أيهم افضل: القطرية , الاتحاد , الإماراتية

[نااادر]

السلام عليكم

محتاج رأيكم فالخطوط الثلاث
من الدوحة الى لوس انجلوس بغض النظر عن السعر

ابي مقارنة بالخامة و الخدمة و اريحية المقاعد

وهل يكون الكرسي 180 درجة فلات

انا جربت القطرية من قبل بس ابي رايكم فالاتحاد الإماراتية خاصة وأنهم يطلعون دايركت الى لوس انجلوس
طبعا لدرجة رجال الاعمال


نستفيد من نصائحكم و كل عام وأنتم بخير

[Aaziz]

القطرية الكرسي يصير سيده اكيد ،، طياره اعتقد 300-777
اذا مايهمك الترانزيت انصحك شوف الاتحاد او الاماراتيه ،، ناسي ايهم الي الاولى لك كبينه مستقله و يوصلونك من البيت للمطار في الدولتين مهما كان بعد بيتك

[captin]

مرحبا اخوي الكريم

بالنسبة للناقلات الثلاث راح تكون رحلتك ترانزيت
بالنسبة للقطرية اذا طلعت من الدوحة الى امريكا , وبما انها لاتطير الى لوس انجلوس مباشرة.
اكيد راح تغير في نيويورك او شيكاغو او واشنطن او فلادلفيا او دلاس او هيوستن او ميامي .

اما بالنسبة للاتحاد او الامارات راح تغير اما في ابوظبي او دبي لانهم الثنتين يطيرون مباشرة الى لوس انجلوس.

انا رأيي الشخصي افضلهم من ناحية الكراسي طيران الاتحاد لانها تصير مستوية تماما
بدرجة 180 وطريقة تصميم البزنس تعطيك خصوصية

http://www.seatguru.com/airlines/Etihad_Airways/Etihad_Airways_Boeing_777-300ER.php

. والامر الثاني انك مع طيران الاتحاد تسوي كافة اجراءات الجوازات الامريكية
والجمارك في مطار ابوظبي قبل المغادرة يعني تنزل تستلم شنطتك وعلى السيارة .
رحلة طيران الاتحاد تطير يوميا من ابوظبي الساعة 2:20 بعد الظهر يعني تقدر تاخذ
رحلة من الدوحة الساعة 9 صباحا وتوصل 11 يكون باقي عندك حوالي 3 ساعات
لانهاء الاجراءات والاسترخاء بمطار ابوظبي .

[Um Sultan]

جربت الاماراتيه والاتحاد لين لوس انجلس

الاماراتيه افضل من حيث هدوء الطياره لان البزنس يكون في الطابق الثاني من الطياره بعيد عن ازعاج السياحيه وماتحس بالمكينه ولا هبوط واقلاع الطياره
وحجم الكرسي والراحه والخصوصيه كل كرسي مفصول ومعزول بحاجز ويحطون لك فرشه اسفنج بيضاء على الكرسي لما تبي تنام وخدمتهم واكلهم روعه


الاتحاد نفس كراسي الاماراتيه شوي اصغر بس الطياره طابق واحد والازعاج حدث ولا حرج ازعاج المكينه والسياحيه وفوق هاي تحس بكل مطب هوائي فالجو
خدمتهم شوي تعبانه المظيفات ماعجبوني والاكل عادي مب ذاك الزود بس ميزتهم تخلص اجراءات دخول امريكا في بوظبي وتنزل مطار لوس انجلس بدون ماتمر على الجوازات


برايي الاماراتيه الافضل حق لوس انجلس تطلع من الدوحه الساعه 4 الفجر تقريبا لين دبي ترانزيت 3 ساعات وبعدين لين لوس انجلس 16 ساعه دايركت

سعر البزنس الاتحاد كان ب 18 الف ريال
الاماراتيه ب 21 الف ريال تقريبا
وتتغير حسب المواسم تنزل وتترتفع التذاكر

[عاشق العديد]

بما اني جربت الاثنين .. وعانيت جدا من القطريه ..

فا انصح الاماراتيه ..

روح دبي ..
وعقبها لوس انجلوس ..
احسن لك بواجد ..
لانه مصيبه تروح ع القطريه وتنزل لك ممكان ثاني سوا هيوستن او ميامي .. بتهلك ..
والاماراتيه كراسيها مريحه .. واحلا من القطريه بعد ..
وتذكره ارخص يمكن بـ 14 الف ..
فا توكل ع الله ..

[غير البشر]

القطرية الكرسي يصير سيده اكيد ،، طياره اعتقد 300-777
اذا مايهمك الترانزيت انصحك شوف الاتحاد او الاماراتيه ،، ناسي ايهم الي الاولى لك كبينه مستقله و يوصلونك من البيت للمطار في الدولتين مهما كان بعد بيتك



صح يا السمي

واضيف الى ذلك مع اني ماجربت
بس طيران الاتحاد تخلص تسجيل دخولك امريكا يعني في مطار امريكا عند الوصول مالك علاقه بطابور الجوازات واتخليص اجراءات الوصول
طيران الاتحاد يقوم بالمهمه :victory:

[غير البشر]

جربت الاماراتيه والاتحاد لين لوس انجلس

الاماراتيه افضل من حيث هدوء الطياره لان البزنس يكون في الطابق الثاني من الطياره بعيد عن ازعاج السياحيه وماتحس بالمكينه ولا هبوط واقلاع الطياره
وحجم الكرسي والراحه والخصوصيه كل كرسي مفصول ومعزول بحاجز ويحطون لك فرشه اسفنج بيضاء على الكرسي لما تبي تنام وخدمتهم واكلهم روعه


الاتحاد نفس كراسي الاماراتيه شوي اصغر بس الطياره طابق واحد والازعاج حدث ولا حرج ازعاج المكينه والسياحيه وفوق هاي تحس بكل مطب هوائي فالجو
خدمتهم شوي تعبانه المظيفات ماعجبوني والاكل عادي مب ذاك الزود بس ميزتهم تخلص اجراءات دخول امريكا في بوظبي وتنزل مطار لوس انجلس بدون ماتمر على الجوازات


برايي الاماراتيه الافضل حق لوس انجلس تطلع من الدوحه الساعه 4 الفجر تقريبا لين دبي ترانزيت 3 ساعات وبعدين لين لوس انجلس 16 ساعه دايركت

سعر البزنس الاتحاد كان ب 18 الف ريال
الاماراتيه ب 21 الف ريال تقريبا
وتتغير حسب المواسم تنزل وتترتفع التذاكر



ملاحظات مهمه وجيده تشكرين عليها :nice:

[Abo Ahmed]

شخصيا جربت البزنس على القطرية لمونتريال بكندا وكانت ممتازة..

بالنسبة لك، لو حجزت الرحلة كاملة عن طريق القطرية بزنس، بيكون الرحلات التالية على الخطوط الأمريكية الداخلية بعد بزنس!

رحلة سعيدة.

[captin]

خيار آخر غير الشركات الخليجية حلو ورخيص

هو السفر مع لوفتهانزا عن طريق فرانكفورت.

[qatar2014]

بالنسبة لى القطرية افضل خطوط اعتبرها ايضا في العالم لان
القطرية لديها كراسي ممتازة , ودايما تكون اقل ترانزيت

وجربت قطر الى ريداجينيرو
كانت تجربة مثالية
وخطوط جدا راقية القطرية