وين حمايه المستهلك من مكاتب جلب الخدم ؟؟؟؟؟؟؟؟؟؟؟؟؟؟؟؟؟؟؟؟؟

[الوسيط العقاري]

الخادمه الاندونيسيه

قبل سنتين ب 8500 ريال

واليوم امر على احد المكاتب يقول 15 الف ويقول قبل شهر كانت ب 14300

وأمر ع محل اخر يقول 15500

والكارثه اني مريت حق مكتب ثاني جنب المكتب الاول بالضبط يقول الرسوم 15700

وأمر ع المحل الثالث يقول 16 الف ...... وكلهم ف سوق العلي
نريد حل للمشكله والتلاعب ..


شكراااا

[خشوف]

نصابيييين ياليت الدوله تتكفل انها تجيب الخدم

[حسن]

الحل بايدينا مهب بيد حمايه المستهلك

[دااانة قطر]

الحين في شي جديد بعد
امس امي رجعت شغالتها عالمكتب كملت شهر الاخت بارده وتقول في السعودية ماكنت اسوي هالشغل وفي السعودية غير ووووو لين زهقت امي ورجعتها
المهم ان المكتب خصم 500 ريال ورجع المبلغ غير الراتب





عيل وين ضمان 3 اشهر؟؟

[دايموند]

لاحظت دايما الخدامات الي جايين من السعوديه وخاصه الاندونيسيات
يقولون ماكنا نطبخ او ماكنا نشيل الاطفال
وماكنا وماكنا
وفالسي في مالهم ان عادي تطبخ وعادي تغسل وتكوي وعادي تشوف اليهال

واظاهر كانوا الخدم فالسعوديه مايشتغلون بس اكل وشرب و نوم اظاهر!!

[S350]

المفروض تكون هناك جهة حكومية لمراقبة هل مكاتب اللي ما يخافون من الله صارت لزيادة بشكل شهري

[الوسيط العقاري]

المشكله عذرهم معروف عن زياده الاسعار

بيقولون ان الارتفاع بسبب ارتفاع اسعار المكاتب ف اندونيسيا ..

[Aaziz]

الله يعينك
المهم انتبه من مكتب في سوق العلي في صفه كنتاكي ،، تعبانه و ما انصح فيه
مايتعامل مع مكاتب حقيقه في بلدانهم ،، له علاقات مع العمال و الدريوليه القداما في الدوحه ،، هذا يعطيه cv زوجته و الثاني حبيبته و الثالث اخته
تجيك الخدامه نص عايلتها في الدوحه ،، و يبون يزورونها و يبون يطلعون وياها
طبعا من تجربه

[..mmn..]

شي غريب جداً في الاسعار

[بن مسلم]

المشكله عذرهم معروف عن زياده الاسعار

بيقولون ان الارتفاع بسبب ارتفاع اسعار المكاتب ف اندونيسيا ..

واسعار مكاتبهم ماتزيد الا علي قطر اتروح البحرين او السعوديه او باقي دول مجلس التعاون اسعارهم غير ليكون الي عندنا فول ابشن وانا مادري خلها علي ربك

[الوسيط العقاري]

اليوم احد المكاتب بسوق العلي يقول 16500
اشكره نصب عيني عينك

[دايموند]

اسعار سوق العلي ناااار نااار ع شنو ترى مب من غلاه مكاتبهم!!!

[الوسيط العقاري]

أتمنى من المشرفين تغيير عنوان الموضوع

الى

اين وزاة الاقتصاد والتجارة من مكاتب جلب الخدم ؟؟

[حسن]

أتمنى من المشرفين تغيير عنوان الموضوع

الى

اين وزاة الاقتصاد والتجارة من مكاتب جلب الخدم ؟؟

يارجل هي مهب سلعه موجوده تدخل فيها حمايه المستهلك

وش تسوي حمايه المستهلك في سماسره الخدم اللي برع
يبا هذي العماله الحين قامت تحط شروطها من هناك ودولهم تتدخل
وتفرض علينا شروط والحين الدوله بتغير القانون سبتهم
يبا الوضع تغير لا زم تفهمون هذا الشي
الحل تقليل من الاعتماد على الخدم قدر المستطاع يبا قطر اليوم غير قطر امس
كلشي تغير
انا عندي حل وذكرته وانا موافق ولكن اتحداك انت توافق

اتمنى من الاقتصاد اغلاق جميع المكاتب نهائيا وقف استيراد الخدم
انا موافق انت بتوافق

يالله


:)

[الوسيط العقاري]

يارجل هي مهب سلعه موجوده تدخل فيها حمايه المستهلك

وش تسوي حمايه المستهلك في سماسره الخدم اللي برع
يبا هذي العماله الحين قامت تحط شروطها من هناك ودولهم تتدخل
وتفرض علينا شروط والحين الدوله بتغير القانون سبتهم
يبا الوضع تغير لا زم تفهمون هذا الشي
الحل تقليل من الاعتماد على الخدم قدر المستطاع يبا قطر اليوم غير قطر امس
كلشي تغير
انا عندي حل وذكرته وانا موافق ولكن اتحداك انت توافق

اتمنى من الاقتصاد اغلاق جميع المكاتب نهائيا وقف استيراد الخدم
انا موافق انت بتوافق

يالله


:)


اخوي الموضوع مش مسأله إغلاق مكاتب

الموضوع وضع تسعيرة واحدة للمكاتب

محصل مكاتب في معيذر يجلبون الخادمة ب 14 الف

و 14500

ليش التفاوت ف الاسعار

سوق العلي اقل محل 15 الف الى 16500

هنا الموضوع بكبره ..

ليش هذا التفاوت ..؟؟