وين احصل كوفي شوب للفطور زين ?

[MAZEN37]

كل عام وانتم بخير
وين من تجاربكم ابي كوفي شوب اروحه افطر الصبح وتكون قعده هاديه ومناسب للعائلات وبعيد عن الزحمه

[للصبر اخر]

انا احب فطور الاوبرا بالمول هاااادي مافي حددد

[العلياا]

وانت بخير وبصحة وسلامة

صعب تلاقي كوفي جيد بدون زحمة
شخصيا احب قعدت الاوبرا ولكن اكلهم عادي اتوقع اللي فالاند مسكر ربعي راحوا قبل العيد بفترة كان مسكر ماعرف اذا افتحوا احين والا لا
عندك كوفي مادو في ازدن مول وااايد حلو فطورهم لكن عيبه القعده اللي شوي صاده عن العالم فيها ثلاث كراسي تقريبا

عندي حساب فالانستقرام اتحط تقييمها ع مطاعم الدوحة بالتفصيل ان شاءالله يفيدك
food_critic_qtr

[بوحارب]

انا أحب أفطر في السفير كيمة مع بوري ونختمها بقلاص كرك فخم :)

[بصمة قطرية]

انا احب فطور الاوبرا بالمول هاااادي مافي حددد

اوبرا اللي في المول تسكر
يسوون له تجديد
اعتقد بيفتح عقب شهرين ..

[بصمة قطرية]

ايلي فرانس اللي صوب اشارات رمادا ..
البتيل طريق سلوى ..
اوبرا اللاند مارك ..
المطعم اللي في فندق هيرتج ..
المطعم اللي في فندق ويندام ..

[الجـــوديّ]

Paul

في اللاقونا ولاند مارك .. وغالباً زحمة


اذا انت من عشاق البيض ..

عندهم طبق بيض لذييييييذ .. وجنبه مثلث بطاطا يعطيك انتعاش على الصبح

من ألذ أنواع الفطور اللي جربتها

:

[بصمة قطرية]

فعلاً جاكلين paul عجيب
كل شي عنده حلو ..
و ريوقه جداً لذيذ ..
بس عيبه ما في مكان للعائلات ..

[الجـــوديّ]

هلا بصمة ..
صح كلامج ... ومعظم طاولاته برا المطعم
انا اندعست في الزاوية الداخلية اللي باللاند مارك (صادة عن باقي المطعم)... غالبا يكون فيها حريم

[بصمة قطرية]

هلا بصمة ..
صح كلامج ... ومعظم طاولاته برا المطعم
انا اندعست في الزاوية الداخلية اللي باللاند مارك (صادة عن باقي المطعم)... غالبا يكون فيها حريم


انا نفسج رحته مرتين اللي في اللاندً
واندعيت داخل
الطاولة اللي في الزاوية
مثل ما قلتي النسوان يقعدون في هالمكان لأنه صاد ..
و الطاولة لشخصين بس ..

[لاجل QT]

عندك اللى في الستى قريب لايف ستايل ماعرف اسمة..عندهم بوفية افطار..بس عادي

تبي شغل عدل ومرتب

انصحك بالفور سيزون بوفية منوع ومليان من مالذ وطاب..عندهم بيض بالجبنة عمل الشيف روعة

موفق

[Rider]

في البيت احسن ريوق

[دايموند]

وليش انا ريقوقي تصبيره جبن !!! :weeping:

[توشيبا]

لا سيجال

[المحاميه]

روح ذا جيت مكان حلو وهادي ومافيه اي زحمه
جرب وتدعيلي

الاوبرا وايلي فرانس قدام كل عليهم الدهر وشرب

وعندك شوقر اند سبايس بس ضرب نعل عليه ومش مناسب للعائلات

وعندك مادو

[ضوى]

فيه كوفي شوب في bhs اللي مجابل ماكدونالدز السد ، فطوره حلو ، وقعدته رايقه ، كل ما اروحه اشوف طلاب الجامعات بكتبهم وباللابتوب وايد حبيت هالمكان

[العلياا]

ايي صح تذكرت لانوتر

روح اللي فالسد واييد حلو المكان وغالبا فاضي ونظام بوفيه

[وحيد-الشوق]

لادورية فطورهم حلو انا جربته برا الدوحة اومليت وهوت شوكليت لذيذ ريوقهم بس مشكلة غالي شوي الهوت شوكليت برا اخبر قريب ال36 ريال والبيض سادة ب40 ريال

[بوراشد82]

دين اند ديلوكا في فيلاجيو ورى صوب الماركات

[العلياا]

^^^
مسكرينه من فترة

[الزعفراني]

اللي في طريق سلوى اسمه هارديارد اظن ..

[MAZEN37]

اشكر الجميع طلعتوا خبره :victory: