تحذير من التعامل مع شركة المانع للسيارات؟؟؟؟؟؟؟؟؟؟؟؟؟؟؟؟؟؟؟؟

[المخضرم85]

السلام عليكم ورحمة الله وبركاته
اخواني موضوعي يتعلق بانني قبل العيد رحت وكالة الفورد ابي اشتري سيارة المهم اخترت السيارة ودفعت المقدم35800 الف ريال من اجمالي المبلغ 200000 الف ريال والاقساط الشهرية 4570 ريال لمدة 3 سنوات وكان الموظف مستعجل ويبي يخلص بسرعه ومافي احلى من كلامه وكان يقول السيارة امانه واحنا هدفنا ارضاء العميل وانه مسوي لي خصم والسياره جديده طلبها لي الموظف من الاستور وعلى حسب كلامه واقفه فالشمس بس ما قال كل هالعيوب بتطلع فيها وعقب ما استلمت السيارة اختلفت المعاملة وبديت اكتشف فيها عيوب مثل وطلع الديكور الداخلي صوب القير مشمخ والليتات الخلفية تتحرك والصبغ اللي فباب السايق مقشر وربلات المساحه منتفة وكانه السيارة مستعمله, والسياره فيها ليت في المنظرة كله يعلق حزات يكون ما في سيارات صوب السيارة وهو يولع انه فيه سيارة والرنقات فيها زلوغ وغير رقلة السيارة عقب اكتشفوا ان التواير يبيلها تغيير وغيروها والسيارة من تحت مصديه والشكمان فيه صدى شنو تنصحوني فيها يااخواني؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[حليتان*]

المانع الي هي وكالة الفورد صح ؟؟

ننصحك اذا سيارتك جديده تشتكي عليهم وترفع عليهم قضيه عن طريق حماية المستهلك

[المخضرم85]

أي نعم اخوي الفورد

[(بوطلال)]

الكل ينتبه الي يفكر يشتري اي سياره جديده يوديها الفحص !

اكيد البعض بيستغرب بيقول شلون جديده واوديها الفحص ؟

لكن الي صاير ان الكثير من السيارات الجديده تتعرض لحوادث ودعمات وممكن تكون منسدحه او تنضرب من قدام بسبب النقل الطويل من بلد لي بلد او اثناء تحميلها في السطحات المخصصه للسيارات او انزالها بشكل غير صحيح وتتلخلخ او تكون تعرضت لكوارث في بلدها مثل الامطار والهزات وتأثرت . ويمكن شفتوا الفيديو للمواتر المنسدحه بعد ان طاحت من السطحه قبل فتره وهذي المواتر يتم اعادة تصليحها وممكن تباع عن طريق الوكيل او المعارض اصفار لكن معاد تعديلها .

[يوسف0]

الكل ينتبه الي يفكر يشتري اي سياره جديده يوديها الفحص !

اكيد البعض بيستغرب بيقول شلون جديده واوديها الفحص ؟

لكن الي صاير ان الكثير من السيارات الجديده تتعرض لحوادث ودعمات وممكن تكون منسدحه او تنضرب من قدام بسبب النقل الطويل من بلد لي بلد او اثناء تحميلها في السطحات المخصصه للسيارات او انزالها بشكل غير صحيح وتتلخلخ او تكون تعرضت لكوارث في بلدها مثل الامطار والهزات وتأثرت . ويمكن شفتوا الفيديو للمواتر المنسدحه بعد ان طاحت من السطحه قبل فتره وهذي المواتر يتم اعادة تصليحها وممكن تباع عن طريق الوكيل او المعارض اصفار لكن معاد تعديلها .

شنو اسامي الشركات الي تنصح الفحص فيها ؟؟

[(بوطلال)]

شنو اسامي الشركات الي تنصح الفحص فيها ؟؟

طريق سلوى مليان شركات فحص للقطع الداخليه و ممكن توديها اي مكان متخصص صبغ يقدر يكتشف اذا كان الموتر معاد صبغه او صبغة المصنع او في قطع تم تبديلها .

