سؤال// التشطيب بالتقسيط

[عيد بن شاكر]

السلام عليكم

أخ عزيز حالياً يشطب بيته و سألني إذا كان في أي جهة إستثمارية ممكن يقسطون له تكلفة تشطيب بعض مراحل البيت.

أو اذا في محلات معروفه ممكن تقسط له مثلاً الأودات الصحية أو المطابخ.

طلبت منه يسأل في كافود و المتحده بس إذا ممكن حد يفيده جزاه الله خير

يعطيكم العافية

[إعلامي قطر]

..

محلات البلاط تقبل شيكات لكذا شهر بس أتوقع
حسب المعرفه والثقه وأنصحك بمحل الأمانه
للديكور أو محل كونتوار أو العبيدلي..

وللأدوات الصحيه نصيحه خله يروح كافود
عندهم أدوات صحيه إنجليزيه وأسعار
منافسه وخله يقابل بدر كافود وما
أعتقد إنه راح يرجع بدون نتيجه..

بالتوفيق إن شاء الله..

..

[إعلامي قطر]

..

وأيضاً كونتوار عندهم أدوات صحيه أسبانيه
بأسعار منافسه وخله يقابل مديرهم محمود
اللبناني وماراح يقصر معاه طيوب كثير
أو أحمد المصري مسؤول الشو روم
وإذا ماطلع منهم بأي نتيجه خله
يقابل سلطان السويدي وماراح
يقصر معاه أكيد..

..

[شموخ دائم]

,

,


مرحبا


ما عندنا بقطر المحلات تقسط نهائيا
مواد البناء والاثاث ينطبق عليها مثل بيع السيارات
الشركه تبيع كاش
والزبون يقدر يقسط المبالغ بالترتيب مع

الجزيره

الاولى للتمويل

المصرف

كلها تمويل اسلامي

يحسب تكلفه التشطيب كم بتكلف

50 الف كهرباء
50 الف بيب فيتر
40 الف صبغ
100 الف سيراميك وقطع الحمام
جبس 50 الف
اثاث 200 الف

نفرض المجموع 490 الف او 500 الف

يطلب هذا المبلغ منهم

هذا الطريقه المتبعه وما يوجد غيرها بقطر

,

,


اخوك


شموخ دائم

[معماري قطري]

انا دوم استبق الحدث ووقت يكون عندي بنيان اكون مخطط شسوي ومسوي دراسة للمواد.. ودوم يكون اتفاقي مع مقاول واحد قادر ينهي كل الشغل بس بعض الأَعمال اللي تتطلب اتفاق خاص أَو مواد البناء الخاصة .. مثل الأَرضيات انا اوردها واتفق على شرائها قبل وتخزينها .. وشرائها يكون أَوقات بالتقسيط عن طريق شيكات للمحل وما استلمها الا بعد انتهاء دفع قيمتها.

هذا يسهل لي تصور القطع وين بتركب وتنسيق الشغل على هذا الأَساس .. وتعاملت مع أَغلب الموردين وعندي معاهم علاقة طيبة ومستمرة وكذلك ملاحظات، ومن الملاحظات إِن بعضهم يسلمونك البضاعة في المخزن وانت تتكفل بنقلها ويكون فيه اختلاف بينك وبين المقاول .. والأَفضل تسجل هذي الملاحظة في العقد .. بأَن على المقاول نقل وفحص واستلام وتخزين وحماية المواد المشتراه من قبلك وتركيبها حسب المواصفات والرسومات.

[ولد الدفنه]

بالتوفيق