القانون و الانضباط في الشارع ( الى رحمة الله تعالى )

[Aaziz]

السلام عليكم


كثيره المواضيع الي قريتها و سمعتها تتكلم عن مشاكل القياده في الشارع ،، و هنا في هذا الموضو بتطرق لجانب مهم جدا و هو اكبر مما يظهر

احترام القانون في الشارع

1- اشارتك تفتح خضرا و تمشي لين نص الاشاره ولا سياره قاطعه قدامك من المسار الاخر
2- اشاره لها ثلاث مسارات في الاتجاه المستقيم و مسارين للاتجاه الايسر و العوده للخلف يفصلهم رصيف ،، سائق يخترق الصفوف الزاحفه من اقصى المسار الايمن ليصل الى اقصى المسار الايسر وسط استياء عشرات السائقين ؟ لا و في الاخير خذ الاشرع و رجع u تيرن ؟ تعبان يروح للاشاره الثانيه و يرجع ؟؟؟؟؟؟؟
3- واقف في الدوار وفتحت اشارتك خضرا و السيارات للحين تنهال عليك من الشارع الايمن ؟ رغم ان اشارتهم صارت حمرا ؟
4- تبي تطلع من شارع الخدمات للشارع السريع .. تلقى طابور يدخل عليك من اليمين لايبال بالاصتدام بسيارتك (بالقوه)

امثله كثيره ،،،، كلها تصب في عدم احترام القانون وهو الامر المهم و الخطير ،،، اذا الوافد لم يحترم القانون في الشارع فلن يحترم اي قوانين من قوانين البلد لا قوانين اقامه ولا قوانين تجاره .

رجل تطبيق القانون و مخالفه المستهترين بقانون القياده في الشارع اين انت ؟ لا اراك ؟

واضح جدا من التجاوزات الي تتكرر قدامك كل 5 دقايق ان السائقين حاطين في بطنهم بطيخه صيفي

اذكر قريت في الموقع هنا انشاء قسم تابع للمرور،،، سيارات مدنيه ولكنهم عساكر يخالفون ؟ وينهم؟

قبل كم يوم خذت بيكم البيت رحت الحسا اخذ بعض نواقص المخيم ،، ماراح اشرح الي شفته ولكم ان تتخيلو :rolleyes2:

طبعا كنت مع القيام بواجبي كمواطن اساهم و اساعد بتطبيق القانون حسب الصلاحيات الممنوحه ولكن بعد ان جربت و شاهدت الوضع في الشارع ،، تخليت تماما عن هذا التوجه لانني لا ارغب بالقيام بمهام غيري .

اتمنى رسالتنا توصل و يصطلح حال السواقه و اشوف ردع لكل من يتعدى و يستهتر بالقوانين .

[eXpert*]

من سوا نفسه سبوس ألعبت فيه الدجاج ...

الكلام موجه للآدارة المرور ...

[Aaziz]

من سوا نفسه سبوس ألعبت فيه الدجاج ...

الكلام موجه للآدارة المرور ...

ماودي نزيد عليهم ،،، الوضع صعب و المسؤوليات تتضاعف في زمن قصير .. المرور يحتاج تجديد دماء و عقليات معاصره تبتكر حلول .
الزحمه و تخطيط بعض الشوارع و الجسور هذي من المشاكل صحيح ولكن حلها يبي وقت شوي شوي تنحل
لكن الي يقهر هالي مستهترين الي مايحترمون لا قانون ولا السائقين الاخرين ،، يرفعون الضغط ولا طالعته ولا هو يضحك و مستمتع بالحياه ؟
سحقا لك يا شيخ :waiting:

[Charisma]

مرحبا اخوي عزيز ...

للاسف شوارع قطر والقياده اصبحت تحت نظام ( قانون الغابه ) .. والبقاء للأقوى .

[Sowaidi]

المرور همهم الفلوس وهذي المخالفات سالفه ونطره وروح الحقه
رادار ولا لفه صوب البنوك والابراج أسهل

[مرتبش]

اي انسان يشوف السواقة في الشوارع بهذي الطريقة المتخلفة بيستنتج انه في بلاد مافيها قانون..وانه عادي يسوي اي شي في خاطره

[ضوى]

والله الواحد صار يسوق بحذر خوف من هالمتهورين ، نستودع الله انفسنا وذرياتنا والباقي على الله

[Aaziz]

مرحبا اخوي عزيز ...

للاسف شوارع قطر والقياده اصبحت تحت نظام ( قانون الغابه ) .. والبقاء للأقوى .

الله يرحب بك بايلوت
فعلا قانون الغاب ،، في نص المعمعه تخيلت نفسي ضابط مرور ولا حتى جندي صغير بس عندي صلاحيه اخالف ،، كم شخص قدامي تمنيت اني أأدبه على وقاحه سواقته
ليش نتحمل هذي السواقه ،، حتى على السرعه القانونيه ماتقدر تسوق .


المرور همهم الفلوس وهذي المخالفات سالفه ونطره وروح الحقه
رادار ولا لفه صوب البنوك والابراج أسهل

اقترحنا اسسو شركه خاصه نفس فكره كروه ،، تكون متخصصه في ظبط النظام في الشارع و تحرير المخالفات


اي انسان يشوف السواقة في الشوارع بهذي الطريقة المتخلفة بيستنتج انه في بلاد مافيها قانون..وانه عادي يسوي اي شي في خاطره

محد برد قلبي في المنتدى غير هالرد
احس فهم الي ابي اوصل له بشكل صحيح


والله الواحد صار يسوق بحذر خوف من هالمتهورين ، نستودع الله انفسنا وذرياتنا والباقي على الله

الله يحفظج ،،، عن نفسي دام اني اسوق بشكل صحيح ماعلي منهم لكن الله يستر على هالسرعات الجنونيه ،، بعظهم صار يستخدم السرعه وسيله ضغط عشان توخر .

[المحقق كونان]

في نقص في الدويات فالشارع ،،، فالوافد بيلعب لعبته

اتمنى من الدولة تمنح بعض المواطنين صلاحيات رجال المرور

[Aaziz]

في نقص في الدويات فالشارع ،،، فالوافد بيلعب لعبته

اتمنى من الدولة تمنح بعض المواطنين صلاحيات رجال المرور

استبعد تماما يكون فيه نقص دوريات ،، سابقا كنا نشوف دوريات تتمشى على خط الشمال رايحه راده و مسويه رعب للي يتسابقون
الحين المفروض عدد الدوريات زاد او على الاقل تضاعف عن قبل
و ايضا كان فيه ثبوت بعد الساعه 12 في الليل على مداخل الدوحه للتاكد من الاشخاص و اوراقهم و اهليتهم للسواقه .

[راجي الْعفو]

وعليك و رحمة الله ..

صدقت عزيز .. نواجه بعض المصاعب التي تتطلب تقنين في امور القيادة و الرخصة و كيفية الحصول عليها ..الخ

ونتمنى أيضاً ان يتم الأخذ ببعض الأفكار التي طرحت من بعض الناس ، لتنظيم حال السير

ونحن نصع أيدينا بأيدي المرور و من له عناية بالأمر ..
بوركت ..

[Aaziz]

وعليك و رحمة الله ..

صدقت عزيز .. نواجه بعض المصاعب التي تتطلب تقنين في امور القيادة و الرخصة و كيفية الحصول عليها ..الخ

ونتمنى أيضاً ان يتم الأخذ ببعض الأفكار التي طرحت من بعض الناس ، لتنظيم حال السير

ونحن نصع أيدينا بأيدي المرور و من له عناية بالأمر ..
بوركت ..

والله كثير من المصاعب مش قليل
منزعج جدا من مخالفه قوانين المرور بشكل علني ،، كلنا مستعجلين و كلنا متظايقين من الزحمه
اخبر قبل سنوات حطو بنات شرطيات في دوريات و يخالفون ،، وينهم :rolleyes2:
الاقتراحات كثيره قبل كم يوم افكر في موضوع عن اللوحات في الشارع ،، كثير منها يحتاج اعاده تصميم في الشكل و الحجم

[(بوطلال)]

وين كاميرات المراقبه (بيض الصعو) الي سمعنا عنها وماشفناها للحين

[الجنوبي]

الطلعة من البيت صارت تجيب المرض

[Aaziz]

وين كاميرات المراقبه (بيض الصعو) الي سمعنا عنها وماشفناها للحين

موجوده ،، الظاهر في شوارع محدوده فقط ،، شخص يقرب لي خالفته هذي الكمرات


الطلعة من البيت صارت تجيب المرض

صارت شي تشيل همه بصراحه

[aleamdi]

اقترح اعادة توظيف القطريين المتقاعدين والباحثين عن عمل في ادارة المرور بصفة مراقب للشوارع وله حق الضبطيه بلباس مدني ممكن هذا الاقتراح يفيد والله اعلم

[Aaziz]

اقترح اعادة توظيف القطريين المتقاعدين والباحثين عن عمل في ادارة المرور بصفة مراقب للشوارع وله حق الضبطيه بلباس مدني ممكن هذا الاقتراح يفيد والله اعلم

