سرير كهربائي مريح للمعاقين او المشلولين او كبار السن

[VVVIP.QATAR]

السلام عليكم ورحمه الله وبركاته ..

عندي سرير كهربائي بونفر ونص مريح وعملي يخدم كبار السن المقعدين او اصحاب الأعاقه او الشلل ويعمل بلكهرباء في رفع السرير جهه الضهر او جهه الرجل على حسب راحه الشخص


الي يحب يعاين السرير يحط رقم تلفونه وراح اتصله ان شاءالله


وتحياتي للجميع ..

[Aaziz]

السلام عليكم

جزاك الله خير

اخوي اذا هذا السرير مصروف من المستشفى ،، تواصل معاهم قولهم خلصت منه ،، يمكن هم يصرفونه لمريض اخر
او كلم الجمعيات الخيريه هم على اطلاع على حالات مرضى غير قطريين مايقدرون يوفرون سرير مثل هذا
تاكد انه يروح لشخص يحتاجه طبيا بارك الله فيك

[VVVIP.QATAR]

جزاك الله خير ياخوي ..

والسرير شاريه وليس مصروف من مستشفى حمد
وفعلا انا ابحث عن شخص او عائله تحتاج لهذا السرير
وعلي اوصل السرير بنفسي واتأكد من وصوله للشخص المحتاج

ولاهنت على المشاركه الطيبه والله يسعدك ان شاءالله ..

[Aaziz]

الله يجعله في ميزان حسناتك

[VVVIP.QATAR]

اللهم امين ويجعله في ثواب والدي ان شاءالله ..

وانت اذا تعرف حد ارسلي رقمه وانا بتواصل معاه
والله يكتبلك الاجر ان شاءالله ..

[ولد العرب]

اخوي في عضوه عندنا لاحول لها ولا قوة

امها طريحه فراش

اذا ممكن

بلغني بالخاص وبعطيك اسمها وتواصل معها

[alsoq]

انصحك تعرض على الجمعيات الخيريه وان تشترط عليهم تسلمه بنفسك لانه بتحصل عندهم طلبات اسرع واسهل لك

وجزاك الله خير

[VVVIP.QATAR]

انصحك تعرض على الجمعيات الخيريه وان تشترط عليهم تسلمه بنفسك لانه بتحصل عندهم طلبات اسرع واسهل لك

وجزاك الله خير

تواصلت معاهم والى الان تنتظر وماجاني رد

[Charisma]

الله يجزاك الخير ويكتب لك الاجر في هذه الايام المباركه ،،،

[pink pearl]

جدتي تعبانة وطريحة الفراش الله يشافيها ويعافيها
تواصل معاي بالسعر وطريقة التواصل مع أخوي

[الصغيره]

جزاك الله خير ياليت مستشفى حمد تغير اسره العياده الخارجيه الخاصه باهل الرماتيز واجد عاليه وصعب صعودهم وما هي من النوع اللي ينزل كلمنا الاداره لكن اربع اسنين مافيه فايده

[ll vip ll]

جزاك الله خير اخوي

[VVVIP.QATAR]

جزاك الله خير ياليت مستشفى حمد تغير اسره العياده الخارجيه الخاصه باهل الرماتيز واجد عاليه وصعب صعودهم وما هي من النوع اللي ينزل كلمنا الاداره لكن اربع اسنين مافيه فايده

هي جت على الاسره بس !!
الا المفروض يغيرون كل شي دكاتره وممرضين وممرضات واسره ويزيدون اجهزه التصوير و و و و و و و ....

[VVVIP.QATAR]

جزااااكم الله خير جميعا"

وارجو من الاخوان او الاخوات التواصل
الي عنده شخص في حاجه هذا السرير ..


تحياتي للجميع ،،

[كازانوفا]

جزيت خيرا..كان بودي اخده لامى بس للاسف مايصلح لها صعب تطلع من المستشفى. .

[VVVIP.QATAR]

جزيت خيرا..كان بودي اخده لامى بس للاسف مايصلح لها صعب تطلع من المستشفى. .

الله يشفيها ان شاءالله وترجع بيتها ووسطكم سالمه

وجزاك الله خير ..

[al-obaidly]

الله يكثر من امثالك

[نتفـه]

يعل ربي يجعله في ميزان حسناتك يارب ويجزاك خير ويسخر لك الخير في حياتك ..

[VVVIP.QATAR]

الله يجزاكم خير جميع

والى الان مالقيت الشخص الي في حاجه السرير
وللعلم السرير الي عندي مب نفس سرير المستشفى
السرير كبير الي يشوفه يقول كأنه سرير عادي لشخص عادي
ولاكن هلسرير كهربائي يخدم كبار السن والي عندهم اعاقه تنفعهم مثلا اذا يبون يرفعون السرير من عند الضهر لشرب الدوا مثلا او يجلس مع هله او يشوف التلفزيون
والتحكم بريموت وسهل جدا"
اتمنى من الاخوان يتفاعلون مع الموضوع
والدال على الخير كفاعله

الرجاء ارسال رقم التلفون على الخاص فيما يخص هذا الموضوع

[الجـــوديّ]

الله يجزاك خير أخوي وكثر الله من أمثالك

بس ليش ما تترك رقمك في الجمعيات الخيرية .. هم مطلعين اكثر على المحتاجين وتجيهم حالات العوز المختلفة
أو تخليه عندهم كنوع من الوقف .. لو حد انتهى منه يرجع لهم ويعطونه واحد ثاني ويتم لك الاجر ولمريضكم مستمر

مجرد اقتراح

[ameeer3]

الله يجزاك خير أخوي وكثر الله من أمثالك

بس ليش ما تترك رقمك في الجمعيات الخيرية .. هم مطلعين اكثر على المحتاجين وتجيهم حالات العوز المختلفة
أو تخليه عندهم كنوع من الوقف .. لو حد انتهى منه يرجع لهم ويعطونه واحد ثاني ويتم لك الاجر ولمريضكم مستمر

مجرد اقتراح

يقولج تواصل معاهم ولين اللحين ما وصله الرد منهم

الله يجزاك خيرأخوي

[الجـــوديّ]

^

ماقريت كل التعليقات السابقة... شكراً :shy: