كلام والا فعل !؟

[مختلفة عقليا]

السلام عليكم ورحمه الله وبركاته .،

اشلونكم !؟

وحشتوني والله .، واشتقت لنقاشكم الراقي ..

موضوعي عن شي لامسته في حياتي وايد .،

وأتوقع وايد نفسي .،

اغلبنا يوم يجوف شي غلط .، بس ينتقده وما يحاول يغيره .، ما قلت ما يغيره قلت ما (( يحاول )) ..

هل انت يوم اتشوف شي (( اتحاول )) اتغيره والا أتقول اشعلي !!

هل اللي يحاول التغيير (( ملقوف )) !؟

هل التدخل او التغير يبيلها (( قوه شخصيه والا قوه عين !؟

وفي حال حد تدخل في شي غلط انت سويته (( حد ما يعرفك )) هل تسمع او اتهاوش !!

وأخيرا .،

هل تعتقد ان محاوله التغير .، هي نفسها (( الامر بالمعروف )) وهل المعروف هو بس ماله صله بالحلال والحرام .، ام هو كل شي (( حسن )) !؟

ويسلموو .،

[عاشق العديد]

السلام عليكم ..

اهلن وسسسهلن فيج اختي .. ونورتي الحتـه ..

طبعا اذا في شي غلط الواحد يحاول ينصح او يغير ..
مشكله الناس مب نفس قبل فلما تروحين تحاولين تقولين لشخص مثلا ترى هذا غلط او هذا صح ..
( بيقول اول شي انا اعرف صح من الغلط وثاني شي انا كذا وكذا وكذا ) فا انتي لاشعوريا بتقولين انا نبهتك ولاجيت اسوي نفسي فرعون عليك .. لكن نبهتك فقط .. انا عن نفسي بنصح تقبلها تقبلها ماتقبلها ابتعد واخليه على راحتـه مرده يجي اليوم الي يتذكر في كلامي لو انا كنت على حق ..
بعض الناس يعتبرون شي لقافه ولكن انا اشوفه تنبيه واشكر اي احد ينبهني على شي غلط اسويه ..

[حسن]

عودا حميدا والحمدلله على السلامه

لي عوده


:)

[شبح الصمت]

هلا مختلفه

منوره المكان
وحمد لله عالسلامة

اول شيء هناك اناس يتقبلون الكلام من اي شخص وهناك اشخاص ما يتقبلون الكلمة لا من اشخاص يعرفونهم وحتى ما يعرفونهم

عن نفسي اذا شخص اعرفه راح انصحه باللين بالمعروف مش اجي انصحه ونفره وكره من الشيء اذا عندي قدرت في تغيير الشخص الي قدامي ليش ما ابادر واكسب فيه خير ..

ونفس الشيء انا لو جاني شخص ينصحني راح اتقبل كلامه بكل آريحية واشكره على انه يبي لي الخير

بس بعد انا عندي عقل وفكر ومش كل كلام راح اتقبله يمكن راح اتقبله كحترامي للشخص الي امامي ويمكن من وراه انا راح استمر على الي انا اسويه ..


يعني في الاول والاخير
السالفة سالفة تقبل وعدم تقبل من الطرفين ..

ويعطيج العافيه

[R 7 A L]

على حسب نوع الشي الي بانتقده

هل بنتقد شخص أو منشأة و أجراءات حكومية أو اي شي في الشارع غير بشري ؟

[راجي الْعفو]

وعليك و رحمة الله .. الله يحيج ..

