الدولة اللي تتمنى تسافر لها

[مـراحـب]

بسم الله الرحمن الرحيم

حبيت أطرح هاي الموضوع للإستفادة للجميع

كل واحد / وحدة

يكتب لنا الدول اللي زارها ( السلبيات / الإيجابيات )
- هل تنصح بزيارة هذه الدول ؟ ؟

- الدول اللي تتمنى تزورها ، ، و ليش ؟ ؟ ؟

الله يحفظ المسافرين ، ، و يوصلهم بالسلامة
ويحفظ اللي قاعدين في البلاد ويسهل أمورهم

جزيل الشكر

مـراحـب

[قطري 777]

هلا مراحب الدول الي زرتها كثيره بسسس بقولك على عجاله
فرنسا > اتيكيت نظام كوفيهات في كل مكان (لايوجد سلبيات )
سويسرا > طبيعه وراحه نفسيه وجو صحي (لايوجد سلبيات )
الهند> طبيعه وشعب بسيط والاسعار رخيصه ( السلبيات النظافه وكثره المتسولين )
ايطاليا > طبيعه وتسوق وشعب زاحف واكلات لذيذه
هاذي على عجاله اما الدوله الي خاطري ازورها فهي اليابان من واحنى صغار واحنى نشوف عادتهم ولبسهم وبيوتهم تعلقنى فيها وحبينها واوصي بفرنسا .

[Aaziz]

الي زرتهم كثير و اغلب الناس زاروهم

لكن الي خاطري ازورها و متخوف و احتاج الى خبير اثق بذوقه و تقييمه هي الهند

[عاشق العديد]

السسسلام عليكم ..

الدول الي سسافرت لها ..

كوالمبور : حلوه شعبها طيب لكن ابعد عن الهنود والصينين ..
جوها ممطر وحار تقريبا امان غاليه شوي في اماكن حلوه للمتزوجين وللعائلات ..

تايلند على حسب الجزيره : تنقسم الى قسمين
شنق ماي : حلوه امان مافيها وصاخه جوها عسل مناسبه للعائلات .. وشعبها نصه مسلم .. فا انصح تزورونها ..
بوكيت : بحرها وجزرها تجذب لكن شعب فيها مجنون ما انصح للعائلات ولا الشباب ..

امريكا تنقسم الى اربع اقسام :
بتكلم فالبدايه عن تكساس : شعب غير ودود جوها مثل قطر فيها اعاصير وقت شتاء
فلوريدا : حاره لكن ممطره وحلوه جدا لكن ما انصح الواحد يطلع فيها بعد 10 مش سيفتي وشعبها ودود ..
كالفورنيا : شعب ودود جوها ثابت مثل ماهو طول السنه مايتغير حلوه فيها اماكن سياحيه وايد وامان ..
نيفادا : ابعد عنها وخاصتن لاس فيغس شعب يمشي بالدولار وهوم لس فكل مكان ..

اعطيكم هالمعلومات عجبتكم ازيد لكم ..

[ضوى]

حلو الموضوع

ابي ارائكم في امريكا و استراليا حاطتهم براسي

[Aaziz]

عاشق تقييمك عن امريكا دقيق جدا جدا بحكم تجربتي

[Only Me]

ايطاليا والهند ولبنان وموريشيوس دول حلوه وطبيعة حلوه والناس الي فيها حلوين ( ماكو سلبيات )
خاطري اسافر كينيا ابي اشوف السفاري واعيش كم يوم بالغابة

[Aaziz]

حلو الموضوع

ابي ارائكم في امريكا و استراليا حاطتهم براسي

اذا نويتي على امريكا جد و عزمتي تواصلي معاي على الخاص و ابشري بالي يسرج ان شاءالله

[عاشق العديد]

حلو الموضوع

ابي ارائكم في امريكا و استراليا حاطتهم براسي

شلي تبين تعرفينه عن امريكا .. وانا حاضر ..
واخوي عزيز كذلك مابيقصر ..

