شلون اضمن حقي ؟؟؟ ارجو الدخول

[وحيد-الشوق]

السلام عليكم

بدخل في الموضوع على طول في شخص بيشحن لي موتر وبدفع فلوس الشحن وبسجل ورقه بينه وبينه لكن مب عارف هالورقة بتضمن حقي في حالة اذا اخلف بوعده وماشفت منه شيء

ارجو المشورة والافادة علما ان المبلغ 2000 دولار

[وليف الشوق]

انت توكل على الله وادفع له وخل نيتك عند الله وبس وصعب تقرر انك تضمنه او ماتضمنه وصدقني هالمبلغ مايسوى لو حتى اخلف في وعده والورقه مااعتقد اهي ضمان كافي ترد حقك الا بعد ماطلبات وقضايا ومحاكم وتحقيق واوراق وسالفه طويله عريضه لكن خل ثقتك برب العالمين كبيرة واستخير قبل كل شي وهذا رايي المتواضع

[دستور]

إشحن سيارتك عن طريق الشركات الثقة اللي لها سمعة ولها تعاملات مع دول المنطقة
وتوكل على الله

[وحيد-الشوق]

انت توكل على الله وادفع له وخل نيتك عند الله وبس وصعب تقرر انك تضمنه او ماتضمنه وصدقني هالمبلغ مايسوى لو حتى اخلف في وعده والورقه مااعتقد اهي ضمان كافي ترد حقك الا بعد ماطلبات وقضايا ومحاكم وتحقيق واوراق وسالفه طويله عريضه لكن خل ثقتك برب العالمين كبيرة واستخير قبل كل شي وهذا رايي المتواضع

ونعم بالله كلامك لاغبار عليه

افهم من كلامك الورقة ماتفيد بشيء في حالة الرجال اخلف بوعده او صارت مشكلة

[وليف الشوق]

تفيد الورقة لكن وضعها القانوني ممكن يكون ضعيف حسب اعتقادي

[وحيد-الشوق]

إشحن سيارتك عن طريق الشركات الثقة اللي لها سمعة ولها تعاملات مع دول المنطقة
وتوكل على الله

تسلم ياخوي السيارة شخصيه لقريب له وهو وافق يشحنها بس يبي مبلغ الشحن وانا بفحصها في قطر اذا مافيها شيء بتوكل على الله وباخذها

[عاشق العديد]

تسلم ياخوي السيارة شخصيه لقريب له وهو وافق يشحنها بس يبي مبلغ الشحن وانا بفحصها في قطر اذا مافيها شيء بتوكل على الله وباخذها

بس اخوي يفضل انك تشحن مثلا وهي برع هناك وشركة الي بتفحص تطرش لك فاكس رسمي منهم انه مثلا موتر فيه كذا وكذا

احسن ماتدفع وتجيب وفالاخير يطلع لاسمح الله فيها شي

[فقط قطر]

يقولك.. ايش لك بالبحر واهواله..ورزق ربك على السيف.

ياخوي..شوف لك شركة معتمدة...ومعروفه..وادفع الفرق...واضمن سيارتك...
ترى الفرق مايسوى والله..

[المستريح]

اخوى روح حق شركه فى الدوحه وهم بيشحنون سيارتك بس تعطيهم المكان وشخص يتواصلون معاه ويقولون لك السعر وتدفع مع شركه مب شخص عندك شركه الخبرا للخدمات اللوجستيه 44697412 فى طريق سلوى خلف الشعله للادوات الكهربائيه

[دستور]

تسلم ياخوي السيارة شخصيه لقريب له وهو وافق يشحنها بس يبي مبلغ الشحن وانا بفحصها في قطر اذا مافيها شيء بتوكل على الله وباخذها

مادام كذا

خل صاحب السيارة يرسلها لك على مسؤليته ونت ما عليك الا انك تحول له فلوس الشحن ولكن يجب الاتفاق على من يتحمل المسؤلية وتكاليف الشحن من الدوحة الى البلد الي جات منه السيارة في حالة انك فحصت السيارة ولا صلحت لك

[وحيد-الشوق]

الله يجزاكم خير يا اخوان السيارة انا مابدفع قيمتها مقدما الا بعد ماتوصل الدوحة وافحصها والسيارة لشخص ثقه والله اعلم وهو وافق في الاخير اني ادفع قيمة الشحن فقط بدون عربون والفحص يكون في الدوحة وعلى كلامة مافيها شيء وسعرها ممتاز جدا وهذا االي خلاني افكر

الف شكر لكم ياخوان

[al-obaidly]

اذا العراقي في امريكا ونعم فيه انا تعامات معاه وخلصني ب 1000دولار ونصوح واغلب الناس تتعامل معاه وهاه شغلته هناك

[Aaziz]

الله يجزاكم خير يا اخوان السيارة انا مابدفع قيمتها مقدما الا بعد ماتوصل الدوحة وافحصها والسيارة لشخص ثقه والله اعلم وهو وافق في الاخير اني ادفع قيمة الشحن فقط بدون عربون والفحص يكون في الدوحة وعلى كلامة مافيها شيء وسعرها ممتاز جدا وهذا االي خلاني افكر

الف شكر لكم ياخوان

شوف الشيخ ،،، شككني هذا العرض
من بيقبل يشحن سياره بتقعد شهر و نص و على امل انها تنشرا او لا

شوف بنفترض انه وجد هذا الشخص بناء على كلامك الي تقول ثقه او معرفه .
الله يسلمك اذا ودى السياره لشركه الشحن ماراح يرضون يشحنونها الا بوجود ملكيه السياره كاجراء روتيني ، وبوليصه الشحن و الاوراق كلها راح تنذكر فيها مواصفات السياره المشحونه
تقدر تقول له ادفع الشحن و اذا طرشت لي بوليصه الشحن و تاكدت انه في الاوراق هي نفس السياره عن طريق رقم الشاصي و الموديل و اللون ،، راح احول لك على طول .

