والحل مع هروب الخدم

[مجلان]

ما الحلول مع هروب الخدم بعد 6 اشهر والمكتب يقول ادفع التذكره او معاش ماستلمتا لمده شهرين ولقوها في السفاره ليش مايتفاهم مع السفاره وكلن ياخذ حقه والمكتب يقولك ريح دماغك عن المشاكل دافع 12 الف !!!!!!!!!!!!!!!!!!!!!!!!!!!!!!!!

[qatari 111]

الصرااحه الحل مع هروب الخدم ... عند الحريم يقتدون بنفس ايام امهااتنا الله يحفظهم ويرحم من توفى

يقعدون فس بيووتهم للي مالها حاجه ملحه للراتب وزوجها مقتدر بمصاريف البيت وتشد حيلها بامور البيت .. الحركه بركه ونظافة الزوجه او البنت في بيتها انظف من الخدم اللي ينظفون الظاهر قدام عيونا

[ضوى]

بيوت اول كلها غرفتين او ثلاث غرف ان كثرت وحوش صغير ومجلس ، بيوت اول صغيرة ملمومة اكثر حميميه اكثر سهله التنظيف ، الحين وين بيوتنا ماشاء الله ، مب اقل من دورين كل دور فيه اربع غرف بحماماتهم غير الصالات والميالس والمطابخ ، قبل يوم بيتي صغير وعيالي صغار ماحتجت الخدامة كثر الحين ، الحين العيال وايوهم ماشاء الله ثيابهم اشكثر غسيل واوتي بروحه جهد وتعب ، تنظيف وطبخ ، شبتسوي عالمرة الداد لها لازم احد يعاونها من حقها ترتاح ، بس اذا تتكلم عن النسوان اللي توهم متزوجين وماعندهم الا واحد والا اثنين مايحتاج شغاله ، وبعدين مب الحل اني ماجيب شغاله ، الحل انه يكون عدل اكثر من جذي ، شغالة مالها ظ¦ شهور تشرد تروح سفارة بلادها ، وتعالوا دفعوا لها تذكرتها ، طيب و12 الف اللي دافعينها من مسؤول عنها ! ليش مافي شي يضمن حق الكفيل لمدة سنتين مدة العقد !؟؟؟؟

[شيخ الديرة]

الصرااحه الحل مع هروب الخدم ... عند الحريم يقتدون بنفس ايام امهااتنا الله يحفظهم ويرحم من توفى

يقعدون فس بيووتهم للي مالها حاجه ملحه للراتب وزوجها مقتدر بمصاريف البيت وتشد حيلها بامور البيت .. الحركه بركه ونظافة الزوجه او البنت في بيتها انظف من الخدم اللي ينظفون الظاهر قدام عيونا

هذا ليس حل واقعي للمشكلة

يجب ان نعرف الأسباب التي تشجعهم على الهروب ونتفاداها, ونعرف الأسباب التي تشجعهم على الأستمرار في العمل ونطبقها.

الشغل الكثير, في أكثر من بيت, ليل نهار, قلة الأحترام والمعاملة الأنسانية, الموبايل, الانترنت, الألتقاء بخدامات أخريات, انعدام محفزات الرواتب, الخ كلها تشجع الى الهرب

حفلة وكيكة عيد ميلاد بأسمها أول يوم توصل, زيادة على الراتب 100 ريال كل 3 شهر, مكالمات هاتفيه مجانية لبلادها, راحة يوم الجمعة لوقت صلاة العصر, ألخ, عز ليش أهرب

[حسن]

الصرااحه الحل مع هروب الخدم ... عند الحريم يقتدون بنفس ايام امهااتنا الله يحفظهم ويرحم من توفى

يقعدون فس بيووتهم للي مالها حاجه ملحه للراتب وزوجها مقتدر بمصاريف البيت وتشد حيلها بامور البيت .. الحركه بركه ونظافة الزوجه او البنت في بيتها انظف من الخدم اللي ينظفون الظاهر قدام عيونا

اتفق معك ويجب التقليل من الاعتماد عليهم

ولكن في ضل الرفاهيه والوراتب العاليه مستحيل ام ب سيبل
والايام الجايه بتوصل ضعف الاسعار وبعد بيدفعون دام الفائض كثير

[بنـ الدحيل ـت]

السلام عليكم ورحمة الله

أتمنى وضع قوانين صارمة للخدم

[MAZEN37]

اتفق مع كلام الاخت ضوغŒ مساحة البيوت كبيره وتبيلها همه عاليه

[Rider]

الي ماتبغي تقعد من الحريم في البيت اطلع لها اعذار البيوت غير ومادري وشنو

[راجي الْعفو]

الله يحيك اخوي ..

فعلا امر مؤسف .. وكأن هناك تواطؤ بين الخادمه و بعض مكاتب الخدم أو جهات خارجية ..

وزارة العمل .... لا بد و ان تضع شروطا صارمة تختص

بمكتب الخدم

و الخادمة نفسها

و كذا المستفيد

ويقع جزء من العتب على إهمال بعض النسوة لبيوتهن

مع التحية ..

[حسن]

السلام عليكم ورحمة الله

أتمنى وضع قوانين صارمة للخدم

ننتظر القانون القادم

[qatari 111]

بالعكس ايام امهاتنا الله يحفظهم كانت البيوت كبيره والبنات كانوا يساعدون امهاتنا في شغل البيت .. مب مب بنات هاليام طاايحه بالاستغرام والواتساب والكلام الفاضي

عن الاعذار اللي مالها معنا .. والحمدلله في شركات تنظيف البيوت عندهم خدامات ياخذون باليومي او غقد شهري ابرك من الخدامات اللي نجيبهم على كفالتنا .

البيت مايبيله خم كل يوم بالاسبوع 3 مرات .. والغسالات الحمدلله قط الثياب وحط عالتوماتك والامور طيبه واقرب دوبي فالفريج كم من عشر ريالات .

والله ماذبحكم الا الكسل وحب الماده وهاذي هي الصراحه .

[بنـ الدحيل ـت]

حسن ،، الله يسعدك

لو علي أنا أحط القانون ،،

1 -
2 -
3-
،،، إلخ

ومن هالقانون أنها أذا شردت تنسجن سنتين وعقب تسافر

اهنيه اعتقد بيتأدبون الخادمات

:)

أنا والحمدلله للحين ما عندي خادمة

[دايموند]

نقعها بالسفاره
وخلها تدفع قيمه التذكره من حسابها

[ضوى]

ياليت اللي يتكلم يحدد هو راد على اي عضوة مب كلام مبطن ، نعم انا قلت البيوت غير ، اتحداكم بيوت اول زي بيوت الحين الا طبعا الشيوخ والراهين وهذولي بدل الخدامة ثلاث واربع وغير الصبيان لحد يتكلم عن شي مايعرفه ، الثياب اللي نوديها الدوبي ماتكلف مب ميزانيه بروحها ، لا والله اجيب شغاله تريحني وتشيل شغل البيت من الى وانا اتابع واراقب وبس ، وعيالي تحت امانتي ابرك لي ، متحسفة قد شعر راسي ضيعت وقتي وصحتي بتنظيف وترتيب وخم واوتي كان ممكن اقضي هالوقت مع عيالي وشغاله تشيل عني هالتعب ، لا تتفلسفون وايد وتتكلمون بامور انتوا ماتدرون عنها ،

الموضوع عن هروب الشغالات ماله داعي تقلبونه عالنسوان ، كل واحد يسنع بينه ونسوانه ويخلي الغير يسنع نسوانه وبيته وكل واحد يصلح سيارته بنفسه على قوله البعض

[JN000N]

بيوت اول كلها غرفتين او ثلاث غرف ان كثرت وحوش صغير ومجلس ، بيوت اول صغيرة ملمومة اكثر حميميه اكثر سهله التنظيف ، الحين وين بيوتنا ماشاء الله ، مب اقل من دورين كل دور فيه اربع غرف بحماماتهم غير الصالات والميالس والمطابخ ، قبل يوم بيتي صغير وعيالي صغار ماحتجت الخدامة كثر الحين ، الحين العيال وايوهم ماشاء الله ثيابهم اشكثر غسيل واوتي بروحه جهد وتعب ، تنظيف وطبخ ، شبتسوي عالمرة الداد لها لازم احد يعاونها من حقها ترتاح ، بس اذا تتكلم عن النسوان اللي توهم متزوجين وماعندهم الا واحد والا اثنين مايحتاج شغاله ، وبعدين مب الحل اني ماجيب شغاله ، الحل انه يكون عدل اكثر من جذي ، شغالة مالها ظ¦ شهور تشرد تروح سفارة بلادها ، وتعالوا دفعوا لها تذكرتها ، طيب و12 الف اللي دافعينها من مسؤول عنها ! ليش مافي شي يضمن حق الكفيل لمدة سنتين مدة العقد !؟؟؟؟

لا الله يسلمج
بيطلعون لج الجهله بيقولون لا مب لازم خدامه وخلها تكرف ف بيتها وتربي عيالها
مادري الريال لين خذ المره ماخذها عشان تصير خدامه ؟ تخم وتغسل وتنظف
ذابحينا امهات اول وامهات اول اسمله عليكم بيوتكم مافيها خدم!
لا ولين صج المره قعدت فالبيت ومن الصبح قامت وريقته وراح الدوام وراحو عيالها المدرسه قامت تغسل ثيابهم والحمامات وتعدل الغرف وراحت ترز الغدا ورجعت تشيل الثياب وتوديهم تكويهم وترد تنجب لهم الغدا ويروح هو يوقد وتجايل هي عيالها تدرسهم والعصر بتقوم تسويله فولله وبتكمل تكوي الثياب وبتروح تراكض ورا عيالها هذي وصخ وهذي كت عصير وهذي مادري شكسر وهكذا
وترد عقب لعشا ترز عشاه وبيي بارده مبرده بيزحر وبيروح يرقد وهي لحين ماخلصت شغل ولين قالها وينج بتقوله مشغوله ف البيت
اخر شي بيروح يعرس عليها مرتي مب فاضيتلي هبابها بيتها وعيالها اما انا هاملتني :)
تركو عنكم بس
دام عندك فلوس بالريال بتنق فلوسك وبتييب بدل الخدامه عشر الزم ماعليها المره راحتها وراحة عيالها وريلها

[JN000N]

بالعكس ايام امهاتنا الله يحفظهم كانت البيوت كبيره والبنات كانوا يساعدون امهاتنا في شغل البيت .. مب مب بنات هاليام طاايحه بالاستغرام والواتساب والكلام الفاضي

عن الاعذار اللي مالها معنا .. والحمدلله في شركات تنظيف البيوت عندهم خدامات ياخذون باليومي او غقد شهري ابرك من الخدامات اللي نجيبهم على كفالتنا .

البيت مايبيله خم كل يوم بالاسبوع 3 مرات .. والغسالات الحمدلله قط الثياب وحط عالتوماتك والامور طيبه واقرب دوبي فالفريج كم من عشر ريالات .

