سيارتنا انسرقت من عند الباب

[اهل قطر]

قبل عشر أيام انسرقت سيارتنا من عند الباب ’ الدريول ناسي المفتاح فيها
بيك اب هليكس بيضاء موديل
2011

[اهل قطر]

بلغنا عنها , شرايكم , ننساها , نشتري بدالها , سيارة المطاريش ,

[بريق الحق]

تنساها ليش
طرش برودكاست جووف يمكن تحصلها فالصناعيه
الامور سهلات عندك

[اهل قطر]

تنساها ليش
طرش برودكاست جووف يمكن تحصلها فالصناعيه
الامور سهلات عندك
وين نقدر نحصلها

[بريق الحق]

اسئلو الدريول يمكن لاعب عليكم
فلم هندي الصراحه

[بـارود]

البلاد صغيرة لا تحاتي

[aziz4z]

المشكلة هني في تغيير أرقام السيارة , يحطون لوحة ثانية للسيارة , و من أكبر الاحتملات ممكن تلاقيها في سكراب سيارات في الصناعية , لأنهم الكلاب يبيعون قطع غيارها
أنت تابع مع المرور , هل السيارة فيها نظام الخرائط ؟
احنا قبل فترة انسرقت من جدام بيتنا , و سبحان الله الشرطة ماقدروا يحصلونها و احنا حصلناها بعد عشرة أيام
و نفس الشيء واحد من الربع انسرق منه لاندكروزر , لاقاه في الصناعية , منطقة الاجرام في قطر

[الخيالة]

اسألوا الدريول يمكن السالفة فيها ان حتي لو ناسي المفتاح من يعني يعرف ان المفتاح في السيارة؟؟ في عزاب حوالين بيتكم؟ كنتوا تلاحظون قبل يجون ناس صوب بيتكم؟؟؟ يمكن بلعماله حاط ومخبر ربعه وجايين ياخذون

[وحيد-الشوق]

بلغنا عنها , شرايكم , ننساها , نشتري بدالها , سيارة المطاريش ,

شنو هالاسلوب قول الحمدلله عالنعمة الي انت فيها شنو ننساها سيارة مطاريش

[..عاشق قطر..]

حلوه هذي ننساها .. .. قوول الحمدالله

[JN000N]

خخخخ
اشترو ثنتين وحده استعملوها والثانيه خشوها
اذا انباقت عندكم غيرها احتياط :)

[رجل الجزيرة]

وصلني عن طريق الواتس نسيان بترول أسود 2006 مسروق من يومين.

[الزعفراني]

أكيد درباويه سارقينها .. ويستعرضون فيها في طيب الرقده .. واخرتها بيصفونها في الصناعيه صوب الكراچات :)

معوض خير ان شاء الله

[اهل قطر]

انا قلت ننساها صيغة مبالغه , لا حد ينسى حلاله ؟

[alsoq]

راحت عليك تشليح
واكثر من يسوي ها الشي سورين اللي محذفين في البلاد

[وحيد-الشوق]

شوف دريولكم مابي احط في ذمتي بس يمكن له يد في الموضوع الفروض يكون امين على مال سيده مب ناسي المفتاح في الموتر !!!!

[اهل قطر]

شوف دريولكم مابي احط في ذمتي بس يمكن له يد في الموضوع الفروض يكون امين على مال سيده مب ناسي المفتاح فيالموتر !!!!
دريولنا قمة التفهي , بس نلقى بديل بنسفره

[alsoq]

الحق يقال شاحنات تنسرق وتفكك تشليح

[JN000N]

حطو كيمرات على بيوتكم احسن

[بومحمد911]

ممكن تحدد المنطقة الي انباقت منه السيارة .

[اهل قطر]

المعموره, السلطه

[رجل الجزيرة]

إلي وصلني من الواتس أب من النسيان المسروق من المعيذر.

[لاجل QT]

الحل لمثل هذة الحالات يتم وضع كيمرات في الفرجان

الله يعوضك خير

مع تمنياتي انك تلقاها

[المحقق كونان]

لا حول ولا قوة الا بالله

[اجرام]

السلام عليكم ورحمة الله وبركاتة


هالايام صار الواحد يسمع ويقرى اعلانات عن فقدان او سرقة السيارات وهالظاهره جديده علينا قبل ما كنا نسمع بالاشياء هذي الوالد الله يعطيه طوولة العمر كان يوقف السياره داخل البيت ويخلي المفتاح داخله وباب الحوش مبطل ولله الحمد وعمرنا ما صار لنا شي ولله الحمد هل السبب بظهور هذي الظاهره اننا متساهلين ومهملين ام ان عندنا ثقه زياده او اسباب اخرى
انصدم لما اسمع خبر سرقة سياره خاصه ان ديرتنا صغيره وبسرعه المجرم ينصاد

[راجي الْعفو]

معوض خير اخوي .. بلغ الشرطة ..

[راجي الْعفو]

وعليك و رحمة الله ..

من أمن العقوبة أساء الأدب ..

اذا ذاق السارق عقوبة قاسية .. ينسى أحد يسرق عقبها ..

وعلى الشخص الذي سرقت منه السياره ان لا يتساهل في مثل هذه المواضيع ، بل يبلغ الشرطة

واذا وجد السارق ، لا يعفو عنه ، حتى يكون عبرة لغيره ، فلتكن نظرته عامة ..

ولا ينبغي للسائقين ان يتركو سياراتهم مفتوحة ولو في المنزل اذا كان باب ( الحوش ) مفتوح ..

مع التحية ..

[رجل مثالي]

شي خطير ترك مفتاح السيارة
يجب الحرص من لدريول وتعليمه
على خطورة هذا العمل

[العلياا]

معوض خير ياخوي

الله يستر دوم اشغل السيارة الصبح وادخل اكمل فطوري :rolleyes2:

[توشيبا]

لاحول ولاقوه الابالله

احنا نترك مفاتيح سياراتنا فيها وانا كل ماصلي الجمعه اخلي سيارتي شغاله عشان المكيف واليهال مايحترون اذا طلعو من المسجد لي انهم ذوي احتياجات خاصة

تعودنا علي الامن والامان

الله يديم الامن والامان علينا


وان شاء الله مايقصرون رجال الشدايد ويطلعون لكم سيارتكم

[ودي أكون]

لا حول ولا قوة الا بالله والله المستعان ..

[نوفا91]

اهم شي انت واثق من السايق والا سايقكم لا عبها مع واحد وقص عليك ، لان خدامتنا قصت علينا وقالت حرامي دش وخرعتنا اخرتها طلعت مضبطه معاه وشردت عقبها !!!

[عضو المنتدى]

قبل عشر أيام انسرقت سيارتنا من عند الباب ’ الدريول ناسي المفتاح فيها
بيك اب هليكس بيضاء موديل
2011

الله يهون عليك وتحصل سيارتك

اخوي اي فريج انت علشان انحط حذرنا ؟؟؟؟؟

[اهل قطر]

الله يهون عليك وتحصل سيارتك

اخوي اي فريج انت علشان انحط حذرنا ؟؟؟؟؟
المعموره والسلطه

[نفسي عزيزه]

الله يفرج عليكم ويجمعكم بضالتكم عاجلا وليس اجلا يارب اكتب لهم الفرج

[Bomohd]

رجال الشدايد حاطين قانون
اذا تركت المفتاح فى السيارة وانسرقت غرامة 6000 ريال

[MAZEN37]

الحل لمثل هذة الحالات يتم وضع كيمرات في الفرجان

الله يعوضك خير

مع تمنياتي انك تلقاها

اتمني يحطون كميرات امس سارقين تيدري بالليل من قدام بيتي عيني عينك
والله اني مقهور
الله يعينكم يا اصحاب السيارات المسروقه

[المبرمج صلاح]

لاحول ولاقوه الابالله

احنا نترك مفاتيح سياراتنا فيها وانا كل ماصلي الجمعه اخلي سيارتي شغاله عشان المكيف واليهال مايحترون اذا طلعو من المسجد لي انهم ذوي احتياجات خاصة

تعودنا علي الامن والامان

الله يديم الامن والامان علينا


وان شاء الله مايقصرون رجال الشدايد ويطلعون لكم سيارتكم

لا انصحك بهذه الطريقة في حالة كان حد في السيارة
وفي حالة انك تقصد مافي حد فيها ما بعرف اذا بتاثر على مكينة السيارة ام لا
واذا مضطر لظروف خاصة كما ذكرت فخد المفتاح الاسبير معاك واقفلها وهي شغالة

في هذا الزمن لا تأمن على اي شي في الشارع

الله يحفظنا ويحفظكم جميعا

[بريق الحق]

خلهم يطبقون حد السرقه وبنشوف من كفو يبوق ربع ريال

[المحاميه]

ؤالله خايفه من هالسالفه
لأن سيارتي برا البيت

الله لأيسامح أي واحد يبوق مال غيره

[Rider]

مادام هالاجانب في البلد كل شي بيصير

[ANONYMOUS]

أكيد درباويه سارقينها .. ويستعرضون فيها في طيب الرقده .. واخرتها بيصفونها في الصناعيه صوب الكراچات :)

معوض خير ان شاء الله

صارت لنا

بس الشرطه لقو البيكم مكسر ومدعم .. مستعرضين فيه شوية شباب صغار

[Aaziz]

كني اشوف تايره يعطب الحين :rolleyes2:


صارت لنا

بس الشرطه لقو البيكم مكسر ومدعم .. مستعرضين فيه شوية شباب صغار

صارت لنا ايضا بس لقوه مكنسل

[فاهم وساكت]

المفروض يطلعونها بسهوله بما ان اغلب الاشارات عليها رادارات وفيه رادارات بنص الشوارع بعد شوف الوقت تقريبا متى نسى المفتاح تقريبا والساعه كم عرفتو انها انباقت.. وبعدها يشوفون اقرب الشوارع الي ممكن يطلع منها الموتر ويشوفون الرادارات الي عليها " اظن التصوير الي بالرادار يكون 24 ساعه فيديو وبيطلعون الموتر بسهوله ... المفروض يكون فيه سستم متطور من هالناحيه وحتى لو مافيه لازم فيه ناس تشتغل بهالامور ويقعدون يطالعون كل موتر بنفس المواصفات والوقت الي انباقت فيه السياره ويطلعونه ..

[فاهم وساكت]

رجال الشدايد حاطين قانون
اذا تركت المفتاح فى السيارة وانسرقت غرامة 6000 ريال

شنو ؟؟؟ يعني اي واحد يبوق موتر يدفع 6000؟ ويطلع منها

هذي عليها سجن سنيين مب 6000

[عزووز قطر]

انت بلغت الشرطة ؟؟
وياليت تحط لنا مواصفات الموتر ورقم السيارة يمكن حد يشوفها ويبلغ

وأتمنى من الجميع يحط كاميرات مراقبة حول البيت
كثروا الطمعانين في خير اهل البلاد

[OREO]

خلهم يطبقون حد السرقه وبنشوف من كفو يبوق ربع ريال

لا تقول جذي ،،، ترا بيقولون عنك ارهابي وانك عدو المسلمين ،..

[OREO]

الله يستر من القادم ،،

[بصمة قطرية]

سيارات تنباق من قدام البيت ..!!
وين الأمان ..! :(
المفروض ما يتهاونون مع السارقين
عشان يحدون من هالسرقان
طول عمرنا عايشين بأمان الحمدلله ..
الله يديم علينا نعمة الأمن و الأمان
و يكفينا شر هالحرامية ..

[qatarman8008]

اول شي بلغوا الشرطة انها مسروقة لان يمكن اللي سرقها بيسوي فيها اي شي..
ممكن يرتكب فيها جريمة ممكن يرتكب فيها مخالفات او اي شي..

[R 7 A L]

لو فيه نقاط تفتيش مثل قبل كان ما انسرق شي

[ودي أكون]

لو فيه نقاط تفتيش مثل قبل كان ما انسرق شي

ولو كلن يحط حلاله داخل البيت ما انباق شيء ..

والله المستعان

[R 7 A L]

ولو كلن يحط حلاله داخل البيت ما انباق شيء ..

والله المستعان

اول كل بيت سيارة سيارتين ثلاث بالكثير
الان اغلب البيوت من 4 سيارات وطالع وش هالحوش الي بيشيل كل هاللسيارات لا يكون معرض ههههههههههه

بعدين مساحات البيوت كل مالها تصير أصغر من قبل

[برشلوني قطر]

الله يعوضك خير

[ودي أكون]

اول كل بيت سيارة سيارتين ثلاث بالكثير
الان اغلب البيوت من 4 سيارات وطالع وش هالحوش الي بيشيل كل هاللسيارات لا يكون معرض ههههههههههه

بعدين مساحات البيوت كل مالها تصير أصغر من قبل

سلامتك البيوت كل مالها وتكبر ولله الحمد .. الا بيتكم الظاهر :)

وبالنسبه للسايير .. اي سيارة تحت يد لدريول هاذي المفروض تنحط فالبيت .. وانتو الشباب صفو برع امن وامان ..

[لمعة الالماس]

ياليت الدولة تحط لنا كيمرات مراقبة في كل الشوارع عشان تخفف من المشاكل والسرقة والاجرام

[R 7 A L]

سلامتك البيوت كل مالها وتكبر ولله الحمد .. الا بيتكم الظاهر :)

وبالنسبه للسايير .. اي سيارة تحت يد لدريول هاذي المفروض تنحط فالبيت .. وانتو الشباب صفو برع امن وامان ..

خلاص خلاص
بنوقف داخل

[اهل قطر]

جزاكم الله خير على مشاركاتكم , اقتراحاتكم , دعواتكم

[h9466]

شنو ؟؟؟ يعني اي واحد يبوق موتر يدفع 6000؟ ويطلع منها

هذي عليها سجن سنيين مب 6000

المقصود لو انت تركت مفتاح السيارة فيها وسيارتك انسرقت انت اللي بتدفع غرامة 6000 ريال...

[باراكودا]

ياليت الدولة تحط لنا كيمرات مراقبة في كل الشوارع عشان تخفف من المشاكل والسرقة والاجرام

خلاص خلاص
بنوقف داخل
توبة من الوقوف في الخارج

[حسن]

ياليت الدولة تحط لنا كيمرات مراقبة في كل الشوارع عشان تخفف من المشاكل والسرقة والاجرام

الكيمرات موجوده ولكن يبي الاجتهاد والجديه في اخذ البلاغ
بالنسبه لي

تعرضت لسرقه كبينه كبيره من امام الباب
وبحكم ان الطرق الموديه الى مطقتنا عليها كيمرات فابلغت ولكن النتيجيه صادمه لي
وللاسف

ليس هناك جديه في البحث عن الجاني
هناك مشكله بين التعاون في وزاره الداخليه واجهزتها حقيقه
مراسلات شهر الى قسم المراقبه وغيرها
والنتيجه ماشافتها الكيمرا رد الصراحه غير منطقي كيف تعرفون الكبينه واساسا انتو ماعنكم اي صوره عنها
والمفروض حضوري انا لمشاهده الفلم

المشكله تشتكي لمن وتقوله لمن
هذا صديق وهذا رفيق

تشتكي على اهمال ربعك وفي وين في جهاز امني
الصراحه كارثه

!!!!

[7llo]

لاحول ولا قوه الا بالله الله يكون بعونكم معوضين خير بلغو الشرطه , الصراحه انا قبل كنت كل ما نزل من السياره اخليها شغاله بس صارلي سنه من كثر الي اسمعه عن سرقه السيارات صرت حتى لو انزل الدكان اسكر موتري صرت اخاف اخليه شغال موتري راس مالي يوديني وايبيني :(

[طبيب قطري]

لقيتوا السياره؟

[Dana’1]

الله يعوض عليك

[اهل قطر]

لقيتوا السياره؟
لا والله مالقيناها . ومبلغين من اول ما انسرقت , وكل يومين ثلاثه نتواصل مع المركز نقول يمكن خبر منيه مناك
عيونا تبققت واحنا نشوف البياكم الي في الشارع , وكلها بيضاء

[BoFahed]

الكيمرات موجوده ولكن يبي الاجتهاد والجديه في اخذ البلاغ
بالنسبه لي

تعرضت لسرقه كبينه كبيره من امام الباب
وبحكم ان الطرق الموديه الى مطقتنا عليها كيمرات فابلغت ولكن النتيجيه صادمه لي
وللاسف

