قياسات الحمام تكرمون ؟؟ [الأرشيف] - منتديات شبكة الأسهم القطرية

مشاهدة النسخة كاملة : قياسات الحمام تكرمون ؟؟

وحيد-الشوق

10-10-2014, 06:23 PM

السلام عليكم

ارجو الافادة والمشوره يا اخوان

عندي مقاسات 3 حمامات تكرمون في البيت العرض متر و 80 والطول 2.70 و2.80 طبعا الحين وصلنا مرحلة متقدمة من البنيان صب القواعد وبادي في الدور الارضي هل في طريقة لتكبير عرض قياس الحمام ولا اكتفي بهذا القياس هو صحيح يكفي لتركيب جميع القطع المطلوبة لكن الواحد مايبي بتحسف عقب علما اني بعد ماحسبت اشوف القياس 1.78 تقريبا واذا ركبنا البلاط بيقل العرض :(

معماري قطري

11-10-2014, 12:31 AM

Azizuk

11-10-2014, 01:22 AM

نصيحه مني لا تتنازل عن حمام الله يكرمك مقاس 2.50 في 3 او 2 في 3

وأقل اقل القليل 2.50 في 2

وانتبة على شباك الحمام ياتوسط الشباك او انك تحطه على

جنب اذا بتحط الشور جه وحده

يعني اذا الشور مقاس 90*90 مربع او نص دائري حاول تحط الشباك على جنب عشان مايتخالف مع عمود الشور عند التثبيت

ويكون الشباك سحاب لسهولة الفتح والإغلاق

وإذا بتحط الشور بعرض الحمام كامل خل الشباك بالنص

مقاس الشباك اذا بالنص 80*80

وإذا على جنب 60*80

وأعضاء المنتدى مهب مقصرين معاك وأحسن مني في مجال البناء

MAZEN37

11-10-2014, 09:29 AM

الشباب ما قصروا انا احب اضيف شيء
هو تخيل توزيع القطع و اتتبه لمكان فتحة الباب ومكان فتحه داخل الحمام
وبالتوفيق

Bozizoo

11-10-2014, 10:10 AM

أما بخصوص انك تقدر تكبر الحمام ..
كل شي تقدر تسويه بس بياخذه منك وقت و فلوس ..

شموخ دائم

11-10-2014, 11:32 AM

,

,

مرحبا

كل المقاسات تصلح تكون حمام والفنادق والشقق بكل دول العالم صغيره جدا ومرتبه جدا بعنايه
وتكون صالحه لانهم يستخدمون القطع الحجم ( الصغير ) وبعض المعدات مخفيه بالحائط

اما افضل مقاس لنا في قطر ( 2×3 )

هذا مناسب جدا وما فيه ضيق لكل الاستخدامات ولكل انواع القطع
وانا اعتبره المقاس المثالي لفلل قطرتقدر تركب فيه قطعه رخام وبانيوم او شاور كبير
وتقدر تحط فيه مكان ورفوف للملابس والفوط وامور كثيره

والي جرب هذا المقاس وتعود عليه ما يعجبه شي اصغر

للغرف العاديه والرئيسي يكون اكبر طبعا

مو معقوله نسوي غرف النوم 8 ×10 والصالات والمجالس 12 متر و 14 متر

والحمام متر ونص
:)
مافيه نسبه وتناسب بينهم ابدا فخامه المساحات والسعه لابد انها تنعكس على فخامه الحمام وسعته

,

,

اخوك

شموخ دائم

وحيد-الشوق

11-10-2014, 09:13 PM

يعتمد على القطع اللي بتحطها .. إِذا شاور وكرسي حمام ومغسلة حتى1.8 في 1.8 بتكفي

عرض 1.7 عندك للبانيوهات هذا المقاس موجود وفيه 1.6 وأَصغر .. ركز البلاط تاخذه للأَرضيات مربع وما يزحلق وركبه زاوية 45 درجة .. وأَتوقع هذي حمامات ثانوية لازم الرئيسي عندك أَكبر .. ولو حاب توزيعة مقترحة مستعد بس عطني احتياجك للقطع

هي تقريبا القطع الي ذكرتها ناويين نركبها اما غيرها مالها داعي اذكر انت وايد رتبت لي التوزيعات مثل الحمام وغيرها :) في ثلاث حمامات اكبر بس انا يهمني حمام الغرف اكثر

نصيحه مني لا تتنازل عن حمام الله يكرمك مقاس 2.50 في 3 او 2 في 3

وأقل اقل القليل 2.50 في 2

وانتبة على شباك الحمام ياتوسط الشباك او انك تحطه على

جنب اذا بتحط الشور جه وحده

يعني اذا الشور مقاس 90*90 مربع او نص دائري حاول تحط الشباك على جنب عشان مايتخالف مع عمود الشور عند التثبيت

ويكون الشباك سحاب لسهولة الفتح والإغلاق

وإذا بتحط الشور بعرض الحمام كامل خل الشباك بالنص

مقاس الشباك اذا بالنص 80*80

وإذا على جنب 60*80

وأعضاء المنتدى مهب مقصرين معاك وأحسن مني في مجال البناء

جزاك الله خير

الشباب ما قصروا انا احب اضيف شيء
هو تخيل توزيع القطع و اتتبه لمكان فتحة الباب ومكان فتحه داخل الحمام
وبالتوفيق

معلومة مفيدة شكرا لك اخوي

أما بخصوص انك تقدر تكبر الحمام ..
كل شي تقدر تسويه بس بياخذه منك وقت و فلوس ..

