اجراءات زواج القطرية من اجنبي

[ترياق]

السلام عليكم

الرجاء من الاخوه والاخوات اصحاب الاطلاع الافاده بموضوع تقديم طلب الزواج

ماهي الشروط ومدة المراجعة ومكانها

ولكم جزيل الشكر

[رهج السنابك]

اسأل الداخليه اتوقع يفيدونك اكثر

[Second Hand]

الف مبرووووووك

[R 7 A L]

السؤال غير واضح اختي

اي طلب قصدج

[راجي الْعفو]

وعليكم السلام

اظن هناك لجنة خاصة بهالموضوع في الداخليه

[رجل مثالي]

وعليكم السلام

اظن هناك لجنة خاصة
بهالموضوع
في وزارة الداخليه
اهم شي دراسة الموضوع
من جميع الجوانب

[al saad]

لجنه الزواج في الداخلية والموافقة تأخذ من 8 اشهر الي الابد يعني اذا ماوفقو طنشولك ويقول راجع لين اتلوع جبدك وعندهم شروط العمر الصحة اذا في صله القرابة وهل القطرية من اصل و فصل ولا متجنسة
وهل المتقدم اصل وفصل ولا الغرض الجنسية هذي الداخلية فاهمين الوضع صح ^___^
يعني خلك صبور اذا تبي واذا مافيك صبر لا تعور راسك

[وليف الشوق]

لجنه الزواج في الداخلية والموافقة تأخذ من 8 اشهر الي الابد يعني اذا ماوفقو طنشولك ويقول راجع لين اتلوع جبدك وعندهم شروط العمر الصحة اذا في صله القرابة وهل القطرية من اصل و فصل ولا متجنسة
وهل المتقدم اصل وفصل ولا الغرض الجنسية هذي الداخلية فاهمين الوضع صح ^___^
يعني خلك صبور اذا تبي واذا مافيك صبر لا تعور راسك

يقول لك (( زواج القطرية من اجنبي )) وايش دخل المتجنس والاصل في موضوع الزواج

[al saad]

يقول لك (( زواج القطرية من اجنبي )) وايش دخل المتجنس والاصل في موضوع الزواج

هل القطرية من اصل قطري ولا متجنسة وبتاخذ ابن خالتها او ولد عمها
خلك فهيم ترى وايد قطريات من اب او ام مش قطري فهني القمنده
يعني محد بياخذها غير قريب لهم

[رهج السنابك]

شلون الغرض الجنسيه!
القطرية ماتجنس زوجها الاجنبي

[al saad]

كل شيء يكون باسم القطرية ممكن ارض ممكن قرض ممكن يشتري بيت ممكن كهرماء ببلاش سجل تجاري وكفالات والخ!!!!! ^_______________^

وبعدين نفس الموال يطالبون بتجنيس الأبناء الانة الام قطريه 0___o

ووالله الشيخة الرد الأكيد في الداخلية مش في المنتدى يقدم والله يوفقه :) وهم بعطونة الرد الأكيد

[HAMAD2008]

اعرف واحد بحريني متزوج قطريه وكل شي باسمها .. سيارات .. محلات تجاريه ،، أرصده فالبنوك كل شي..ولكن الحلال له هو ،، أيش السالفة مادري ،، الريال راهي،، موضوعه يخرع

[رهج السنابك]

مالكم ومال الناس !!

[الزعفراني]

تروح لجنة الزواج من الاجانب .. مكانهم على خبري في شارع النصر خلف التموين العائلي اذا ما خانتني الذاكره

تاخذ طلب من عندهم ويحددون لك الشروط والاوراق المطلوبة منك ومن الطرف الثاني .. يستلمون الطلب بعد مراجعته ويعطونكم وصل للمراجعة .. وعقب فترة المفروض يقابلون الطرفين

كل واحد على حده .. وعقبها بفترة تطلع الموافقه ..

اذا في صلة قرابة بين الطرفين الموافقة تطلع بسرعه خصوصا اذا الاجنبي او الاجنبية مواليد قطر ورابي وعايش فيها

اذا مافي صلة قرابة ممكن يطول الموضوع

واذا كانت الاجنبيه غير مقيمة في قطر بعد بيطول

وبس والله

بالتوفيق ومبروك مقدما