ليس هناك جديه في البحث عن الجاني
هناك مشكله بين التعاون في وزاره الداخليه واجهزتها حقيقه
مراسلات شهر الى قسم المراقبه وغيرها
والنتيجه ماشافتها الكيمرا رد الصراحه غير منطقي كيف تعرفون الكبينه واساسا انتو ماعنكم اي صوره عنها
والمفروض حضوري انا لمشاهده الفلم

المشكله تشتكي لمن وتقوله لمن
هذا صديق وهذا رفيق

تشتكي على اهمال ربعك وفي وين في جهاز امني
الصراحه كارثه

!!!!

اخوي حسن قبل فترة اخوي انقلب بموتر جديد 3 شهور استخدام في طريق المدينةالجامعية واحد راعي تريلا خمه غرق الشارع زيت وهو رايح وصارت 3 حوادث في نفس الوقت

رحت المرور ابي كتاب منهم للخويا علشان كاميرا المراقبه ونصيد راعي التريلا لانه طريق كله كاميرات مالت المواكب قالولي الله يعوض عليك مني مناك مافيه فايده وصلحنا الموتر ب 20 الف ريال علا حسابنا

[POINT]

قطر بلد الأمان، قزرنا وعشنا في خير، ننام والباب مفتوح، والحياة من اجمل ما يكون

كثرة الاجانب فالبلد خصوصا الأفواج الافريقية الي انهالت علينا من كل حدب و صوب سببت و راح تسبب زعزعة أمان اكثر. مادري اذا حد منكم شاف الجريدة من كمن يوم، أوروبي و أفريقي ممسوكين في قضية مخدرات و تزوير أموال و حاطين صورهم!!!! و قبلهم ماسكين بعد افريقي في قضية..

ان تمكنوا من الشعب، خلاص على الدنيا السلام، جرائم اغتصاب و سرقة و بتوصل للقتل!!!!

اللهم اجعل هذا البلد أمن مطمئنا

[دايموند]

الكيمرات موجوده ولكن يبي الاجتهاد والجديه في اخذ البلاغ
بالنسبه لي

تعرضت لسرقه كبينه كبيره من امام الباب
وبحكم ان الطرق الموديه الى مطقتنا عليها كيمرات فابلغت ولكن النتيجيه صادمه لي
وللاسف

ليس هناك جديه في البحث عن الجاني
هناك مشكله بين التعاون في وزاره الداخليه واجهزتها حقيقه
مراسلات شهر الى قسم المراقبه وغيرها
والنتيجه ماشافتها الكيمرا رد الصراحه غير منطقي كيف تعرفون الكبينه واساسا انتو ماعنكم اي صوره عنها
والمفروض حضوري انا لمشاهده الفلم

المشكله تشتكي لمن وتقوله لمن
هذا صديق وهذا رفيق

تشتكي على اهمال ربعك وفي وين في جهاز امني
الصراحه كارثه

!!!!

انت من تكون ؟!

هل انت vip ؟

لما تكون شخص مهم راح ياخذون شكواكبمحمل الجد
لكن دامك مواطن عادي انسى موضوع الكبينه والله يعوضك ان شاء الله

هناك خلل كبير من قبل وزاره تاداخليه في تلقي الشكاوي

للاسف لا توجد اي جديه

[قسماً]

قطر بلد الأمان، قزرنا وعشنا في خير، ننام والباب مفتوح، والحياة من اجمل ما يكون

كثرة الاجانب فالبلد خصوصا الأفواج الافريقية الي انهالت علينا من كل حدب و صوب سببت و راح تسبب زعزعة أمان اكثر. مادري اذا حد منكم شاف الجريدة من كمن يوم، أوروبي و أفريقي ممسوكين في قضية مخدرات و تزوير أموال و حاطين صورهم!!!! و قبلهم ماسكين بعد افريقي في قضية..

ان تمكنوا من الشعب، خلاص على الدنيا السلام، جرائم اغتصاب و سرقة و بتوصل للقتل!!!!