مرحبتين العمادي ،، اقتراحك في محله

و انا بتقدم بهالاقتراح و ان شاءالله يتبنونه الاخوان في المرور وهو غير مكلف و سهل التطبيق .. اسبوع بالكثير و يكون جاهز للتطبيق

تخصيص 5 سيارات فقط ... اهم شي يكون من بينها عراوي :rolleyes2:

و يركبون عليها من داخل السياره فوق عند المريه الي في النص كيمره ،، فيه كمرات مخصصه لهذي الوظيفه وهي عاليه الوضوح و يعتمد عليها (كيمره قدام و كيمره ورى ،، و خل يتمشون في شوارع و الاشارات و الدوارات .
مثلا يبدا تشغيل الكيمره الساعه 7 بالضبط و يطلع ،، و يسجل توقيت اي مخالفه تصير قدامه .. و بعد مايخلص اللفه يرجع المكتب و ينزل الفيديو و ياخذ منه اللقطات الي تثبت المخالفه و تنزل المخالفه في السيستم على الشخص المخالف.

بحث سريع هذي كيمره حجمها حجم التلفون و قيمتها تقريبا الف ريال عاليه الوضوح full hd تسجل كيمرتين في نفس الوقت

http://www.m5zn.com/newuploads/2014/10/12/jpg//a47d588ad638548.jpg

http://www.amazon.com/Vicovation-Extreme-2304x1296p-1920x1080p-Blackbox/dp/B00JLRDNA2/ref=sr_1_1?s=electronics&ie=UTF8&qid=1413150754&sr=1-1&keywords=Vico+Marcus+3

هذا فيديو لتصوير الكيمره ،، تقدر تاخذ لقطات فيديو و صور ثابته بنفس الوقت

اول 12 دقيقه شرح لمزايا الكيمره و بعده عرض تسجيل الفيديو


http://www.youtube.com/watch?v=ruqfy2dC6RQ

[عزووز قطر]

ماتوقع عندنا نقص في عدد الدوريات أو أفراد الشرطة أو التحريات حتى يوظفون شياب..
المشكلة في إدارة المرور تفضل المخالفات اللي إجرائها سريع مثل رادار متحرك أو لفة صوب الأبراج ويلصق في هالاستكرات ...

موضوع التجاوز من اليمين أصبح لايطاق ومثل ماذكرت اشارة لها 3 مسارات سيده ومسارين لليسار .. نحصل المخالف ماسك الاشارة الأولى ويلف مرة وحدة على المتجهين لليسار ...!!!؟؟؟؟
أتسائل ليش الكاميرات الثابتة ماتصورهم وتخالفهم ؟؟؟

وين الكاميرات اللي صرح فيها الخرجي للمتجاوزين من اليمين ؟؟؟

أسئلة كثيرة في بالي عن المخالفات المتكررة اللي مالها حل عند ادارة المرور؟؟؟

[R 7 A L]

بختصار شكشوكــة :tease:

[SOUD.QA]

للاسف يا بو سعود شوارعنا صار يحكمها قانون الغاب العالم صارت تخالف اشكره عيني عينك قدام لخويا والفزعه وحتى المرور اللي لاحظته عندنا كل ما كبر موترك وكل ما سعره كان اغلى المواتر بتتنثر حواليك خوفا من هالموتر

اتمنى من كل قلبي تجديد دماء المرور واولهم الخرجي ودنا المرور يكون لهم هيبه ودنا اللي يسوقون يكونون اوادم ويحترمون القوانين ونفسهم قبل كل شي

الواحد صار يكره الطلعه الزحمه وبنتحملها لكن فوقها قلة ادب واستهتار ومناحس مصخت السالفه شوارعنا صارت غابه

[العنيده]

اخطاء متكرره ووايد الكل ينبه فيهاا ..
المشكله المرور مركزين بس للمخالفات اللي اخطاء السواقه اهم منها وتتسبب بحوادث لا سمح الله كبيره ..
العدد قاعد يزيد ماشاء الله في الدوله وبنزيد لان الضيوف كثروا لازم حل والا التهور بيزيد اكثر ..
صرت لما اركب السياره استودع نفسي واهلي مااقول سواقتي صح 100% بس الحمدلله اقلها احاسب

[Aaziz]

ماتوقع عندنا نقص في عدد الدوريات أو أفراد الشرطة أو التحريات حتى يوظفون شياب..
المشكلة في إدارة المرور تفضل المخالفات اللي إجرائها سريع مثل رادار متحرك أو لفة صوب الأبراج ويلصق في هالاستكرات ...