[رجل الجزيرة]

روح لحماية المستهلك، بيض الله وجيههم.

[وحيد-الشوق]

للأسف ولا وكالة للمانع من الفورد للجيب والدوج وغيرها زينة من اسوء الوكالات في قطر لاخدمة ولا اسعار ولاتوفير قطع غيار والكل يشتكي منهم حتى النيسان الي مواترهم منتشره بعد وكيلهم تعبان

مادري ليش ماسكين الوكالات اذا محد مقدر العميل

الله يعينك ياخوي اشتكي عليهم في حماية المستهلك ودش تويتر ولاتخلي اي وسيلة الا وتنشر فيها مشكلتك هذا حقك متى نفتك من الاحتكار بس :(

[يوسف0]

طريق سلوى مليان شركات فحص للقطع الداخليه و ممكن توديها اي مكان متخصص صبغ يقدر يكتشف اذا كان الموتر معاد صبغه او صبغة المصنع او في قطع تم تبديلها .

يعطيك العافية شكرا

[يوسف0]

للأسف ولا وكالة للمانع من الفورد للجيب والدوج وغيرها زينة من اسوء الوكالات في قطر لاخدمة ولا اسعار ولاتوفير قطع غيار والكل يشتكي منهم حتى النيسان الي مواترهم منتشره بعد وكيلهم تعبان

مادري ليش ماسكين الوكالات اذا محد مقدر العميل

الله يعينك ياخوي اشتكي عليهم في حماية المستهلك ودش تويتر ولاتخلي اي وسيلة الا وتنشر فيها مشكلتك هذا حقك متى نفتك من الاحتكار بس :(

المهم عند الشركات الربح فقط والعميل اخر همهم

ومافي حل للأحتكار

[بن مسلم]

المانع الي هي وكالة الفورد صح ؟؟

ننصحك اذا سيارتك جديده تشتكي عليهم وترفع عليهم قضيه عن طريق حماية المستهلك

شكلك ماتعرف من هو الوكيل شخصيا انا تعاملت معاهم في اكثر من سياره وهو الوكيل لكل من دوج وفورد وبيجو وجيب وكراسير مع كل هالوكالات ماعنده الا كراج واحد في الصناعيه وتوهم بعد سنوات فتح فرع صوب الاند بختصار هو مايهمه السريفس كثر مايهمه البيع عكس المناعي والفردان.

يعني حماية المستهلك مايقدرون يسون شي.

[شيخ الديرة]

رتب شكوى مفصلة باللغة الانجليزية وروح على موقع خدمات الزبائن في موقع فورد الأمريكي وإشتكي هناك، وطرش نفس الشكوى لكل ايميل تلقاه من شركة فورد، وهدد الموظف اللي تعامل وياك إن وظيفته ستكون ضريبة لهذا التصرف، إيديهم اللي توجع هناك، مو هنا، من تجربة.

[بن مسلم]

رتب شكوى مفصلة باللغة الانجليزية وروح على موقع خدمات الزبائن في موقع فورد الأمريكي وإشتكي هناك، وطرش نفس الشكوى لكل ايميل تلقاه من شركة فورد، وهدد الموظف اللي تعامل وياك إن وظيفته ستكون ضريبة لهذا التصرف، إيديهم اللي توجع هناك، مو هنا، من تجربة.

من سنين الناس تشتكي علي هالوكيل لانه من اتعس خدمات مابعد البيع علي مستوي العالم يمكن بعد والله حرام لو هالوكالات كانت عند الفردان او المناعي او اي حد ثاني جان جفنا شلون لكن الله كريم انا اتمني انه الوكاله الام تسحب منه الوكاله وتعطيها واحد يهتم في الصيانه

[captin]

الله يعينك عليهم يا خوي

الافضل انك تسوي رسالة رسمية الى الادارة بالشركة موجهة باسم بدر المانع
وتذكر فيها الوقائع اللي صارت معاك وتذكر اسم الموظف اللي سوى المعاملة
وتطلب فيها اصلاح جميع العيوب واعطائك سيارة بديلة خلال مدة التصليح.

انتظر أسبوع اذا ما ردوا عليك خذ نسخة الرسالة وودها إدارة حماية المستهلك
واطلب منهم التدخل لحل الخلاف مع الشركة.

للأسف سبب كل هذه الخدمات السيئة لمعظم شركات السيارات هو الاحتكار
لو المجال مفتوح لدخول منافسين جدد في السوق لتوريد السيارات بانوعها وقطع الغيار
وفتح ورش صيانة كان تغير الحال.

[qatari 111]

الحل عند المحاامي هو راح ياخذ حقك منهم لا رسيال ولا اميلات.
من حقك تسترد فلوسك او يعطونك سياره بديله .

[شيخ الديرة]

من سنين الناس تشتكي علي هالوكيل لانه من اتعس خدمات مابعد البيع علي مستوي العالم يمكن بعد والله حرام لو هالوكالات كانت عند الفردان او المناعي او اي حد ثاني جان جفنا شلون لكن الله كريم انا اتمني انه الوكاله الام تسحب منه الوكاله وتعطيها واحد يهتم في الصيانه

أنا على يقين تام ان اصحاب الوكالات لا يسمحون بهذا المستوى المنحط من الخدمات التي تحمل أسمهم. ولكن المشكلة ان المدراء والموظفين الذين يتعاملون مع الزبون لا يخافون ولا يستحون, ومرتبين الأمور بحيث المسؤولين الكبار ما يوصلوهم خبر.

لا تطلب أقل من سيارة جديدة بدل السيارة هذي, أنت دفعت لسيارة جديدة, لش تقبل سيارة غير.

[شيخ الديرة]

أملأ هذي الأستمارة بالعربي والتي تصل الى شركة فورد الأم , قسم الشرق الأوسط, يحتاجون رقم هيكل السيارة, وحط أختيار البيع والتسويق من القائمة, لأن الموضوع غش وخداع.

https://www.secure.me.ford.com/ar/qat/contact-us

لا تنسى أن تكتب أنك اذا لا تستلم الرد بسرعة فسوف تضطر الى الأتصال بمدراء الشركة هاتفيا للتبليغ, من الضروري أن ترجف الموظفين الصغار حتى تنحل مشكلتك. المدراء الكبار لا يقبلون بهذا, لو يعلمون.

[Banker079]

اخوي مالك غير ترفع دعوى عليهم.
انا صار معي مثلك، طلعت سيارة من عندهم وبعد ما الاستلام لاحظت صوت عند التواير الأمامية بعد ما تعدي مطب. رجعت عليهم وقالو ال(shock absorbers) إلى على اليميين في مشكلة وبدلوه بعد الهواش معاهم واستلمت السيارة ولاحظت المشكله موجودة ما نحلت ومن يومك أود السيارة ويشتغلون فيها وما نحلت المشكلة.
لا حماية المستهلك ولا موقعهم للأم بسوون شوي بعد ما جربتهم.
روح كار ماكس افحص السيارة وطلع تقرير بالعيوب وروح عليهم ولو ما تصلح ارفع دعوى.

[محمد11]

الله يعوض عليك
لاتوديها.فحص ولا شي
روح بدل السياره اذا فيها كل هالعيوب…
لاني اخبر واحد من اعضاء المنتدى صارت له مثل هالحاله ..
كلم حماية المستهلك… وكلم الشركة الام…
ولاتستلم السياره…
لو ماخذ سياره مستعمله مابتكون فيها كل.هالبلاوي…
مثل ماقلت لك لاتوديها فحص ولا شي ..
رجع السياره وخذ غيرها .. ولا رجع فلوسك واشتك من كل.الجهات

[مواقف النجادة]

اعتقد ان موضوعك واضح و بسيط .. و نصيحتي روح حماية المستهلك بأسرع ما يمكن .. و راح يجيبون لك حقك بإذن الله ..