[قطري 777]

الي زرتهم كثير و اغلب الناس زاروهم

لكن الي خاطري ازورها و متخوف و احتاج الى خبير اثق بذوقه و تقييمه هي الهند

مايحتاج الله يسلمك فيه شركات معروفه في موقع المسافرون العرب ولو عندك سواق ثقه روح وياه انا خذت دريولنا بصراحه رحت كيرلا_ كوتشين امن وامان والاموررر فووق الزين والي حاب يسوي ابتسامه هولود بدال مايسويها بدوحه 50000 واكثر هناك 6000 ريال احلى ابتسامه وعلى ضمان وشغل نظيف

[قطري 777]

حلو الموضوع

ابي ارائكم في امريكا و استراليا حاطتهم براسي

+1 نفس الطللب لو تكرمتوا

[Aaziz]

مايحتاج الله يسلمك فيه شركات معروفه في موقع المسافرون العرب ولو عندك سواق ثقه روح وياه انا خذت دريولنا بصراحه رحت كيرلا_ كوتشين امن وامان والاموررر فووق الزين والي حاب يسوي ابتسامه هولود بدال مايسويها بدوحه 50000 واكثر هناك 6000 ريال احلى ابتسامه وعلى ضمان وشغل نظيف

سابقا كنت ادخل المسافرون العرب ،، لكن ياخي يحطون لك شي مفصل و بالصور زياده عن اللزوم ،، تقول مافيه داعي اروح للديره بعد ماعرفت شفيها و مافيها ،، راح الفضول
اقصد شخص ثقه يعطيني اقتراحات و اشياء ناتجه عن خبره زياره اكثر من مره ،، اشياء مش اي حد يعرفها ،، و خصوصا ان كان ميول الشخص متقارب مع ميولي .
ههههههه غير الاسنان بعد فنانين بعمليه البواسير كرم الله السامع

[عاشق العديد]

+1 نفس الطللب لو تكرمتوا

عاد وشو تبون تعرفون كل شي بتفصيل الممل ولا تبون اشياء عاميه امريكا لازم تعرفها بالتفصيل الممل .. حتى في منتدى العرب المسافرون يتكلمون عن امريكا ولكن مايذكرون السلبيات الي ممكن تحصل للواحد هنـاك ..

[ضوى]

أغلب الظن اميركا وجهتنا الجاية ان شاء الله ، بس ابي تعطوني مكان مب حار ماروح اختنق الحر ، ابي مكان للتسوق ومكان العاب وترفيه بس مايكون حر ، وابي اعرف السواقة هناك اشلون والتنقل بين الولايات اشلون

[للصبر اخر]

خاطري ازور تركيا
وارجع انترلاكن صج مكان ولا اروع
جنه سبحان الله انصح فيها للاستجمام

[مـراحـب]

هلا مراحب الدول الي زرتها كثيره بسسس بقولك على عجاله
فرنسا > اتيكيت نظام كوفيهات في كل مكان (لايوجد سلبيات )
سويسرا > طبيعه وراحه نفسيه وجو صحي (لايوجد سلبيات )
الهند> طبيعه وشعب بسيط والاسعار رخيصه ( السلبيات النظافه وكثره المتسولين )
ايطاليا > طبيعه وتسوق وشعب زاحف واكلات لذيذه
هاذي على عجاله اما الدوله الي خاطري ازورها فهي اليابان من واحنى صغار واحنى نشوف عادتهم ولبسهم وبيوتهم تعلقنى فيها وحبينها واوصي بفرنسا .

يعطيك العافية ، ، ،ياليت لو كتبت عن الفنادق / الإسواق / الطقس / اي الشهور المناسبة لكل بلد

وان شاء الله تروح اليابان

شاكرة لك مرورك

[مـراحـب]

الي زرتهم كثير و اغلب الناس زاروهم

لكن الي خاطري ازورها و متخوف و احتاج الى خبير اثق بذوقه و تقييمه هي الهند

هلا أخوي ، ،

ياريت تذكر لنا الدول اللي زرتها ، ، ، وتكتب لنا نبذه عنها

وانا بعد ابغي اروح بنقلور ، ،، أن شاء الله يفيدونا الإعضاء

شاكرة لك مرورك

[عاشق العديد]

أغلب الظن اميركا وجهتنا الجاية ان شاء الله ، بس ابي تعطوني مكان مب حار ماروح اختنق الحر ، ابي مكان للتسوق ومكان العاب وترفيه بس مايكون حر ، وابي اعرف السواقة هناك اشلون والتنقل بين الولايات اشلون


اهلن وسسسهلن ..

امريكا مكان للترفيه مب حر ..
طيب مالج الا هوليود كالفورنيا بشكل عام ..
جوها معتدل طول السنه فالليل بارد والصبح يكون زين لاهو بحر ولا هو برد
ترفيه عندج اكبر شركات صناعه للافلام موجوده هناك وتقدم لج عروض سينمائيه .. ومنها شركة يونفرسال استديو ..
التسوق اذا تبين ماركات عندج منطقة البيفرلي هيلز في مكان اسمه الريدو درايف كل محلات الماركات موجوده ..
وعندج كذلك قريب منج في كالفورنيا دزني لاند .. وعندج مدينة العاب اسمها 6 فلاغ .. وغيرها بعد في اماكن ..
سواقه عاديه ومايبي لها شي .. لكن تعقيدات وايد من مكاتب التاجير وشرطه شديده عندهم واخيرا بتشوفين هناك حبيب شعب رادار فا انتبهي لو بتسوقين ..
التنقل بين الولايات سهل لكن الي بيكون قريب منج وبينج وبينه سان فرنسسكو اتوقع 6 ساعات .. مدينه تختلف عن امريكا بكبرها بارده حلوه .. فيها جدول
عندج سان دييغو قريبه من لوس انجلوس بينهم ساعه و 40 دقيقه .. عندهم مدينه مائيه كبيره ويقدمون عروض للدلافين والحيتان ولكن عروض اشبه بالخيال لانها متقنه ..
وفالنهايه

انصح بالسكن في لوس انجلوس بتكونين فالوسط يعني كل شي قريب وعندج شارع كل السياح يروحونه الي هو ستار ستريت .. اليهال بيستانسون عليه لانه في شخصيات مثل سبايدر مان وهالطخه يجون ويسون جو ..

واذا عزمتي خلاص .. خل اعطيج احسن محلات تاجير وشلون تتعاملين معاهم .. وايش تسوين اول ماتوصلين ..

[غايه الطواش]

المالديف: جميله جدا وشعب مسلم خلوق ومحترم ومرحب
ماليزيا :بلد جميل بس عيبه جوه حار ومناطق كثيره وعائليه جدا والمساجد منشره والاسواق والاماكن السياحيه جميله
سوريا : الله يرجعها وينصرهم بس اكثر بلد كرهته لا اسولب ولا تعامل شعب يمشي بالبخشيش
لبنان : نفس طبيعه سوريا بس سبحان الله خاطرك بنشرح فيها بس بعد فيها بخاشيش كثير بس مطاعمها وسوقها حلو
لندن: ستاندر
فرنسا : بلد جميل ولكن خارج باريس باريس جدا جامده بس المدن الخارجيه الشعب لطيف جدا بس ماحب مطاعمهم
روما: حاره جدا بس بلاد ذات تاريخ جميل واسواق سعبيه ومطاعم حللوه بس عيبها حاره جدا
ميلان: جميله جدا بس مب شهر ثمانيه لان اغلب محلاتهم ومصانعهم مسكره
كومبو: كلها مصانع تشترون بالرخص واحلى الاشياء
هولندا: حبيت هالبلد وايد هادي جدا وفيه نسبه مسلمين كثار وشواطئهم وايد حللوه مارزعهم وكل شي فرش عندهم وماعين حللوه ومفارشهم وكشي صراحه ورخيصه وايد
المانيا : فرانكفورت :بلادعمليه جدا تحسين انج في شركه كبيره اغلب الناس عمليهم بدس والسوق مب حلو وايد والبلاد سهده من ست
وارزبوغ: كلها مصانع وقلاع واسواق شعبيه بس حبيتها وايد
مينوخ: جدا استمتعن فيها كل شي فيها حلو
زيورخ : حللوه وايد هاديه وتشرح الخاطر والاحلى مافيها عرب وايد بس سوقها غالي جدا وفيها بحيرات كثيره ومزارع
امريكا: نيويورك حبيتها وايد الشعب عملي جدا فيها جنسيات واعراق كثيره بس شوارعها وشخه واسواقها تجيب العافيه بس غاليه نوعا ما والواحد مايضيع فيها
واشنطن : ثقيله دم تلوع الجبد
لوس انجلوس :جميله جدا ومريحه كبيره وايد محتاجه سياره للتنقلات وفيها نشاطات وايد واماكن كثيره
لاس فيغاس: مناطرها حللوه واسواقها تينن كل شي فيها لمتيد اديشن والعروض المسرحيه الاستعراضيه روعه حدها ثلاث ايام
ميامي : جميله وسوقها حللو بس مب واحد بس البلاد شرحه وجوها حار حتى فالشتا
فلادلفيا : مافيها شي غير مدرسه معهد جامعه,جامعه معهد مدرسه
الكاريبي جرز العذرا: بلاد جميله جدا جنكم في ارض الاحلام , بس جوها حار وشعبها بشوش ومرحاب واسواقها سواء الماركات العالميه حللوه واو الاسواق الشعبيه , الاماسات تجنن عندهم ورخصه, بس الماركات العالميه غاليه عندهم
البهاماس , تيين وايد حللوه وفيها نشاطات كثيره بس مرتكزه في جزر معينه وافضل جزرهم البرادايس
استي توماس: جزيره رخيصه وايد ومتواضعه جدا بس احلى مافيهم سوق الالماس والروبي واسعار الماركات العالميه مثل شوبادر وكارتير عندهم رخيصه مقارنه بالدول الاخرى

