اشرايكم في الابواب للمداخل الرئيسية افيلا والمجلس

[al-buainain]

مرحبا يا اخوان

ودي اسمع ارائكم بخصوص الابواب للمداخل الرئيسية وليس الاسوار

محتار بين الـ upvc والحديد المشغول اما الخشب صارف النظر عنه

ارجو نقل تجاركم وخبراتكم

[w.qatar]

الحديد المشغول حلو خاصه اذا بتخلي الزجاج هو الطبقه الاولى يعني الحديد ورا الزجاج شفت شكثر ابواب حتى خارجيه اللي على الاسوار في الخبر و الدمام اشكالهم حلوه و يتم الحديد المشغول نظيف مايتوصخ الغبار و الماي

[الســـهم]

مرحبا يا اخوان

ودي اسمع ارائكم بخصوص الابواب للمداخل الرئيسية وليس الاسوار

محتار بين الـ upvc والحديد المشغول اما الخشب صارف النظر عنه

ارجو نقل تجاركم وخبراتكم

مرحبا اخوي البوعينين ..

اذا تبي شغل نظيف بالنسبة للحديد المشغول للمداخل فعليك بشركة جيرسي ..

واذا تبغي المنيوم مشغول فعليك بشركة البيت الاتوماتيكي ..

اعتقد اذا زرت هالشركتين ماراح يملي عينك شغل الشركات الثانية مع احترامي لهم ..

وبالتوفيق ان شاء الله ..

[Bozizoo]

الحديد المشغول من الناحيه الجماليه روعه
لكن فيه عيوب لايمنع الغبار و الهوا من الدوخول الى البيت
و عكسه تماما upvc

[خليفـة]

ان بغيت الشكل والمنظر الحديد المشغول
وان بغيت شي عملي .. مانع للغبار والماء والصوت
عليك باليو بي في سي
ومن واقع تجربه .. انصحك بمعماري قطر
جودة في العمل مالها مثيل

خليفة

[معماري قطري]

عن تجربتي انا ركبت بيبان خشب بأَجزاء زجاج ملون للصالة ولمجلسين متقابلين .. وهم في مدخل البيت في صالة توزيع صغيرة ومن الخارج ركبت باب يو بي في سي بقزاز شفاف حتى يتم التركيز على الديكور الداخلي للقادم من الخارج .. وكان حل ناجح لعزل الغبار والصوت والحرارة ولمنظر جميل .. ممكن تركب يو بي في سي بتشكيلة الخشب بس حاول يكون مدخل البيت مظلل ولا توصل أَشعة الشمس مباشرة لأَن الأَلوان الثانية تبهت بسرعة عكس الأَبيض يقاوم مدى العمر.

[خبير ديكور]

903319

بالتاكيد لا يقارن الخشب من ناحية الجمال والروعة باي شئ اخر
ولكن كما تفضل اخي معماري قطر يفضل الخشب مع حماية له من الخارج
كما بالصورة المرفقة

[معماري قطري]

ما قصرت إِخوي خبير ديكور على النصيحة والتأَييد .. لكل وضع لازم ندرس النواحي الجمالية والنواحي التشغيلية الأُخرى .. وندرس المكان ككل ما ندرسه جزء جزء .. الخشب في الخارج مغامرة ويحتاج عناية وصيانة وحماية بطبقات صبغ خاص .. وحتى يحتاج نوعيات معينة من الخشب .. ولازم ننسى العزل عن الغبار والصوت وكلما ثقل الباب كانت صكته قوية ويطلع صوت مزعج .. مثله مثل الحديد المشغول اللي يكون ثقيل ويسرب هواء وغبار ويطلع صوت.

[Bozizoo]

انا أفضل أن تركب بأبين ورى بعض
ممكن الأول الخارجي جزاز و الي بعده الي في خاطرك.
هذا الي سويته في خريطه بيتي

[شموخ دائم]

,

,

مرحبا

عساكم من عواده


انا ايضا افضل نحمي ( البرنده ) ابواب زجاج شفاف عادي
ونركب ابواب حلوه على الصاله
مهما كان نوعها ( كل شخص وما يعشق وما يرتاح له من ابواب ) بتكون محميه وبنفس الوقت
شكلها حلو وجميل ويبان من الحوش
هذا المنتشر الان في البيوت من خلال مشاهداتي

انا مركب حديد مشغول حديد ثقيل جدا ومشغول بالذهبي
جونا فيه هوى قوي وغبار
وشمس قويه وحراره ورطوبه عاليه
فتسكير البرنده اصبح ( ضروري ) ونستفيد من البرنده في الجلسه
لو المساحه زينه ممكن نكيفها ايضا ولو بمكيف صغير الي ينحط على الارض ونحط طاوله وكرسيين صغار نفس الي بالكوفي شوب
ونستفيد من اطلالتها على ( الزرع ) اهم شي تكون محميه بزجاج بدون فريم
لزياده المساحه
انا افطر في البرنده مع قراءه الجرايد كل صباح
لانها مسكره بزجاج ومكيفه

