::: مطلوب مساعده بخصوص شركات مختصه بتركيب القرميد:::

[إعلامي قطر]

..

بسم الله الرحمن الرحيم..

ياليت إللي عنده شركات إنه مايبخل
علي وبخصوص اللون الأزرق أو
الأخضر شلون أحصلهم لأني
مالقيت بالسوق إلا الأحمر
أو المعتق وماعجبوني !

تحياتي،،

..

[ll vip ll]

اخوي بتحصل عند العمودي او الدرويش بطريق سلوى ،، وبالتوفيق

[ameeer3]

نصيحه اخوي لا تركب عند شركه رافكو - وان توني فاصخ العقد معاهم لعدم تقيدهم في نظافة الشغل والامور الفنيه في التركيب بالاضافه الى عدم التقيد في الوقت - وحالين انتظر وادور على شركه ممتازه تركيب حتى لو بغالي

[الوعب للتجارة]

بالتوفيق

[إعلامي قطر]

اخوي بتحصل عند العمودي او الدرويش بطريق سلوى ،، وبالتوفيق

جزاك الله خير..

..

[إعلامي قطر]

نصيحه اخوي لا تركب عند شركه رافكو - وان توني فاصخ العقد معاهم لعدم تقيدهم في نظافة الشغل والامور الفنيه في التركيب بالاضافه الى عدم التقيد في الوقت - وحالين انتظر وادور على شركه ممتازه تركيب حتى لو بغالي

أبشر وجزاك الله خير ع النصيحه..

اليوم مريت على الدرويش ولقيت اللون
الكحلي إللي يناسب ذوقي تماماً ولله الحمد..

وبيمرون ياخذون القياسات والله يسهل..

..

[إعلامي قطر]

بالتوفيق

وياكم إن شاء الله..

..

[Bozizoo]

اخوي بتحصل عند العمودي او الدرويش بطريق سلوى ،، وبالتوفيق

العمودي رحت لهم ماعندهم الا الكحلي اما ازرق ماعندهم
في محل في شارع سلوى ((دوحه الشام))عندهم بس الكميه الي عنده في حدود 200 متر مربع لونه حلو

[معماري قطري]

أبشر وجزاك الله خير ع النصيحه..

اليوم مريت على الدرويش ولقيت اللون
الكحلي إللي يناسب ذوقي تماماً ولله الحمد..

وبيمرون ياخذون القياسات والله يسهل..

..

انا مركب برتقالي مشكلته يغبر ومن يطق المطر ينور .. مثله مثل الكحلي اعتقد ومثل أَي نوع أَملس .. فيه أَنواع فخارية مناسبة أَكثر حق جونا وفيه اللي يجي بأَلوان متعددة .. ماليزي اعتقد وايد زين.

عندنا مشكلة التقاء المموج مع سطح عمودي لو كان مركب على سطح مائل .. هذا لازم ينقص بزاوية التقاء السطحين حتى يركب صح وما يترقع بعدين بالبلاستر .. والتركيب يكون على ميزانية خشب وببراغي وتحته ينصبغ بتومين وينحط عازل حراري.

[مضارب دوسري]

عليك تروح نابينا فرع الغرافه وبتحصل اللي تبيه ان شاء الله

[مضارب دوسري]

انا مركب برتقالي مشكلته يغبر ومن يطق المطر ينور .. مثله مثل الكحلي اعتقد ومثل أَي نوع أَملس .. فيه أَنواع فخارية مناسبة أَكثر حق جونا وفيه اللي يجي بأَلوان متعددة .. ماليزي اعتقد وايد زين.

عندنا مشكلة التقاء المموج مع سطح عمودي لو كان مركب على سطح مائل .. هذا لازم ينقص بزاوية التقاء السطحين حتى يركب صح وما يترقع بعدين بالبلاستر .. والتركيب يكون على ميزانية خشب وببراغي وتحته ينصبغ بتومين وينحط عازل حراري.

الخشب يطلع روايح اذا صب المطر
شوف ان الحديد افضل ومايحتاج عازل او بيتومين

[معماري قطري]

الخشب يطلع روايح اذا صب المطر
شوف ان الحديد افضل ومايحتاج عازل او بيتومين

مستانس بنقاشك إِخوي مضارب

هذا القرميد يركب أَصلاً على أَسقف خشبية لحمايتها من عوامل الجو والبتومين حماية وعزل للخشب وللسقف من أَي رطوبة خفيفة تدخل على الخرسانة .. وإِنت عارف إِن السقف خصوصاً المائل يجي فيه تعرجات بسيطة ويحتاج تكسير بسيط لبعض الأَماكن للحصول على مستوى متساوي .. والخشب يكمل استواء المستوى لأَن قطعة الخشب 2 في 2 إِنش المربعة تكون مستقيمة وتجي فراغات بسيطة تحتها وتثبيت الخشب بالبراغي يخلي القرميد يثبت عليه عدل بعد بالبراغي ويتم تغطية مكان البرغي بقطعة القرميد الثانية .. وبالنسبة للعازل الحراري فهذي متطلبات التخطيط وممكن لو المفتش مفتح يوقف الرخصة لحين تركيب العازل.

في الأَخير الحمد لله مركب النوع المتموج وهو صعب تركيبه وعلى خشب من 10 سنين ولو طلع الخشب ريحة على سبيل المثال بتكون ريحة خشب ومن بيقدر يشم هالريحة وهي فوق :) أَكيد بيكون سوبر خشمان

[إعلامي قطر]

العمودي رحت لهم ماعندهم الا الكحلي اما ازرق ماعندهم
في محل في شارع سلوى ((دوحه الشام))عندهم بس الكميه الي عنده في حدود 200 متر مربع لونه حلو

آنا بصراحه حبيت القرميد الكحلي وايد فخم لونه..
بس بمر أشوف الأزرق إللي حضرتك تتكلم عنه
عشان أقارن بين الإثنين..

..