافه الاستخدام الصحيح بشكل كبير
وحتى القوانين على حد علمي لا توجد لمثل هذه الاستخدامات ولا غير مطبقه بحذافيرها
التاجير له شروط التامين والسلامه
هل هذه مطبقه مااعرف !!!
وعلى حد علمي لا

تخصيص حد معين بوسطه وضع بويات كبيره وعدم الاقتراب هني احنا تركنا الحريه لممارسه الهوايه للجميع
سؤا السباحه والااسكوترات
اما سياسه المنع الكلي بالنسبه لي مرفوضه بتاتا مانبي سياسه قرار المسؤل من راسه وطز في الباقين
هذه انا اكرها كره العمي

ونحرم الناس من الاستمتاع ببلادهم وين يروحون يسافرون يهجون برع

شكرا لك يارحال

[R 7 A L]

انا عطيتك الحل السهل
اما اقتراحك انهم يحطون أمن يراقبون
اعتقد صعب

[حسن]

انا عطيتك الحل السهل
اما اقتراحك انهم يحطون أمن يراقبون
اعتقد صعب

رحال اي اقتراح الله يهداك شركه

:eek5:

انا راعي بحر واعرف شلون طريقه الخطه يارحال

امن

ما هو الدوريات البحريه متوفره في كلتا الحالتين اساسا ومتواجدين في ايام الاجازات ونهايه الاسبوع
مااعتقد تعيز عن وضع دوريتين
العمليه وضع البويات وهي عباره عن كوره بلاستيكيه مخصصه للبحر

لذا لزم التوضيح لان الكثير ما يعرف شنهو البويه يمكن يفكره شي ثاني

[همر]

بوعلي .. انا اقول يسكرون البحر ...

حفاظاً على ارواحكم وعشان تنزل اسعار

السمج .. الهامور صك 100 ريال !!!

برميل نفط مب كيلو سمج !!!

[alsoq]

هذا اخوي حسن سؤ تنظيم وعدم اهتمام لو يبون صدقني في خلال سبوع يكون كل شي تمام بس اهمال وعدم مسؤليه

[R 7 A L]

رحال اي اقتراح الله يهداك شركه

:eek5:

انا راعي بحر واعرف شلون طريقه الخطه يارحال

امن

ما هو الدوريات البحريه متوفره في كلتا الحالتين اساسا ومتواجدين في ايام الاجازات ونهايه الاسبوع
مااعتقد تعيز عن وضع دوريتين
العمليه وضع البويات وهي عباره عن كوره بلاستيكيه مخصصه للبحر

لذا لزم التوضيح لان الكثير ما يعرف شنهو البويه يمكن يفكره شي ثاني



يارجال نعرف البويه ونعرف شكلها

في ذمتك السكوتر وش فايدتة غير الترفيه والاستعراض
حالهم حال شكلة حلبة الصناعية
انا قلت لك يخصصون مكان لهم والي بيحصلونه في غير هالمكان يسحبون منه السكوتر ويقطونه في وحدة من حوط الصناعية

[حسن]

بوعلي .. انا اقول يسكرون البحر ...

حفاظاً على ارواحكم وعشان تنزل اسعار

السمج .. الهامور صك 100 ريال !!!

برميل نفط مب كيلو سمج !!!




هلا هلا

ياهمر اذا البحر مفتوح صار ب 100 وتبي تسكر البحر
لايوصل سعر الهامور ب 1000 بعدين

شوف ياخوك هذا على حسب الوضع الاقتصادي للدوله
احنا اقتصادنا عالي وزاده الرواتب ولين الحين الناس ماتتسوعب هذه الزياده
مع العلم ان يحط فلوسه اسبوعين في سفره كانها اصبحت فرض واجب

لا تطلعنا عن الموضوع ياهمر

هو بقى اساسا بحر ما تسكر باتشوف العصبيه الزايده
هذه نتيجيه طبييعه من كثر الشبوك اللي نشوفها

:)

[حمد 2002]

بوعلي .. انا اقول يسكرون البحر ...

حفاظاً على ارواحكم وعشان تنزل اسعار

السمج .. الهامور صك 100 ريال !!!

برميل نفط مب كيلو سمج !!!



اكيد بوعلي بيعارض قرارك واقتراحك يا اخ همر لانه بتتعطل مصالحه الماديه .

[همر]

هلا هلا

ياهمر اذا البحر مفتوح صار ب 100 وتبي تسكر البحر
لايوصل سعر الهامور ب 1000 بعدين

شوف ياخوك هذا على حسب الوضع الاقتصادي للدوله
احنا اقتصادنا عالي وزاده الرواتب ولين الحين الناس ماتتسوعب هذه الزياده
مع العلم ان يحط فلوسه اسبوعين في سفره كانها اصبحت فرض واجب

لا تطلعنا عن الموضوع ياهمر

هو بقى اساسا بحر ما تسكر باتشوف العصبيه الزايده
هذه نتيجيه طبييعه من كثر الشبوك اللي نشوفها

:)



هذا انت قلتها ... مابقى بحر ماتسكر .. واللي باقي

مب مستغلينه الناس عدل ... هلاقه وملاغه ومبزره

خل يسكرون الباقي ونفتك ...

تحس في اشياء ياخوك ماتنفع تخليها

سداح مداح للشعب .. عنبو انك بتدلعهم يعني ..

يمصخونها .. حزات اقول احنا ماننعطى وجه بصراحه :(

[حسن]

هذا اخوي حسن سؤ تنظيم وعدم اهتمام لو يبون صدقني في خلال سبوع يكون كل شي تمام بس اهمال وعدم مسؤليه

:):)

احنا مانقول المسؤلين مايهتمون لا خلنا نبريهم من هذا الاتهام

نقول محد وصل لهم هل المعلومات من قبل المواطنين

:)

ترا العمليه بسيطه جدا جدا يالسوق مهب اسبوع الا ايام معدودات
قول يراجال خلهم شهر بس ينقذون الوضع الخطير

انا اتمنى نسمع احصائيات الحوادث بسبب الاسكوترات ووالطراريد في هذه الاماكن
من الجهه اللي تقدر تزودنا

:con2:


السوق خلنا الله يهداك ناخذهم باللين شوي

:victory:

[همر]

اكيد بوعلي بيعارض قرارك واقتراحك يا اخ همر لانه بتتعطل مصالحه الماديه .



ما رأيك في الاتهام الواضح والصريح الموجه اليك يا

سعادة العضو بوعلي من سعادة العضو حمد ؟!!

هل تبدي مصالحك الشخصيه او كما اشار اليها

سعادة العضو حمد مصالحك الماديه على مصلحة

الشعب ؟!!

[بومحمد المطاوعه]

خطتك بوعلي حلوه
ان يوضعون بويات

اما يمنعون الاسكوترات مالهم حق


وبخصوص الغاريه ماعندهم سالفه ينزلون

البحر اصلن ثابر هناك والاسكوتر تتعور وايد

انا عن نفسي كنت انزل صوب الابراج المتعرجه

وانزل بلايف جاكيت وخوذه والحمدلله مريح راسي من خفر السواحل

[sweet qatar]

اقتراحك حلو يا حسن

وان شالله يوصل للمسؤولين


البويه معلومة أول مرة أعرفها .. شكرآ

[حسن]

اقتراحك حلو يا حسن

وان شالله يوصل للمسؤولين


البويه معلومة أول مرة أعرفها .. شكرآ



شكرا لك ياسويت

انا وضحت للجميع عن البويه نسيت ان مهب الكل يعرف معناها
الناس بتفكر هذا نوع من انوع التعذيب لفئه ضلت في المجتمع

:secret:

هاهاها

والله يسمع منك ولا تبي شي كلها بهانس ودراهم معدوده ولكن فائدها على ارواح الناس
وتكلفتها ماتتعدى الالف الريالات مهب مئات


شكرا للمشاركه

[حمد 2002]

بوعلي عدى ماشاركاتنا انا وبومحمد وهمر ورد على الاخت سويت قطر .. على الأقل المفروض تعتذر لنا قبل ماترد عليها من باب الذوق فقط ..

