تعبت وأبي حل

[دااانة قطر]

السلام عليكم ورحمة الله وبركاته





تعبت وانا افكر هل اطرح الموضوع أو لا أو انتظر شوي لأن أولا ماعرف للحوار والنقاش فأحسن في مواضيع تتم معلقه بس لاني محتاجه رأيكم ومشورتكم بالحلول بدون الاساءه


المهم الموضوع شغل بالي وأحس اني مخنوقه ونفسيتي تعبانه قلت اكرحه



طبعا أي موضوع يفتح في المنتدى عن جيل هالوقت أو مشكله صارت في المدارس أو فئه من البنات أو الشباب نشوف منهم الوقاحه كنا نقول قلة الوازع الديني أو مافي تربيه أو الانفتاح.... واليوم كله عالام والأب



اللي خلاني اطرح الموضوع الآتي

بعض المدرسات والإداريات في المدارس المستقله الله يهديهم صاروا يسولفون مع البنات في أمورهم الخاصه سمعت سوالف من بناتي وانصدمت غير زميلاتهم وصديقاتهم يتكلمون عن الأم والأب بطريقه غير محترمه ووصلت أن البنات يتكلمون عن علاقات اهاليهم مع بعض

من كم يوم وانا في الكلاس في طالبات يسولفون عن أمورهم الشخصيه قدام البروفيسور الاجانب وبدورهم طبعا مع علامة التعجب في اللي يحرض الطالبات بأنهم يشردون ويسافرون برا ويكونون نفسهم ويستقلون بشخصياتهم والسبب البنات مبينين أن اهاليهم محكرين لهم وأنهم عايشين غضبا عنهم وينتظرون الفرصة المناسبه ويسافرون برا

في الزيارات كنا قبل نادر مانجلس مع الكبار واذا في سالفة خاصه بس تاشر امي أو احنا من نفسنا تنحرج وتطلع عنهم الحين السوالف صارت عاديه اللي بتكلم عن زوجها وعلاقتها معاه واللي يصير بينهم وتشرح بالتفصيل وكبار وصغار يضحكون والحياه حلوة

البعض صار يدخل مطاعم وكوفيهات ويجلس وسط شباب عرب وأجانب وسوالف وضحك بصوت عالي , ترقص وحركات من الجنسين في السيارات , صور ومقاطع أشبه بالديسكو إضاءات وحركات ورقص يتم تبادلها على أنها عبط ووسط بيئة نسائيه وفي وجود حريم كبار


حبيت أنبه من شي انا شخصيا أمر فيه
انا اربي واعلم واتعب لكن اشوف في أمور حتى لو بسيطه تزين في عيون بناتي ويستسهلونها ويشوفونها عادي وانا أكبر المواضيع واتفاجأ أقرب الناس لي ولهم يشجعونهم عليها لدرجة أن في وحدة قالت لهم مب كل شي تقولونه لأمكم
هذي شلون اتفاهم معاها ؟؟



اسمحوا لي دخلت من في كذا شي وموضوعي مب مرتب لكن ......تعبت

[Ţĥę őήę]

الله يعينج معالج غير تأسسين بناتج صح عشان يكون عندهم وازع ذاتي ومايتقبلون الغلط من نفسهم
اما ذيك اللي قاتلهم جذيه عرفيها مقامها عدل

[راجي الْعفو]

وعليك و رحمة الله اختي ..

والله يعينك على ما تواجهينه ..

هذي ضعف تربية من بعض الأسر لأبنائهم مع الأسف ..

رضخوا لما يشاهدونه في الواقع وتنازلوا عن دينهم اللي أمرهم و كلفهم المسؤولية تجاه أبنائهم ، ولو إنهم قابلوا متغيرات الحياة بمعيار الدين لما وجدنا هذه ( الخرابيط )التي يتقطع القلب لها حرقة ..

اختي .. لابد وان تتابعين أبنائك و تتعبي لأجلهم ، بداءة من البيت ، وتكوين البيئة المناسبة لهم في خارج البيت كالمراكز الشرعيه ، والأصدقاء الخيرين ، مع تصحيح المفاهيم التي يتلقونها في المدارس ، فالمدرسون ينقلون للطلاب معالم تربيتهم و بيئتهم ، وهنا يأتي دور ولي الأمر في قبول الحق و رد ما لا يتوافق مع بيئة اهلُ البلد شرعا و عرفا

وينبغي لولي الأمر ان يتابع أبناءه في مدارسهم و يتواصل مع المدرسين و يناقشهم في بعض الآراء التي قد تستنكر ، وينبههم عليها ..

وكذا يتوجه للإدارات العليا و يقدم لهم ملاحظاته ..

ويتوجب عليهم استقدام المعلمين المأمونين في (دينهم) و علمهم .. فهم سيسألون عن ذلك

ولا ننسى ، وضع البديل للابن عن الامور التي يمنع عنها لما فيها من أثر سلبي يعود عليه ، فنشبع رغبته بالطرق والوسائل المشروعه ..

وأولا و اخيراً .. لا بد من غرس مبدأ الخوف من الله عز و جل و مراقبته في الطفل منذ نعومة أظفاره ، و يركز على ذلك


اسال الله لك التوفيق ..

مع التحية ..

[حسن]

ماتحسين به نحس به ونشعر فيه

مهب انتي اللي تطرحين هذا الافكار او المواضيع طرحناها كثيرا
وتكلمت فيها انا وغيري وبالاخص حمد نعم حمد
وكنا نلقى هجوم ونلقى معارضه وكنت احسسها من العضوات اكثر من الاعضاء
سبحان الله

يقول الشاعر الام مدرسه

وشوفي واقعنا هل يطابق هذه المقوله
بيزعل الكثير من كلامي لان جاف وحاف واضغط على الجرح بقوه
ليحسون بماهو القادم
ولكن الكثير ابن عمك اصمخ

والبعض بيقول ليش انت ماتتطبق على نفسك اولا
يمكن اريد التغير ولكن لا استطيع

والله يادانه انا نظرتي جدا سوداويه لو تكلمت بصراحه وكنت دائما اقولها في ردودي

القادم ادهى وامر
:(

احيانا اقرب لهم صوره مجتمع خليجي اخر سبقنا بهذه الامور ويعانون الان منه
ولكن يقولون انت عايش غير واقعك ولا انت تبالغ
زين خلونا نشوف وكلها سنوات معدوده
اليس الصبح بقريب