نزلت موضوع مثل هذا قبل و ضكنت عنوانه بعض العبارات : وش دخلك، ولي رب يحاسبني.. الخ

مع التحية

[قطري 777]

مرحبا مختلفه انا عن نفسي اذا شفت الغلط قدامي ماسكت عليه اتكلم ولكن بسلوب مايجرح ولا يحس خاطر الي قدامي
والواحد يحط بنيته انها امر بل معروف والله سبحانه يعطي كلن على قد نيته اذا انتي وانا والثاني والثالث نشوف الغلط ونسكت ونسوي مثل غيرنا انا وشعلي انا وشدخلني هني نقول على الدنيا السلام وفيه ايه كريمه تقول مَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُون .
(موقف سريع كنت مودي اعيالي العاب فلاجيو الموظفين الي هناك الاكتئاب طالع من عيونهم وكل واحد فيهم ماد بوزه يعني اشكال تجيب الهم بختصار دخلت على مديرهم قلت هاذي مدينه العاب للاطفال الزم يكون موظفينكم يكونون بشوشين يبتسمون مشغلين عندكم ناس تجيب الهم والله وطلع معي مسولهم وخذت انا وياه لفه ورويته الغلطط وضحت الخطى اللعمال والحين من يشوفوني الابتسامه شاقه الويه هذا مثال عابررر واسفين ع الاطاله

[حسن]

وعليك و رحمة الله .. الله يحيج ..

نزلت موضوع مثل هذا قبل و ضكنت عنوانه بعض العبارات : وش دخلك، ولي رب يحاسبني.. الخ

مع التحية



اسمع


:discuss:


انت غير تطلب العفو وهذه اسمها مختلفه

صبر وبتشوف الحوار

الناس مهب سواسيه

هي لين الحين راجعه وماصخنت واحس هناك اعصار قادم
والله اعلم


يسلمو,,

[ولد العرب]

متابع

[ودي أكون]

هل انت يوم اتشوف شي (( اتحاول )) اتغيره والا أتقول اشعلي !!

والله يالغاليه على حسب الموقف .. اذا الشخص كبير وفاهم السالفه بس معند هذا اسويله طاف لان ماهمني ايلس انصحه وانصحه وهو عارف ان 1+1=2..
اما اذا حسيت ان الشخص على نياته اهني احول اقول اللي علي وهو براحته خذ ماخذ براحته ..
هل اللي يحاول التغيير (( ملقوف )) !؟

مادري انتي شرايج ههه :rolleyes2:
هل التدخل او التغير يبيلها (( قوه شخصيه والا قوه عين !؟

وفي حال حد تدخل في شي غلط انت سويته (( حد ما يعرفك )) هل تسمع او اتهاوش !!

حلوة النصيحه لا يحرمنا من الاخ او الاخت او الصديقه النصوحه .. بسمع وباخذ بالنصيحه لو بالفعل كانت مقنعه عقلياً او دينياً صحيحه .. ما اتررد فيها لو لحظه


وأخيرا .،

هل تعتقد ان محاوله التغير .، هي نفسها (( الامر بالمعروف )) وهل المعروف هو بس ماله صله بالحلال والحرام .، ام هو كل شي (( حسن )) !؟

اممم لا .. لان التغيير .. قد يغير الشخص نفسه فما يطلق عليها امر بالمعروف

والله اعلم

[ناصر30]

حسب المواقف نفسه والشخص اللى قدامك

طبعا الانسان لازم يحط ف باله الاجر ف التغيير باليد او الكلمه او القلب

وفي نفس الوقت مايكون لنفسه نصيب من السالفه اقصد مايدخل مزاجه

ف الموضوع وكل هذا يعتمد على شي اسمه ( فن التغييـر )


بالنسبه لى ف اغلب الاحيان احاول بس بااسلوب يناسب كل

حاله مثلا فيه اشخاص ممكن ماتحتاج تكلمهم مباشرة تسوى الصح

قدامهم وهذا بحد ذاته تغيير وفيه ناس بالتلميح وفيه ناس بالكلمه

لازم يقدم الانسان التغيير باسلوب يناسب اللى حوله ويكون عنده

طولة بال واحيان سرعة بديهه

احيان السكوت افضل من النصيحه لو بيترتب على التغيير ضرر اكثر

لو فرضنا حد وجه لى نصيحه او انتقاد اتقبل بصدر رحب بشرط يكون

صح ولو مب صح اناقشه واحاول اوضح له ولاننسى النصيحه على

انفراد تفيد ف اغلب الاحيان فالنصيحه على الملاا فضيحه


المجتمع بشكل عام اصبح يتجه للانغلاق وعدم التقبل وهالشى يتطلب

منا تطوير اساليب التغيير والنصيحه بما يتناسب مع الوضع


اجمل تحيـــه

[مختلفة عقليا]

السلام عليكم ..