موضوع التجاوز من اليمين أصبح لايطاق ومثل ماذكرت اشارة لها 3 مسارات سيده ومسارين لليسار .. نحصل المخالف ماسك الاشارة الأولى ويلف مرة وحدة على المتجهين لليسار ...!!!؟؟؟؟
أتسائل ليش الكاميرات الثابتة ماتصورهم وتخالفهم ؟؟؟

وين الكاميرات اللي صرح فيها الخرجي للمتجاوزين من اليمين ؟؟؟

أسئلة كثيرة في بالي عن المخالفات المتكررة اللي مالها حل عند ادارة المرور؟؟؟

انا نفسك ما اتوقع انه فيه نقص لا في الكادر البشري ولا في السيارات ،،، لانه سابقا كنا نشوف الدوريات بكثره ،، اليوم تروح مشوار في الدوحه لمده ساعتين عادي ماتشوف دوريه وحده ماره عليك .
مهما كان السبب الاكيد انه مسبب خلل و غياب الضبط و الربط في الشارع مبين و كل ماله يستفحل الوضع.
اتوقع بنصير نفس سوريا سابقا ،، الواحد اذا اندعم موتره يسمكره ومايصبغه لانه ضامن خلال ايام راح يندعم في مكان ثاني فا يخلي الصبغ مره وحده ارخص له بعد ماتجمع كم دعمه .


بختصار شكشوكــة :tease:

اليوم الحظيظ هو الي مايسوق

[Aaziz]

للاسف يا بو سعود شوارعنا صار يحكمها قانون الغاب العالم صارت تخالف اشكره عيني عينك قدام لخويا والفزعه وحتى المرور اللي لاحظته عندنا كل ما كبر موترك وكل ما سعره كان اغلى المواتر بتتنثر حواليك خوفا من هالموتر

اتمنى من كل قلبي تجديد دماء المرور واولهم الخرجي ودنا المرور يكون لهم هيبه ودنا اللي يسوقون يكونون اوادم ويحترمون القوانين ونفسهم قبل كل شي

الواحد صار يكره الطلعه الزحمه وبنتحملها لكن فوقها قلة ادب واستهتار ومناحس مصخت السالفه شوارعنا صارت غابه

يا سلام عليك يا سعود ،، فاهم بالضبط الجوانب المزعجه الي اقصدها.
بصراحه مامر علي هالموقف انه حد يخالف قدام الدوريه و لو يصير هالموقف اتوقع يا بكلم الشرطي او اني بشتكي عليه ،، اقل مافيها سجل رقم السياره و لارديت المكتب حرر له المخالفه ،، رجل المرور مصدق و المخالفه صريحه .. و المفروض بيني و بينك يتم استدعاء الشخص المخالف في وجود الدوريه في نفس اليوم .
هيبه رجل القانون خط احمر ولا ينلعب فيه .

شوف هالموقف ،، قبل كم يوم كان فيه تحويله على خط الشمال ،، الاربع مسارات تصير مسار واحد عند طيبه .. فيه دوريه واقفه قبل التحويله باتجاه عكس الشارع و مشغل الرماق ،، بلفيت ينبه الي جايين من شمال .
اولا الدوريه صايره قبل التحويله ب 50 متر تقريبا و الزحمه نص كيلو ،، يعني مافيه فايده من وجودها
ثانيا وصلت اخر شي قبل لا نصير مسار واحد و لاشعوريا تصير فيه تقسيمه بين السيارات هذا الوضع الطبيعي ،، هذا يعدي و هذا يعطي مجال ،، خليت سياره تعدي و اشكره المفروض دوري و السيارات لاصقه في بعض . ولا الي جمبي من يسار يقدم سيارته و الرصيف يحده صوبي .. شوي و يلمس سيارتي يعني حتى لو بخليه يطوف مافيه مجال .. نرفزني فتحت الدريشه و ااشر له ،، واحد واحد نطوف ،، صخ
يوم مشينا ولا الي قدامي يرفع يده يسلم ،،، و اظرب بعيني ورى ولا الي قليل الادب الي صار وراي يضحك مع ربعه (هنود اعتقد) <<< عطاه بريك صعيدي خلخلت جلستهم في السياره :)

هذي شكشوكه رحال

لاهنت ياسعود

[Aaziz]

اخطاء متكرره ووايد الكل ينبه فيهاا ..
المشكله المرور مركزين بس للمخالفات اللي اخطاء السواقه اهم منها وتتسبب بحوادث لا سمح الله كبيره ..
العدد قاعد يزيد ماشاء الله في الدوله وبنزيد لان الضيوف كثروا لازم حل والا التهور بيزيد اكثر ..
صرت لما اركب السياره استودع نفسي واهلي مااقول سواقتي صح 100% بس الحمدلله اقلها احاسب

الله يحفظج
لاحظت انه كل مايون الواحد شديد و عنيف في السواقه كل ماينعمل له حساب

[aleamdi]

ماتوقع عندنا نقص في عدد الدوريات أو أفراد الشرطة أو التحريات حتى يوظفون شياب..
المشكلة في إدارة المرور تفضل المخالفات اللي إجرائها سريع مثل رادار متحرك أو لفة صوب الأبراج ويلصق في هالاستكرات ...