والله ماذبحكم الا الكسل وحب الماده وهاذي هي الصراحه .
ارخص عقد شهري من مكانب التنظيف 3000 اذا مب زود
شتقولون انتو بس
واليومي بالساعات بتقعد تجابلها لنت وهي تنظف بتراقبها مراقب بتلاحقها ملاحق
ماتظمنهم هذول شيسوون والا شياخذون
وبعدين يبيلها تعلومه على نظام البيت
اما الخدامه بتعلمها وبتعرف شغلها كل يوم بتسويه
ولا حد يحط اعذار ولا شي
دام عندنا الخير بنحط فلوسنا ف الشمس وبنقعد ف الظلال

واذا السالفه كسل شله عيل بنشتغل؟ بنقعد فالبيت وبيحط الخدامه وبيصرف علينا واحنا مب مسوين شي
فكرو شوي مب بس نحاسه تردون

[ضوى]

لا والله ياجنون مب كارفة كثر ماكرفت ،زي ماقلتي بدل الواحدة باحط ثلاث ، وقتي باخليه لنفسي وبو العيال والعيال ، ليش اطبخ وانفخ وفي اللي بيقوم بهالشي ، واصلا يقولج مب ملزومة المرة تطبخ وتنظف وتسوي شغل البيت ، واذا سوته هذا فضل منها مب ملزومة فيه ، بس بعد الحق حق بو عيالي لو يطلب عيوني ماباغليها عليه ، ماقصر عني في الشدة بيقصر معاي في الرخا ، والشغالات هو اللي جابهم يبي يريحني ويعزني ويبيني اكون ملكة في بيته وهذا اللي صاير ، عسى الله يطول بعمره

[حسن]

الحل ياخوك انا اطالب وزاره الداخليه منع الخدم نهائي

واقسم بالله لانقضى على قضيه الهروب بتاتا من غير رجعه
نصيحه اقدمها على طبق من ذهب الى لجنه الاستقدام
وبلاش ومابي عليها اي شي
فداء للوطن

:)

[JN000N]

لا والله ياجنون مب كارفة كثر ماكرفت ،زي ماقلتي بدل الواحدة باحط ثلاث ، وقتي باخليه لنفسي وبو العيال والعيال ، ليش اطبخ وانفخ وفي اللي بيقوم بهالشي ، واصلا يقولج مب ملزومة المرة تطبخ وتنظف وتسوي شغل البيت ، واذا سوته هذا فضل منها مب ملزومة فيه ، بس بعد الحق حق بو عيالي لو يطلب عيوني ماباغليها عليه ، ماقصر عني في الشدة بيقصر معاي في الرخا ، والشغالات هو اللي جابهم يبي يريحني ويعزني ويبيني اكون ملكة في بيته وهذا اللي صاير ، عسى الله يطول بعمره

صاجه يا ضوى
مثل ماقال ابوي لامي
انتي ملكه وهذول بيخدمونج واهم شي راحتج اله يطول بعمره ويخليه

مب حل ان احنا نرجع لورا ع ايام اجدادنا ونقول هذي حل المشكله لان هالشي من سابع المستحيلات يصير
الحل ان يكون في قانون ينصف المواطن مثل ما ينصف العماله
عيل السالفه لين متى بتتم حظك نصيبك؟ نق دم قلبك ع خدامه متفقه مع المكتب ع هالحركه وخسر فوق العشر الاف عشانها وعقب شهرين والا ثلاث شهور شارده
مب من تو هالمشكله من زمان ولازم يكون في قانون يخالف المكاتب اللي خدمهم يشردون وفوق هذي يكون في تعويض للي شردت خدامته اييبون له خدامه ع حسابهم وتسفيرها ع حساب سفارتها مب بكيفها تشرد وتقول دفعولي سفروني

[JN000N]

الحل ياخوك انا اطالب وزاره الداخليه منع الخدم نهائي

واقسم بالله لانقضى على قضيه الهروب بتاتا من غير رجعه
نصيحه اقدمها على طبق من ذهب الى لجنه الاستقدام
وبلاش ومابي عليها اي شي
فداء للوطن

:)

ابدا ف بيتك اول


والحل بعد
الشباب غسلو ثيابكم كلها ف الاندري
والاكل لو ماطبخت لك من نفسها هل امك تطش لك غدا والا اطلبلك من مطعم
وكل واحد يقوم ينظف مكانه
الحمام عقب ماتدشونه نظفوه وغسلوه
والغرف لين قمت من رقادك عدل فراشك لاتنطرها تراكض وراك تنظف لك
والغسيل تشاركو مره انت مره هي
والاوتي بعد ينقسم بينكم
وقتها صج مابنحتاج خدم :)


عالاقل هالحل مب مخلي المره تكرف وهو قاعد ويمش يده ف الطوفه
وعقب يتشكى مب فاضيتلي وكله فالبيت مع عيالها ادش واطلع مادرت عني
خلهم اثنينهم منشغلين ف نفسهم
زين والدريوليه قولوا بعد يشردون مانبي دريوليه منعوهم؟
تعالو عاد لعلعو هني ف المنتدى قولو كثرو الحريم اللي يسوقون هههههاي

[ضوى]

طبعا جنون مب هذا الحل ، الناس تتطور ، وقتها صار لعيالها تدريسهم بروحه متعب ، لازم قانون ينصف الكفيل ، لازم فيه حل غير انه نرد لزمن ابائنا واجدادنا رحمة الله عليهم

[شيخ الديرة]

لا والله ياجنون مب كارفة كثر ماكرفت ،زي ماقلتي بدل الواحدة باحط ثلاث ، وقتي باخليه لنفسي وبو العيال والعيال ، ليش اطبخ وانفخ وفي اللي بيقوم بهالشي ، واصلا يقولج مب ملزومة المرة تطبخ وتنظف وتسوي شغل البيت ، واذا سوته هذا فضل منها مب ملزومة فيه ، بس بعد الحق حق بو عيالي لو يطلب عيوني ماباغليها عليه ، ماقصر عني في الشدة بيقصر معاي في الرخا ، والشغالات هو اللي جابهم يبي يريحني ويعزني ويبيني اكون ملكة في بيته وهذا اللي صاير ، عسى الله يطول بعمره

كلام حق

كل الرجال اللي يقترحون ألغاء الخدامات, أسألكم سؤال واحد

كم سيارة تغسل بنفسك بالأسبوع؟

[alsoq]

نصيحه لا احد يجيب عن طريق المكاتب صار نصب واتفاق معا الخدم

الخدامه اللي تشرد من عندك يردها المكتب ويطرشها لواحد ثاني بحجه انها ما تبي تشتغل عندك يعطون الخدم نسبه وهو تمر على اربعه او خمسه وكل واحد يدفع 10000 يا سلام 40000 الف في خدامه واحده

[حسن]

نصيحه لا احد يجيب عن طريق المكاتب صار نصب واتفاق معا الخدم

الخدامه اللي تشرد من عندك يردها المكتب ويطرشها لواحد ثاني بحجه انها ما تبي تشتغل عندك يعطون الخدم نسبه وهو تمر على اربعه او خمسه وكل واحد يدفع 10000 يا سلام 40000 الف في خدامه واحده

زين والحل النهائي يالسوق من وجهه نظرك ؟

ماذا تقدمه من اقتراح قانوني وعقلاني ومنطقي لحل هذه المعظله اللي تؤرق الشعب عندنا ؟

بالنسبه لي حل واحد المنع مثل منع الابل من الرعي

:)

[طلعة الروح]

ظاهرة هروب الخدم قليل ما اسمع فيها
لازم نبحث الاسباب إذا استبعدنا نظرية المؤامرة واتفاق الخادمه مع المكتب.
من التجارب اللي تصير حولنا أن المعاملة تلعب دور كبير في بقاء الخادمه من هروبها من منزل الكفيل.
وشخصية ربة المنزل بالاحرى ومعاملتها لها تعتبر نقطه رئيسيه.

[حسن]

ظاهرة هروب الخدم قليل ما اسمع فيها
لازم نبحث الاسباب إذا استبعدنا نظرية المؤامرة واتفاق الخادمه مع المكتب.
من التجارب اللي تصير حولنا أن المعاملة تلعب دور كبير في بقاء الخادمه من هروبها من منزل الكفيل.
وشخصية ربة المنزل بالاحرى ومعاملتها لها تعتبر نقطه رئيسيه.


هنا مربط الخيل


فتحتي لنا افاق جديده للبحث عن المشكله الرئيسيه وبدات بااول خيوط الكشف عن الحقيقه

:)

[طلعة الروح]

هنا مربط الخيل


فتحتي لنا افاق جديده للبحث عن المشكله الرئيسيه وبدات بااول خيوط الكشف عن الحقيقه

:)

والله ياعزيزي حسن شايفين وعارفين وماتفوتنا هالسوالف
فاللي ما يتعظ من تجاربه المتكرره مع هروب الخدم وتنكره للاسباب الرئيسيه عمره ماراح يتعظ..

[نوفا91]

اتمنى تردون على الحل مع هروب الخدم وحقك اللي دافعه للمكتب


اما ماله داعي ، وليش الحريم مايعتمدون على نفسهم !!*

الريال حتى لو بيودي عياله الالعاب لازم خدامه ، يعني انت ماتقدر تمسكهم وهم اثنين بالكثير والا ثلاثه !!!

فخلوا عنكم المثاليه الزايده اللي مانشوفها الا فالمنتدى
وخلونا بصلب الموضوع ، والحل اختي لازم يكون من مسؤول وجهه حكوميه

[qatari 111]

حسن ،، الله يسعدك

لو علي أنا أحط القانون ،،

1 -
2 -
3-
،،، إلخ

ومن هالقانون أنها أذا شردت تنسجن سنتين وعقب تسافر

اهنيه اعتقد بيتأدبون الخادمات

:)

أنا والحمدلله للحين ما عندي خادمة


بنت الدحيل من النساء الخيرات فأقتدوا بها

الله يعطيج الصحه والعافيه يا اخت بنت الدحيل


اما العضوات مع احترااامي وتقديري لشخصكم الكريم .. اعذاااركم وااايده .. حسستوني اني مب عايش في هالدنيا ولا ادري بالطبخه في الامور المنزليه .

اخوي شيخ الديره ترى عندي سيارتين وانا اللي اغسلهم فالبيت زايد حديقة البيت انا اللي اديرها . ترى الرجاال مب سوى . والحرمه الشاطره الذكيه هي اللي تعارف تدير لبتها بدوون تعب مرتبه جدول لها .

[qatari 111]

والحل مع الخدم تسوي عقد بينك وبينها وموثق من المحكمه عشان تظمن حقك .. تسوي عقد معاها في حالة الهروب او الاعذار تتكفل بمصاريف المكتب بعد انتهاء مهلة الضمان

واهم شي المعاااامله الحسنه مع الخدم .. مب تقطون شغل البيت من الى على راسها ليل ونهاار وتوفرون لها غرفه نظيفه مب تقطونها ترقد فالمطبخ ولا تحت الدرج رفقا بهم

[Aaziz]

والحل مع الخدم تسوي عقد بينك وبينها وموثق من المحكمه عشان تظمن حقك .. تسوي عقد معاها في حالة الهروب او الاعذار تتكفل بمصاريف المكتب بعد انتهاء مهلة الضمان

واهم شي المعاااامله الحسنه مع الخدم .. مب تقطون شغل البيت من الى على راسها ليل ونهاار وتوفرون لها غرفه نظيفه مب تقطونها ترقد فالمطبخ ولا تحت الدرج رفقا بهم

اخوي هل هذا التصرف فعلا ممكن يصير و قانوني و يؤخذ به يعني
متى اسويه ،، بعد ماتوصل الخدامه
اشرح لنا شوي اذا انك مسوي هالعقد ،، الصيغه و اي محكمه و هل يتصدق عند جهه معينه