اهلن وسسسهلن فيج اختي .. ونورتي الحتـه ..

طبعا اذا في شي غلط الواحد يحاول ينصح او يغير ..
مشكله الناس مب نفس قبل فلما تروحين تحاولين تقولين لشخص مثلا ترى هذا غلط او هذا صح ..
( بيقول اول شي انا اعرف صح من الغلط وثاني شي انا كذا وكذا وكذا ) فا انتي لاشعوريا بتقولين انا نبهتك ولاجيت اسوي نفسي فرعون عليك .. لكن نبهتك فقط .. انا عن نفسي بنصح تقبلها تقبلها ماتقبلها ابتعد واخليه على راحتـه مرده يجي اليوم الي يتذكر في كلامي لو انا كنت على حق ..
بعض الناس يعتبرون شي لقافه ولكن انا اشوفه تنبيه واشكر اي احد ينبهني على شي غلط اسويه ..

هلا .،
هل تحاول التغير مع الجميع .، !؟ بمعني (( مسؤول او جهه حكومية او مواطن او مقيم )) !؟

وهل تحاول التغير حتي ولو كانت (( تتعارض )) مع اهوائك !؟

وعل تستمر للتفير ام تكتفي بالنصيحه !؟ لان في فرق بين النصيحه والتغير !!

ويسلمووو .،

[عاشق العديد]

هلا .،
هل تحاول التغير مع الجميع .، !؟ بمعني (( مسؤول او جهه حكومية او مواطن او مقيم )) !؟
مع الجميع .. مايهم ايش كان

وهل تحاول التغير حتي ولو كانت (( تتعارض )) مع اهوائك !؟


نعم لانه فالنهايه اهوائي غلط .. وابتدي فالتغير من نفسي اولا

وعل تستمر للتفير ام تكتفي بالنصيحه !؟ لان في فرق بين النصيحه والتغير !!

النصيحه تعتبر تغير .. مثلا الي يدخن نصحته وقف تدخين هاي معناته تغير .. النصيحه تجر التغير معاها ..

ويسلمووو .،

الله يسسسسسلمج

[مختلفة عقليا]

عودا حميدا والحمدلله على السلامه

لي عوده


:)


اهلًا أهلا .،

حياك الله وننطرك .،

ويسلموو .،

[مختلفة عقليا]

هلا مختلفه

منوره المكان
وحمد لله عالسلامة

اول شيء هناك اناس يتقبلون الكلام من اي شخص وهناك اشخاص ما يتقبلون الكلمة لا من اشخاص يعرفونهم وحتى ما يعرفونهم

عن نفسي اذا شخص اعرفه راح انصحه باللين بالمعروف مش اجي انصحه ونفره وكره من الشيء اذا عندي قدرت في تغيير الشخص الي قدامي ليش ما ابادر واكسب فيه خير ..

ونفس الشيء انا لو جاني شخص ينصحني راح اتقبل كلامه بكل آريحية واشكره على انه يبي لي الخير

بس بعد انا عندي عقل وفكر ومش كل كلام راح اتقبله يمكن راح اتقبله كحترامي للشخص الي امامي ويمكن من وراه انا راح استمر على الي انا اسويه ..


يعني في الاول والاخير
السالفة سالفة تقبل وعدم تقبل من الطرفين ..

ويعطيج العافيه



هلا .،

لاحظ اخوي التغير عندنا محصور بالنصيحه .،

وانا اجوف التغير قد يكون باللاعلام او مواقع التواصل الاجتماعي او الفضيحة المتعمده او العقاب او الشكوي .،

واللحين برد وبسالك نفس ما سالت اخوي عاشق العديد .، هل تستمر في محاوله التغير او تنصح وخلاص !!