برجع للمهندس بكرة واشوف ايش ممكن نسوي تسلم ياخوي بوزيزو

,

,

مرحبا

كل المقاسات تصلح تكون حمام والفنادق والشقق بكل دول العالم صغيره جدا ومرتبه جدا بعنايه
وتكون صالحه لانهم يستخدمون القطع الحجم ( الصغير ) وبعض المعدات مخفيه بالحائط

اما افضل مقاس لنا في قطر ( 2×3 )

هذا مناسب جدا وما فيه ضيق لكل الاستخدامات ولكل انواع القطع
وانا اعتبره المقاس المثالي لفلل قطرتقدر تركب فيه قطعه رخام وبانيوم او شاور كبير
وتقدر تحط فيه مكان ورفوف للملابس والفوط وامور كثيره

والي جرب هذا المقاس وتعود عليه ما يعجبه شي اصغر

للغرف العاديه والرئيسي يكون اكبر طبعا

مو معقوله نسوي غرف النوم 8 ×10 والصالات والمجالس 12 متر و 14 متر

والحمام متر ونص
:)
مافيه نسبه وتناسب بينهم ابدا فخامه المساحات والسعه لابد انها تنعكس على فخامه الحمام وسعته

,

,

اخوك

شموخ دائم

هههههههههه شاكر لك تواصلك اخوي شموخ انا احب الحمام يكون متناسق ومرتب ومايهمني الكبر لأني اشوف حمامات الفنادق بعضها صغيرة ومرتبه :)

Azizuk

11-10-2014, 10:29 PM

معماري قطري

12-10-2014, 01:24 AM

إِخوي وحيد الشوق انا عندي تكرم حمام 2 في 2 للثلاث قطع وبدريشة جانبية كبيرة نوعاً ما وصدقني مريح ومناسب وكافي وزيادة .. 2.7 و 2.8 تفرق كثير والضلع القصير حتى 1.7 بعد كافي .. ولو حاب ناخذ جولة أراويك القطع ومقاساتها وكيف تتركب مستعد وتامر أَمر .. إِلا إِذا خاطرك في السعة والفخامة والتوسعة لاحتياج ثاني فلهذا حلول أَيضاً مثل ما قال بو زيزو.

ومثال حمامات الفنادق احنا بنكون بعيدين عنه بهذي المساحة الكافية .. انا دوم أَذكر صديق لي اشتغلت معاه في تصميم أَجزاء من بيته ومسوي الحمام الرئيسي قريب من 3 في 3 لكن حاط فيه الثلاث قطع الأَساسية وبدون بروزات وتعريض مثلاً للمغسلة أَو الشاور يكون زجاجي ببخار وبعرض زيادة .. كل قطعة ستاندرد وصغيرة يناسب لها حمام 1.8 في 1.8

ضوى

12-10-2014, 01:42 AM

اخوي معماري

لو بغيت منك تقييم فني لفيلا تساعدني !؟

معماري قطري

12-10-2014, 06:37 AM

اخوي معماري

لو بغيت منك تقييم فني لفيلا تساعدني !؟

شيء أَكيد بإِذن الله .. بس إِحتمال تحتاج فحوصات معينة لبعض الأَماكن

لكن معاينة عادية وتقدير أَكيد .. ولو مستعملة ولها وقت نتأَكد من شيئن مهمين وهم ضغط الماي ما ينزل في البيبات والفحص سهل .. والثاني عازل المياه فوق ما يسرب.

الفحوصات العينية وايد وسهلة وبعضها يحتاج زيارتين .. مطابقة القياس بالخرائط لتأَكيد المساحة ممكن يكون غير مهم حسب نظرة الشاري وممكن يكون مهم لو تدخل فيها أُمور مالية وقرض ومعاينة ثانية من قبل البنك.

معماري قطري

12-10-2014, 06:44 AM

بالنسبة للحمامات في هذا الموضوع فهي جاهزة وأَي تعديل إِنشائي يحتاج إِعادة تصميم وتكلفة .. والمساحة تكفي حتى لجكوزي ولا بانيو ومغسلة ودبليو سي وبديه لو حب صاحب الموضوع يركب.

Azizuk

12-10-2014, 04:12 PM

ممكن نصيحه

الحين في مرحلة تركيب خزانات في الحوايط

انا مب مقتنع في فريم البيديه احس ان ضعيف والسباك يقولي لا راح ينحط تحته طابوق ويتسكر بطابوق والوزن راح يكون على الجدار مب البراغي

واظاهر اني راح ابدل فريم البيدية وبركب نفس فريم wc

اذا في اي نصايح

حمامات البيت كلها فيها بيديه

هذا حمام المجلس مقاس 180*2

http://im58.gulfup.com/AbFu0A.jpg (http://www.gulfup.com/?X1oYUW)

وهذا حمام غرفة الضيوف مقاس 2*2.50

http://im58.gulfup.com/diDdyZ.jpg (http://www.gulfup.com/?Bt9IIs)

معماري قطري

12-10-2014, 08:23 PM

إِخوي عزيز يو كي .. شغلك زين لتهتم .. انا سويت للرئيسي حايط وسطي بإِرتفاع 1.2 متر وكان طابوق بس بدون أَي خرسانة وكنت متخوف منه وآبي خرسانة .. مكان الخزان خليته مفرغ لسهولة الصيانة وركبت من الجهتين مارين بلايوود 20 ملم وعليه ركبت بلاط بلزقة خاصة وليومك ما تدري شداخل .. الحمد لله 10 سنين مرت.

من الصور تبين لي نظافة الشغل وبينحط حوله حائط طابوق بارز شوي وبيكون من أَحلى ما يمكن بإِذن الله .. إِنتبه لتركيب البلاط .. أَول شيء الحوائط وبمونه زينه وبعدها تجي الأَرضية بحيث بلاطة الأَرضية تكون شوي أَعلى من بلاطة الحائط وتكون بسلوب مناسب جهة الصرف .. ولاحظت لهذي المقاسات شبه المربعة حلو نخلي خطوط البلاط للأَرضية مايلة 45 درجة.

الله يوفقك ومسكن مبارك مقدماً.

معماري قطري

12-10-2014, 08:26 PM

ملاحظة مهمة بالنسبة للحمامات المعلقة والنوعيات الأُروبية منها كلها مواصفاتها تتحمل وزن فوق 400 كيلوغرام .. يعني حاسبين حساب اللي بياكلون وايد ويمتنون .. و400 كيلو بمعامل أَمان تعني 600 كيلو وفوق حسب معامل الأَمان.

Aaziz

12-10-2014, 08:29 PM

اذكرك بشغله مهمه اذا ماذكروها الشباب قبلي
هي اتجاه الـ wc اذا الواحد استخدم المرحاض الله يكرم السامع مايكون وجهه باتجاه القبله او عكس الاتجاه

Azizuk

13-10-2014, 01:45 AM

Azizuk

13-10-2014, 01:47 AM

اذكرك بشغله مهمه اذا ماذكروها الشباب قبلي
هي اتجاه الـ wc اذا الواحد استخدم المرحاض الله يكرم السامع مايكون وجهه باتجاه القبله او عكس الاتجاه

الله يسلمك حاولت قدر الاستطاع أني أتجنب اتجاة القبلة بس بعض الأماكن مجبور
لان فتحت الباب والشباك يلزمونك بعض الأوقات

معماري قطري

13-10-2014, 07:18 AM

الله يسلمك حاولت قدر الاستطاع أني أتجنب اتجاة القبلة بس بعض الأماكن مجبور
لان فتحت الباب والشباك يلزمونك بعض الأوقات

حسب ما عرفت انا خلال بدايات التصميم إِن عدم تعمدك مواجهة القبلة وانت في حيز مقفل محصور ما فيه أَي تحريم .. إِنما مواجهتك القبلة في الأَرض المفتوحة .. وبعدين دوم تقريباً بيوتنا ما تكون متعامدة مع اتجاه القبلة وفيها انحراف لو قليل.

معماري قطري

13-10-2014, 07:25 AM

مشكور يامعماري قطر والله يبارك فيك
دوم ما تقصر بالنصائح والمعلومات الموفيدة للجميع

العفو يا اخوي .. أَحياناً يصادف خلال التركيب تطيح القطعة وتضرب في الأَرض وتنشلخ وما تبين وتكتشف بعدين .. والسبب إِهمال العمال .. فلازم تفحص فحص دقيق قبل استلام البيت .. وتطلب من المقاول استلام القطع وفحصها قبل ليركبها ولا يرفضها لو فيها ما يسمي ب Hairy crack ولا الباقي لتهتم منه.

معليش بس سؤال .. القطع شنوعيتها ومن وين خذتها غيبيريت عند فكري ما ادري شنوعية القطع .. وخلاص الحين تورطت نبي نتابع معاك خطوة خطوة حتى الكل يستفيد .. ونبي نعرف سعر القطع بعد لو ممكن.

