العملية الصعبة السهلة ( سليف)

[الســيل]

العملية الصعبة السهله (سليف )


السلام عليكم اخواني واخواتي




مساكم الله بالخير جميعا.....


انا بكتب لكم اللي حصل لي بعد العملية وانتظر منكم نصائح


وزني 125 طولي 170


اولا كان القرار اني اسوي العملية في مستشفي الاهلي مع الدكتور فوزي جادالله


قبل شهر صليت استخارة وتوكلت علي الله اني اسوي العملية المهم




بعد التحاليل والفحوصات والاشعة ومن دكتور نفسية الي دكتور التغذية في الاخير تقرر اسوي العملية في تاريخ 23/09/2014


بلغت زوجتي كانت رافضة تمام موضوع العملية تقول انت كل مره تسوي رجيم وبشهر تضعف عادي بس هالمره قررت اني اروح للحل السهل اقص وافتكز


في نفس يوم العملية رحت المستشفي الصباح الساعه 6:30 دخلت الغرفة الساعه 7:30


من دخلت وانا اسال وين الدكتور وين الدكتور قالو الدكتور بيجي الساعه 8:30 (


جا الدكتور علي موعده السلام عليكم عليكم السلام شخبارك قتله طيب سواا للخلف دور وطلع




علي بالي بيرجع لان بخاطري اسأله كثيره ابي اساله وزاد عندي التوتر راح ولا رجع ههههههههههههه


جت الساعه 10 وللحين ماخذوني علي غرفة العمليات


ناديت علي النيرس قتلها تاخرو قالت عنده مريض وانت الثاني قتلها اذا يتاخر اكثر انا بطلع راح اكنسل العملية.(متحجج


بعد ربع ساعة رجعت لي وقالت يالله مشينا هني حسيت دمي نشف خايف بس اكابر


المهم دخلوني غرفة وعطوني مغذي مع ابرة قبل العملية


اسمع الدكتور يشتغل بغرفة العمليات اللي جنبي ويسولف وبعد خمس دقايق طلع لي قالي كيفك يابطل ومن هالامور ههههههههههههه


قلت معاد فيها بطل ........




المهم دخلت داخل غرفة العمليات نطقت الشهادتين يوم شفته يعطيني ابرة البنج


ماحسيت الا انا اصارخ علي النيرسات وابي اقوم وهم يهدون فيني وعطيت وحده بكس مسكينه خشمها بداا ينزف طبعا انا ماحس علي نفسي كل هذا في فترة النقاهه (هالحدث مصوربفيديو


المهم دخلت العمليه الساعه 11:15 حسيت علي نفسي الساعه2 وشي


وصحيت اتكلم مع زوجتي عادي ولا احس في الالم وكان حاطين لي جهاز بين ريموفل اذا حسيت بالم ضغطته علي طول




الحمدالله بعد المغرب ماحتجته وطلبت انهم يشيلونه علي الساعه 9 بديت امشي شوي شوي عادي اروح واجي


ثاني يوم الاربعاء جا الدكتور قتله بسوي الاشعة واطلع قالي لا تقعد اليوم وبكرة نسويها لك قتلها اوكي


جا يوم الخميس الصبح نزلت سويت العملية وطلع كل شي سليم الحمدالله مافي اي تسرب علي كلامهم




بدو يعطوني ماي 30 مل كل ساعتين وانقاعد امشي في المستشفي القي اللي يوزع قهوة عربيه في المستشفي واخذت من عندة وسالت النيرس قالت اوكي بس الكميه تقولي حق ساعتين المهم دامني بالمستشفي ماحسيت بشي اللي حسيته بالم شي يرتفع من المعده احس اني ماقدر اتنفس اسالهم يقولون عادي وطلبت اني اطلع بنفس اليوم اللي سويت فيه الاشعه جا الدكتور وطلعني وعطاني نصايح التغذية


ولازم سوائل طول عشر ايام مافي غير سوائل شفافه


اليوم الاحد اليوم هو اليوم السادس لي بعد العملية ونزلت 5 كيلو تقريبا طبعا بديت المشي من امس ربع ساعه كل يوم. .