ماقول الا الله يعين



شكرا للموضوع وجزاك الله خير على غيرتك والحمدلله جاء من عضوه

[نفسي عزيزه]

الله كريم

وايران بصوب --> شدخل

[ضوى]

شوفي اختي دانة ، دامج علمتي بناتج الله يحفظهم انه البنت سر امها فلا تخافين عليهم ، وبالنسبة للي قالت لبناتج مب لازم كل شي ينقال لامكم
واجهيها ووضحي لها انه اللي قالته غلط ومايصير وبعصبيه خليها تحس بغلطتها

وبالنسبه للبنات ياعزيزتي كلنا نعاني معاهم بس الاهم مانرضخ للغلط ، مب معناها الاغلبيه سووه خلاص يكون صح ، انا علي اربي واكبر واعلم وافهم واعصب واشد ، طالما هم تحت جناحي يمشون باوامري واحكامي ، يعني انا بنتي تقولي فلانه امها ترضى ووو ارد واقولها هذول مب بناتي انتي بنتي وحكمي عليج انتي ، لتزوجتي انتي حرة مع زوجج
بنتي للحين ممنوع عليها صبغ شعرها او قصه او تشقير حواجبها او لبس مايعجبني او طلعة ماتعجبني او صديقات مارتاح لهم او تشوف افلام ماتعجبني او تقرا اشياء ماتعجبني ، سموني طالبان واللي سماني داعش واللي قال عني ديكتاتورية لكن كل هذا ما يحرك شعرة فيني ولا اغير مبادئ اللي مقتنعه فيها

لا تخافين عزيزتي ربيتي صح وبما يرضي الله راح تجنين خير بس اهم شي تنظفين البيئة اللي حواليهم وتعرفين هم من يصاحبون وتعرفين امهات صديقاتهم ومبادئهم لانه الخراب يجي من صديقات وربع وخلافه

الله يحفظ بناتنا من كل شر يااارب ويعينا على تربيتهم بما يرضي الله

[شيخ الديرة]

يجب ان نعرف أن مدارس اليوم غير، وليس كل ما يتم بالمدرسة مسكوت عليه. يجب ان يكون للأبناء حس مستمر بالإنتقائية بالتصرف، والتفكير في الإسلوب. ليس كل ما يقوم به الغالبية صح، تذكير يومي لهم ضروري جداً، إعرفي من هم صديقاتها المفضلات في المدرسة، زوري أهاليهم وغربلي الزين من الشين في الصحبة، المسؤولية كبيرة بلا حدود.

[الدووحة]

في يوم من الأيام تألمت من حال المدارس و قررت أن أترك التعليم ، من واقع خبرة سابقة في ميدان التعليم أقول سيأتي يوم على المجتمع القطري يحتاج فيه لحماية نفسه من أبنائه و لست أراه ببعيد.
القطريون القادمون أما متطرف فكرياً و دينياٌ أو متطرف خلقياٌ و سلوكياٌ .
السبب أمهات و آباء الانستغرام و السناب شات
الحل : تدخل من المؤسسات الحكومية المختصة لحماية الأسرة و ليس كدور إرشادي و استشاري فقط بل تنفيذي و لو بالقوة.
وضع عقوبات صارمة و حرمان من امتيازات مادية في حال فشل مساعي المؤسسة المختصة في التوصل إلى حل.
عقوبات فورية على أصحاب التراخيص اللذين قاموا بتوظيف شواذ في المدارس
انشاء مراكز تأهيل نفسية و سلوكية للمتضررين من الأطفال اللذين هم في الحقيقة ضحايا لزيجات فاشلة
و نصيحتي لك استعيني بالله ربي عيالج صح و طنشي و إلا بتتعبين
اذكر مقولة احدى الزميلات " اشتغلت و خليت عيالي عند ميري و آخرتها راح راتبي في ساعة و شنطة
و ليت ميري ربتهم عدل حارقين قلبي الله يحرق قلبهم "
الله يرحم أيام ميري الجاي أسوآ .

[دااانة قطر]

الله يعينج معالج غير تأسسين بناتج صح عشان يكون عندهم وازع ذاتي ومايتقبلون الغلط من نفسهم
اما ذيك اللي قاتلهم جذيه عرفيها مقامها عدل

للأسف اللي كانوا يستنكرون من صديقاتهم وقرايبهم صاروا الحين يقولون عادي
ياما وياما كنت أمدح بناتي وأقول الحمدلله بناتي غير مايخشون علي شي وما يحبون الغلط
الحين اقول يارب ثبتهم لأن صاحبة الجمله تعبت وانا أفهم فيها ومب صغيره

الف شكر لمرورك

[رهج السنابك]

صح دخلتي كذا موضوع في بعض
لكن واضح ان محوره هو خوفج على بناتج والافكار الغريبه الي صاروا يتكلمون فيها
الدنيا تغيرت عن قبل صح
الجيل تغير صح
الانفتاح زاد صح
قل الدين صح
البيئة صارت تخرب وتشجع ع التفسخ صح
لكن


الاصيل اصيل
الي يجتهد على تربية عياله ويركز على تعليمهم الاخلاق (للاسف وايد مايعرف او فاقد الاخلاق فما يربي عياله عليهم) والبعض يركز ع تحفيظهم القران والصلاه لكن مايربط لهم كيف الصلاه وتفسير القران ينعكس على اخلاق الشخص وتعامله مع والدينه ومع الناس
الي يتعب ويجتهد على عياله ويثقف تفسه تربويا بيبني في عياله الاصالة

[دااانة قطر]

وعليك و رحمة الله اختي ..

والله يعينك على ما تواجهينه ..

هذي ضعف تربية من بعض الأسر لأبنائهم مع الأسف ..

رضخوا لما يشاهدونه في الواقع وتنازلوا عن دينهم اللي أمرهم و كلفهم المسؤولية تجاه أبنائهم ، ولو إنهم قابلوا متغيرات الحياة بمعيار الدين لما وجدنا هذه ( الخرابيط )التي يتقطع القلب لها حرقة ..