Azizuk

13-10-2014, 10:06 AM

الأغراض كلها من السعودية من عند بيت الاباء من الرياض

بيت الاباء يضم معظم المحلات المدى ومكارم النخبة والانيق كلهم تحت مظلة بيت الاباء

مع اختلاف في توزيع البضاعة من محل الى محل

أطقم الحمامات كلها كارمخ الألماني المعلق ولافين السويسري للملاحق والبنتا هوس

عندي الدور الأرضي والأول معلق والباقي كرسي عادي

اللي خلاني أخذ من السعودية أسباب كثيرة

تنوع وخيارات أكثر ومتوفر

معظم المحلات في الدوحه اروح لهم يقولي طلبيه ولمدة 3 أشهر

عندي مقاسات الحمامات صغيرة طلبت من كافود يوفر لي مغاسل ايديل ستاندر مقاس 60 قالي بالطلب ويأخذ 3 شهور هذا غير فرق السعر بالنسبة للموديل اللي انا ابيه

وكيل لافين في الدوحه عطاني سعر الكرسي بس 3700 ريال جبته من السعودية ب 1770 ريال بعد الخصم لأني مأخذ أغراض البيت كلها من عندهم

مشكلة التاجر او الوكيل عندنا كله معتمد على المشاريع ومب هامه المستهلك العادي

وعذرهم ان الإجارات غاليه ونسى ان معظم محلاتهم هم يملكونها والمخازن في الصناعية ماخذينها برخص التراب هذا غير التسهيلات اللي حصلو عليها من الدولة ومع ذالك رافعين الأسعار بزيادة

رحت وشريت الأغراض جاتني في خلال سبوع لو في الدوحه بيقولي التوصيل بعد سبوع

راح انزل صور الأطقم والأسعار عشان الكل يستفيد

حتى راعي التريلا اللي يبيه يتواصل معاي على الخاص

طبعا مش لازم تروح الرياض ممكن تروح الدمام اقرب لك تأخذ أغراضك نفس المحل ونفس البضاعة

الرياض ماتندخل من الزحمه

الخلاطات عندهم هنزا بس انا آخذة من هنزقروهي من الدمام محل الصديقي بشارع الملك عبدالعزيز

هنزقروهي موجود عند المتحدة بس طلع علي فرق في السعر يعني طلع على الشور مع رين فول 3 خيارات في الدوحه 8500 عند المتحدة بعد الخصم في السعودية 7000 وشوف لو أغراض البيت كلها كم بيطلع عليك الفرق

الخلاطات مع الشورات والانكل فألف 100 حبه حق المغاسل مع شطافات طلعت على 79 الف حق 17 حمام مع زيادة في الكمية احتياط للمستقبل

مارحت آخذة اغراضي من السعودية بعد مادخلت على مواقع الشركات وعرفة من هو الوكيل المعتمد من قبل الشركات العالمية

وبعد المراسلات الرسمية مع الشركة الام اكتشفت موديل vello يبيعه شبيب العطية توايفورد مع العاصمة متوقف تصنيعه في بريطانيا و أوروبا وبس يتصدر للخارج

سعر الكرسي مع المغسلة 7000 آلاف ريال وهذا يعتبر ستوك للمصنع

الغريب ان بعض الموديلات متوقف تصنيعه لأوروبا وتنباع وتصدر عندنا ليش مادري

وإذا حد يبي الا يميل من الشركة الام راح انزله عشان تعرفون الغش اللي يصير عندنا

الوكيل عندنا ياخذة ستوك ويعرضة على ان موديل جديد

ادخلو موقع هنزقروهي وراح تحصل اسماء الوكلاء في الشرق الأوسط وعناوين المحلات وأرقام تلفوناتهم وموقع المحل على الخرائط

مثل ما تفضل العضو اسمه الوفي نزل موضوع كامل سنة 2009 عن رحلته الى الرياض الله يجزيه خير وبسببه رحت وعجبني المحل واستفدة من موضوعة

http://www.qatarshares.com/vb/showthread.php?287460-%CA%D4%D8%ED%C8-%C8%ED%DC%DC%DC%DC%DC%DC%DC%DC%DC%DC%CA-%C7%E1%DA%E3%D1-%E3%E4-%C7%E1%D1%ED%C7%D6-((%D5%E6%D1))

طبعا بعض المواد والمديلات تغيرت من سنة 2009

بس عندهم بضايع اقتصادية وقديمة سعرها أرخص مازالت موجوده ويوجد قسم خاص للمشاريع

انصح اي واحد يروح يأخذ اغراضة من اي دولة مجاورة يتريث وعلى راحته ما يستعجل في الاختيار

لأنك اول ما تدخل المحل راح تتعجب وتتشت أفكارك واختياراتك تقدر تروح وتأخذ فكره يومين وترجع الدوحه تناقش الموضوع مع السباك اللي راح يشتغل لك في البيت وتحدد اللي تبيه والكمية

وتأخذ أغراضك مره وحده

انا حتى غطاء كراسي الحمامات آخذة احتياط لو سمح الله صار كسر عندي اقدر أبدل الغطاء لان الموديل بعد فتره يتغير ويتوقف تصنيع المنتج من المصنع

