موضوع مهم للنقاش : أستقدام الخدم

[Second Hand]

السلام عليكم ورحمة الله وبركاته

من فيكم جرب يستقدم خدم أو عمال او أي عمالة كانت بدون اللجوء للمكاتب بمعني ممكن يستقدم عن طريق شخص يعرفه او طريق مكاتب في النت مثل هالموقع مثلا

هنا (http://www.happymaidshappyhomes.com/print-maid.php?id=94287)

يعني لاحظت ان في هالمواقع مكتوب ان الخادمه تغسل السيارة وتعرف تخيط وترعى الحيوانات ولكن في المكاتب يقولك لا بس هي تنظف ولا تسوي شي ثاني ليش يتشرطون علينا وفي الدول الثاني لا غير هذا لاحظت ان في خانه سبب رفضها العمل يكون السبب عدم وجود مكان خاص لها للنوم وان اصحاب العمل يخلونها تنام بالمطبخ هذا على سبيل المثال طبعا هنا مستحيل تنام بالمطبخ غرفة الخادمه والسائق تبنى مع البيت ومع ذلك نجدهم متعنفقين

هل هالطرق ناجحه ام لا

يا ريت آرائكم والحلول

[ضوى]

السلام عليكم ورحمة الله وبركاته

من فيكم جرب يستقدم خدم أو عمال او أي عمالة كانت بدون اللجوء للمكاتب بمعني ممكن يستقدم عن طريق شخص يعرفه او طريق مكاتب في النت مثل هالموقع مثلا

هنا (http://www.happymaidshappyhomes.com/print-maid.php?id=94287)

هل هالطرق ناجحه ام لا

يا ريت آرائكم والحلول

انا جربت في ثنتين ولله الحمد توفقت فيهم الله يتمم علي ، واحدة خلصت ثلاث سنوات وسافرت والثانية بتكمل سنة الحين والله يتمم علي ، وافكر الحين اجيب بس للحين ماحصلت

[بنـ ابوها ـت]

اعتقد بس الجنسية الهندية اللي ممكن نستقدمها دون اللجوء الى مكاتب

[غايه الطواش]

جربنا الاثنين توفقنا فالشغالات واما السواقين لا
افضل من مكتب اضمن وخاصه السواقين

[نور الحور]

متابعة تجاربكم بشغف :)

[رجل الجزيرة]

لكن إذا عندها مرض السل فويش الطريقة؟
مشكلة صح.

[رجل الجزيرة]

مرة أخذت لي خدامة سيلانية من المكتب من 3 سنوات وأعطيته عربون علشانه يفك لي من القمسيون الطبي وبعد إسبوع جاني إتصال من البحث والمتابعة وقال لي الحين ترجع الخدامة للمكتب وخذلك وحدة غيرها فسألته السبب ما رد علي.

[Second Hand]

لكن إذا عندها مرض السل فويش الطريقة؟
مشكلة صح.

جبت كينيه طلع فيها السل بس من سنتين صايدها فقالوا لازم تسفرها لان ممكن يرجع لها باي وقت

[Second Hand]

للرفع لمن فاته التصفح

[الصغيره]

تعاملت مع واحد بالفلبين جاب لي سايقه ب 7500 ريال

[راشد محمد]

جربت في هنود واثيوبيات

[حسن]

ماجربت الصراحه وماعندي مشكله الحمدلله مع الخدم
وموفر لهم جميع سبل الراحه والرفاهيه
وياخذون مكافئه راتب وبدل ملابس وعلاوه خطر وبدل غربه

المشكله والاحظها كثره دعس الحريم والانتقام من الخدم كانهم عبيد
عند الكثير القليل الغالبيه
شفت ازواج تعبانين والى هذه اللحظه الخادمه الممتازه تطفشها تطفش
ولضعف شخصيه الزوج وخوفه من ست الحسن والدلال
مايقدر يحل المشكله ومسوين صداع في راس المكاتب
ومغلين التكلفه غير الضغط من الخارج على الدول من قبل المنظمات

الحل الابدي والنهائي منع دولهم

ويادار مادخلك شر

اوروبا متقدمه ملايين السنين ولا تدور الخادمه عندهم

(إن الله لا يغير ما بقوم حتى يغيروا ما بأنفسهم)

رفعت الاقلام وجفت الصحف

:)

[JN000N]

احنا خدمنا بعضهم من مكتب
وبعضهم عن طريق بعض
وكلهم فلبن
والحمدلله الي كملت خمس سنين واللي 16 سنه
اربع خدامات وان شاء الله بتيي الخامسه كلهم ف التمام التمام اللهم لك الحمد
والدريوليه ثلاث والرابع توه يديد يتدرب هذول كلهم هنود وواحد مصري حق المطاريش
اثنين فوق العشرين سنه وثالث اربع سنين واليديد توه شهور والمصري من 24 سنه او اكثر :rolleyes2:
اهم شي المعامله الطيبه
لدرجة ان الاثنين القدامى جاتهم عروض برواتب اكثر عند ناس من هلي قالولهم مانبي كفيل ثاني احنا مرتاحين معاه
الحمدلله

طبعا الدريوليه الحين افضل انك اتييب عن طريق دريول عندك تثق فيه
لان عن الطريق المكاتب يانا واحد من فتره يشتغل كان ف الامارات اسم بس ان يصلي ويسهر طول الليل برا ومايرجع الا الصبح طبعا هالاشكال مامنهم امان ولا ينتهمل حد وياهم
الخدامات القديمه من مكتب الباقي الثلاث من نفس مدينة خدامات وحده من هلي ويابوهم لنا

[wrc]

تعاملت مع واحد بالفلبين جاب لي سايقه ب 7500 ريال

ممكن عنوانه لو سمحتي.