اختي .. لابد وان تتابعين أبنائك و تتعبي لأجلهم ، بداءة من البيت ، وتكوين البيئة المناسبة لهم في خارج البيت كالمراكز الشرعيه ، والأصدقاء الخيرين ، مع تصحيح المفاهيم التي يتلقونها في المدارس ، فالمدرسون ينقلون للطلاب معالم تربيتهم و بيئتهم ، وهنا يأتي دور ولي الأمر في قبول الحق و رد ما لا يتوافق مع بيئة اهلُ البلد شرعا و عرفا

وينبغي لولي الأمر ان يتابع أبناءه في مدارسهم و يتواصل مع المدرسين و يناقشهم في بعض الآراء التي قد تستنكر ، وينبههم عليها ..

وكذا يتوجه للإدارات العليا و يقدم لهم ملاحظاته ..

ويتوجب عليهم استقدام المعلمين المأمونين في (دينهم) و علمهم .. فهم سيسألون عن ذلك

ولا ننسى ، وضع البديل للابن عن الامور التي يمنع عنها لما فيها من أثر سلبي يعود عليه ، فنشبع رغبته بالطرق والوسائل المشروعه ..

وأولا و اخيراً .. لا بد من غرس مبدأ الخوف من الله عز و جل و مراقبته في الطفل منذ نعومة أظفاره ، و يركز على ذلك


اسال الله لك التوفيق ..

مع التحية ..

انا اليوم اقول عكس اللي كنت أقوله قبل صعب لأن ايد وحده ماتصفق
صعب اذا أغلب اللي حواليك عايش حياته تحت مبدأ عادي حتى لو وفرنا البديل لعيالنا
انا اقول الكلام سهل لكن تطبيقه على طرف واحد صعب
قبل كنا منغلقين على عمرنا غير البيت والمدرسة مانعرف أحد
عادي لو الوالدين منفصلين أو أحدهم متوفي الأم أو الجده أو العمه أو الخاصه تربي صح لأن البيئه ضيقه لكن الحين اللي حواليك ياثرون أكثر

الله المستعان وألف شكر عالمرور

[دااانة قطر]

ماتحسين به نحس به ونشعر فيه

مهب انتي اللي تطرحين هذا الافكار او المواضيع طرحناها كثيرا
وتكلمت فيها انا وغيري وبالاخص حمد نعم حمد
وكنا نلقى هجوم ونلقى معارضه وكنت احسسها من العضوات اكثر من الاعضاء
سبحان الله

يقول الشاعر الام مدرسه

وشوفي واقعنا هل يطابق هذه المقوله
بيزعل الكثير من كلامي لان جاف وحاف واضغط على الجرح بقوه
ليحسون بماهو القادم
ولكن الكثير ابن عمك اصمخ

والبعض بيقول ليش انت ماتتطبق على نفسك اولا
يمكن اريد التغير ولكن لا استطيع

والله يادانه انا نظرتي جدا سوداويه لو تكلمت بصراحه وكنت دائما اقولها في ردودي

القادم ادهى وامر
:(

احيانا اقرب لهم صوره مجتمع خليجي اخر سبقنا بهذه الامور ويعانون الان منه
ولكن يقولون انت عايش غير واقعك ولا انت تبالغ
زين خلونا نشوف وكلها سنوات معدوده
اليس الصبح بقريب

ماقول الا الله يعين



شكرا للموضوع وجزاك الله خير على غيرتك والحمدلله جاء من عضوه

اخوي حسن يمكن كنت من ضمن اللي لقيت من هموم لاني كنت اشوف نفسي مو مقصره وتاثيري كبير على بناتي ولازلت أؤمن اني اقدر لكن مع مرور الوقت ومع تدخل أقرب الناس وتاثيرهم بطرق ملتوية اقدر اقول لهدف فرض السيطره ويمكن انتقام شخصي عن طريق التاثير على البنات
ومثل ماقلت في طرحي بيئة المدرسة والكلية لها دور والقريب له دور صرت أخاف أن يكون له تأثير سلبي وقوي
مب شرط احنا قبلهم ماتاثرنا فهم مابيتاثرون ومب شرط اذا احنا ماكانت فينا روح المغامره والتجربة عيالنا بعد بيكونون مثلنا
لول نسبة بسيطه مرت علينا كانت شاذه وافكارهم غريبه الحين العكس
وأقول اللي انا فيه شي كبير لكني خايفه من باجر والسبب البيئه والانفتاح العجيب
انا مقدر أحكم الناس واغير تفكيرهم لكن في أمور تقهر خاصة إذا صارت متعمده ومره
هل أعزل نفسي عن الناس طيب عن نفسي عادي بس أحرم بناتي من أهلهم أكون صريحه مقدر

[JN000N]

داااانو

بااال صارلي فتره الموضوع نفسه يدور يدور يدور
ومب عارفه ارتب افكاري فيه ولا عارفه وين ابدا ووين انتهي
نفسج نفسج لو بتكلم بدش ف فشي وبطلع ف شي

بنات صج يتكلمون عن الحكره عند اهلهم وتبي الفرج ب اي طريقه ويحسبونً انه سجن مايدرون انه هاي هو الصح
بنات صج يخونون باهلهم من وراهم وطلعات وبارتيات ف اماكن (معروفه) وتقول انا عند رفيجتي واهلهم مخلينهم ع راحتهم يطلعون مع ربعهم
انا وحده عمري ماقلت لابوي بروح سينما مع رفيجتي ف حياتي ماقلتله شوبنغ مع ربعي ولا قد سويتها وحتى بيت ربعي ماروح بروحي ومب اي بيت؟ لا البيت الي يعرفون من اهلها وشنو اخلاقهم ولو ماوصلتني امي بنفسها ابوي يوصلني والمهم ان خدامتي معاي ماروح بروحي
ولحد الحين احصل هجوم من بنات وايد ويقولون عني معقده
والمشكله لما اتييج الام تنتقد تصرفات البنات الخفيفات وبناتها ادمر منهم بس من وراها ليش؟ لانها ماعرفت تقبضهم شاغلتها اشيا وايد
اي نعم انا مع الي يقول اذا تبي تخرب المجتمع ابدا ب الام
تعرفون ليش؟
لو الام شافت بنتها غلطت وسوت مصيبه تسكت وتدفدف عليها تخاف ابوها يدري صح؟ وهاي الغلط بعينه
البنت تقول لامها يمه بروح بيت رفيجتي والا رفيجتي بتمر علي بنروح نتسوق والا معزومين فعرس والا مادري شنو والام تروح ترقع للبنت عند الابو وتدفدف ع بنتها
لكن لو الام كل شي تقوله للابو وقتها هني يكون الكلام غير
الابو شغله دوم برا البيت والاهم كده وصرفه عليهم وشغله خارجي
الام هي اساس البيت وشغلها داخلي وتشرف ع كل شي من كبير وصغير
اذا الابو رجع من الشغل تعبان وقعد معاهم شوي ونام والام ماقالت له شيصير فالبيت شدراه هو عقب شصاير من وراه؟
من عينه فالبيت! منهي؟ مب مرته؟
استنكر اللي حتى لو يسافر ريلها ماتقوله شيصير ف بيتها وبين عيالها ع اساس ايش؟ ع اساس خلوه يرتاح خلوه ف السفر مستانس ليش اضيق عليه واقوله شيصير ف البيت؟
هاي غلط كل شي لازم تقوله عشان حتى هو وهو مسافر يتعلم يكون قلبه ف بيته مب مطيور
وماتدري الاخت انها لو سوت جذي تخليه مايحس باللي صاير حوله ويحس الدنيا حلوه ويلا سهالات مرتي متحمله كل شي وانا بدور لي مره ماتدري عن عادي عادي ياخذ عليها وحده ثانيه ليش؟ لان عمرها ماربطته بامور البيت
جنه غريب يدش ويطلع مجرد اسم ابو يصرف عليهم وبس

اروح مع ابوي سيفورا ابي اشتري اغراض قبل العيد هو بروحه استنكر الوضع
مافي الا هو الي يايبني انا وخواتي وواحد ثاني كبير يايب بناته
بسسسسسس والباقي كلهم بنات بروحهم والمكان فيه يمكن اكثر من ثلاثين وحده
وين اهلهم وين امهاتهم والا اخوانهم وابهاتهم؟
احنا فزمن صارت البنت مهمله
محد له بارظ يربيها ويعلمها الصح من الغلط
من ينصح هالايام؟ محد!

نص البنات الي يحسون بحكره ويبون الفرج لان اهلهم مانصحوهم ماحببوهم ف الستر
بس منعوهم وبس وهالشي غلط
في مرحله من العمر تكبر البنت فيها وتبي تعرف ليش هاي لا وليش هاي ممنوع
لازم ايي دور الام وتنصحهم ف كل شي وتنور طريقهم وايي دور الابو ويحسسهم انهم اغلى ماملك ف حياته
البنت كثر ماتحس بمحبة ابوها بالذات وامها لها وغيرتهم عليها تحافظ ع نفسها وتحافظ ع سمعتها وسمعتهم
لكن لو الابو مب فاضي والام هبابها عمرها وين تحس البنت بالولاء لاهلها وسمعتهم؟ وين تحس انها مرتبطه فيهم بحبهم قبل اسمهم


استسهلنا اشيا وايد كان عيب ومنقود نسويها
اقل شي التصوير
كنا نصور من واحنا صغار بس عيب نوزع صورنا وعيب نصور مع الباقي ف كيمراتهم
الحين البنات من وراه اهلهم تصوير مع ربوعهم وسناب وكيك وانستقرام وغيره ومب بس تصوير فوتوغراف لا الحين مقاطع فيديو نص الجسم ووترقص مع ربعها والا بروحها وتنشر
كافي شي اسمه حرام والله بيحاسبج وبيعاقبج

دارسين الدين والشريعه ف المدرسه مجرد دروس اخر السنه يقدمون فيها امتحان وعقب ينسونها
مافي لا مبادئ ولا اخلاق تنزرع فيهم
مافي شي اسمه مراقبة النفس قبل رقابة الاهل
اقل شي على مراقبه النفس روحو جوفو كم وحده ف اليوم تطلع من الجامعه مواعده ! وين اهلها؟ تخاف منهم هي وتحبهم لكن ماتراقب نفسها الضعيفه من وراهم
لما نفكر فيها احنا نربيهم صغار ولين كبرو نشوف نتيجة التربيه فيهم ان زرعنا خير حصدناه وان زرعنا شر حصدناه
البنت تروح الجامعه اهلها واثقين انها تدري ف محاضرتها ومايدرون انها طالعه مع صديقتها تتقهوى ف اللؤلؤه والا ف لاجونا
كم بنت صار عليها حادث طالعه من ورا اهلها من الجامعه؟ حدث ولا حرج
كم بنت انصادت عند بوابة الجامعه مطلعها واحد؟ حدث ولا حرج
عيزو الجامعه وهم يحطون سيكورتيه وكيمرات ومب ملحقين
لو التربيه كانت ف البيت صح من بيت شريف ونظيف وسنع ويخافون ربهم ويصلون صدقوني ماكنا بنحتاج لا كيمرات ولا امن ولا مراقبه
من ابتدائي تخترب البنت ف المدرسه لان ماعاد في تربيه
المدرسات نفسهم صغار ومالهم بارظ يدرسون وهبابهم مكياجهم وترصرصهم والا اتيي مدرسة رياضه طول الوقت مرصرصه بلقنز وحاطه مكياج اوووفر اوفر جنها رايحه عرس وتدرس اليهال رياضه
اي رياضه ذي يالطيبه؟ الله يرحم مدرسات قبل ويذكر الي عايشين بالخير كانت بتنوره وقميص ووقت حصة الرياضه مثل الطالبات تبدل ثيابها وتلبس لبس رياضه ولين خلصت الحصه ترجع تلبس تنورتها ولا مكياج ولا هم بحزنون

لا لاقيين تربية عدله فالبيت ولا مدارس والله مكثر المشاكل والوصاخه فالشوارع

لو بتحجى من احين للسنه اليايه مب خالصه
انا خواتي لو انشغلت عنهم امي انا اقعد لهم قعده ابي نص الي تربينا عليه عالاقل ينزرع فيهم ويشوفون غيرهم ويقولون شمعنى هذي تسوي جي؟ وليش احنا غير! واكي فلانه عادي تسوي .. يعني يتاثرون بالمحيط لكن احاول افهمهم ان مب كل شي يسوونه الناس صح

تذكرت سالفة واحد ينتقد حتى سواقة المرأه ومايتم عيب مايحطه فيهم واييني انا يقول لي شله ماتسوقين؟ كل البنات ساقو عيل تتمين جذي تنطرين دريول يوديج واييبج؟ والخ الخ

التناقضات الي ف المجتمع بتزيد من الناس الي يتكلمون فيها اصلا الناس الي يقولون المستقبل الي جاي اسود
ماهو جاي منكم انتو لانكم استسهلتو هالشي وصرتو تمشون مع التيار



دانه حبيبتي
بتتعبين مع عيالج وانتي تعلمينهم شي يناقض المحيط برا البيت
لكن الاهم انج تزرعين المبادئ الصح فيهم لان مع الوقت ماراح تتغير لو اقتنعو فيها ولين يكبرون بيتمون ع نفس المبادئ
لين شفتي الواحد فيهم محتار ف شي لاتكلمينه بشكل مباشر وتوجهينه للي تشوفينه انتي صح.. لا
الافضل انج تتكلمين بشكل عام جدا وتخلينه هو يفكر ف كلامج ويختار بنفسه الصح لان وقتها بيكون مقتنع فيه اكثر من لما حد يفرضه عليه

[القبطان سلفر]

اختي دانه

اشاركك الخوف و التوجس مما يجري هذه الأيام ولكن الانفتاح والتغير سمه طبيعية ولا يمكن مواجهتها . لذلك الانغلاق طريقة سيئة جدا واثارها خطيره ومدمره على النشأ .

أولادنا لابد ان يخرجوا للحياة يوما ما لوحدهم لمواجهتها طال الزمن ام قصر لذا من الأهمية تهيئتهم لهذا اليوم بالتربيه الصحيحه في البيت من قبل الابوين .

زراعة القيم في الأبناء من اهم الأساسيات وتشمل تلك القيم الوازع الديني بطرق مقنعة وليست اجباريه بمعنى على الابوين زرع الخطأ والصواب

الذي يعني شرعا الحلال والحرام في التفريق بين الأمور ومعرفة الصالح منها من الطالح .

غرس قيمة الخصوصية الاسرية في طرق تعاطيهم مع الاحداث اليومية سواء في العمل او الدراسة وافهامهم بطريقة شبة

حازمه وتعويدهم ان اسرار البيت خط احمر لا يجب التطرق اليه او الحديث عنه امام الغير حتى الاقرباء .

سرد بعض الاحداث امامهم عن طريق احاديث جانبية بين الوالدين اثناء الغداء مثلا وهي رسائل لهم بطرق غير مباشره لهم

لتوصيل فكرة ما او تنبيه على نقطة معينة .

الطرق تطول وتختلف من اسرة الى أخرى لكن المهم انشاء لغة حوار واشدد لغة حوار صحي بين الأبناء والاباء من تبادل وجهات النظر والمناقشة

وابداء الرأي حتى لو كان صادم ومخالف لنا .



الأفكار السيئه التي يحملها بعض فلذات اكبادنا من الأفضل ان تخرج للعلن امامنا لتدحض ويكشف سوئها و مضارها وتنتهي بأقتناعهم والالتزام بعدم العوده لها

و هي الطريقة الناجعه لهدمها وقتلها في المهد .






الخلاصه

حصنوا اولادكم ومتابعتهم وعدم اغفالهم ابدا . والاهم من ذلك كله يجب على الابوين الالتزام حرفيا فيما يدعون اليه من صلاح ديني واخلاقي امام الأبناء لانهم هم القدوة

وعدم وجود المثل الأعلى او القدوة يعني ان كل جهودهم تذهب هباء منثورا .

[mubarak750]

ماتحسين به نحس به ونشعر فيه

مهب انتي اللي تطرحين هذا الافكار او المواضيع طرحناها كثيرا
وتكلمت فيها انا وغيري وبالاخص حمد نعم حمد
وكنا نلقى هجوم ونلقى معارضه وكنت احسسها من العضوات اكثر من الاعضاء
سبحان الله

يقول الشاعر الام مدرسه

وشوفي واقعنا هل يطابق هذه المقوله
بيزعل الكثير من كلامي لان جاف وحاف واضغط على الجرح بقوه
ليحسون بماهو القادم
ولكن الكثير ابن عمك اصمخ

والبعض بيقول ليش انت ماتتطبق على نفسك اولا
يمكن اريد التغير ولكن لا استطيع

والله يادانه انا نظرتي جدا سوداويه لو تكلمت بصراحه وكنت دائما اقولها في ردودي

القادم ادهى وامر
:(

احيانا اقرب لهم صوره مجتمع خليجي اخر سبقنا بهذه الامور ويعانون الان منه
ولكن يقولون انت عايش غير واقعك ولا انت تبالغ
زين خلونا نشوف وكلها سنوات معدوده
اليس الصبح بقريب

ماقول الا الله يعين



شكرا للموضوع وجزاك الله خير على غيرتك والحمدلله جاء من عضوه

صدقت أهم شئ أنه جاء من عضوه عشان اللي مفكر يتفلسف ويقول تحامل وعنصرية بيلقى نفسه قاعد يبلع اللسانه تلقائيا, بس الخوف انه يوصوفون هالانسانه الغيورة ذات الدم الحي والفطرة السليمة بالمعقده أو المتشائمة وطبعا بيجيها رد معروف من أحدى العضوات.......( هذيه ما يصير عندنا في محيطنا ) وكأن الموضوع يتكلم عن بيتين ثلاثة مهب عن المجتمع كامل

[خليفـة]

بالفعل اختي .. هالمشكلة الكل يعاني منها
للأسف .. الوالدين في البيت يجتهدون بتربية ابنائهم تربية صالحة
ويجي المجتمع والبيئة المحيطة بالعيال تدمر افكارهم وتزرع في روسهم شغلات سيئة
الواحد ما يملك الا الدعاء .. الله يحفظ ويهدي عيالنا ان شاء الله

شكراً للموضوع الهام اختي

خليفــة

[عضو المنتدى]

((من كم يوم وانا في الكلاس في طالبات يسولفون عن أمورهم الشخصيه قدام البروفيسور الاجانب وبدورهم طبعا مع علامة التعجب في اللي يحرض الطالبات بأنهم يشردون ويسافرون برا ويكونون نفسهم ويستقلون بشخصياتهم والسبب البنات مبينين أن اهاليهم محكرين لهم وأنهم عايشين غضبا عنهم وينتظرون الفرصة المناسبه ويسافرون برا)).

حسبنا الله عليهم يشجعون البنات على انهم يتمردون

على والدينهم ، وبتشجيع مع الاجانب اصحاب مخطاطات

راند لافساد المجتمع القطري ، مشروع المدارس المستقله

مشروع سيئ ... اهدار للاموال وتهميش المدرس القطري

وضياع اعمار واخلاق الطلاب والطالبات

وغير وغير

[حياة]

اختي دانه حتى انا اعاني نفس الشي لاني ضاغطه عليهم وهم فديتهم مايطلعون من شوري وع نفس اللي ربيتهم عليه مثل ماتربيت بس اللي يشوفونه في الجامعه وفي حياتهم اليوميه شي هم ينتقدونه وشي مايعلقون عليه ... طبعا مايزورون بيوت ربعهم ولافي طلعات بروحهم الا انا او اخوهم وطبعا واجهوا من صديقاتهم اللي تقول امج ماتثق فيج وفيهم اللي تقول ليج انتوا محكورين بس الحمد لله بناتي ماتأثروا فيهم لان انا صايره صديقتهم واختهم الكبيره .. فيه اشياء امنعها وبشده ومافي مجال للنقاش وفيه اشياء اتساهل فيها معاهم .. بس الحمد لله ماأثروا عليهم البنات اللي من هذاك النوع لان تربوا من الصغر وانا اكون دايم معاهم بالصوره ومااخليهم محتاجين حد غيري الحمد لله والله يثبتهم ويثبت بناتنا وعيالنا ... وهذا كله بفضل الله سبحانه ثم بفضل الدعاء لهم صبح ومساء والاستوداع عند من لاتضيع الوادائع عنده كل وقت استودعهم ربي..

[Qt.1]

انا تقريبا فكري ومبدئي نفسج , على قولتهم old school مع ان بناتي اصغار لكن من اللحين راص عليهم , ودايما اقولهم في عقاب وحساب , ومعودهم على الخوف من الله , وان الله ايشوف كل شي انسويه , احنى اللحين في مرحله لازم نتعب فيها , اوالي بيتعب وبيربي اعياله صح عقب بيرتاح , والي بيهملهم وبيقول لاا عادي وخلهم عقب بيتعب , مره كنت اسولف مع واحد من الشباب وفتحنا هالموضوع وبصراحه انصدمت من شدة انفتاحه وان الحياه عنده ورديه وكل شي عادي , قلت في خاطري وصلنا لهدرجه يعني ! والله شي ايحير , خلاصة الكلام انتي اختي شكلج من النوع الي الحمدالله عارف اشلون ايتعامل مع اعياله وقلبه معاهم وصدقيني هالشي بيعكس تربيه صالحه والله ايبلغج فيهم ولااتخافين .

[ريم الشمال]

كل عام وأنتم بخير

دانه دخلت لأني حسيت أن موضوعك فيه مشكله جماعيه يعاني منها الكل ، والكل يبحث عن حل لأننا مجتمع يحب يعيش في هدوء واستقرار وخاصة في الجانب الأسري ، لكن ما يعاني ويمر به مجتمعنا القطري شديد وجديد عليه والكل يخاف من عواقب ذلك خاصة أنه اقترب من اخطر منطقه وهي الأسرة وافرادها ومد ارتباطهم والمحافظه عليهم ... لن اطيل في ذلك

قدم الكثير من الأعضاء افكار وحلول ولكن انصحك نصيحة اخت كبرى لك...
دعي بناتك ( واعتقد أنهم في سن الجامعه بعضهم أو قريب منها ) يقراءون الموضوع ويشاركونك في حيرتك وخوفك ويقرأوا ردود الاعضاء ويتبين لهن أن هناك اناس يفكرون ويخافون مثلك ويتخذون الحذر الذي تقومين به اتجاههم وأنه ليس عدم ثقه ولكن حب ورغبة منك كأم أن يتمتعن بلأفضل دعيهم يشاركونك قراءة الردود وجعليها مساحة تواصل وبناء جسور الثقه بينك وبينهم ...
واتمنى من كافة الاعضاء أن يقوم كل فرد منهم بإتاحة الفرصة بطريقه مباشره أو غير مباشره لأولاده أن يتعرفوا على هذه المشكله التي تؤرقكم ويقراءوا ردود مثل رد جنون الذي تتكلم بأسم جيلها ولكن بتربية جيل والدتها وابيها وكيف أنها تعتز بخوف ومدارات أمها وأبيها وتمتع بذلك ... ليقرؤا رد بعض الاباء الذين شارك الكثير منهم تجاربهم وخوفهم

اسمحي لبناتك مشاركتك خوفك عليهم ...
نصيحه لكل اب وأم لا تبنوا الحواجز بينكم وبين ابنائكم افتحوا لهم قلوبكم حتى يتعرف كل فرد منهم مدى حبكم وخوفكم وحيرتكم شاركوهم حتى ينضج فكرهم ويكنون في مستوى عقولكم ونضجكم

بالنسبة للمرأة التي تنصح بناتك بعدم اطلاعك على كل شيء هذه فاقده العقل والميزان وليقراء ابنائك رأي فيها ومثلها لا يستمع لها ولا لنصائحها الهدامه

[دااانة قطر]

السموحة من الجميع انشغلت ولاا قدرت ارد عليكم
وخليت البنات يدخلون الموضوع ويقرون ردودكم مثل مانصحتني الأخت ريم الشماال
الحمدلله الله يحفظ البناات هم يتاثرون بكل شي سواء مع أو ضد الله يحفظهم

لي عودة لكل رد واسمحوا لي مرة ثاانية

[Charisma]

وعليكم السلام ورحمه الله وبركاته



انا اصنف الوضع حاليا بتراكمات لامور صغيره اجتماعيا .. صغيره صغيره .. تساهلنا فيها وتراكمت .. واصبح الوضع خطير .. الاسره لها الدور الاول والاهم .. ولكن في بعض الحالات حتى مع الدور الفعال للاسره نلقى الانحراف والشذوذ .. والسبب المحيط .. من المدرسة الى الاصدقاء الى التلفزيون الى الاقارب الى الجيران الى الانشطه .. امور كثيره .. واذا بنوجد حلول للموضوع فللاسف مابيدنا غير ان نكثف من دور الاسره في الاهتمام بالابناء بـ :





تنشأتهم على مبادىء الدين وعلى القيم والاخلاق وليس بالكلام فقط .. وانما بالتطبيق .

انتقاء المدارس اللتي تحرص على الاخلاق وعلى التربيه الاسلاميه .

متابعه الابناء بعلاقاتهم مع اصدقائهم .. والسبيل الوحيد لهالنقطه .. اهي بالمخاواه خصوصا اذا بلغوا سن المراهقه وهي اخطر المراحل .

مناقشه كل الظواهر السلبيه في المجتمع مع الابناء وجس نبض نضوجهم الفكري وقدرتهم على تمييز الخطأ .. وشرح اثار واضرار بعض التصرفات .

تفقد احوالهم الدراسيه والاجتماعيه والعلميه والرياضيه والاسريه في السر والعلانيه .

الدعاء واللجوء لله بحفظهم وتوفيقهم .



هذا دورنا كافراد تجاه اسرنا .. ويبقى دورنا تجاه مجتمعنا باستنكار التصرفات الخاطئه بشتى الطرق .. في المنتديات وفي المجالس وفي النقاشات .. نوع من انواع الشحن والتوعيه للمجتمع .. في بعض الاخوان اثاروا نقطه تخوف .. وفعلا تخوف اذا تأملتوا فيها .. الجيل هذا من بنات وشباب .. وتوجهاتهم الفكريه واهتمامتهم ورغباتهم السطحيه .. هل بامكانهم انشاء اسر قوية ومتماسكه ؟ اسر فيها الابناء يربون تربيه اسلاميه وزرع لمبادىء وقيم اجتماعيه وهويه وطنيه ؟ اسر قادره على انشاء جيل يقود كافه القطاعات على ثوابت ومبادىء وركائز علميه واخلاقيه وتطويريه .. مع المحافظه على الهويه ! ..

الله المستعان ..

[Charisma]

داااانو

بااال صارلي فتره الموضوع نفسه يدور يدور يدور
ومب عارفه ارتب افكاري فيه ولا عارفه وين ابدا ووين انتهي
نفسج نفسج لو بتكلم بدش ف فشي وبطلع ف شي

بنات صج يتكلمون عن الحكره عند اهلهم وتبي الفرج ب اي طريقه ويحسبونً انه سجن مايدرون انه هاي هو الصح
بنات صج يخونون باهلهم من وراهم وطلعات وبارتيات ف اماكن (معروفه) وتقول انا عند رفيجتي واهلهم مخلينهم ع راحتهم يطلعون مع ربعهم
انا وحده عمري ماقلت لابوي بروح سينما مع رفيجتي ف حياتي ماقلتله شوبنغ مع ربعي ولا قد سويتها وحتى بيت ربعي ماروح بروحي ومب اي بيت؟ لا البيت الي يعرفون من اهلها وشنو اخلاقهم ولو ماوصلتني امي بنفسها ابوي يوصلني والمهم ان خدامتي معاي ماروح بروحي
ولحد الحين احصل هجوم من بنات وايد ويقولون عني معقده
والمشكله لما اتييج الام تنتقد تصرفات البنات الخفيفات وبناتها ادمر منهم بس من وراها ليش؟ لانها ماعرفت تقبضهم شاغلتها اشيا وايد
اي نعم انا مع الي يقول اذا تبي تخرب المجتمع ابدا ب الام
تعرفون ليش؟
لو الام شافت بنتها غلطت وسوت مصيبه تسكت وتدفدف عليها تخاف ابوها يدري صح؟ وهاي الغلط بعينه
البنت تقول لامها يمه بروح بيت رفيجتي والا رفيجتي بتمر علي بنروح نتسوق والا معزومين فعرس والا مادري شنو والام تروح ترقع للبنت عند الابو وتدفدف ع بنتها
لكن لو الام كل شي تقوله للابو وقتها هني يكون الكلام غير
الابو شغله دوم برا البيت والاهم كده وصرفه عليهم وشغله خارجي
الام هي اساس البيت وشغلها داخلي وتشرف ع كل شي من كبير وصغير
اذا الابو رجع من الشغل تعبان وقعد معاهم شوي ونام والام ماقالت له شيصير فالبيت شدراه هو عقب شصاير من وراه؟
من عينه فالبيت! منهي؟ مب مرته؟
استنكر اللي حتى لو يسافر ريلها ماتقوله شيصير ف بيتها وبين عيالها ع اساس ايش؟ ع اساس خلوه يرتاح خلوه ف السفر مستانس ليش اضيق عليه واقوله شيصير ف البيت؟
هاي غلط كل شي لازم تقوله عشان حتى هو وهو مسافر يتعلم يكون قلبه ف بيته مب مطيور
وماتدري الاخت انها لو سوت جذي تخليه مايحس باللي صاير حوله ويحس الدنيا حلوه ويلا سهالات مرتي متحمله كل شي وانا بدور لي مره ماتدري عن عادي عادي ياخذ عليها وحده ثانيه ليش؟ لان عمرها ماربطته بامور البيت
جنه غريب يدش ويطلع مجرد اسم ابو يصرف عليهم وبس

اروح مع ابوي سيفورا ابي اشتري اغراض قبل العيد هو بروحه استنكر الوضع
مافي الا هو الي يايبني انا وخواتي وواحد ثاني كبير يايب بناته
بسسسسسس والباقي كلهم بنات بروحهم والمكان فيه يمكن اكثر من ثلاثين وحده
وين اهلهم وين امهاتهم والا اخوانهم وابهاتهم؟
احنا فزمن صارت البنت مهمله
محد له بارظ يربيها ويعلمها الصح من الغلط
من ينصح هالايام؟ محد!