طبعا رائي لو رجعنا ورا راح افضل اني اسوي رجيم لان جسمي ينزل بسرعه مع الرجيم والرياضه بس المصيبه يرجع دبل


اللحين اذا اشرب احس بألم في المعدة ولا اعرف اني شبعت او لا:secret: بس اللي اعرفه نفسي مسدوده يعني لو قدامي كبسة لحم عادي مو نفس المشاعر السابقه


بس اللي مخوفني الالم اذا حد عنده تجربة ويفيدني

[يوسف0]

ما في أمل أسويها أحب الأكل :tease:

والحمد لله على السلامه وعقبال اتكون رشيق

[sweet qatar]

أول الحمدلله علي سلامتك أخوي
والله يتمم شفاك


ماعندي نصيحة لك غير الصبر .. بتتعود ان شالله

رفيجتي سوتها واحتاجت وقت عشان ترجع لحياتها الطبيعية

والحين بعد أكثر من 6 شهور صارت تشجع الكل حولها علي العملية
طبعا الي وزنهم زايد .. ويعانون من الريجيم

[الســيل]

ما في أمل أسويها أحب الأكل :tease:

والحمد لله على السلامه وعقبال اتكون رشيق



هههههههههههههههه عليك بالعافية بس لين متي واحنا نحب الاكل :omen2:

والله يسلمك من كل مكروه ان شاءالله

[الســيل]

أول الحمدلله علي سلامتك أخوي
والله يتمم شفاك


ماعندي نصيحة لك غير الصبر .. بتتعود ان شالله

رفيجتي سوتها واحتاجت وقت عشان ترجع لحياتها الطبيعية

والحين بعد أكثر من 6 شهور صارت تشجع الكل حولها علي العملية
طبعا الي وزنهم زايد .. ويعانون من الريجيم


الله يسلمج سويت

[theeb_qatar]

يعطيك العافيه والحمدلله ع سلامتك
الالم اول شهر بتم معاك عادي
حتى لو فكرت تنام ع بطنك ماتقدر بالايام الاولى وعقبها شوي شوي بترقد على بطنك ..

امورك فالروب حبيبـنا اللزم ..
انا صبرت ع السوائل شهر كامل ..

طبعا 145 الوزن .. حاليـا 73 .. المدة سنه وعشر شهور ..
اكل اي شي حاليا .. وزني يثبت .. اوقف االخربطه .. يرد ينزل مره ثانيه ..

وبالتوفيق .. عزيزي

[Aaziz]

الله يشافيك و يعافيك ... مبروك مادبرت ،، فالك الصحه و العافيه و الجسم الرشيق
الامر هين من تجارب محيطين ،، اذا جا وقته عليك بالروب الي على فواكه و حاول بعدها تنتقي نوعيه الاشياء الي تاكلها ،، تكون اطعمه مغذيه و متنوعه من ناحيه البروتينات و الفيتامينات .
موفق خير

[الســيل]

يعطيك العافيه والحمدلله ع سلامتك
الالم اول شهر بتم معاك عادي
حتى لو فكرت تنام ع بطنك ماتقدر بالايام الاولى وعقبها شوي شوي بترقد على بطنك ..

امورك فالروب حبيبـنا اللزم ..
انا صبرت ع السوائل شهر كامل ..

طبعا 145 الوزن .. حاليـا 73 .. المدة سنه وعشر شهور ..
اكل اي شي حاليا .. وزني يثبت .. اوقف االخربطه .. يرد ينزل مره ثانيه ..

