ماهو افضل محل لمراتب السرير

[qatar6]

اريد مراتب سريعه
بالنقل من أسبوع اذا تفصيل او جاهزه
وما هو افضل نوع
ما عندي خبره فالمراتب
جزاكم الله خير

[بيض الخعفق]

المصنع الوطني للمراتب
سوق الخميس والجمعة
خل يفصلك مراتب طبية

[شموخ دائم]

,

,


مرحبا

1-المصنع الوطني ممتاز جدا

2- كنج كويل - شركه عالميه ممتازه جدا

3- سيرتا - شركه عالميه ممتازه جدا

شركات لها سمعتها وكلها بشارع سلوى

,

,

اخوك

شموخ دائم

[Aaziz]

يا سلااام عليك ،، خذ الزبده من اسبوع شاري الفراش

كينغ كويل ممتاز بس غالي ،، لان افضل شي عندهم قيمته 8 الاف على ما اذكر

جمبه بكم محل المصنع الوطني للمراتب ،، فيه مصري اسمه ابو احمد .. محترم و خلوق جدا

خذت منه بس لاتغلط غلطتي ... خذت الميديم سوفت ،، الي قريب من فراش الفنادق ،، هو ممتاز بس تندمت اني ماخذت الهارد (اليابس) طبعا اتكلم عن النوع الي فيه طبقه اسفنج خفيفه فوق
هو بيكون معروض على اليسار اول ماتدخل ،، ثاني واحد ،،، خذ اليابس و بتدعيلي ان شاءالله .. لاتغتر بالي فيه ليونه شوي نفس الي خذته

[شموخ دائم]

,

,

مرحبا


اتفق مع اخونا عزيز ونعم الراي

الهارد احسن هو الاقرب للطبيعه الارض
تحس نفسك راقد في مسطاح
هههه
:)

,

,

اخوك

شموخ دائم

[معماري قطري]

خذت من كنغ كويل كذا مره وأَقدمها من 10 سنين وتصميم خاص بمقاس سوبر كنغ سايز .. 215 في 210 وللحين كأَنه جديد .. السمك 35 سم

[qatar6]

جزاكم الله خير

[وليف الشوق]

نصيحه سو مثلي وروح للمصنع نفسه واختار الحجم والمقاس الطبي المناسب لك ،، للعلم ان المصنع في الصناعية وللاسف نسيت رقم الشارع بس اعتقد بداية شارع الوكالات واخذ الرقم من ooredoo

[قلب الحدث]

في نوع من المراتب ينقال عنها memory foam يمدحونها وتقيمها عالي في امريكا بس ماعرف حدا جربها انا عندي من المصنع الوطني للمراتب واخد الهارد مثل ماقال عنها الاخ عزيز اخدها من 3 سنوات ممتازة الصراحة بس لما انام فترة طويلة اقوم ظهري يعورني شوي

[معماري قطري]

في نوع من المراتب ينقال عنها memory foam يمدحونها وتقيمها عالي في امريكا بس ماعرف حدا جربها انا عندي من المصنع الوطني للمراتب واخد الهارد مثل ماقال عنها الاخ عزيز اخدها من 3 سنوات ممتازة الصراحة بس لما انام فترة طويلة اقوم ظهري يعورني شوي

المموري فوم تكنولوجيا جديدة ببساطة تتخذ شكل جسمك وتكون فيها قابلية للإِنضغاط .. أَغلى من الفوم العادي

العجيب هناك نوع كنت ناوي أَسوقه في قطر بس للأَسف الشركة طلعت حديثة الإِنتاج وسعر المنتج غالي وايد وما توقعت ينجح في قطر والتعاون منهم كان سيء .. المنتج اسمه sleep number وهو بضغط الهواء خلال خلايا دقيقة وتحط الرقم اللي يناسبك برموت كنترول .. فيه كم موديل وبعضها يتحرك مثل الكرسي يستوي وبعضها فيه تكييف وتدفئة وبعضها مساج .. من شوي قريت عنه في كونسيومر ربورت حصلت إِنه ما يسوى سعره الغالي .. وشكل الشركة تصرف وايد على الدعايات والتخفيض من وقت لوقت وبتفلس أَو بتخسر.

رابط كونسيومر ربورت

http://www.consumerreports.org/cro/news/2014/08/sleep-number-beds-differ-in-price-but-not-comfort/index.htm

[ja077]

المصنع الوطني للمراتب
عندهم تفصيل حسب الطلب وعليه ضمان
في نوعيات مختلفه منها الميموري فوم والبوكيت آسبرنج