Aaziz

13-10-2014, 12:06 PM

مابي اعسر عليك ،، لكن اعرف شخص قبل لا يسكن البيت كسر الحمامات و اعاد ترتيبها ،، اسئل فيها المفتين افضل
هذا رقمهم 44871181

من اداب قضاء الحاجة:

1- عدم استقبال قبلة الصّلاة عند البول والغائط ( وقبلة المسلمين هي الكعبة التي بناها إبراهيم عليه السلام بأمر من الله في مكة ) وهذا من احترام القبلة وتعظيم شعائر الله وقد قال رسول اللَّهِ صَلَّى اللَّهُ عَلَيْهِ وَسَلَّمَ : إِذَا جلس أحدكم عَلَى حاجته فَلا يستقبل القبلة وَلا يستدبرها . رواه مسلم 389.

نور الحور

13-10-2014, 12:17 PM

نور الحور

13-10-2014, 12:22 PM

اذكرك بشغله مهمه اذا ماذكروها الشباب قبلي
هي اتجاه الـ wc اذا الواحد استخدم المرحاض الله يكرم السامع مايكون وجهه باتجاه القبله او عكس الاتجاه

عزيز .. ترى في فتاوي كثيرة بينت ان المقصود استقبال القبلة في الخلاء مو بداخل الحمامات وانت بكرامة

Aaziz

13-10-2014, 12:27 PM

احتمال وارد بقوه ،، شخصيا استغربت الحادثه الي صارت مع صاحبي و منها عرفت موضوع الحديث و توقعت انه ممكن يكون فيه سعه في الموضوع لهذا حطيت رقم الافتاء للتاكد ان كان فيه مجال او فهم مختلف للموضوع

Azizuk

13-10-2014, 07:24 PM

صور الاغراض اللي خذتها من بيت الاباء

http://im76.gulfup.com/3Og56b.jpg (http://www.gulfup.com/?zcFZoN)

طقم حمام الماستر مع المغسلة وتحتها درج ماركة كارمخ

http://im76.gulfup.com/IXUd3w.jpg (http://www.gulfup.com/?xWbsp5)

http://im44.gulfup.com/dw3J6I.jpg (http://www.gulfup.com/?stSR3O)

http://im76.gulfup.com/xo6SUz.jpg (http://www.gulfup.com/?9ISMhG)

http://im76.gulfup.com/xo6SUz.jpg (http://www.gulfup.com/?9ISMhG)

نفس المغسلة مقاس 65 سم بدون درج

http://im76.gulfup.com/lWvMNa.jpg (http://www.gulfup.com/?NCqCmu)

http://im76.gulfup.com/jNKlWx.jpg (http://www.gulfup.com/?Lc0WZ9)

طقم حمام العيال المغسلة مع درجين مقاس 60

http://im76.gulfup.com/krdyKG.jpg (http://www.gulfup.com/?ZE064d)

http://im76.gulfup.com/5pg2Sx.jpg (http://www.gulfup.com/?D8Ww4Z)

http://im76.gulfup.com/YoPBn9.jpg (http://www.gulfup.com/?kWKU75)

http://im76.gulfup.com/yA0iyZ.jpg (http://www.gulfup.com/?HACbeG)

طقم حمام الملحق والبنتاهوس كرسي ارضي ماركة لافين laufen

http://im44.gulfup.com/OXM8rY.jpg (http://www.gulfup.com/?svQd4x)

http://im44.gulfup.com/w5mN7P.jpg (http://www.gulfup.com/?qUlYSk)

http://im44.gulfup.com/3BhDIN.jpg (http://www.gulfup.com/?WhLGvM)

كرسي الخدم والسايق نوع صيني قطعه واحده كامله

http://im44.gulfup.com/tPoafG.jpg (http://www.gulfup.com/?8NGXvW)

وباقي الصور للفايده اللي حاب ياخذ فكرة

http://im44.gulfup.com/IKNubF.jpg (http://www.gulfup.com/?yzriHO)

http://im44.gulfup.com/koeSZR.jpg (http://www.gulfup.com/?WfLWAv)
http://im87.gulfup.com/xBfx0A.jpg (http://www.gulfup.com/?Bg5o2J)

http://im87.gulfup.com/RqArqu.jpg (http://www.gulfup.com/?CCfuAG)
http://im87.gulfup.com/mobBnR.jpg (http://www.gulfup.com/?7BQfIB)

http://im84.gulfup.com/bzYU3F.jpg (http://www.gulfup.com/?0OaoET)

http://im84.gulfup.com/9JKOxM.jpg (http://www.gulfup.com/?1aDNYI)

http://im84.gulfup.com/qVQfxa.jpg (http://www.gulfup.com/?2sIcbh)

وحيد-الشوق

13-10-2014, 08:54 PM

ملاحظه الفندق انت تسكن فيه مؤقت بس البيت راح تعيش فيه فترة من العمر مهم انك تبح بح عمرك في بيت الراحة