وبالتوفيق .. عزيزي



مشكور ياذيب علي انك طمنتني

بس ياخي الدكتور قالي عشر ايام سوائل عقبها اكل مهروس

يعني انتظر يوم العيد يجي بفارق الصبر عشان اكل سيرلاك :secret::shy:

[alsoq]

الحمدلله على سلامتك اخوي
لازم بتحس بالم شي مشيول ان شاء الله فتره بسيطه وكل شي يرجع طبيعي لا تحاتي اخوي

[مضارب دوسري]

الحمدلله ع السلامه
وما عليك شر ان شاء الله

[مضارب دوسري]

اول اسبوعين الافضل سوائل
ثالث ورابع ونص الاسبوع الخامس مهروس
بعدها حافظ على اكلك
وانتبه من الغازات البيبسي واشكاله
لانها توسع المعده وكانك يا بو زيد ما غزيت
انا سويتها 29 ديسمبر 2013
ولحد الان 52 كيلو
راحت

[Qtr0]

الحمدلله عالسلامه الشيخ وفالك الوزن المثالي أن شاء الله :)

أنا عمليتي خامس العيد ان شاء الله عند نفس الدكتور ومبين عليه ضغط مب طبيعي
متابع الموضوع للأستفاده :)

[ريتويت]

الحمدلله عالسلامه اخوي ليش ماسويت ربط معده احسن

[Qtr0]

الحمدلله عالسلامه اخوي ليش ماسويت ربط معده احسن

ما أعتقد تنفع معاه عملية الربط لان كتلة الجسم عنده 43.3 والربط أعتقد تسوى للي كتلة جسمه تحت ال35 لان نتيجتها في تقليل السمنه اقل من التكميم

[مضارب دوسري]

ربط المعده مشاكلها كبيررررره جدا
حاليا اللي وزنه زايد شي بسيط 20 او 25 الافضل بالون
اكثرر من 40 كيلو زايد عن الطبيعي الافضل سليف

[ضوى]

دام هالعمليه بتقضي على السمنة وترفع معنويات الشخص وتحسن نفسيته فانصح تسوونها ، لانه الحياه تصير اجمل وتستمع فيها اكثر ان شاء الله

الحمد لله على سلامتكم

[راجي الْعفو]

وعليك و رحمة الله

الحمدلله عالسلامة ..

والله يتمم لك الصحة و العافية

[مضارب دوسري]

دام هالعمليه بتقضي على السمنة وترفع معنويات الشخص وتحسن نفسيته فانصح تسوونها ، لانه الحياه تصير اجمل وتستمع فيها اكثر ان شاء الله

الحمد لله على سلامتكم

اي والله يا ضوى اجمل بكثير

قبل يومين وانا اجهز للسفر شريت لاول مره ملابس من (المجمعات)
سابقا العسيري فقط ههههه

سابقا التيشيرت 4x
والبنطال 6x
هههههههه
والحين
xl
3xl

[jeep-srt8]

اشوف في اسامي عمليات ما اعرفها

يالربع حد ممكن يشرحلي

وزني 130 وطولي 179

شنو الاحسن ووين

الموضوع صار جدي عندي بس اسامي العمليات الي فوق وترتني شوي شنو الافضل لوزني ؟

اخوي مضارب دوسري ياريت تشرحلي عند مين سويت العمليه وكم اخذت وقت عشان ترجع طبيعي

[يوسف0]

اشوف في اسامي عمليات ما اعرفها

يالربع حد ممكن يشرحلي

وزني 130 وطولي 179

شنو الاحسن ووين

الموضوع صار جدي عندي بس اسامي العمليات الي فوق وترتني شوي شنو الافضل لوزني ؟

اخوي مضارب دوسري ياريت تشرحلي عند مين سويت العمليه وكم اخذت وقت عشان ترجع طبيعي

نفس طولي ووزني بالضبط هههههههه

أغلب الي أعرفهم قاصين معده وكلهم خف وزنهم للمثالي تقريبا

وفي البالون فالأهلي (شئ جديد) لكن للأوزان الزايده ليس للسمنى

وفي ربط المعده ماعندي اي فكره عنها

الأفضل لوزنك حسب رأي فقط قص المعده اذا مش قادر تنزله طبيعي

وان شاء الله الأعضاء يفيدونك

[الســيل]

