بعيني طفل يدخن شيشه ويسمع الاغاني الصاخبة في قطر

[LSBU]

يمكن يكون العنوان غريب او غير واقعي للبعض ،، ولكن للاسف هي حقيقه وواقعيه ،

طفل لا يتجاوز عمره عده اشهر بين يدين خادمه على طاوله منفرده في مطعم صاخب بالاغاني المرتفعه و دخان الشيشه يملىء المكان ،

ولام على طاوله اخرى مع صديقاتها بين قهقهات الضحك و السوالف


لا تريد الام ان تضيع فرصه جمعتها بالصديقات والخروج للعشاء ،، وفي نفس الوقت لا تستطيع ترك طفلها وحيد في المنزل مع الخادمه لذالك قررت جلبه معهاا لهذا المكان....

فعن ماذا اتحدث ياترى

كيف يهون على قلب الام ان يتواجد طفلها في مكان كهذااا ؟

صوت الموسيقى المرتفع جدا ،،، وكيف يهون عليها ان يستنشق طفلها في كل لحظه دخان الشيشه الذي يملىء المكان كما ذكرت ،

يالله جلست افكر وافكر

اين قلب الام الحنون على اطفالها ؟

اين رحمة الام ؟

ولكن للاسف في حال غابت الرحمه عن الام اين من ينصف هذا الطفل


والجزء الثاني اين حقوق الاطفال من هكذا امهات ؟؟



و كيف يسمح لتلك المطاعم بسماح لدخول الاطفال فيها ؟


يجب على الجهات المسؤله وضع رادع باسرع وقت لمثل هالامهات وهالمطاعم ،

[alsoq]

تدخين المرأه امام عامه الناس مصيبه بالذات عندنا بقطر واذا كانت قطريه اصل وفصل
اخبر المقيمين اللي يدخنون

[حسن]

القادم ادهى وامر

الايام القادمه كلشي بيسر عادي

حقيقه

[حمد 2002]

الأم مدرسه واذا أعددتها على التدخين بتعد جيل كله ......... !!

[حسن]

الأم مدرسه واذا أعددتها على التدخين بتعد جيل كله ......... !!

اي ام ولا اي اب الحين

هذاك الول
قالها عبادي

زمان اول مهب الحين


الام لاهيه وقتنا الحالي كلهم عن بكره ابيهم

دون استثناء الى من رحم

يعني ال 5 % مايعدون رقم


حقيقه مره يجب ان نتقبلها بصدر رحب

[ضوى]

عار على الامهات هالام ولا تشرفنا انها تكون بمقام ام

[الخيالة]

انا مااطلع مع بعض من البنات بسبة ان يشيشون ماداني هالخرابيط الله يهدي الجميع مادري شنو بيستفيدون من هالشيشه واللي تودي عيالها معاها للأسف لاتعليق ....

[بصمة قطرية]

حسبي الله ونعم الوكيل
حرام فيها لقب ( أم ) ..

[الجـــوديّ]

مركز حقوق الطفل :telephone:

[طلعة الروح]

لا حول ولا قوة الا بالله
اش ذنب هالولد الصغير
الأم محششه والأب الله أعلم وينه وشسالفته اللي يخلي الأم والولد بو كم شهر بهالأماكن
عشان جذي كنا نقول (اختاروا عدل شركاء حياتكم)

[بصمة قطرية]

حسبي الله ونعم الوكيل
حرام فيها لقب ( أم ) ..

[ودي أكون]

علمونا ابهاتنا ان الام مو اللي جابت الام اللي ربت واتعبت وعلمت ..

هاذي بعيده عنها كلمة ام والله المستعان
والعتب على المسؤول عن مكان الشيشه.. شلون رضى رضيع يكون ف هالمكان.!؟
والعتب ع شلتها..؟!

واعتب عليك ليش ما اتصلت ع اقرب شرطه اتجي اتشوف هالانسانه :anger1:


والله المستعان

[بريق الحق]

هاي دخل راسها فالشيشه

[نوفا91]

اذا الام تشيش والا قاعده فمكان كله شيشه واغاني شتنطر منها يعني ؟

الله يهدي الجميع

[بـارود]

لا تنتظرون جيل صالح إذا كانت القدوات هكذا ..