عندي حمامات العيال 2*2.50 وأحس انها ضيقه لأني احتديت عشان يصير عندي متسع لغرف الخزائن

والله ياخوي كان ودي بس الارض مساحتها ماتكفي انك تسوي كل الي تتمناه والحمدلله على كل حال

إِخوي وحيد الشوق انا عندي تكرم حمام 2 في 2 للثلاث قطع وبدريشة جانبية كبيرة نوعاً ما وصدقني مريح ومناسب وكافي وزيادة .. 2.7 و 2.8 تفرق كثير والضلع القصير حتى 1.7 بعد كافي .. ولو حاب ناخذ جولة أراويك القطع ومقاساتها وكيف تتركب مستعد وتامر أَمر .. إِلا إِذا خاطرك في السعة والفخامة والتوسعة لاحتياج ثاني فلهذا حلول أَيضاً مثل ما قال بو زيزو.

ومثال حمامات الفنادق احنا بنكون بعيدين عنه بهذي المساحة الكافية .. انا دوم أَذكر صديق لي اشتغلت معاه في تصميم أَجزاء من بيته ومسوي الحمام الرئيسي قريب من 3 في 3 لكن حاط فيه الثلاث قطع الأَساسية وبدون بروزات وتعريض مثلاً للمغسلة أَو الشاور يكون زجاجي ببخار وبعرض زيادة .. كل قطعة ستاندرد وصغيرة يناسب لها حمام 1.8 في 1.8

هي القطع بتكفي حتى لو اربع مع الشاور بس انا كنت متضايق شوي من العرض الحين المشكلة عندي حل وحيد اني اصغر في مساحة الدرج واكسر او اقلل عرض الغرفتين (عرضهم 4.10 وبعد ماكلمت المهندس قالي نقدر نزيد لك 10سم بنركب لك طابوق اصغر شوي عالحايط الداخلي بدال الطابوق العادي وبتكسب مساحة 10 سم هههههههه احترت شسوي

أخوي وحيد الشوق ..

أشوف مقاس 2.5 في 3 مقاس ممتاز لحمامات الغرف والصالات ..

القطع تتوزع فيه بأريحيه ..

حمام الماستر أفضل يكون مثل اسمه .. حجم كبير ممكن نقول 5 في 6 مناسب

طبعا لو كنت ناوي تحط جكوزي كبير وشاور بوكس ومغسلتين ودبليو سي أو قطع إضافية

الحمامات الأخرى حسب الاستخدام ..

مثلاً حمام الضيوف 2 في 2 بيكون مناسب

أو حمام مخطط له يكون فيه قطع قليلة مثلا الدبليو سي والمغسلة ممكن تكتفي ب 2 في 1.5

المهم هو طريقة التوزيع وتناسب حجم القطع مع الحجم الاجمالي للحمام ..

المسألة يبيها بس شوية قياسات وإبداع في التفكير :nice:

موفق يارب .. ولو حاب تحط مخطط الحمامات ونساعدك بالتوزيع :o

انا ما احب الحمامات كبيرة وايد صراحه في الاخير اسمه حمام وانتوا بكرامه البيت الحالي مساحة الحمام فيه 2.20 في 2 متر وفيه بانيو و3 قطع ومافيه ضيق ما احس ان عرض حمام 3 متر فكره مناسبة او 5x6 للغرفة الماستر اكيد في غيري يناسبهم والمشكلة الواحد انجبر في بعض الشغلات انه مايوسع على نفسه في كل شيء والحمدلله

معماري قطري

13-10-2014, 09:28 PM

والله ياخوي كان ودي بس الارض مساحتها ماتكفي انك تسوي كل الي تتمناه والحمدلله على كل حال

يا اخوي احنا محصلينها من التخطيط العمراني أَو من مهندسينا .. كلش ما عندهم روح الإِبتكار .. والا بروز لبعض الغرف والحمامات لين 2 متر ما يضر بشيء وتكون الدرايش مب مواجهه الجار

هي القطع بتكفي حتى لو اربع مع الشاور بس انا كنت متضايق شوي من العرض الحين المشكلة عندي حل وحيد اني اصغر في مساحة الدرج واكسر او اقلل عرض الغرفتين (عرضهم 4.10 وبعد ماكلمت المهندس قالي نقدر نزيد لك 10سم بنركب لك طابوق اصغر شوي عالحايط الداخلي بدال الطابوق العادي وبتكسب مساحة 10 سم هههههههه احترت شسوي

زين إِخوي وتمديد البايبات للتغذية في طابوق 10 سم بيكون صعب .. والحفرة في الأَرضية بتكون على المقاس القديم وبتدخل في متاهات وتكسير ما منه فايدة كبيرة وانت بروحك تقول المساحة تكفي