بالنسبه لمبلغ الشحن اشوفه شوي غريب ... لانه اذا انها سياره عاديه صالون مثلا و شحنتها رورو (داخل بطن السفينه) ماراح تكلف الا اقل من الف دولار
و اذا كونتينر مافيه اقل من الفين و اربع ميه دولار ؟

هل المدينه الي شاري منها السياره مش على بحر ،، بحيت تضاف لقيمه الشحن قيمه نقل السياره من المدينه الي مش على البحر الى ميناء الشحن ،، الي اغلب الاحوال ماراح يتعدى 600 دولار ؟

[وحيد-الشوق]

اذا العراقي في امريكا ونعم فيه انا تعامات معاه وخلصني ب 1000دولار ونصوح واغلب الناس تتعامل معاه وهاه شغلته هناك
لا والله ياخوي مب في امريكا :)



شوف الشيخ ،،، شككني هذا العرض
من بيقبل يشحن سياره بتقعد شهر و نص و على امل انها تنشرا او لا

شوف بنفترض انه وجد هذا الشخص بناء على كلامك الي تقول ثقه او معرفه .
الله يسلمك اذا ودى السياره لشركه الشحن ماراح يرضون يشحنونها الا بوجود ملكيه السياره كاجراء روتيني ، وبوليصه الشحن و الاوراق كلها راح تنذكر فيها مواصفات السياره المشحونه
تقدر تقول له ادفع الشحن و اذا طرشت لي بوليصه الشحن و تاكدت انه في الاوراق هي نفس السياره عن طريق رقم الشاصي و الموديل و اللون ،، راح احول لك على طول .

بالنسبه لمبلغ الشحن اشوفه شوي غريب ... لانه اذا انها سياره عاديه صالون مثلا و شحنتها رورو (داخل بطن السفينه) ماراح تكلف الا اقل من الف دولار
و اذا كونتينر مافيه اقل من الفين و اربع ميه دولار ؟

هل المدينه الي شاري منها السياره مش على بحر ،، بحيت تضاف لقيمه الشحن قيمه نقل السياره من المدينه الي مش على البحر الى ميناء الشحن ،، الي اغلب الاحوال ماراح يتعدى 600 دولار ؟

انا مثلك كنت متردد ومشكك في العرض الغريب انه وافق ان يشحن الموتر وهو يبي يبيع لأنه صايده ظرف والموتر مكانه في رومانيا انا اتفاقي كان معاه اني ما اقدر اشتري شيء من برا بدون ما افحصه واتأكد وهو طلب عربون في البداية بس انا رفضت والموتر لخال واحد قريبة ساكن في الدوحة والشخص الي جاب الموتر اعرفه شخصيا وقالي انه ثقه وامين مع اني لازلت مستغرب من الموضوع وقلت اسأل الاخوان في المنتدى :)

[Aaziz]

اذا تعرفه ،، فا 2000 دولار ما تعور في حال راحت عليك و الموتر يستاهل

[جاسم الدوحة]

دع ما يريبـك .. إلى ما لا يريبـك
لا تشحن ولا تدفع
ونسبة الضمان = صفر

[وحيد-الشوق]

اذا تعرفه ،، فا 2000 دولار ما تعور في حال راحت عليك و الموتر يستاهل

لاهنت اخوي عزيز وشكرا لك عالافادة


دع ما يريبـك .. إلى ما لا يريبـك
لا تشحن ولا تدفع
ونسبة الضمان = صفر

شاكر لك تواصلك والله يكتب الي فيه الخير

الله يعطيكم العافية يااخوان وعيدك مبارك

[لبى آلعرب]

والله ياخوي انا صارت معاي نفس الحكايه بس في تركيا لقيت مرسيدس ظ¢ظ*ظ،ظ¤ بسعر مناسب قالي تجينا في تركيا وتدفع خمسه في الميه من المبلغ وحنا بنطرشها لك وانا متردد

[لبى آلعرب]

2014 موديله

[علي عليوه]

أخوي معقول كل التسهيلات والتنازلات والتفريط قدمها لك ،، وعاجز عن 2000 دولار !!

أعوذ بالله من سوء الظن ولكن الموضوع مخيف رغم قلة المبلغ ولكن الغبن والقهر غالي

إذا تحب تخلص معاهم ،، ممكن تعطي قريبه بالدوحة شيك موضح فيه شرط أن الصرف يكون بعد وصول السيارة وتمام بيعها أو يكون الشيك ملغي ،، ولا تقتنع بعدم امتلاكه لقيمة الشحن

وأخيراً اللهم إني أعوذ بك من سوء الظن ..