لي تذكرت شي برجع

[قطري 777]

اهلن وسسسهلن ..

امريكا مكان للترفيه مب حر ..
طيب مالج الا هوليود كالفورنيا بشكل عام ..
جوها معتدل طول السنه فالليل بارد والصبح يكون زين لاهو بحر ولا هو برد
ترفيه عندج اكبر شركات صناعه للافلام موجوده هناك وتقدم لج عروض سينمائيه .. ومنها شركة يونفرسال استديو ..
التسوق اذا تبين ماركات عندج منطقة البيفرلي هيلز في مكان اسمه الريدو درايف كل محلات الماركات موجوده ..
وعندج كذلك قريب منج في كالفورنيا دزني لاند .. وعندج مدينة العاب اسمها 6 فلاغ .. وغيرها بعد في اماكن ..
سواقه عاديه ومايبي لها شي .. لكن تعقيدات وايد من مكاتب التاجير وشرطه شديده عندهم واخيرا بتشوفين هناك حبيب شعب رادار فا انتبهي لو بتسوقين ..
التنقل بين الولايات سهل لكن الي بيكون قريب منج وبينج وبينه سان فرنسسكو اتوقع 6 ساعات .. مدينه تختلف عن امريكا بكبرها بارده حلوه .. فيها جدول
عندج سان دييغو قريبه من لوس انجلوس بينهم ساعه و 40 دقيقه .. عندهم مدينه مائيه كبيره ويقدمون عروض للدلافين والحيتان ولكن عروض اشبه بالخيال لانها متقنه ..
وفالنهايه

انصح بالسكن في لوس انجلوس بتكونين فالوسط يعني كل شي قريب وعندج شارع كل السياح يروحونه الي هو ستار ستريت .. اليهال بيستانسون عليه لانه في شخصيات مثل سبايدر مان وهالطخه يجون ويسون جو ..

واذا عزمتي خلاص .. خل اعطيج احسن محلات تاجير وشلون تتعاملين معاهم .. وايش تسوين اول ماتوصلين ..
شكرا يا شيخ ماقصرت يبيلها زياره يا ضوى معناها الجهه الي تكون نقطه الانطلاق لوس انجلس بحكم موقعها الجغرافي ...

[ضوى]

ممممم عاشق ماقصرت عجبني الجدول ، بس ديزني لاند هيلوكيتي تقول حر ورطوبة مابي اروحها ماشتري الحر بفلوس وهو عندنا ببلاش

[عاشق العديد]

شكرا يا شيخ ماقصرت يبيلها زياره يا ضوى معناها الجهه الي تكون نقطه الانطلاق لوس انجلس بحكم موقعها الجغرافي ...