اللهم اجعل هذا البلد أمن مطمئنا
(قاعدٍ مستريح سوى له ولدٍ يصيح) كنّا مرتاحين وحاسين بالأمان يوم كانت أعداد الأجانب بسيطه والأفارقة ماكنا نشوفهم والحين صرنا مانأمن لا على سياره ولا على بيت ولا حتى على بزران ،. الله المستعان ، البلد صارت لهم يسرحون ويمرحون فيها ولا لهم رادع

[اهل قطر]

ابشركم عينا الضاله

[اهل قطر]

لقوها الشرطه جزاهم الله خير ’ بعد غياب 37 يوم , شكل الي باقها استعملها يوم او يومين من كمية الغبار الي عليها
بس لقوها مقفوله والسياره بحاله زينه ولله الحمد
شكلهم يهال الي ماخذينها وابتلشوا بها عقوها في أي مكان

[وحيد-الشوق]

الحمدلله خبر طيب

الله يحفظكم واتمنى منكم الحرص والحذر ثاني مرة الدوحة للأسف كثرت فيها السرقات الفتره الاخيرة والسايق لازم تنبهونه يحافظ على املاك سيده

[ابوالعبد]

الحل وضع كامرات مراقبه علي البيوت انا الحمدالله حاط كامره مراقبه في بيتنا معلق الكمره فوق الطوفه

[معماري قطري]

ؤالله خايفه من هالسالفه
لأن سيارتي برا البيت

الله لأيسامح أي واحد يبوق مال غيره

ما ادري ليش حاس ان سيارتج كشخة .. أَكيد سيارة محامية بس وين بيتكم مبيوقه مبيوقه مع إِني ما اعرف ابوق.

انا انباقت سيارتي مرتين ورا بعض بس في ميامي مب في الدوحة .. أَول مره كنت موقفها قدام فندق وفيه حراسة وفي العصر ونازل مطعم بسرعة بالضبط ما خذت 20 دقيقة .. والعجيبة سيارتي فيها انذار وصاح وبلغوا وفي طلعتي وانا ادور سيارتي الا يوقف عندي شرطي ويقول انت اللي انباقت سيارتك .. حصلتها بعد شهر وكنت شريت غيرها وحطيتها في مجمع سكني محروس وشلت وايرات مهمة منها لتشغيلها وجاو ناس يبوقونها ما قدروا يشغلونها بس شلوا المسجل.

حالياً إِنباق سيكل العيال من البيت وشافتهم الخدامة .. رجال لابس غترة ومتلثم نزل ودخل البيت وشله وشرد وحطه في بدي هيلوكس وحاولت تسجل رقمه ما قدرت .. حطيت كاميرات في الحوش وعلى الباب الخارجي تصور جزء كبير من الشارع وقدام الباب.

[معماري قطري]

لقوها الشرطه جزاهم الله خير ’ بعد غياب 37 يوم , شكل الي باقها استعملها يوم او يومين من كمية الغبار الي عليها
بس لقوها مقفوله والسياره بحاله زينه ولله الحمد
شكلهم يهال الي ماخذينها وابتلشوا بها عقوها في أي مكان

الحمد لله تستاهل والله رد حلالك واستجاب دعوات الكثيرين

[بنـ ابوها ـت]

الكيمرات موجوده ولكن يبي الاجتهاد والجديه في اخذ البلاغ
بالنسبه لي

تعرضت لسرقه كبينه كبيره من امام الباب
وبحكم ان الطرق الموديه الى مطقتنا عليها كيمرات فابلغت ولكن النتيجيه صادمه لي
وللاسف

ليس هناك جديه في البحث عن الجاني
هناك مشكله بين التعاون في وزاره الداخليه واجهزتها حقيقه
مراسلات شهر الى قسم المراقبه وغيرها
والنتيجه ماشافتها الكيمرا رد الصراحه غير منطقي كيف تعرفون الكبينه واساسا انتو ماعنكم اي صوره عنها
والمفروض حضوري انا لمشاهده الفلم

المشكله تشتكي لمن وتقوله لمن
هذا صديق وهذا رفيق

تشتكي على اهمال ربعك وفي وين في جهاز امني
الصراحه كارثه

!!!!

انا اقترح وضع لوحات عليها ارقام صادرة من الداخلية للكباين بسبب السرقات الكثيرة عليها ع الاقل ممكن تنعرف الكبينه والله يعوضك خير