هل توفر الايفون 6 في اوريدو وفودا فون بسهوله ولا للحين

[Aaziz]

السلام عليكم


هل التلفون متوفر في اي وقت اقدر اروح اشتريه على طول ولا للحين حجز و مسابق

[Charisma]

مرحبا اخوي عزيز

الايفون مخلص .. وبيجيبون كميات قريب .. حاليا مالك الا كارفور الجمعه الصبح على كلام موظف هناك وشيك مع جرير واللولو وفيرجن بيوفرونه خلال هالاسبوع وبالتوفيق

[Aaziz]

صبحك الله بخبر يخليك تناقز من الفرحه :nice:

انت دايما المخلص ،،، ههههههه ترى الثلاجه طلع وكيلها الدرويش

[برشلوني قطر]

لحين يا بوسعود انتظر تجيك رساله علشان تدخل الموقع وتحجز ههههههه

سلامة الاسفار:victory:

[Aaziz]

الله يسلمك من الشر السمي <<< حركات تمويه :nice:

رساله ايش ؟ ماحجزت تلفون انا
انتظر لين يتوفر عادي بدون حجز و طحنه

[للصبر اخر]

حصلته في الصقر 64 جي بي ايفون 6 بلاس ب 5000 وشي

[Charisma]

صبحك الله بخبر يخليك تناقز من الفرحه :nice:

انت دايما المخلص ،،، ههههههه ترى الثلاجه طلع وكيلها الدرويش
بالنور والكرامه
حاظرين يالطيب .. ومره ثانيه لو سمحت لاتاخذ ثلاجات ماركه دورني ..
انا ماذكر شرديت عليك بس قلت لك من العم قوقل :telephone:.. ولاتستعجل عالايفون كلها كم اسبوع وبتلقاه في الدكان حتى .

[Aaziz]

لا معلومات قوقل صحيحه .. يقولي احنا كنا وكيل هالثلاجه لكن حاليا وكالتها عند الدرويش

شوف انا فيه اشياء معينه ادفع فيها و هذا الصح .. عندك الثلاجه و المكيف و الغساله .. دور الاصلي الغالي و اخذه لانه بيعمر معاك و بتلقى نتيجه طيبه اذا كان جوده
اما الايفون فلا انطره يتوفر في الدكاكين ،، بس مادري عقب التحديث الاخير ولا ان البطاريه صادها خلل ،، اذا نزلت البطارية تحت 30% فجئه يطفي الجهاز و انا اتكلم و تطلع لي علامه التفاحه

[للصبر اخر]

اخوي عزيز
سويت الريكفري موود
؟؟
جربته

[Aaziz]

اعرف الي تتكلمين عنه للصبر ،، الري كفري ماينفع اذا الي صايدني بسبه السوفت وير ،، لانه بتسوي كوبي للمشكله و تردها
الي ينهي المشكله هو ري سيت بدون ري كفري ، بعدها تنزل الارقام من الاي كلاود و الصور من الكمبيوتر او الاي كلاود و البرامج تنزلهم بالواحد تنزيل عادي بحيث تكون نسخه السوفتوير في جهازك جديده بدون مشاكل .
ايفوني 5 بدون s قديم اتوقع بدا ينهار

[للصبر اخر]

انت تقصد باك اب
انا اقصد مووود
كانك تسوي اعاده تهيئه الجهااز
اكبس على زر الاغلاق مدة خمس ثواني
وانت كابس على الزر اكبس على زر الهووم 15 ثانيه
بعدين ارفع يدك عن زر الاغلاق اللي فوق وخلك كابس ع زر الهوم
ان شاء الله فهمت

[العلياا]

وعليكم السلام

حسب كلام الموظف اللي في كيوتل يقول انزلت كمية وخلصت ع طول وخلال هالكم يوم بتتوفر كمية جديد

موفق ان شاءالله

[qatari93]

وعليكم السلام ..
اليوم نازله الدفعه الثانية في كيوتل
على كلام واحد من الشباب انه بيروح اليوم الصبح !
--
انا حصلت واحد في الصقر بس كان رافع السعر ومايسوى
مالنا الا الصبر :)

[عاشق العديد]

الي سمعته انه كيوتل بتنزل دفعه ثانيه ولكن ..

بس لربعهم للنخبه فقط ..

والشعب اللطيف الي مثلي مالهم شي ..
الله كريم ننطره باخذه بعد ماينزل اي فون 9 .. عشان يكون رخيص

[العلياا]

الي سمعته انه كيوتل بتنزل دفعه ثانيه ولكن ..

بس لربعهم للنخبه فقط ..

والشعب اللطيف الي مثلي مالهم شي ..
الله كريم ننطره باخذه بعد ماينزل اي فون 9 .. عشان يكون رخيص

لا اخوي اليوم نازل في كيوتل للعامة
انا كنت عندهم امس واكد لي الموظف وايضا بينزل في محل الابل اللي في فيلاجيو

[ضوى]

اعرف الي تتكلمين عنه للصبر ،، الري كفري ماينفع اذا الي صايدني بسبه السوفت وير ،، لانه بتسوي كوبي للمشكله و تردها
الي ينهي المشكله هو ري سيت بدون ري كفري ، بعدها تنزل الارقام من الاي كلاود و الصور من الكمبيوتر او الاي كلاود و البرامج تنزلهم بالواحد تنزيل عادي بحيث تكون نسخه السوفتوير في جهازك جديده بدون مشاكل .
ايفوني 5 بدون s قديم اتوقع بدا ينهار

انا ايفون 5 وماشاء الله جديد اشلون قديم وينهار وفيه ناس للحين تستخدم ايفون 3

[بـارود]

قبل 3 ساعات كنت في أوريدو المطار ( الفرع الرئيسي )
الجوال مب متوفر ..

استفسرت عن موعد الوصول
وعرفت أن الجوال 16 و 64 بعد
العيد بأسبوعين بيوصل و 128
بعد 3 أسابيع لأن الطلب عليه كبير

[مشـــــاعر]

.


كيوتل قحط مآإعندهم إلآإ آإلفقرر :anger1:
أنا خذيته من محلآإت آإلغرافة وريّحت بآإلي :rolleyes2:

[عاشق العديد]

.


كيوتل قحط مآإعندهم إلآإ آإلفقرر :anger1:
أنا خذيته من محلآإت آإلغرافة وريّحت بآإلي :rolleyes2:

مافي شي صوبنا ماعطوج معاه هديه

[وحيد-الشوق]

كيوتل العبوا علينا لعبة قذرة انا حاجز ودافع من يوم 19 شهر 9 وقالوا الاستلام 27 ولا ذكروا دفعات او من هذا القبيل ولين الحين ماشفنا شيء والي ذبحني قهر يوم 27 الموظفين الي مايعرفون شيء قلت لهم انا مارصلني مسج بس عندي ايميل تأكيد الطلب الموظفين شافوا الايميل وقالوا توكل على الله وانتظر في الطابور تخيلوا عقب ساعة ونص يقولون انت ماعندك جاهز المفروض يوصلك مسج والله ذاك اليوم ماقهرني غير الا الانتظار واول مره انتظر في طابور عشان تلفون وتوبه اسويها اخخ يالقهر حسبي الله عليكم يا اوريدو تدرون شنو الي يحر اكثر ان يوم 27 وزعوا ارقام على ناس ماكانت حاجزه وخذوا تلفونات والموظف الي برا هو الي قالنا هالكلام ولما اتصلت في موظف الاستعلامات وعطيته كلمتين قالي مستحيل اوريدو وزعت ارقام ذاك اليوم والله وربي شاهد علي ان الموظف بلسانه قالنا في سيدين سيد للي حاجزين وسيد الي وزعنا عليهم ارقام والارقام كانت قليله وبعضهم ماقدروا ياخذون لأنه نفذت الكمية طيب ليش تطرحون التلفون للبيع لناس مب حاجزه !!!!

حسبي الله عليهم شركة استغلالية ومافيها مصداقيه

[qwerty]

كيوتل العبوا علينا لعبة قذرة انا حاجز ودافع من يوم 19 شهر 9 وقالوا الاستلام 27 ولا ذكروا دفعات او من هذا القبيل ولين الحين ماشفنا شيء والي ذبحني قهر يوم 27 الموظفين الي مايعرفون شيء قلت لهم انا مارصلني مسج بس عندي ايميل تأكيد الطلب الموظفين شافوا الايميل وقالوا توكل على الله وانتظر في الطابور تخيلوا عقب ساعة ونص يقولون انت ماعندك جاهز المفروض يوصلك مسج والله ذاك اليوم ماقهرني غير الا الانتظار واول مره انتظر في طابور عشان تلفون وتوبه اسويها اخخ يالقهر حسبي الله عليكم يا اوريدو تدرون شنو الي يحر اكثر ان يوم 27 وزعوا ارقام على ناس ماكانت حاجزه وخذوا تلفونات والموظف الي برا هو الي قالنا هالكلام ولما اتصلت في موظف الاستعلامات وعطيته كلمتين قالي مستحيل اوريدو وزعت ارقام ذاك اليوم والله وربي شاهد علي ان الموظف بلسانه قالنا في سيدين سيد للي حاجزين وسيد الي وزعنا عليهم ارقام والارقام كانت قليله وبعضهم ماقدروا ياخذون لأنه نفذت الكمية طيب ليش تطرحون التلفون للبيع لناس مب حاجزه !!!!