العفو .. نقطة الانطلاق نعم لوس انجلوس ..

[عاشق العديد]

ممممم عاشق ماقصرت عجبني الجدول ، بس ديزني لاند هيلوكيتي تقول حر ورطوبة مابي اروحها ماشتري الحر بفلوس وهو عندنا ببلاش

والله ياختي على حسـب ..
كالفورنيا جوها طول السسسسنه ثابت مايتغيررر ابد سبحان الله .. لاتقولين صيف ولاتقولين شتا ..
يمكن تروحين انتي يكون الجو حلو مافي رطوبه نعم شمس قويه لكن الهوا بارد ..
هلوكيتي راحت الي اف اي ولايه .؟
واذا ماحبيتي تدخلين المدينه في داون تاون دزني لاند يكون خارج مدينة الالعاب فيه محلات ديزني ومطاعم وحلو تتمشين فيه .. يعني لازم تزورين .. غصب طيب ..

[ضوى]

اعتقد فلوريدا يا عاشق ؟

[المحاميه]

ألمانيا لان اخوي مدحها وايد

ومدحلي بعد الهند بس الله لايقول ولايحوجني لها ماحب الدول اللي جذي


مرسي عالموضوع الحلو اوووي

[عاشق العديد]

اعتقد فلوريدا يا عاشق ؟

فلوريدا حاره .. ولكن ممطره على طول ..

كالفورنيا غير جوها اختي ..

[Aaziz]

بخصوص امريكا جدول عاشق المبدئي ممتاز كخطوط عريضة ،، ولكن يصعب الشرح بالتفصيل
المهم كلفورنيا مع اختيار الوقت المناسب .. و اختلف مع عاشق بخصوص تعقيدات الاجراءات ،، جدا عاديه اهم شي كريديت كارد (فيزه) شغاله و الامور اوكيه



هلا أخوي ، ،

ياريت تذكر لنا الدول اللي زرتها ، ، ، وتكتب لنا نبذه عنها

وانا بعد ابغي اروح بنقلور ، ،، أن شاء الله يفيدونا الإعضاء

شاكرة لك مرورك

البلادين الي زرتها كلن زارها .. اوروبا كم دوله
لندن كلش ماحبيتها
سويسرا طبيعه روعه
فينا نص و نص و كانت حاره
المالديف روعه بس شبابيه .. اذا زوجين ممكن بس حق كم يوم و طلعتهم للسيف اخر الليل .
كنوب افريقيا اكثر من رائعه .. فقط كيب تاون
و كم دوله عربيه الكل زارهم
امريكا للسياحه زينه و فيها ملخص العالم كله

[ضوى]

لا تحيروني ابي ولاية باردة حلوة ترفيهية واقدر اخذها كوجهة انطلاق

السفر اذا الله أراد راح يكون 21/7 والمدة من لين 1/9

[بونووف]

خاطري اروح جوهانسبورغ وكيب تاون و اليونان

[Aaziz]

لا تحيروني ابي ولاية باردة حلوة ترفيهية واقدر اخذها كوجهة انطلاق

السفر اذا الله أراد راح يكون 21/7 والمدة من لين 1/9

يالله بالحياه ضوى
لين هالتاريخ يمكن تنهار امريكا و تقسم نفس الاتحاد السوفيتي :nice:
المده ممتازه جدا جدا و يطلع منها شي مرتب من قلب ب ب
حددي مستوى الترفيه الي تبينه و خصصي الميزانيه الي تتوافق معاه


خاطري اروح جوهانسبورغ وكيب تاون و اليونان

جوهانز بيرغ انساها ،، خطره و غثيثه
كيب تاون روح و القلب داعيلك

[ضوى]

قول بهالتاريخ يمكن تكون داعش منعت السفر لدول الكفر :weeping:

[ضوى]

مراحب اسفة جدا جدا جدا بس حلو موضوعج لاخذ الخبرات

[بونووف]

جوهانز بيرغ انساها ،، خطره و غثيثه
كيب تاون روح و القلب داعيلك

جوهانسبيرغ ابغي اروح المحميات الي يوفرون لك سلاح وتروح تصيد من ضمن المحميه وفي واحد من الاخوان كان حاط تقرير لرحلته ..

[Aaziz]

ادخل منتدى مكشات متخصص بهالسوالف و كيب تاون على ما اذكر كان فيها سفاري و اتوقه بالراحه تقدر تصيد

[قطري 777]

يعطيك العافية ، ، ،ياليت لو كتبت عن الفنادق / الإسواق / الطقس / اي الشهور المناسبة لكل بلد

وان شاء الله تروح اليابان

شاكرة لك مرورك
الفنادق الفندق الي دوم انزل فيه في فرنسا pull man **** قريب من برج ايفل سعره وفخامته وقربه من برج ايفل ميزته تحديدا في منطقه مونت بنس الاسواق كثيره واغلاها واشهرها شانز ليزيه غني عن التعريف بسس اتسوف في العشوائي في ضواحي باريس ارخص اكيد الطقس مايحتاج ربيعي بذات من شهر 6 لين بدايه عشره .

[المحاميه]

ماشاء الله ضوى تفكرين ب 7 الجاي من الحين

بس الواحد مايعرف ظروفه

انا اعرف اخطط حق سفره قريبه لكن بعيده جذي مادري شلون

الترتيب ف اخر لحظه احلى :nice:

[عاشق العديد]

ماشاء الله ضوى تفكرين ب 7 الجاي من الحين

بس الواحد مايعرف ظروفه

انا اعرف اخطط حق سفره قريبه لكن بعيده جذي مادري شلون

الترتيب ف اخر لحظه احلى :nice:

انصحج بالنيبال ِ..

ورحله لجبل ايفرست .. وشكرا ..

[مـراحـب]

أنا بكتب لكم الدول اللي أتمنى أني ازورها


أولهم : لندن < < < ولا عمري شفتها وااااااااااااااااااء وكنت مخططة أني اليوم أسافر حجزت التذكرة بدون ما اسوي الفيزا فراحت عليّ السفره
ثانيهم : أمريكا < < < خاطري اروح كل الولايات
ثالثاً : كوريا واليابان

[ضوى]

ماشاء الله ضوى تفكرين ب 7 الجاي من الحين

بس الواحد مايعرف ظروفه

انا اعرف اخطط حق سفره قريبه لكن بعيده جذي مادري شلون

الترتيب ف اخر لحظه احلى :nice:


التخطيط المبكر يخليج توفرين وااايد وتستفيدين من العروض ، عموما مو الحين اخطط ابتدي بشهر مارس ان شاء الله او فيراير

[sweet qatar]

الدول الي أتمنى أسافر لها

فنزويلا

روسيا

كوريا

ودي ألف العالم لف :o

[captin]

احب سياحة المنتجعات البحرية والجزر

خاطري اروح مجموعة جزر في الكاريبي مثل سانت مارتينز وآروبا التابعة لهولندا

والبهامز القريبة من ميامي رغم اني رحت ميامي اكثر من مرة لكن ما صارت
فرصة ازور البهامز.
ايضا منتجع كانكون في المكسيك و

جزر العزاء التابعة لبريطانيا

مقاطعة جبل طارق التابعة لبريطانيا

جزر الكناري التابعة لاسبانيا المقابلة للمغرب.

جزيرة ابيثا وجزيرة ما يوركا التابعة لاسبانيا في البحر المتوسط.

جزيرة بالي في اندونيسيا .

مدينة بيرث على في استراليا .



واهم شي في اي مكان ازوره ما يكون فيه عرب وسياحة تسوق.

[♫ احسـاسـ طفلـهـ ♫]

بصراحه امنية حياتي كلها اروح دول فيها شاليهات بحيث اقوم الصبح افتح البلكونة واشوف البحر قدامي واشم نسيم البحر :( ..


بس ماعرف وين ممكن القى ويكون اهم شي الامان في هالبلاد عالي والمنظر البحري خلاب والخصوصيه بس هاي امنيتي وجان زين لو حد يعرف يدلنا على اماكن فيها هالشي اكون داعية له

[عاشق العديد]

بصراحه امنية حياتي كلها اروح دول فيها شاليهات بحيث اقوم الصبح افتح البلكونة واشوف البحر قدامي واشم نسيم البحر :( ..