[بريق الحق]

لا تنتظرون جيل صالح إذا كانت القدوات هكذا ..

العقيده مضروبه عند البعض جات على الشيشه

[المهاجر]

هي جات على هالشي في اللي تسوي الدواهي وتتصنع انها ام مثاليه

وان مافي احسن منها وانها وانها وتقعد تمدح في نفسها مدح اللي يسمعه

يقول بس هاي الام اللي ماعقبها ام

ومب بس جذيه الا تقعد تنتقد تصرفات غيرها

وهي تصرفاتها مصيبه مابعدها مصيبه

الله لايبلانا بهالاشكال ويبعدهم عنا ويحفظنا ويحفظ زوجاتنا منهم ومن خبثهم

شي ماينطاق والله

لما نشوف وحده تسوي البلاوي وتقعد تمدح بنفسها وتعيب على اللي يسوين

اشياء اهون من البلاوي اللي تسويها

[JN000N]

وخييييه عليها

[khalid525]

يا حبكم حق الدراما

[HADi]

لا حول لا قوه الله بالله ..

صحيح المفروض يكون هناك قانون يمنع دخول الأطفال لمثل هلاماكن .

[نيساني]

يا حبكم حق الدراما


الله يهديها ويهدي الجميع

وشكراً

[aziz4z]

إحنا قبل من زمان , عمرنا ماسمعنا من وحدة تدخن , و لين صرنا في الجامعة شفنا دكتورة تدخن , كل طلاب الجامعة يتكلمون عنها , يعني كأنه أول مرة في حياتنا نشوف وحدة تدخن
لأنه غالبا الرجال يدخنون , لا و الحين أعوذ بالله , سوق واقف مليان حريم ورجال مع عيالهم على الشيشة , لا وفوق في مطاعم إذا ما تطلب شيشة مع طلبك , يقولونلك لا , روح مكان ثاني
ها التطور اللي يبون منا
وفي الطريق البارات و الخمارات في كل مكان , شوي شوي , الفنادق وحدها غير كافية
الله يهدي الجميع

[Rider]

اذا غاب الرجال المرأة تفعل ماتشأ الي الامام يا قطر

[مضارب دوسري]

اذا فيفي عبده الام المثاليه ف مصر
هههههههه
مو كل ام ام
ولا كل اب اب

[حسن]

مركز حقوق الطفل :telephone:

اسكتي اسكتي

تفتكرين مركز حقوق الطفل اللي موجود هني نفس اللي في اوروبا
هاهاهاها

لو يجبون فريق اوروبي اتوقع تسقط الزوجه القطريه بامتياز مع مرتبه الشرف في الاختبار
وتسمعين لم ينجح احد مثل نتايج الثانويه الاول
هاهاها

اول جريمه تربيه الاطفال في ايدي الخادمات هذه تسقط الحضانه من الطفل وينتزع
ويسلم الى دور الايواء

الحمدلله انهم بعيد عنا كان اكثريه النسوان في السجن


:omg:

[طبيب قطري]

أعرف واحد يعطي خدامته الفلبينيه ألفين ونص وكل ماتطلب أجازه يسفرها أو أي شي يعطيها، مع انه يشتكي منها انها طول اليوم راقده وماتشتغل وايد إلا انه بنفس الوقت محتاجها بشده وحتى باقي خداماته يطفشون بسببها ولما سألته ايش سبب تعلقك فيها قال ماسكه ولدي الصغير!! انزين وباقي عيالك؟ لا عندهم خداماتهم ؟ انا ماقدرت اسأله عن مرته بس اللي عرفته انها صاحيه مافيها اعاقه ولاشي وبالعكس هي طبيعيه وتشتغل بعد!!
امحق رجال ..

[Charisma]

يمكن يكون العنوان غريب او غير واقعي للبعض ،، ولكن للاسف هي حقيقه وواقعيه ،

طفل لا يتجاوز عمره عده اشهر بين يدين خادمه على طاوله منفرده في مطعم صاخب بالاغاني المرتفعه و دخان الشيشه يملىء المكان ،

ولام على طاوله اخرى مع صديقاتها بين قهقهات الضحك و السوالف


لا تريد الام ان تضيع فرصه جمعتها بالصديقات والخروج للعشاء ،، وفي نفس الوقت لا تستطيع ترك طفلها وحيد في المنزل مع الخادمه لذالك قررت جلبه معهاا لهذا المكان....

فعن ماذا اتحدث ياترى

كيف يهون على قلب الام ان يتواجد طفلها في مكان كهذااا ؟

صوت الموسيقى المرتفع جدا ،،، وكيف يهون عليها ان يستنشق طفلها في كل لحظه دخان الشيشه الذي يملىء المكان كما ذكرت ،

يالله جلست افكر وافكر

اين قلب الام الحنون على اطفالها ؟

اين رحمة الام ؟

ولكن للاسف في حال غابت الرحمه عن الام اين من ينصف هذا الطفل


والجزء الثاني اين حقوق الاطفال من هكذا امهات ؟؟



و كيف يسمح لتلك المطاعم بسماح لدخول الاطفال فيها ؟


يجب على الجهات المسؤله وضع رادع باسرع وقت لمثل هالامهات وهالمطاعم ،

هالاشكال تنوصف بالـ " حُثاله " .

[captin]

Over exaggerated
take it easy guys

[Dmy Enabi]

شكرا لك أخي الكريم عن الموضوع
ممكن توضيح أكثر ماهو صلب الموضوع
هل المشكلة في قعدة الأم في كوفي ؟ ولا إنها تشيش ؟ ولا إن الياهل مع الخدامة ؟ولا الأغاني ولاإيش بالضبط ؟بصراحة آنا تشتت
عالعموم إذا كان القصد الطفل ومعاناته مع التدخين طبعا كلامك صحيح مية في المية ،لكن نلقي باللوم على الأم فقط هذا غيرمقبول ،شرايك وين دور الأب ؟
البلى لما الأب يدخن طول الوقت في البيت وفي السيارة وفي الغرفة هني شنقول ؟
إذا الإنسان بالي عمره بالتدخين عالأقل شوية احترام للناس إلي حولك ويعيشون معاك
دمتم برقي

[العقل المدمر]

الحريم ناقصات عقل
الرياييل كاملين العقل وينهم ؟ ليش مايسنعون حريمهم ؟
هاذي ريلها وينه عنها ؟ وينه عن ولده ؟

[QATAR 77]

يمكن قصت على ريلها و قالت بروح عرس و لا السوق

[طبيب قطري]

يمكن قصت على ريلها و قالت بروح عرس و لا السوق

وحتى لو رايحة السوق ولا عرس ماتاخذ طفل صغير معاها...

[العقل المدمر]

يمكن قصت على ريلها و قالت بروح عرس و لا السوق

دامه قط مرته عالسواق وصار مقصه عيل يستاهل يقطون ولده عالخدامه :shy:

[R 7 A L]

بعضهم الشيشة جزء رئيسي في بيوتهم
يعني صبه رده في البيت ولا سوق واقف

[رجل مثالي]

تدخين المرأه امام عامه الناس مصيبه بالذات عندنا بقطر واذا كانت قطريه اصل وفصل
اخبر المقيمين اللي يدخنون

يجب وضع حلول لهذا الموضوع عن تدخين
النساء من جميع البلدان لانه فيه تاثير
على الطفل

[ثابت]

حرام تكون ام وبالفعل انا لحظت جنسية معينة هم دوم يروحون هذي الاماكن معهم اطفال لنة الشيشة عند حريمهم مثل القهوى

[ya3coub]

أخوي حاولت تكلم مدير المطعم ؟؟؟

صارت اكثر من مرة و بدال ما احرج نفسي مع الأهل اكلم مدير المطعم او المسؤول و بالأغلب اذا عرب يكونون متفهمين و يكلمونهم او يسحبون الشيشه منهم بدون دفع رسومها. و صارت معاي مرتين بسوق واقف.

ممكن ايضا تتصل على 999 و تطلب منهم الرقم او شتسوي بمثل هالحالة.


فدبي لما اروح قهاوي يمنعون دخول الأطفال ل|أماكن التدخين حتى لو برفقه والديهم و بعض الأماكن لما يدخل احد مع عياله تلقى أغلب المدخنين يستنكرون هالشي و يذكرون الشخص بإنه جايب عياله لمكان غلط.