رويال مارسدن: علاج السرطان الخاص في لندن

[عرباوي قطري]

السلام عليكم ورحمة الله

اعضاء منتدى شبكة الاسهم المحترمين

اللي عنده فكره او يعرف احد معالج في هذا المركز ياليت يكتب عن تجربته

وهل ينصح بالعلاج فيه او لا

واكون لكم شاكر

[عاشق العديد]

الله يشفي مريضكم

وان شاء الله الاخوان يفيدونك

[بوحارب]

وعليكم السلام ورحمه الله وبركاته

من اكبر وأفضل المستشفيات في لندن ويوجد بها العديد من الأطباء الاكفاء وذوو الخبرة

بس اخوي الأفضل انك تستفسر عن الدكتور اللي بيعالج مريضكم

وشيك على اسمه في النت

وعلى العموم المكتب الطبي في لندن ما يتعامل الا مع دكاترة خبرة

الله يشافي مريضكم يارب

[بوحارب]

وأي خدمة في لندن تواصل معاي ع الخاص انا متواجد حاليا فيها وساكن قريب من رويال مارسدن :)

[راعي الكورفت]

والله يااخوي جدتي الله يرحمها ..

راحت لندن للعلاج والعلاج مانجح معاها هناك وغير اسلوب البريطانيين السئ في التعامل مع المرضى وتوفت والله يرحمها ..

لكني لا اعرف اسم المستشفى الي كانت فيه في لندن لاني مارحت معاها

نصيحه لو تبي مركز علاج سرطان ممتاز فينصحون بهيوستن تكساس بامريكا ..

عندهم افضل مركز علاج للسرطان في العالم ..

عمتي راحت هناك وكان فيها الخبيث والحمدلله ..

الله شافاها من المرض ..

حاول تاخذ بعثه علاجيه من المجلس الاعلى للصحه ..



والله يوفقك و يشافي كل مرضى المسلمين ..

[عرباوي قطري]

جزاكم الله خير على الردود الايجابيه .. اتمنى المزيد من التجارب فيما يخص المستشفى المذكور .. هيوستن سمعت ان مركز عالمي فيها ولكن يقولون ان موعد الى موعد تكون المده طويله نوعا ما ..

انا ماعندي علم بس هذا من كلام الناس ...

[alsoq]

اطلع على ها الرابط

http://www.doctorinternet.ae/treatments/cancer-treatment/featured-clinics/the-royal-marsden/

[عاشق العديد]

نعم كذلك انا عندي خالتي .. تعالجت في هيوستن تكساس ..

والحمد لله الفضضل لله شافها وعافها ..

المستشفى الي بهيوستن جيـد ويعارفون شلون يتعاملون مع المريض وفوق هذا كله يعرفون خصوصية المراءه المسلمه .. انه محد يدش عليها وكذا وكذا .. وغير هذا كان في اطباء مسلمين ..

واذا بغيت اي استفسار عن هيوستن عطني خبر ..

[alsoq]

وهذي بعض العيادات

http://www.doctorinternet.ae/treatments/cancer-treatment/featured-clinics/

[alsoq]

انصحك بامريكا

انا عندي موقع لمرضى السرطان وسويت احصائية امريكا افضل ونسبه النجاح افضل من بريطانيا

[بوحارب]

اخوي الشفاء من رب العالمين

لا أمريكا ولا بريطانيا بتشافي مريضكم

ع العموم انت ممكن تغير المستشفى والدكتور اذا مارتحت لهم

ومدير المكتب الطبي في لندن الأخ عبدالله الانصاري ما يقصر مع هل قطر
ويخدمهم فوق طاعته وعن تجربه فجزاه الله خير الجزاء

والرجال مكتبه مفتوح لكل هل قطر ويرحب بالجميع

[Dana’1]

هيوستن زينة وحدة من الأهل تعالجت هناك تمدحها ..والمواعيد بالغالب من أسبوعين إلى3 أسابيع تقريبا ومرات أقل
ورحلة العلاج كانت 3شهور إلا5أيام تقريبا هالمدة بين فحوصات وعملية

طبعا هالأمور أكيد تخالف من حالة لحالة
الله يشفي مريضكم ويشفي جميع مرضى المسلمين آمين يارب العالمين

[أين الحل ؟]

اخي الفاضل تحية طيبة لك .....

نصيحتي لك لا تذهب الى مستشفيات بريطانيا للعلاج اصبحو تجاريين وقلة منهم من يفهم
ناهيك عن تعاملهم السيء في المستشفى وعدم الاهتمام .
لا تضيع وقت حول العلاج الى امريكا هي الان من افضل دول العالم في علاج اي مرض
والله يشفى مرضاكم انشاالله

[عرباوي قطري]

جزاكم الله خير

[kitmat]

نصيحتي عليك ب فاكهة الجرافيولا تنباع في اللولو وحياة بلازا وحبوب الجرافيولا وايد ناس تم شفائهم من ورق هذه النبته وفاكهتها ادخل النت وشوفها وفي موقع تشتري منه الحبوب وانا اعرف ناس حاليا تستخدمة ويقولون بعد 3 شهور من الاستخدام يتم الشفاء بإذن الله مع اكل الفاكهة 3 شهرر

[عرباوي قطري]

جزاكم الله خير جميعا