الله يشافيك و يعافيك ... مبروك مادبرت ،، فالك الصحه و العافيه و الجسم الرشيق
الامر هين من تجارب محيطين ،، اذا جا وقته عليك بالروب الي على فواكه و حاول بعدها تنتقي نوعيه الاشياء الي تاكلها ،، تكون اطعمه مغذيه و متنوعه من ناحيه البروتينات و الفيتامينات .
موفق خير

الله يجزاك خير اخوي عزيز وتسلم علي التشجيع



الحمدلله على سلامتك اخوي
لازم بتحس بالم شي مشيول ان شاء الله فتره بسيطه وكل شي يرجع طبيعي لا تحاتي اخوي


الله يطمن قلبك :victory:



اول اسبوعين الافضل سوائل
ثالث ورابع ونص الاسبوع الخامس مهروس
بعدها حافظ على اكلك
وانتبه من الغازات البيبسي واشكاله
لانها توسع المعده وكانك يا بو زيد ما غزيت
انا سويتها 29 ديسمبر 2013
ولحد الان 52 كيلو
راحت

كنت انتظر ردك اخوي مضارب ولايهينون الباقي بما انك او واحد قريت له في هالمنتدي مجرب واستفدت منك كثير وحتي الموقع اللي ذكرت انه في قصص للناس مسوينها دخلته واستفدت منه كثير

الله يجزاك خير



الحمدلله عالسلامه الشيخ وفالك الوزن المثالي أن شاء الله :)

أنا عمليتي خامس العيد ان شاء الله عند نفس الدكتور ومبين عليه ضغط مب طبيعي
متابع الموضوع للأستفاده :)


الله يسلمك قطر والله يجزاك خير. صحيح دكتور فوزي اللحين ماخذ سمعه في مستشفي الاهلي وعلي ضغط عملياته ايام (الاحد . الثلاثاء والخميس )

وشاطر ويده خفيفه. اللي عجبني في مستشفي الاهلي بعد العمليه رعاية واهتمام وجلسات مساج للاكتاف مرتين باليوم

الله يوفقك ويسهل لك ا:nice:


الحمدلله عالسلامه اخوي ليش ماسويت ربط معده احسن


الربط مشاكله واجد وقصص وفياته واجد ومثل ماذكرو الاخوان ماينفع واجد







دام هالعمليه بتقضي على السمنة وترفع معنويات الشخص وتحسن نفسيته فانصح تسوونها ، لانه الحياه تصير اجمل وتستمع فيها اكثر ان شاء الله

الحمد لله على سلامتكم


الله يسلم الجميع


وعليك و رحمة الله

الحمدلله عالسلامة ..

والله يتمم لك الصحة و العافية


الله يسلمك ويجزاك خير



اشوف في اسامي عمليات ما اعرفها

يالربع حد ممكن يشرحلي

وزني 130 وطولي 179

شنو الاحسن ووين

الموضوع صار جدي عندي بس اسامي العمليات الي فوق وترتني شوي شنو الافضل لوزني ؟

اخوي مضارب دوسري ياريت تشرحلي عند مين سويت العمليه وكم اخذت وقت عشان ترجع طبيعي


سليف+ قص المعدة + تكميم نفس المعني


الللحين تقدر تسويها في مستشفي الاهلي وع التامين عند دكتور فوزي جادلله سو عنده موعد وبيشرح لك كل شي ان شاءالله


الله يوفقك ويسهل لك






اتكلم معاكم وامزمز كي دي دي جوافه :shy:

[مضارب دوسري]

اشوف في اسامي عمليات ما اعرفها

يالربع حد ممكن يشرحلي

وزني 130 وطولي 179

شنو الاحسن ووين

الموضوع صار جدي عندي بس اسامي العمليات الي فوق وترتني شوي شنو الافضل لوزني ؟

اخوي مضارب دوسري ياريت تشرحلي عند مين سويت العمليه وكم اخذت وقت عشان ترجع طبيعي

http://www.qatarshares.com/vb/showthread.php?575698-%DA%E3%E1%ED%C9-%C7%E1%CA%DF%E3%ED%E3-(%DE%D5-%C7%E1%E3%DA%CF%E5)-%DE%D5%CA%ED