[alsoq]

زين والحل النهائي يالسوق من وجهه نظرك ؟

ماذا تقدمه من اقتراح قانوني وعقلاني ومنطقي لحل هذه المعظله اللي تؤرق الشعب عندنا ؟

بالنسبه لي حل واحد المنع مثل منع الابل من الرعي

:)

شوف اخوي حسن ناس شغالين معا الخدم اللي عندهم
يجيبون لهم ناس من منطقتهم او معارفهم انا خدمي كلهم بها الطريقه ويتمون الحمدلله اللي قبل اللي عندي الحين تمو 12 سنه وراحو برضاهم واللي الحين 9 سنوات وشغالين الحمدلله

الحل اسال الخدم اللي عندك وعند اخوانك واهلكم راح يجيبون لك خدم ولا يكلفك غير التذكره واجرأت الاقامه

وعلى فكر الاهل كلهم جابو خدمهم بها الطريقه

[رجل مثالي]

الحمدلله اهم شي المعاملة الحسنة
واعطاء الخدم وقت للراحة والاكل
والتشجيع كل شهر بزيادة او كل شهرين
في الراتب للتشجيع على
الاستمرار في العمل
وممكن اخذ مع الاسرة في
وقت الذهاب في نزهة او الرحلات
الاسرية المناطق الجميلة
بعد ذلك يقدم الخادم كل ما عندة
من مجهود والتوفيق من الله

[qatari 111]

اخوي هل هذا التصرف فعلا ممكن يصير و قانوني و يؤخذ به يعني
متى اسويه ،، بعد ماتوصل الخدامه
اشرح لنا شوي اذا انك مسوي هالعقد ،، الصيغه و اي محكمه و هل يتصدق عند جهه معينه

اخوي اي عقد اي كان نوعه متفق بين الطرفين وموقع بين الطرفين وتوثق في المحكمه يعتبر قنوني ولا كانت المحكمه بترفض اعتماد العقد

اللي انا سويته مع مقاولين عقد متفق مع المقاول وموثق ومعتمد ومختوم من المحكمه بنسختين . ماعندي خدم ولا دريوال

وانت اللي تسويه تعمل نسخه بالعربي ونسخه بلغة الخدامه واعتقد بالنسبه للخدم توثقها بادارة العمل .

[Aaziz]

اخوي اي عقد اي كان نوعه متفق بين الطرفين وموقع بين الطرفين وتوثق في المحكمه يعتبر قنوني ولا كانت المحكمه بترفض اعتماد العقد

اللي انا سويته مع مقاولين عقد متفق مع المقاول وموثق ومعتمد ومختوم من المحكمه بنسختين . ماعندي خدم ولا دريوال

وانت اللي تسويه تعمل نسخه بالعربي ونسخه بلغة الخدامه واعتقد بالنسبه للخدم توثقها بادارة العمل .

اشكرك ،، يعجبني حفظ الحقوق بشكل قانوني

[الصغيره]

اذا المسووولين ما لقوا حل حنا بنلقى حل هذه قنبله موووقوته وبتنفجر يكفي الامراض اللي ناشرينها نصهم ماخلص الفحص الطبي ويشتغل بكل ثقه

الهاربين اكثر مما تتصور ويسرحون ويمرحون

طرحنا الحلول لكن ماحد اهتم


نطالب بوضع وقت تسوية وضع ثم اصدار الاوامرالصارمه تسفير ودفع غرامه عن كل يوم هروب 50 ريال ولما يجي يبي يسافر يحقق معه وينك كنت من تاريخ كذا حتى تاريخ كذا ويكشف عن ابواب الصرافه عن طريق اسمه ورقم جوازه عن حوالاته ويحاسب وين كنت وعند من كنت


الحلول كثيره بس فلوسنا احلى من كل حل