بس ماعرف وين ممكن القى ويكون اهم شي الامان في هالبلاد عالي والمنظر البحري خلاب والخصوصيه بس هاي امنيتي وجان زين لو حد يعرف يدلنا على اماكن فيها هالشي اكون داعية له

شاليهات سيلين

[captin]

بصراحه امنية حياتي كلها اروح دول فيها شاليهات بحيث اقوم الصبح افتح البلكونة واشوف البحر قدامي واشم نسيم البحر :( ..


بس ماعرف وين ممكن القى ويكون اهم شي الامان في هالبلاد عالي والمنظر البحري خلاب والخصوصيه بس هاي امنيتي وجان زين لو حد يعرف يدلنا على اماكن فيها هالشي اكون داعية له


معظم الشاليهات في جزر المالديف بها خاصية الاطلالة المباشرة على البحر من الغرفة

[qatarman8008]

بصراحه امنية حياتي كلها اروح دول فيها شاليهات بحيث اقوم الصبح افتح البلكونة واشوف البحر قدامي واشم نسيم البحر :( ..


بس ماعرف وين ممكن القى ويكون اهم شي الامان في هالبلاد عالي والمنظر البحري خلاب والخصوصيه بس هاي امنيتي وجان زين لو حد يعرف يدلنا على اماكن فيها هالشي اكون داعية له

في لانكاوي افضل مكان..
هدوء وامان,, وجزيرة حيوية فيها سياح واجد وتسوق وكل شي..
اما المالديف.. كانك في ابعاد.. ماحولك شي غير بحر..

[يا رب سترك]

بصراحه امنية حياتي كلها اروح دول فيها شاليهات بحيث اقوم الصبح افتح البلكونة واشوف البحر قدامي واشم نسيم البحر :( ..


بس ماعرف وين ممكن القى ويكون اهم شي الامان في هالبلاد عالي والمنظر البحري خلاب والخصوصيه بس هاي امنيتي وجان زين لو حد يعرف يدلنا على اماكن فيها هالشي اكون داعية له

لنكاوي شمال ماليزيا

[نور الحور]

موضوع حلو مراحب ..

متابعة بشغف :victory:

أنا ما قط سافرت لأي دولة في جنوب شرق آسيا .. والسبب إني ماحب الرطوبة أبداً ..

من ممكن يرشح لي أماكن في جنوب شرق آسيا حلوة وهادية ورومنسية ومناظرها حلوة ومافيها إزعاج وشوبنغ .. وأهم شي مو رطبة :secret:


أما بالنسبة للبلدان اللي أتمنى أزورها صج وما رحت لها من قبل فهي استراليا واليابان وجزر الكاريبي :victory:

[ضوى]

موضوع حلو مراحب ..

متابعة بشغف :victory:

أنا ما قط سافرت لأي دولة في جنوب شرق آسيا .. والسبب إني ماحب الرطوبة أبداً ..

من ممكن يرشح لي أماكن في جنوب شرق آسيا حلوة وهادية ورومنسية ومناظرها حلوة ومافيها إزعاج وشوبنغ .. وأهم شي مو رطبة :secret:


أما بالنسبة للبلدان اللي أتمنى أزورها صج وما رحت لها من قبل فهي استراليا واليابان وجزر الكاريبي :victory:

شوفي رحت ماليزيا وتايلند ، سنغافورة وهونغ كونغ حلوين بس رطوبة ولغلاغ جذي جوهم

روحي سيشل وبورا بورا روووعة شفت صور لهم تجنن احلى من المالديف بمراحل

[دااانة قطر]

سفراتي كانت
- دبي واغلبكم زارها وبصراحة مليت منها ودي ازور إمارات ثانية بعيد عن جو المجمعات وحشرة الأجانب

- ماليزيا( كوالالمبور) عجيبة وحلوة ورخيصة وانصحكم فيها وطلعنا رحلة بالحر لبيننغ وكانت روعه

- الهند( بومباي بنجلور منها طلعنا ( ميسور وواوتي ) دلهي ) الطابع السائد في بومباي ودلهي القذارة تمشي وتسد خشمك
لكن السوق رهيب ورخيص جدا يعني لو مابي اشوف تاج محل جان ماتعنيت لدلهي واسواق بومباي رخيصة احبها لكن استمتعت في بنجلور نظافة وسوق راقي وعيادات انظف