وهل هالطريقه تنفع مع المجتمع ككل بما فيها الشركات وبعض القوانين !؟

ويسلموو .،

[مختلفة عقليا]

على حسب نوع الشي الي بانتقده

هل بنتقد شخص أو منشأة و أجراءات حكومية أو اي شي في الشارع غير بشري ؟

هلا .،

مو موضوع انتقاد .، موضوع تغير .،

مو لازم شي غلط اللي أغيره .، ممكن قديم او ما يناسب هالجيل .، او حتي فكره جديده .،

ولكن بنفترض ان شي غلط .، هل بتم ورآه لي ما يتغير والا بس علي قولتهم (( سو اللي عليك )) << ما ضيعنا الا هالكلمه

ويسلمووو .،

[مختلفة عقليا]

وعليك و رحمة الله .. الله يحيج ..

نزلت موضوع مثل هذا قبل و ضكنت عنوانه بعض العبارات : وش دخلك، ولي رب يحاسبني.. الخ

مع التحية

هلا .،

انا ما اتكلم عن النصيحه .، بس بقرب لك الصوره .،

لنفرض ان سيارتك الجميله صار فيها اي ضرر من احد شوارع قطر .، هل تنتقد او تحاول تغير او معالجه المشكله !؟

من الغلطان اهنيه !؟ أشغال .، يعني مو أفراد اتروح تنصحهم .، هاي جزء من موضوعي .،

وحياك الله .،

يسلمووو .،

[بومحمد المطاوعه]

ياهلا ومرحبا اختي







هل انت يوم اتشوف شي (( اتحاول )) اتغيره والا أتقول اشعلي !!



انا عن نفسي اذا قدرت اغيره اغيره
ولا اقول هالكلمه شعلي ماعرفها اصلن

شي اقدر اغيره بتوكل على الله وبغيره ولاكن بكل احترام






هل اللي يحاول التغيير (( ملقوف )) !؟




لا اختي مب ملقوف ولا شي
الملقوف الي بيتكلم على هذا الفلان الي غير المنكر مثلآ
لأن رضى الناس غايه لاتدرك
وتأكدي دائمآ ان هذا الشخص الي حب يغير الشي او ينصح فلان

تأكدي ان ايمانه بالله قوي ويحب الخير للغير ومايرضى بالشي الغلط
صح يمكن يحصل انتقادات وكلام ورده فعل من بعض الناس ولاكن لايهمه هذا ابدآ



هل التدخل او التغير يبيلها (( قوه شخصيه والا قوه عين !؟



قوه شخصيه طبعآ
ليش نقول قوه عين لأن جعل همه الوحيد الله تعالى
وتذكر قوله الكريم

كتابه العزيز حين قال : { كنتم خير أمة أخرجت للناس تأمرون بالمعروف وتنهون عن المنكر وتؤمنون بالله } ( آل عمران : 110 ) .

وقول حبيبنا الكريم

عن أبي سعيد الخدري رضي الله عنه قال : سمعت رسول الله صلى الله عليه وسلم يقول :
( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

وجعل همه الوحيد لله تعالى




وفي حال حد تدخل في شي غلط انت سويته (( حد ما يعرفك )) هل تسمع او اتهاوش !!



طبعآ لو اخطأت اعتذر وااسمع له ولنقاشه ولاكن بحدود الأدب




هل تعتقد ان محاوله التغير .، هي نفسها (( الامر بالمعروف )) وهل المعروف هو بس ماله صله بالحلال والحرام .، ام هو كل شي (( حسن )) !؟



نعم انها الأمر بالمعروف والنهي عن المنكر

وطبعآ المعروف كل شي حسن ويدخل في الحلال والحرام في بعض الاوقات
يعني لو شفت شي منكر واقدر اغيره بيدي بغيره ولا بخاف من اي حد





يعطيج العافيه ع الموضوع الراقي

[حسن]

مرحبا يامختلفه

نعم انا مع التغير والتغير سنه كونيه بس احب ان تكون للافضل
ولكن في الكثير اشوفها للاسؤا

اكثر مواضيعي نقد وعنيف واحيانا معلومات بين المتوسطه والخطيره
ارسلها عن طريق نغزات للجهات المعنيه
فعلي البلاغ وهم كيفهم