وممكن نركب عازل حراري على الزجاج ونلعب درجه اللون التظليل والانعكاس
نفس عازل زجاج السياره

http://jordan.aqar-estate.com/documenthandler.dcm?key=361A4AF3DF9584DAEDA96F79E8 057EBF

هذي صوره من النت للتوضيح فقط



,

,


اخوك

شموخ دائم

[معماري قطري]

إِخوي شموخ الفريم - لس والشفاف وايد يطلع حلو بس بعد يدخل نسبة صوت وغبار

الأَحلى لو بفريم للي ينفتح والجزء الثابت فريم مخفي .. مريت مجلس معمول بهالطريقة ومساحات الزجاج واسعة وبينها فواصل خاصة مسكره بماستك والصوت داخل خفيف كلش ودرجة العزل الحراري قوية.

[بوNasser]

,

,

مرحبا

عساكم من عواده


انا ايضا افضل نحمي ( البرنده ) ابواب زجاج شفاف عادي
ونركب ابواب حلوه على الصاله
,
,
,
,
,
http://jordan.aqar-estate.com/documenthandler.dcm?key=361A4AF3DF9584DAEDA96F79E8 057EBF

هذي صوره من النت للتوضيح فقط



,

,


اخوك

شموخ دائم

اخوي شموخ دائم

عيدك مبارك وتقبل الله طاعتكم

ما شاء الله، انت واخونا معماري قطر (ولا يهونون بقية الاخوة والاخوات) من الناس اللي يتشرف اي منتدى بهم، تخصص و افكار ونفع يعم على الجميع.

عجبتني وايد فكرة البرندة اللي في الصورة، بس عجيب مكان نشر الملابس، الحين ما فيه مكان الا عند المدخل والا شالسالفة.

تحياتي لك وللجميع.

[شموخ دائم]

,

,

مرحبا


اخوي معماري

اتفق معاك ووصلنا الى خلاصه
ان الزجاج الشفاف ونحط فريم على الباب او المكان الي ينفتح بيكون
اكثر احكام عن الغبار والهوى والماء والصوت
ما شاء الله دائما وجودك يضع اللمسات الاخيره وتوضح نقاط الضعف والقوه بكل ماده

ما ننحرمش
:)

,

,


اخوك

شموخ دائم

[شموخ دائم]

,

,


مرحبا

بوناصر

هذا شكله بيت عزابيه
:)

ما شاء الله عليك ملاحظه قويه
بالفعل مشوه مدخل البيت الله يهديهم
بنطلون ودلاقات
ههههه


,

,

اخوك

شموخ دائم

[خبير ديكور]

إِخوي شموخ الفريم - لس والشفاف وايد يطلع حلو بس بعد يدخل نسبة صوت وغبار

الأَحلى لو بفريم للي ينفتح والجزء الثابت فريم مخفي .. مريت مجلس معمول بهالطريقة ومساحات الزجاج واسعة وبينها فواصل خاصة مسكره بماستك والصوت داخل خفيف كلش ودرجة العزل الحراري قوية.

جزاكم الله خيرا اخي معماري قطر
ممكن صورة للتوضيح
شاكرين لمساتكم الراقية

[معماري قطري]

جزاكم الله خيرا اخي معماري قطر
ممكن صورة للتوضيح
شاكرين لمساتكم الراقية


الله يجزيك بما دعيت إِخوي خبير ديكور

بحاول اشوف صورة بس الفريم ممكن يكون في تجويف خاص ويتركب حوله بلاط أَو خشب .. ولو كان الزجاج ثابت ما ينفتح الفريم يكون في الأَطراف وشكله حلو يطلع.

البيت اللي في الصورة من بيوت الأُردن حتى الأَبجور الأَلمنيوم يبين مغطي الدريشة اليمنى

[معماري قطري]

,

,

مرحبا


اخوي معماري

اتفق معاك ووصلنا الى خلاصه
ان الزجاج الشفاف ونحط فريم على الباب او المكان الي ينفتح بيكون
اكثر احكام عن الغبار والهوى والماء والصوت
ما شاء الله دائما وجودك يضع اللمسات الاخيره وتوضح نقاط الضعف والقوه بكل ماده

ما ننحرمش
:)

,

,


اخوك

شموخ دائم

تسلم شيخنا ووجودك أَكيد ما شاء الله عليك متميز في كل المجالات

بالنسبة للي بدون فريم يتركب بمفصلات خاصة وتكون قوية ومحاطة بربلات تسمح بتمدد الزجاج .. ويجي في الأَطراف للأَجزاء الثابتة عزل خاص عن الهواء أَو يترك كفراغ للتمدد