كيف ترى قيادتي ،،،،

[بومحمد المطاوعه]

السلام عليكم ورحمه الله وبركاته ...
شخباركم يالغاليين


عندي موضوع ،،

كيف ترى قيادتي "

الصراحه اشوف وايد باصات وبعض المواتر حاطين هالجمله وحاطين رقم جوال

والبعض منهم مستهتر فالسواقه

السؤال ""

هل صحيح يتم الاجراء ضد هذا السائق اذا اتصلت على الرقم الموجود واشتكيت عليه ؟؟

او مجرد فقط لزقه وضعت لأسكات الناس ؟؟

او هذي تصرف شخصي وهل مسموح من قبل الجهات المختصه ؟؟


اذا كان الجواب لا ! وهذا تصرف الشركه وليس له علاقه بالقانون

عيل عادي بكره نشوف شباب كاتبين نفس الكلام وحاطين رقمهم او بن كودهم


اتمنى من الجهات المختصه النظر في هذا الموضوع
لاني اليوم شفت باص وعليه هذي العباره ورقم مميز جدآ

الله اعلم هل هذا رقم الكفيل ام ماذا ؟؟


اترك لكم الساحه للنقاش وتحياتي لكم

[بن غيث]

كله كلام فاضي ..
خصوصا سيارات شركة امنية معروفة .. عندهم سيارات خاصة لنقل الاموال .. والله سواقتهم اتعس من التعاسة ..

[R 7 A L]

موضوعك ينرفز صراحة :anger1:

[MAZEN37]

كله كلام فاضي ..
خصوصا سيارات شركة امنية معروفة .. عندهم سيارات خاصة لنقل الاموال .. والله سواقتهم اتعس من التعاسة ..

الظاهر خايف علي فلوسك يا بن غيث وهي تتنقل هههه
مره اتصلت وحسيت برود من المجيب واستهتار عقب هونت

[alsoq]

وتحصلهم بو محمد هم اخس من يسوق :)

[توشيبا]

مره فقع كبدي باص مع انه مب صوبي بس شفت سواقته غلط وخفت علي الناس منه شكلها سكران

اتصلت علي الرقم المسجل عليه وكان فيه تفعال ورجعو اتصلو فيني اليوم الثاني يعتذرون وخذو فيه اجراءات المتبعه عندهم

واذا مخانتني الذاكره انهم اوريدو

[طبيب قطري]

انزين بومحمد شرايك نتصل ونشوف؟

[همر]

يعني تهقى يصير احط رقمي على سيارتي

واكتب ورى "كيف ترين قيادتي" ؟!! :shy:



الماضوع طال عمرك انه هذي ارقام الكفيل

بدال مايراقب حلاله مخلي الناس يراقبون

حلاله بالنيابه عنه .. بس عشان يعرف من يسوق

عدل ومن يكسر سياراته .. واخر همه انت :(



ولا التكنولوجيا تطورت وصرت تقدر

تراقب سياراتك من ايفونك ويوصلك

تقرير كامل عن مشاوير السواق وسرعته

وكم دعسة بترول وكم دعسة بريك :)

[بومحمد المطاوعه]

للرفع والمناقشه

وراجع لكم

[بومحمد المطاوعه]

كله كلام فاضي ..
خصوصا سيارات شركة امنية معروفة .. عندهم سيارات خاصة لنقل الاموال .. والله سواقتهم اتعس من التعاسة ..

الله المستعان ياخوي

صدقت والله احس انه كلام فاضي

[بومحمد المطاوعه]

موضوعك ينرفز صراحة :anger1:

هههههههه اي والله ياخي اسكت

[بومحمد المطاوعه]

الظاهر خايف علي فلوسك يا بن غيث وهي تتنقل هههه
مره اتصلت وحسيت برود من المجيب واستهتار عقب هونت

لو طحت فيه اشوي
خله يعرف يرد

[بومحمد المطاوعه]

وتحصلهم بو محمد هم اخس من يسوق :)

اي والله صادق ياخوي

[رجل تعليم]

كفكرة يعني يرغب السائق من خلالها أن يسمع آراء الناس حول طريقته في القيادة ومهاراته في ذلك وأخلاقه ، كفكرة مبدئيا لا عيب فيها بل بالعكس ستساهم السائق في تقويم أدائه حين سيسمع آراء الناس...وحين سيتصل به أحد ليخبره أنه ممتاز ما شاء الله وحذر وحريص ويراعي الأخرين وحق الأسبقية طبعا هذا الكلام سيشجعه على أن يكون دوما كذلك وأفضل من ذلك .
أما إن كانت تلك الأرقام توضع لغايات أخرى فهذا موضوع آخر .
أهلا بالعودة أخي بومحمد

[ريال سترليني]

أصلاً في سيارات خصوصي لازم ينحط عليها عبارة كيف ترى قيادتي :)

[فيصل99]

مجرد استيكر لا اكثر ولا اقل

[شيخ الديرة]

مجرد استيكر لا اكثر ولا اقل

الشركات الكبيرة لديها مئات او ألاف السيارات ويهمهم من ناحية الكلفة ان السائق يلتزم بأصول السواقة لتوفير أجور التصليح وتبديل قطع الغيار, وتعويضات المحاكم.

أعلم جيدا ان بعض الشركات تعاقب سواقها الذين يتشكي منهم أحد على الرقم المكتوب على السيارة. وهناك شركات تضع أجهزة بالسيارة تقوم بتقييم السائق من حيث سرعة الأنطلاق والتوقف والأستدارة السريعة وغير ذلك, ومعاقبته او مكافئته حسب ذلك التقييم.

[بومحمد المطاوعه]

الله المستعان