تركيا( استانبول) للاسف سفرتنا كانت اخر 6 قبل سنتين وقلب الجو صار حار ورطوبة لكن استمتعنا برحلات البحر والاسواق حلوة ولاهي غالية ولا رخيصة لكن تعبت من المشاوي

النمسا( فيينا -زلامسي) روعة جنة .. بصراحة ودي ازورها واطول فيها طبيعة وجوها كان بارد انصح فيها لكن الدول الاوروبيه غالية

ودي ازور اسبانيا وكل مرة هالسفرة تتأجل
سويسرا.. مصر .. لبنان ( الطايف وابها) .. صلاله .. سنغافورة.. تركيا والهند مرة ثانية بس مناطق ثانية

كنت سابقا احن وودي ازور العراق وسوريا واليمن يوم اني صغيره بس الوضع حاليا مايسمح

ماحبيت ميونيخ الا اخر يوم مع المطر اعتدل الجو
وبس

[بنت المدينا]

مككككه

[SOUD.QA]

الدول اللي زرتها كثير والاغلب راح لها احب النمسا هاديه ورايقه شعبها ودود ومناطقها سبحان الله جنه فالارض واعشق امريكا شعب اجنبي ما شفت نفسه دوم مبتسمين ودودين ما يهمهم من انت ولا من وين ولا شنو دينك كل ولايه فيها لها طابع خاص اسعارهم فرق السما والارض عن اوروبا العرب فيها يعتبرون قليلين مقارنة باوروبا

اكره فرنسا وبريطانيا ولو اضطر اني اروح لهم افضل ما يكون بوقت اجازه لحشرة العرب وكل شي يسوونه من قز لي الزبو اللي ماله معنى وغير عنصريتهم

دول ودي ازورها

اليابان

روسيا

بورا بورا

سيشل

كندا

ولاية الاسكا

البرازيل

جنوب افريقيا

كوريا الجنوبيه

آيسلاند

قرين لاند

الارجنتين

شيلي

ما اعرف كيف يكتبونها بالعربي Papua New Guinea

[يا رب سترك]

مككككه

اللهم اوعدنا بزياره الكعبه المشرفه يا رب

[عاشق الشهادة]

باكستان - اوزبكستان - البوسنه - المغرب

[Qtr37]

خاطري اروح سويســــــــرا
الدول السياحية اللي زرتها ماليزيا وتركيا
وحبيت ماليزيا اكثر من تركيا هههههه لاسباب عديدة

[mE mYself & i]

انا زرت دول كثيره ومن ضمنها اليابان وانصح فيها بالقو خصوصا شهر 5

واي حد يبي يستفسر لا يرده الا السانه


المحطات الجايه
تايوان
استراليا
امريكا

[Class - Qtr]

السلام عليكم

الدول اللي ابي ازورها

ظ، / استراليا

ظ¢ / جزر الكناري

ظ£ / امريكا

ظ¤ / المجر

ظ¥ / نيوزلندا

[بنت مريخ]

الدول الى زرتها
تايلاند و لندن والنمسا( زيلامسي و فيينا)
ميونخ
السنه ان شاءالله سويسرا وان شاءالله يهونون عن كروز لاني اخاف من البحر اعشق الطبيعه والهدوء وابي العاب حق الحب
خاطري في تركيا وابها
اشلون الجو فيها عقب عيد الفطر؟؟

[mE mYself & i]

الدول الى زرتها
تايلاند و لندن والنمسا( زيلامسي و فيينا)
ميونخ
السنه ان شاءالله سويسرا وان شاءالله يهونون عن كروز لاني اخاف من البحر اعشق الطبيعه والهدوء وابي العاب حق الحب
خاطري في تركيا وابها
اشلون الجو فيها عقب عيد الفطر؟؟

روحې كروز وانتي مغمضه بتستانسين ، وانصحج فې شركه الرويال كريبيان


تركيا ما عجبتني وابصراحه ما انصح فيها كوجهه سياحيه فې بلدان وايد احلى ما زرتيها


Sent from my iPad