وشفت بعضها بدات بالاستجابه والتغير مما يشعرني بالسعاده
ان من هناك من يخاف على هذا الوطن

وحاولت افضح المسؤلين واحيانا استخدم الصور علشان مايكون لهم حجه

تعرفين يامختلفه

احيانا اسمع هنا وهناك عن مواضيع طرحت لموضوع ماء
تسير زوبعه وربكه وكان تحقيق الاف بي اي
كيف الخبر طلع ولا كيف اعرفو

يعني بدال مايصلحون الخطاء يبون يعرفون كيف تسرب
هذا النوع من المسؤلين ودي استخدم اسلوب البطش معاهم
لانهم عمل غير صالح

قبل فتره نزلت موضوع انتقدت مدرسه البيان وعلى الخطوه اللي اتخذتها في قرارها باغلاق الباب
الامامي الكبير وعملت ضجه وزحمه ولكن ماشوف اي تحرك

احيانا نحبط ونتالم وننهزم من الداخل ونقول خلنا نسكت وان شاء الله كلشي يدمر
وخلنا نقعد ونتفرج
ولكن الضمير الحي يابي السكوت ويابي الانهزام ولو كلف التضحيات
فداء للوطن

نموت او ننتصر هذا مبدائي

ولي عوده

[مختلفة عقليا]

مرحبا مختلفه انا عن نفسي اذا شفت الغلط قدامي ماسكت عليه اتكلم ولكن بسلوب مايجرح ولا يحس خاطر الي قدامي
والواحد يحط بنيته انها امر بل معروف والله سبحانه يعطي كلن على قد نيته اذا انتي وانا والثاني والثالث نشوف الغلط ونسكت ونسوي مثل غيرنا انا وشعلي انا وشدخلني هني نقول على الدنيا السلام وفيه ايه كريمه تقول مَا كَانَ رَبُّكَ لِيُهْلِكَ الْقُرَى بِظُلْمٍ وَأَهْلُهَا مُصْلِحُون .
(موقف سريع كنت مودي اعيالي العاب فلاجيو الموظفين الي هناك الاكتئاب طالع من عيونهم وكل واحد فيهم ماد بوزه يعني اشكال تجيب الهم بختصار دخلت على مديرهم قلت هاذي مدينه العاب للاطفال الزم يكون موظفينكم يكونون بشوشين يبتسمون مشغلين عندكم ناس تجيب الهم والله وطلع معي مسولهم وخذت انا وياه لفه ورويته الغلطط وضحت الخطى اللعمال والحين من يشوفوني الابتسامه شاقه الويه هذا مثال عابررر واسفين ع الاطاله

هلا .،

هاي مثال حي ع اللي اقصده انتقد واتصرف واستمر في التصرف لين أسوي حل .،

أتوقع لو سوينا جيه في كل أمور حياتنا وكل شي يمس (( المصلحة العامه )) .، ما بنجوف غلطات الا ما ندر

ويسلموو .،

[راجي الْعفو]

هلا .،

انا ما اتكلم عن النصيحه .، بس بقرب لك الصوره .،

لنفرض ان سيارتك الجميله صار فيها اي ضرر من احد شوارع قطر .، هل تنتقد او تحاول تغير او معالجه المشكله !؟

من الغلطان اهنيه !؟ أشغال .، يعني مو أفراد اتروح تنصحهم .، هاي جزء من موضوعي .،

وحياك الله .،

يسلمووو .،

اي الحين وضحت الصورة .. لاني فهمت من سؤالج انه خاص و ليس عام ..

طبعا التغيير و ايجاد حل للمشكله امر مفروغ منه ، ونفس الوقت أنبه الجهة المسؤولة عن سبب العطل و اوضح لهم الخلل الذي بسببه حصل العطل ..

أما الانتقاد فالمخول الحقيقي فيه هي الجهة المسؤولة - أي المسؤولة على أشغال كما في مثالج -

وكذا الناس قد ينتقدون إن حصل الإيذاء من قبل الجهة التي أضرت بهم


وهذا رابط الموضوع الذي أشرت له سابقا - لمن أحب الاطلاع -، بحكم ان له تعلق بموضوعج


http://www.qatarshares.com/vb/showth...حاسبني-مو-إنت-!


مع التحية ..

[راجي الْعفو]

اسمع


:discuss:


انت غير تطلب العفو وهذه اسمها مختلفه

صبر وبتشوف الحوار

الناس مهب سواسيه

هي لين الحين راجعه وماصخنت واحس هناك اعصار قادم
والله اعلم


يسلمو,,

الله يستر ..

لا أبشرك قد تحاورنا قبل .. والنتيجة كانت طيبة ..

بس المسالة تحتاج توضيح مبرهن من قبل الطرفين ، و سعة بال ..

وإن شاء الله اختنا مختلفه ، كذلك ..

[مهرة]

دشيت بس عشان اقولج ولكم باك اختي المناقشة المبدعة والمحاورة الجيدة وذات الطرح المميز

ونصيحة لا تاخذين بكلام بعض أصحاب العقول النيرة والافواه المبلبلة بالكلام الفارغ اكثر من الفعل الدامغ

ويعطيج العافية وموفقة ان شاءالله ..

[مختلفة عقليا]

هل انت يوم اتشوف شي (( اتحاول )) اتغيره والا أتقول اشعلي !!

والله يالغاليه على حسب الموقف .. اذا الشخص كبير وفاهم السالفه بس معند هذا اسويله طاف لان ماهمني ايلس انصحه وانصحه وهو عارف ان 1+1=2..
اما اذا حسيت ان الشخص على نياته اهني احول اقول اللي علي وهو براحته خذ ماخذ براحته ..
هل اللي يحاول التغيير (( ملقوف )) !؟

مادري انتي شرايج ههه :rolleyes2:
هل التدخل او التغير يبيلها (( قوه شخصيه والا قوه عين !؟

وفي حال حد تدخل في شي غلط انت سويته (( حد ما يعرفك )) هل تسمع او اتهاوش !!

حلوة النصيحه لا يحرمنا من الاخ او الاخت او الصديقه النصوحه .. بسمع وباخذ بالنصيحه لو بالفعل كانت مقنعه عقلياً او دينياً صحيحه .. ما اتررد فيها لو لحظه


وأخيرا .،

هل تعتقد ان محاوله التغير .، هي نفسها (( الامر بالمعروف )) وهل المعروف هو بس ماله صله بالحلال والحرام .، ام هو كل شي (( حسن )) !؟

اممم لا .. لان التغيير .. قد يغير الشخص نفسه فما يطلق عليها امر بالمعروف

والله اعلم

هلا .،

انا معاك في ان النصيحه من سبل التغير .، ولكن هل تستمر في تغير الشي او تتركه !!

ولو كان باستطاعتك تغير موقف بشق الأنفس .، هل ستستمر او (( تستسلم )) ؟!

ومن رأيي .، اي شخص يحاول تغير للأفضل لا يعتبر ملقوف .، بدل شجاع لانه لم يرضي ان يعيش خلف (( مبادئ )) لا يؤمن بها .،

ويسلموو .،

[يمامـة]

ولكم باك مختلفة..

المشكلة مب في هل حاولت تغير.. المشكلة هل ممكن يتقبلون محاولتج؟

على هالاساس تعلمج الحياة انج ممكن تحاولين مع ناس وتتجنبين ناس ثانين..

لأن بشكل عام ما اعتقد في انسان سلبي لدرجة انه يتم ساكت عن كل شي غلط يشوفه
لكن ممكن نلقى انسان يسكت عن ناس معنيين لكنه يبدي حرصه على تصحيح الخطأ مع ناس اخرين..

[Dana’1]

عودا حميدا

شخصيا أي نصيحة توجة لي قد ما اقدر أقابلها بالإبتسامة وكلمة جزاك الله خير ... حتى لو ماكنت مؤيدة لها :)

[الجـــوديّ]

ولكم باك مختلفة .. تو مانور المنتدى :)



أحاول دايماً ... وأحب اللي ينصحني (على جنب)

ويسلمووو