بس حاليا دام الناس يمدحون الدكاتره ف قطر و على حساب الدوله
استخير
وعقب اعقلها وتوكل

انت تحتاج سليف اللي هي قص المعده



ربط المعده ابعدوا عنه مشاكله تليف في راس المعده


افضل العمليات
سليف=تكميم=قص المعده اسامي وايد والمعنى واحد

البالون يمدحونه لاصحاب الاوزان المتوسطه

[مــاي ورد]

اجر و عافية ان شاء الله والحمدلله ع السلامة

[jeep-srt8]

نفس طولي ووزني بالضبط هههههههه

أغلب الي أعرفهم قاصين معده وكلهم خف وزنهم للمثالي تقريبا

وفي البالون فالأهلي (شئ جديد) لكن للأوزان الزايده ليس للسمنى

وفي ربط المعده ماعندي اي فكره عنها

الأفضل لوزنك حسب رأي فقط قص المعده اذا مش قادر تنزله طبيعي

وان شاء الله الأعضاء يفيدونك

هه

الله كريم شكلي معزم عليها
والله يعينا وياك

[U Welcome]

هه

الله كريم شكلي معزم عليها
والله يعينا وياك

السلام عليكم اخوي
لفت نظري ردك
وللعلم بشكل عام
شويت رياضه ورجيم ممكن نتزل وزنك وبعيد عن العمليات...

انا طولي نفس طولك ووزني كان قريب وزنك
والله بديت أكل صحي بدون ما احرم نفسي من اي شي ولكن بكميات معتدله وحساب الكالوري
ولله الحمد قريبا سأكسر حاجز الثلاث خانات

الفكره اللي معتمدها انا
لازم مجموع الكالوري المدخل في اليوم يكون اقل من مجموع الكالوري المحرق في اليوم

[الصغيره]

تحمل تاكل بالاسبوعين الاولين خلك على السوائل فقط

اتبع تعاليم الطبيب


عادي الالم وبتحس بعصره بالمعده وبحركة الشرب ويوم ينزل الشراب عادي بس اشرب بفنجال رشفه رشفه


اختك الصغيره سمينه سابقا ونحيفه حاليا


مع العمليه وبقوه لا للرجيم المهلك اللي سرق ايامي وصابني بالاكتئاب


سويتها بمستشفى حمد


الحمدلله وين كنا وين صرنا فقط اتبع تعاليم الطبيب واساله متى تاخذ فيتامينات


الرشاقه تستاهل التضحيه

[الســيل]

السلام عليكم اخوي
لفت نظري ردك
وللعلم بشكل عام
شويت رياضه ورجيم ممكن نتزل وزنك وبعيد عن العمليات...

انا طولي نفس طولك ووزني كان قريب وزنك
والله بديت أكل صحي بدون ما احرم نفسي من اي شي ولكن بكميات معتدله وحساب الكالوري
ولله الحمد قريبا سأكسر حاجز الثلاث خانات

الفكره اللي معتمدها انا
لازم مجموع الكالوري المدخل في اليوم يكون اقل من مجموع الكالوري المحرق في اليوم



كفووو عليك بطل:victory:

[الســيل]

تحمل تاكل بالاسبوعين الاولين خلك على السوائل فقط

اتبع تعاليم الطبيب


عادي الالم وبتحس بعصره بالمعده وبحركة الشرب ويوم ينزل الشراب عادي بس اشرب بفنجال رشفه رشفه


اختك الصغيره سمينه سابقا ونحيفه حاليا


مع العمليه وبقوه لا للرجيم المهلك اللي سرق ايامي وصابني بالاكتئاب


سويتها بمستشفى حمد


الحمدلله وين كنا وين صرنا فقط اتبع تعاليم الطبيب واساله متى تاخذ فيتامينات


الرشاقه تستاهل التضحيه



مشكورة علي النصايح ومثل ماقلتي بدا كل شي يتغير حاليا ولله الحمد

[زقرتي ومزاجي]

ماعليك شر ان شاء الله