وشكرا ..

[R 7 A L]

بوعلي عدى ماشاركاتنا انا وبومحمد وهمر ورد على الاخت سويت قطر .. على الأقل المفروض تعتذر لنا قبل ماترد عليها من باب الذوق فقط ..

وشكرا ..


انت ليش حساس زيادة
عادي ياخي
هذا انا ردي رقم 8 قبلكم وعداه
عادي لاتصير حساس زيادة هههههههههههه

[حسن]

بارد بارد عليكم ياجماعه الخيرانا مشاهدكم 24 ساعه
لكن سويت اول مره تدخل ومانقدر ناخرها ياجماعه الخير

صدقوني لا رجع

[شيخ الديرة]

اقتراحك حلو يا حسن

وان شالله يوصل للمسؤولين


البويه معلومة أول مرة أعرفها .. شكرآ

نعم أقتراح جيد وفي محله

البويه اصلها كلمة أنجليزية هي Bouy وتعني الجسم العائم

هذا ما يتمناه أبو علي في أقتراحه

http://motivationdocksupply.com/fendering/images/buoys/barrier-systems.jpg

[حسن]

يارجال نعرف البويه ونعرف شكلها

في ذمتك السكوتر وش فايدتة غير الترفيه والاستعراض
حالهم حال شكلة حلبة الصناعية
انا قلت لك يخصصون مكان لهم والي بيحصلونه في غير هالمكان يسحبون منه السكوتر ويقطونه في وحدة من حوط الصناعية



ياخوك السكوتر حلو وجميل مع الاستخدام الصحيح بالنسبه لي اكرها واكره البطبطه
ولكن الكثير حيبها ومانقدر نحجر عليهم ونقولهم ممنوع
نا اتفق معاك يخصوصون لهم مكان

بس الله يهداك انت مصلب على سالفه الحجز مال التريلات بعد تبي تحجز سكوترات


:rolleyes2:

[حسن]

اكيد بوعلي بيعارض قرارك واقتراحك يا اخ همر لانه بتتعطل مصالحه الماديه .




ما رأيك في الاتهام الواضح والصريح الموجه اليك يا

سعادة العضو بوعلي من سعادة العضو حمد ؟!!

هل تبدي مصالحك الشخصيه او كما اشار اليها

سعادة العضو حمد مصالحك الماديه على مصلحة

الشعب ؟!!





مماقدر ارد اسئله خارجه عن سياق الموضوع والحوار


حاول مره اخري


:)

[FCB 123]

أنا صادني هالموقف في فندق شرق يوم الخميس في الليل .. كنا نسبح مع العيال وكان في سكوترين يدخلون ويجون قريب من السيف وأشرت لهم بيدي انهم يبعدون .. قاموا يستعرضون وطلعوا عقب

الله المستعان

[حسن]

خطتك بوعلي حلوه
ان يوضعون بويات

اما يمنعون الاسكوترات مالهم حق


وبخصوص الغاريه ماعندهم سالفه ينزلون

البحر اصلن ثابر هناك والاسكوتر تتعور وايد

انا عن نفسي كنت انزل صوب الابراج المتعرجه

وانزل بلايف جاكيت وخوذه والحمدلله مريح راسي من خفر السواحل

اي والله يابو محمد حتى خفر السواحل ارتاحو منك

:)

انا ماااطالب بمنعهم لا اطالب بوضع بويات لهم على شكل خط مستقيم وبعضها عليها لوحات
يمنع دخول السكوترات هذه المنطقه
يجب ان يكون هناك نظام لان الاسكوترات اصبحت خطره على مرتادين هذه المناطق
وحصلت حوادث كثيره والحل بسيط وتكلفته جدا رخيصه

