اذا عندي فيزا بريطانية من قبل وللحين ماخلصت هل اقدم اونلاين؟

[♫ احسـاسـ طفلـهـ ♫]

السلام عليكم ورحمة الله وبركاته


بغيت اسالكم انا عندي فيزا بريطانيه مسويتها سنتين وتاريخها للحين ماخلص هل لازم ادخل اونلاين واعبي البيانات ولا يكفي اللي عندي ؟؟ لان ماعرف شسوي عقب ماسمعت ان القطرين بدون فيزا لكن عندي فيزا اوردي الحين فهل بعد لازم ادخل واعبي بيانات ولا شلون وجزاكم الله خير

[غير البشر]

عليكم السلام ورحمه الله وبركاته

مرحبا اختي

لا الفيزا الي عندج صالحه ومافي داعي تدخلين تسوين فيزا جديده اون لاين
تقدرين تسافرين وامورج طيبه حتى ينتهي تاريخها

وبعد انتهاء تاريخها ايضا عندج خيارين

يا ان تسوينها اون لاين وقت السفر

او تقدرين تجددينها وتسوينها بالطريقه العاديه حق عده سفرات ولسنوات اكثر

اما الفيزا الموجوده عندج صالحه للسفر بأي وقت :nice:

[♫ احسـاسـ طفلـهـ ♫]

روح الله يفرجهااااااااااااااااا عليك والله كنت احاتي من قلب ومحد فادني بالموضوع الصراحه الله يجزااااااااااااااك خير ويطمنك يارب

[غير البشر]

روح الله يفرجهااااااااااااااااا عليك والله كنت احاتي من قلب ومحد فادني بالموضوع الصراحه الله يجزااااااااااااااك خير ويطمنك يارب



ويجزاج بمثله يارب
ويفرجها علييييج ان شاء الله ويوفقج

تروحين وترجعين بالسلامه ان شاء الله :victory:

[نمر بن عدوان]

والي يسوي فيزا ون لاين لازم قبل 24 ساعه او ممكن قبلها بساعات ؟

[غير البشر]

والي يسوي فيزا ون لاين لازم قبل 24 ساعه او ممكن قبلها بساعات ؟


لا اخوي ماتقدر تسافر عليها
لازم قبل موعد رحلتك اقل شي 48 ساعه بالضبط او اكثر
يعني قبل سفرتك بيومين لازم يرسلون لك الفيزا

اذا قبل السفر بيوم ماتقدر تسافر بالفيزا

[المحاميه]

مثل ماقال اخونا غير
دام عندج فيزا فالجواز ومب منتهيه فخلاص امورج طيبه مايحتاي تقدمين اونلاين

توصلين بريطانيا بالسلامه

[SOUD.QA]

عيدج مبارك اختي

طول ما فيزتج صالحه عادي تكونين فيها في بريطانيا بس لازم ترجعين قبل ما تنتهي واكيد فيزتج Multiple Entry اما إذا سنقل ودخلتي فيها من قبل ما بتقدرين تدخلين فيها مره ثانيه

[hamad almohd]

دام الفيزا صالحة ماعندج اي مشكله تقدرين تسافرين فيها وتقدرين بعد اتجددين الفيزا اذا انتهت يعني عندج خيارين الفيزا او الأون لاين