و نصيحتي للي يستلمون سيارة من الوكالة انهم يلفون لفة حواليها يشيكون عالصبغ و الصطابات و يبطل الموتر و يشيك عالسيتات و الديكورات و يشوف طبلونها كم ماشية.. ثم يبطل البانة و يلقي نضرة عالمكينة .. هل فيه آيل يليك؟ .. و يشوف مستوى الزيوت و ماي الراديتر .. كل هذا قبل لا يوقع عالاستلام و يركب الرقم.. و ما يحتاج انه يسوي هالاشياء بيده .. بل يطلب من الموضف اللي يسلمه السيارة انه يبطل له البانه و يشيك له عالزيت جدام عيونه الخ.. و يفضل عند الذهاب لاستلام سيارة جديدة توخي ان يكون الاستلام قبل مغيب الشمس لانه في الليل ماراح تقدر تفحص الموتر عدل .. و سلامتكم.

[بن مسلم]

الي مستغرب منه انه وكالات مثل الفورد والجيب والبيجو والدوج والكارسيلر شلون راضين انه الخدمه اتكون بهالطريقه الصراحه انا مالوم الموظفين اللوم بدر المانع شخصيا لانه هو عنده خبر بكل صغيره وكبيره وافضل مثال سيارة اخونا صاحب الموضوع مشمخه ووضعها مزري مع انها جديده ليش بختصار لانه ماعندهم مكان في الستور حطوها في الشمس واخر شي لبسوها في احد الاشخاص شي محزن

[عازف]

حسبي الله ونعم الوكيل،،،الله يعينك،
روح حماية المستهلك ، حتى تصليح لاترضى

[qatarman8008]

اول شي انصحك توقف السيارة ولا تستخدمها..
وتروح حماية المستهلك وترويهم السيارة والعيوب اللي فيها..
واضح انك دفعت فلوسك وعطوك سيارة ليس لها علاقة بالجديدة سوى عداد الاميال..
المطلوب سيارة جديدة لان ما اعتقد يرجعون لك فلوسك..
واذا فعلا قدر حماية المستهلك انه يجيب لك سيارة جديدة فانت من المحظوظين..
لانه في الغالب لا يتم احتساب الخطا على هالشركات الكبيرة..

[المخضرم85]

ان شاء الله يا خوي بحاول المشكله اليوم امسكرين اشكر كل من رد علي

[طلعة الروح]

مشكلة هالمواتر ماعليها طلب وايد، ف تلاقي الموتر يتم يخيس عند الوكيل وانواع التدمير من قبل المارة والعمال والموظفين،ومع ذلك من حقك ترفض استلام السيارة عقب ماتشوفها بالنظر وتفصحها عدل قدام الموظف.


روح لهم بكره فاتحين دوامهم العادي.

[..mmn..]

سبحان الله

[المخضرم85]

انشالله اخوي الله يسمع منك ويبدلون لي بسيارة جديدة وانشالله بكره نوافيكم بالاخبار

[يوسف0]

http://www.qatarshares.com/vb/showthread.php?595362-%C7%E1%C7%DE%CA%D5%C7%CF-%CA%E1%C7%DA%C8-%E6%DB%D4-%C8%E6%DF%C7%E1%C9-%D3%ED%C7%D1%C7%CA-%E3%D4%E5%E6%D1%C9

[باراكودا]

بشر صادوهم في الحملة الاخيرة

[7llo]

اوووف والله حرام دافع مبلغ بهل القيمه ونصبو عليك نصيحه ارفع قضيه واطلب تعويض او راسل شركه فورد في امريكا واكتب لهم موضوعك وقولهم لو مابدلتو سيارتي بارفع عليكم قضيه