شباب حد يفيدني جزاكم الله خير

[راعي ارقام]

السلام عليكم

عيدكم مبارك وكل عام وانتم بخير .

شباب حاط عيني على موتر في دولة خليجية موديل 81 ..
الحين شنو اجراءات التصدير هل لازم اطلع اورقة اول شي من وزارة الاقتصاد .. ولا من الجمارك ؟؟
ولا لازم اروح الدولة الخليجية واركب لوح تصدير ..
وهل في معارض بالدوحة تفكني من كل هذا وتاخذ فايدتها ؟
ويعطيكم العافية .. وياليت اللي عنده خبره يرد علي عشان تعم الفايدة وجزاكم الله الف خير .

[بومحمد المطاوعه]

هلا الشيخ

اول شي

الله يوفقك فالموتر

ثاني شي بخصوص الموتر

خل المعرض او راعي الموتر يطرش لك صوره من ملكيه السياره
وعقب تسوي كتاب بخصوص الموتر مذكور موديله ورقم الشاصي واللون وكل شي وصوره من المكليه
والكتاب موجهه الى مدير المواصفات والمقاييس

وتروح المبنى الي ف بوهامور عند دوار خميس العبيدلي وتقدم الكتاب

للموافقه علشان تقدرر تجيب الموتر وتركب لوحات قطريه عليه وبس

[راعي ارقام]

اخوي بو محمد واذا انا ناوي اروح افحص الموتر اول ؟
مااقدر من اهناك اركب عليه نمر تصدير واجيبه الدوحه واطلع له موافقه ؟

[راعي ارقام]

شباب ماحصلت مكان المواصفات والمقاييس ؟ ومن مكانهم الحين

[ممنوع اللمس]

مقابل القومسيون الطبي
جبت موتر من قبل
يخلصونك وانت واقف
اهم شي ورقة الموتر وموافقة الاقتصاد والتجاره وكل الاوراق معاك وورقة الجمارك بعد

والله يعينك ويوفقك...

[بوعمير]

الشيخ انا قد شريت موتر كلاسيك من السعودية والإجراءات كتالي:
عمر الموتر 35 سنه وفوق.
شهادة براءة ذمة من المرور في السعودية
تغيير الوحات الى تصدير من السعودية ( كانك تبي تركب عليه لوحة قطرية)
حط الموتر على سطحه لين الحدود ( ولازم تكون موجود او تسوي توكيل حق راعي السطحة)
في الحدود شف لك مخلص جمركي (معقب) يخلص إجراءات الموتر ويصدر البيان الجمركي.
جمرك السيارة 5% من قيمتها ( بيثمنوها الجمارك القطرية)
تخلص الجمرك وتروح المرور في الدوحة وتركب لوحه قطريه، وعندك خيارين الاول استمارة عادية وينفحص الموتر كل كل سنه ( الفحص الفني) الثاني تظهر استمارة كلاسيك والموتر ما ينفحص بس يكون استعماله في المناسبات والمعارض.
ملاحظة: الإجراءات في السعودية يقدر اي مخلص ( معقب) يسويها من دون حضورك و المطلوب صورة البطاقة الشخصية والجواز.
وسلامتك.