انا ما احب الحمامات كبيرة وايد صراحه في الاخير اسمه حمام وانتوا بكرامه البيت الحالي مساحة الحمام فيه 2.20 في 2 متر وفيه بانيو و3 قطع ومافيه ضيق ما احس ان عرض حمام 3 متر فكره مناسبة او 5x6 للغرفة الماستر اكيد في غيري يناسبهم والمشكلة الواحد انجبر في بعض الشغلات انه مايوسع على نفسه في كل شيء والحمدلله

حل ثاني يا طويل العمر ما دام عندك مساحة 2.7 متر في 1.7 وتبي بس 3 قطع العملية سهلة .. صفهم كلهم على جهة من ال 2.7 بحيث تفتح الباب تكون المغسلة مواجهتك وبعدها يجي الكرسي وبعده يجي الشاور أَو البانيو في الطرف .. بيكون عندك أَقل شيء 1.1 متر ممر وتقدر تحط حتى كبت 40 سم على الحايط المقابل .. إِرضخ الرسومات اوتوكاد هنيه وباسوي لك التوزيعة صح

معماري قطري

13-10-2014, 09:33 PM

[QUOTE=Azizuk;9788336]صور الاغراض اللي خذتها من بيت الاباء

ما قصرت اخوي عزيز يو كي إِختيارات موفقة ما شاء الله

معماري قطري

13-10-2014, 09:42 PM

أخوي وحيد الشوق ..

أشوف مقاس 2.5 في 3 مقاس ممتاز لحمامات الغرف والصالات ..

القطع تتوزع فيه بأريحيه ..

حمام الماستر أفضل يكون مثل اسمه .. حجم كبير ممكن نقول 5 في 6 مناسب

طبعا لو كنت ناوي تحط جكوزي كبير وشاور بوكس ومغسلتين ودبليو سي أو قطع إضافية

الحمامات الأخرى حسب الاستخدام ..

مثلاً حمام الضيوف 2 في 2 بيكون مناسب

أو حمام مخطط له يكون فيه قطع قليلة مثلا الدبليو سي والمغسلة ممكن تكتفي ب 2 في 1.5

المهم هو طريقة التوزيع وتناسب حجم القطع مع الحجم الاجمالي للحمام ..

المسألة يبيها بس شوية قياسات وإبداع في التفكير :nice:

موفق يارب .. ولو حاب تحط مخطط الحمامات ونساعدك بالتوزيع :o

انا غرفتي الرئيسية 6 في 8 وصغرت منها شوي بتحريك الجدار 70 سم واستغليت الحائط في عمل فراغ لخزانة حائط وفراغ للتلفزيون ووسعت في تسريحة مقابلة لغرفة الملابس وللحمام .. يعني صفيت على 5.3 في 8 وأَحسها وايد كبيرة .. والحمام الرئيسي 3.3 في 4.1 وتوزيعته فيها جكوزي وشاور ستيم وكرسي وبديه وحايط نص ارتفاع فاصل بينهم ومغسلة كبيرة عرض 1.9 مترفي الجهة المفصولة وجنبها دريشة كبيرة 1.5 عرضها وارتفاعها من الأَرض متر .. وصراحة توزيعة الحمام وايد مريحة حسب هذي القطع والنور يدخل من أَول الصبح وبعدين تسطع الشمس داخل لأَن الدريشة مجابلة شرق.

إِذا حمام 6 في 5 وشي القطع اللي بتنحط فيه؟

هذي صورة لمخطط حمام لبيت جديد تحت التصميم بس باعدل شوي فيه مفكر آسكر الدريشة اللي أَقصى اليمين صوب بيت الدرج وامد الحمام للخارج بشكل معلق وبحيث يكون هذا الجزء غرفة شمسية بسكايلايت كبير ويكون الجكوزي هنيه .. والشاور انقله مكان الجكوزي .. وهنا ركزت على زيادة الطول وزيادة تسريحة عريضة قرب المغسلة.

اتجاه ثاني اني أَخلي الجكوزي مكانه وأَسوي سكايلايت فوق منطقة الشاور والجكوزي وأَخلي هذي بلكونة بجوانب عالية وباب قزاز بالكامل والبلكونة تكون لحمام الشمس.

طبعاً فكرة السكايلايت مسروقة أَو مقتبسة من ناس

http://im66.gulfup.com/5eOSjr.bmp (http://www.gulfup.com/?grFHbK)

معماري قطري

13-10-2014, 10:24 PM

فكرة التعديل هي عمل منور سقفي مفتوح والجوانب زجاج مع زراعة بمستوى شوي أَعلى من مستوى أَرضية الدور العلوي حتى تكون مرئية من الصالة العلوية .. وممكن فتح نافذة على هذي الحديقة الداخلية من غرفة الملابس ومن طرف الحمام.

http://im90.gulfup.com/35lWXh.bmp (http://www.gulfup.com/?P4igwT)

