منفذي أبو سمرا و سلوى يوم عيد الأضحى

[(عبدالله)]

السلام عليكم جميع

عندي خط سفر طويل يبدأ من الدمام بالبر وبعده جو من مطار الدمام

بس بغيت أتأكد من خبرة المجربين أو المسافرين بالبر متى الحدود تبدأ عليها الزحمة يوم عيد الأضحى؟

هل من بعد الظهر ولا العصر ولا المغرب.. لاني أسمع إن الطوابير تكون طويلة وزحمة شديدة مع بداية الاجازات بس ما ادري عن العيد خاصة انه جاي بعد يومين من بداية الاجازة

والله يتقبل منا ومنكم وكل عام وانتو بخير


:: عبدالله ::

:omen2:

[w.qatar]

نصيحه تطلع الساعه وحده ونص او 2 قبل الفجر يكون المنفذ مافيه زحمه كل سفراتنا نطلع هالوقت و الحمد لله ما نعلق في الزحمه

[بومحمد المطاوعه]

اخوي بخصوص منفذ بوسمره

مافيها زحمه تأكد ان اقل مركز ولله الحمد تصير زحمه عليه
واذا صارت الزحمه
يمكن فقط نص ساعه او ربع ساعه اتم فالمركز

لأن ماشاءالله كونترات الجمارك والجوازات اكثر من 6 كونترات

[(عبدالله)]

نصيحه تطلع الساعه وحده ونص او 2 قبل الفجر يكون المنفذ مافيه زحمه كل سفراتنا نطلع هالوقت و الحمد لله ما نعلق في الزحمه

ودي والله.. اذا القصد فجر قبل صلاة العيد.. انا لازم أكون موجود حق ذباح الأضاحي

واذا القصد فجر ثاني العيد بعد ما يناسبني للاسف لأن رحلتي 4:30 فجر ثاني العيد

جزاك الله خير
:weeping:

[(عبدالله)]

اخوي بخصوص منفذ بوسمره

مافيها زحمه تأكد ان اقل مركز ولله الحمد تصير زحمه عليه
واذا صارت الزحمه
يمكن فقط نص ساعه او ربع ساعه اتم فالمركز

لأن ماشاءالله كونترات الجمارك والجوازات اكثر من 6 كونترات

أن شاء الله وأنا على ثقة

لكن الاشكالية اتوقع من منفذ سلوى

الله المستعان

تسلم بومحمد

[Dana’1]

إذا مامعك خدم الأمور بسيطة إن شاءلله ...غالبا الخدم هم إلي يأخرون
وإذا رحلتك ثاني يوم الفجر ...من الأفضل تحرك أو يوم الصبح بعد ما تذبح أضاحيك وتعايد الأهل حرك عالراحة

بالتوفيق

[بومحمد المطاوعه]

أن شاء الله وأنا على ثقة

لكن الاشكالية اتوقع من منفذ سلوى

الله المستعان

تسلم بومحمد

الله يسلمك ياخوي
صحيح المشكله ف مركز سلوى ولا بوسمره الامور طيبه

[(عبدالله)]

الحمدلله سافرت ورجعت بالسلامة

قبظت الخط الساعة 9 الصبح وكانت المراكز في بداية زحمتها.. يعني أتوقع اللي يغادر من بعد صلاة الظهر بيطب في زحمة أكثر من ساعة

المركزين على بعضهم خذوا مني أقل من 45 دقيقة

يعطيكم العافية جميع

[OM_OMAR_QATAR]

يعطيكم العافية