اتمنى من المسؤلين الاخذ بجديه الوضع

شكرا لك ابومحمد

[ANONYMOUS]

اقتراحك غير منطقي


شلون بويه

تبيهم يصبغون البحر




























امزح امزح

عندك الاخ جاجاسم.. عطه منشن يوصل صوتك :)

[بومحمد المطاوعه]

اي والله يابو محمد حتى خفر السواحل ارتاحو منك

:)

انا ماااطالب بمنعهم لا اطالب بوضع بويات لهم على شكل خط مستقيم وبعضها عليها لوحات
يمنع دخول السكوترات هذه المنطقه
يجب ان يكون هناك نظام لان الاسكوترات اصبحت خطره على مرتادين هذه المناطق
وحصلت حوادث كثيره والحل بسيط وتكلفته جدا رخيصه

اتمنى من المسؤلين الاخذ بجديه الوضع

شكرا لك ابومحمد


ههههههه اي والله ارتاحو خلاص اعرفو اني انزل بكامل السلامه ولله الحمد

صارو ربعي


تدري الحين اي شخص يدش جراند حياه او اللؤلؤه واذا صاد هم تصدير للسكوتر وتعهد

احسن يستاهلون

[طلعة الروح]

ياخوك السكوتر حلو وجميل مع الاستخدام الصحيح بالنسبه لي اكرها واكره البطبطه
ولكن الكثير حيبها ومانقدر نحجر عليهم ونقولهم ممنوع
نا اتفق معاك يخصوصون لهم مكان

بس الله يهداك انت مصلب على سالفه الحجز مال التريلات بعد تبي تحجز سكوترات


:rolleyes2:

اتمنى يمنعون البطابط والدراجات من قبل الهواه في الشوارع
لكن نسمح بها فقط في حدود المهن مثل سواقين التوصيل وغيرهم اللي تلزمهم مهنهم باستعمالها
مع ضرورة اعطاء الترخيص لها.. اما الهواه فيلتزمون بنوادي تخص هذه الدراجات واعتقد موجوده ف الدوله؟

[شيخ الديرة]

كيف يستمتع الناس مع وجود كل هذا العدد من السكوترات السريعة؟

الحوادث لا تحدث بدون أسباب

http://www.raya.com/file/GetImageCustom/f8cf0456-0072-4139-94dc-9106e904a8d4/400/300

[حسن]

اي والله اليوم اشوف كاتبين فيالجريده

المشكله انا طرحت الموضوع وكتبت عن المخاطر وصدقوني
لو لم يتم الاخذ بها لاتسمعون عن الحوادث وعقب بيقعدون يتحركون

نصايح وخطط ببلاش ورخيصه غير مكلفه

ان شاء الله من يتحرك لوقف هذا الخطر الاسبوعي

[طلعة الروح]

كيف يستمتع الناس مع وجود كل هذا العدد من السكوترات السريعة؟

الحوادث لا تحدث بدون أسباب

http://www.raya.com/file/GetImageCustom/f8cf0456-0072-4139-94dc-9106e904a8d4/400/300

المنظر خطر والغريب ان الناس يسبحون بينهم وكأن الامر طبيعي!

[شيخ الديرة]

اي والله اليوم اشوف كاتبين فيالجريده

المشكله انا طرحت الموضوع وكتبت عن المخاطر وصدقوني
لو لم يتم الاخذ بها لاتسمعون عن الحوادث وعقب بيقعدون يتحركون

نصايح وخطط ببلاش ورخيصه غير مكلفه

ان شاء الله من يتحرك لوقف هذا الخطر الاسبوعي

ما قصرت أبو علي,يجب وضع نظم تسجيل وترخيص ورقم وغرامات, حالها حال السيارات