نور الحور

14-10-2014, 08:55 AM

انا غرفتي الرئيسية 6 في 8 وصغرت منها شوي بتحريك الجدار 70 سم واستغليت الحائط في عمل فراغ لخزانة حائط وفراغ للتلفزيون ووسعت في تسريحة مقابلة لغرفة الملابس وللحمام .. يعني صفيت على 5.3 في 8 وأَحسها وايد كبيرة .. والحمام الرئيسي 3.3 في 4.1 وتوزيعته فيها جكوزي وشاور ستيم وكرسي وبديه وحايط نص ارتفاع فاصل بينهم ومغسلة كبيرة عرض 1.9 مترفي الجهة المفصولة وجنبها دريشة كبيرة 1.5 عرضها وارتفاعها من الأَرض متر .. وصراحة توزيعة الحمام وايد مريحة حسب هذي القطع والنور يدخل من أَول الصبح وبعدين تسطع الشمس داخل لأَن الدريشة مجابلة شرق.

إِذا حمام 6 في 5 وشي القطع اللي بتنحط فيه؟

هذي صورة لمخطط حمام لبيت جديد تحت التصميم بس باعدل شوي فيه مفكر آسكر الدريشة اللي أَقصى اليمين صوب بيت الدرج وامد الحمام للخارج بشكل معلق وبحيث يكون هذا الجزء غرفة شمسية بسكايلايت كبير ويكون الجكوزي هنيه .. والشاور انقله مكان الجكوزي .. وهنا ركزت على زيادة الطول وزيادة تسريحة عريضة قرب المغسلة.

اتجاه ثاني اني أَخلي الجكوزي مكانه وأَسوي سكايلايت فوق منطقة الشاور والجكوزي وأَخلي هذي بلكونة بجوانب عالية وباب قزاز بالكامل والبلكونة تكون لحمام الشمس.

طبعاً فكرة السكايلايت مسروقة أَو مقتبسة من ناس

http://im66.gulfup.com/5eOSjr.bmp (http://www.gulfup.com/?grFHbK)

هههههههههههههههههههههه

الله يعطيك العافية معمارينا المتميز ..

أنا من شفتك منزل صورة مخطط وكل حواسي الهندسية اشتغلت بشغف ..

الأفكار اللي طرحتها روعة .. لكن توزيع القطع ممكن يتم بأريحية وعملية أكثر ..

عندي عدة توزيعات جات ببالي .. لو يسمح لنا أخوي وحيد الشوق نسترسل في المناقشة عشان بس ما نخرب الموضوع ..

أو ننقل النقاش لموضوعك عن أفكار للحمامات والمطابخ ..:nice:

معماري قطري

14-10-2014, 01:35 PM

هههههههههههههههههههههه

الله يعطيك العافية معمارينا المتميز ..

أنا من شفتك منزل صورة مخطط وكل حواسي الهندسية اشتغلت بشغف ..

الأفكار اللي طرحتها روعة .. لكن توزيع القطع ممكن يتم بأريحية وعملية أكثر ..

عندي عدة توزيعات جات ببالي .. لو يسمح لنا أخوي وحيد الشوق نسترسل في المناقشة عشان بس ما نخرب الموضوع ..

أو ننقل النقاش لموضوعك عن أفكار للحمامات والمطابخ ..:nice:

انا للحين في طور التصميم وشكلي بصغر وايد .. لأَن إِحتمال البنيان بعد 2022 إِن الله عطانا عمر .. وعلى ذاك الوقت ما ندري شيصير ومن يتزوج من العيال .. وزين القص مر جنب بيتي على بعد 30 متر من البيت وما اظن باحتد ابني لكن النقاش لا يفسد للود قضية ويهمني والله راي الكل خصوصاً راي أَصحاب الخبرة مثلج

وحيد-الشوق

14-10-2014, 06:11 PM

حل ثاني يا طويل العمر ما دام عندك مساحة 2.7 متر في 1.7 وتبي بس 3 قطع العملية سهلة .. صفهم كلهم على جهة من ال 2.7 بحيث تفتح الباب تكون المغسلة مواجهتك وبعدها يجي الكرسي وبعده يجي الشاور أَو البانيو في الطرف .. بيكون عندك أَقل شيء 1.1 متر ممر وتقدر تحط حتى كبت 40 سم على الحايط المقابل .. إِرضخ الرسومات اوتوكاد هنيه وباسوي لك التوزيعة صح

ماقصرت اخوي معماري

بحاول احط لك صورة من التصميم ان شاء الله بكره

الف شكر لك

معماري قطري

14-10-2014, 11:18 PM

ماقصرت اخوي معماري

بحاول احط لك صورة من التصميم ان شاء الله بكره

الف شكر لك

العفو الله يحفظك .. هي شغلة بسيطة تاخذ دقايق لكن الاستشاريين يصعبونها ويأَخرونها أَسابيع وعندك المقاول الشاطر المفروض يسوي لك رسومات تفصيلية صح .. حتى بتوزيع البلاط قطعة قطعة حسب النوعيات اللي تشتريها وقطع الزينة وياخذ توقيعك ويطبق.