حسبي الله عليهم شركة استغلالية ومافيها مصداقيه

اخوي انت ماعندك حجز
الي حجز كان بتاريخ 27 ودفع فلوسة اونلاين
الي انت حجزتة تاريخ 19 كان مجرد تذكير لو وصل الايفون يخبرونك او بمعنى اصح يخبرونك وقت الي تحجز الايفون بشكل رسمي
انا متحسف اني ماشريتة من امريكا ويا الشباب ماكنت اتصور بصير هالشي حجوزات وطوابير وكلام فاضي تقول تقديم على اراضي مهب تلفون

[R 7 A L]

البارحه حصلت في محل تلفونات
ايفون سته حجم اربعه وستين بثلاث الف وثمان ميه وخمسين
بس بدون ضمان

[Aaziz]

كلمني صديق ،، قال لي عنده واحد زياده من اوريدو 128
واجهته بس نسيت اخذه منه ،، يقولي حجم 16 تارس السوق
هالسنه مستغرب فعلا من هجوم الناس في كل الدول على الايفون 6 شي غير مسبوق ،، مادري بقصد التربح من وراه ولا لاستعماله

[R 7 A L]

تذكرت الجي اكس ار 2008 ال ثمانيه سلندر اول مانزل
حجوزات واحتكار وانباع برا السوق فوق قيمته

[Aaziz]

الغالي دواه تركه

[وحيد-الشوق]

اخوي انت ماعندك حجز
الي حجز كان بتاريخ 27 ودفع فلوسة اونلاين
الي انت حجزتة تاريخ 19 كان مجرد تذكير لو وصل الايفون يخبرونك او بمعنى اصح يخبرونك وقت الي تحجز الايفون بشكل رسمي
انا متحسف اني ماشريتة من امريكا ويا الشباب ماكنت اتصور بصير هالشي حجوزات وطوابير وكلام فاضي تقول تقديم على اراضي مهب تلفون

لا ياخوي عندي حجز ودافع بالفيزا واموري خالصه بس اوريدو عليهم حركات وبعض موظفينهم يجلطونك بس ابشرك من ساعة كلموني والحين رايح استلم تلفوني بأذن الله

[وحيد-الشوق]

يوم الاحد الجاي ان شاء الله بيتوفر في فوادفون فيلاجيو على كلام الموظف هناك اليوم

[رهج السنابك]

ع شنو هالاستخفاف كله!!!

تلفون مرده بيتوفر في السوق وكلها كم شهر ونزل السفن بعد بتراكضون وطوابير وحاله
صج حالتكم حاله
يازين ايفوني الفور من الفين وعشره وشحلاته ولا افكر اغيره دام مثله مثل اي ايفون ثاني
شركات تجاريه تقص ع العالم

[متواصل]

اذا بيعطوني بلاش
بفكر !!

[Aaziz]

ايش هذا ،، للحين التلفون مش متوفر من كيوتل ،، و الموظف لاجيته تحس من شكلك يعرف انك تبي تسئل عن الايفون ،، تلقى الجواب بارز ؟

[بـارود]

ايش هذا ،، للحين التلفون مش متوفر من كيوتل ،، و الموظف لاجيته تحس من شكلك يعرف انك تبي تسئل عن الايفون ،، تلقى الجواب بارز ؟

اللي أعرفه انه في كمية بتنزل هالشهر
متى .. الله أعلم ، بكره .. اللي بعده

إستفسرت من بيّاع آيفونات ضمان أوريدو
قال تاريخ 28 بيكون متوفر

[للصبر اخر]

حتى المحل اللي في المول محل ابل
قالي في حدوود 28 او 29 بيتوفر التلفون

[حراير قطر]

عزيز انا امس سألت ستار لينك

وقالي بعد اسبوعين بينزل

لا تنسى تأخذ لي واحد معاك :tease:

[العلياا]

ترى فيه بس يخشونه

اختي قبل كم يوم راحت للموظف وسالته قال عقب كم يوم بيكون متوفر وقالت ان تبيه هدية والمناسبة قريب حطت رقمهاوقالت اذا توفر كلمني
ما مداها شرت كم شغلة من المجمع واركبت السيارة الا متصل لها يقول التلفون متوفر :)

عموما مثل ما قالوا لك الاخوان نهاية الشهر بيكون متوفر ان شاءالله

[بومحمد المطاوعه]

عزيز انا امس سألت ستار لينك

وقالي بعد اسبوعين بينزل

لا تنسى تأخذ لي واحد معاك :tease:


صحيح
قالي بعد اسبوعين ان شاءالله

[Aaziz]

التلفون متوفر في المحلات
القصد نستفيد من عرض اوريدي بخصوص النت المفتوح
لكن شالفايده العرض موجود و التلفون مش موجود

اوريدي مافيه زين

[MAZEN37]

سؤال شالفرق والمميزات بينه وبين القديم

[يوسف0]

سؤال شالفرق والمميزات بينه وبين القديم

http://iphoneislam.com/2014/09/iphone-5s-vs-6-vs-6-plus/39038