نص البنات الي يحسون بحكره ويبون الفرج لان اهلهم مانصحوهم ماحببوهم ف الستر
بس منعوهم وبس وهالشي غلط
في مرحله من العمر تكبر البنت فيها وتبي تعرف ليش هاي لا وليش هاي ممنوع
لازم ايي دور الام وتنصحهم ف كل شي وتنور طريقهم وايي دور الابو ويحسسهم انهم اغلى ماملك ف حياته
البنت كثر ماتحس بمحبة ابوها بالذات وامها لها وغيرتهم عليها تحافظ ع نفسها وتحافظ ع سمعتها وسمعتهم
لكن لو الابو مب فاضي والام هبابها عمرها وين تحس البنت بالولاء لاهلها وسمعتهم؟ وين تحس انها مرتبطه فيهم بحبهم قبل اسمهم


استسهلنا اشيا وايد كان عيب ومنقود نسويها
اقل شي التصوير
كنا نصور من واحنا صغار بس عيب نوزع صورنا وعيب نصور مع الباقي ف كيمراتهم
الحين البنات من وراه اهلهم تصوير مع ربوعهم وسناب وكيك وانستقرام وغيره ومب بس تصوير فوتوغراف لا الحين مقاطع فيديو نص الجسم ووترقص مع ربعها والا بروحها وتنشر
كافي شي اسمه حرام والله بيحاسبج وبيعاقبج

دارسين الدين والشريعه ف المدرسه مجرد دروس اخر السنه يقدمون فيها امتحان وعقب ينسونها
مافي لا مبادئ ولا اخلاق تنزرع فيهم
مافي شي اسمه مراقبة النفس قبل رقابة الاهل
اقل شي على مراقبه النفس روحو جوفو كم وحده ف اليوم تطلع من الجامعه مواعده ! وين اهلها؟ تخاف منهم هي وتحبهم لكن ماتراقب نفسها الضعيفه من وراهم
لما نفكر فيها احنا نربيهم صغار ولين كبرو نشوف نتيجة التربيه فيهم ان زرعنا خير حصدناه وان زرعنا شر حصدناه
البنت تروح الجامعه اهلها واثقين انها تدري ف محاضرتها ومايدرون انها طالعه مع صديقتها تتقهوى ف اللؤلؤه والا ف لاجونا
كم بنت صار عليها حادث طالعه من ورا اهلها من الجامعه؟ حدث ولا حرج
كم بنت انصادت عند بوابة الجامعه مطلعها واحد؟ حدث ولا حرج
عيزو الجامعه وهم يحطون سيكورتيه وكيمرات ومب ملحقين
لو التربيه كانت ف البيت صح من بيت شريف ونظيف وسنع ويخافون ربهم ويصلون صدقوني ماكنا بنحتاج لا كيمرات ولا امن ولا مراقبه
من ابتدائي تخترب البنت ف المدرسه لان ماعاد في تربيه
المدرسات نفسهم صغار ومالهم بارظ يدرسون وهبابهم مكياجهم وترصرصهم والا اتيي مدرسة رياضه طول الوقت مرصرصه بلقنز وحاطه مكياج اوووفر اوفر جنها رايحه عرس وتدرس اليهال رياضه
اي رياضه ذي يالطيبه؟ الله يرحم مدرسات قبل ويذكر الي عايشين بالخير كانت بتنوره وقميص ووقت حصة الرياضه مثل الطالبات تبدل ثيابها وتلبس لبس رياضه ولين خلصت الحصه ترجع تلبس تنورتها ولا مكياج ولا هم بحزنون

لا لاقيين تربية عدله فالبيت ولا مدارس والله مكثر المشاكل والوصاخه فالشوارع

لو بتحجى من احين للسنه اليايه مب خالصه
انا خواتي لو انشغلت عنهم امي انا اقعد لهم قعده ابي نص الي تربينا عليه عالاقل ينزرع فيهم ويشوفون غيرهم ويقولون شمعنى هذي تسوي جي؟ وليش احنا غير! واكي فلانه عادي تسوي .. يعني يتاثرون بالمحيط لكن احاول افهمهم ان مب كل شي يسوونه الناس صح

تذكرت سالفة واحد ينتقد حتى سواقة المرأه ومايتم عيب مايحطه فيهم واييني انا يقول لي شله ماتسوقين؟ كل البنات ساقو عيل تتمين جذي تنطرين دريول يوديج واييبج؟ والخ الخ

التناقضات الي ف المجتمع بتزيد من الناس الي يتكلمون فيها اصلا الناس الي يقولون المستقبل الي جاي اسود
ماهو جاي منكم انتو لانكم استسهلتو هالشي وصرتو تمشون مع التيار



دانه حبيبتي
بتتعبين مع عيالج وانتي تعلمينهم شي يناقض المحيط برا البيت
لكن الاهم انج تزرعين المبادئ الصح فيهم لان مع الوقت ماراح تتغير لو اقتنعو فيها ولين يكبرون بيتمون ع نفس المبادئ
لين شفتي الواحد فيهم محتار ف شي لاتكلمينه بشكل مباشر وتوجهينه للي تشوفينه انتي صح.. لا
الافضل انج تتكلمين بشكل عام جدا وتخلينه هو يفكر ف كلامج ويختار بنفسه الصح لان وقتها بيكون مقتنع فيه اكثر من لما حد يفرضه عليه


ماشاءالله عليج اختي جنون .. واخيرا لقينا احد يحكر للعضو ( سبحانك اللهم ) .. بس للامانه ردج قريته من البدايه للنهايه .. والكلام ( كبير ) واتفق معاج في مجمل ماكتبتي .. بارك الله فيج.

[يمامـة]

الله يهديهم ويهدي سرهم..