موضوع التجاوز من اليمين أصبح لايطاق ومثل ماذكرت اشارة لها 3 مسارات سيده ومسارين لليسار .. نحصل المخالف ماسك الاشارة الأولى ويلف مرة وحدة على المتجهين لليسار ...!!!؟؟؟؟
أتسائل ليش الكاميرات الثابتة ماتصورهم وتخالفهم ؟؟؟

وين الكاميرات اللي صرح فيها الخرجي للمتجاوزين من اليمين ؟؟؟

أسئلة كثيرة في بالي عن المخالفات المتكررة اللي مالها حل عند ادارة المرور؟؟؟

السلام عليكم اخوي ما اعتقد ان كل المتقاعدين كبار في السن .. واكيد عند الاخذ بالمقترح راح يكون في لجنه لاختيار الاشخاص المناسبين للقيام بالمهام المطلوبة وفي النهايه نحن نقدم مقترح عل وعسى تساعد في حل بعض المشاكل

ودمتم في حفظ الرحمن

[برشلوني قطر]

مرحبا اخوي عزيز ...

للاسف شوارع قطر والقياده اصبحت تحت نظام ( قانون الغابه ) .. والبقاء للأقوى .

عجبني وصفك...


اقترح اعادة توظيف القطريين المتقاعدين والباحثين عن عمل في ادارة المرور بصفة مراقب للشوارع وله حق الضبطيه بلباس مدني ممكن هذا الاقتراح يفيد والله اعلم

والله اتمنى ياخذون بهذا الاقتراح..فعلا ف متقاعدين يدورون شغل...ليش ماينضمون دورات له ويكلفونه بمراقبة المخالفين..


مشكور بوسعود

[بوحارب]

ياريال اسكت بس

والله العظيم قممممممممممممممة الفوضى في الشارع

اي مرور اي تخطيط اي بطيخ


الا تخبط في تخبط

صرت ماطلع من البيت بسبة السواقة التعبانه في الشارع

تحياتي لك زيزو €_€

[هيلو كيتي]

:)

الله ايعينكم ,,,,,

الافضل من وجهة نظري تركيب الكاميرات في جميع الشوارع , مع تطبيق نظام النقاط السوداء ,

واتكون المخالفات عاليه اشوي ,, بالنسبه لنا المخالفات الكبيره تبدأ من 1500 درهم وتتضاعف , مع اضافه نظام النقاط السوداء عليها والي توصل لحجز المركبه وسحب رخصة القياده وفي النهايه الحبس .

[عثرة جواد]

انا اقولك اخوي والله الشررطه مب مقصرين بس اشتبهم يسون

لوالانسان مب متربي ومب هامه الي ف الشارع يعني بيربونهم

[Aaziz]

العفو برشلوني ،، موفق خير


ياريال اسكت بس
والله العظيم قممممممممممممممة الفوضى في الشارع
اي مرور اي تخطيط اي بطيخ
الا تخبط في تخبط
صرت ماطلع من البيت بسبة السواقة التعبانه في الشارع
تحياتي لك زيزو €_€

هذا الي لاحظته بوحارب ،،، الربع صارو بيتوتيين ،، بمعنى اصح صارو يقعدون في مجالسهم داخل الفريج و مايطلعون الا للضروره بسبه الزحمه و السواقه


:)

الله ايعينكم ,,,,,

الافضل من وجهة نظري تركيب الكاميرات في جميع الشوارع , مع تطبيق نظام النقاط السوداء ,

واتكون المخالفات عاليه اشوي ,, بالنسبه لنا المخالفات الكبيره تبدأ من 1500 درهم وتتضاعف , مع اضافه نظام النقاط السوداء عليها والي توصل لحجز المركبه وسحب رخصة القياده وفي النهايه الحبس .

الكمرات كلن الحين يعتقد ان الكمرات هي الحل لانها جديده علينا ،،، الناس ماعندها التزام و الاولى حل المشكله الاساسيه وهي الالتزام و احترام القانون
فيه دول مخالفاتها المروريه شبه رمزيه ،، مع هذا ماتشوف حد يخالف الا المظطر او الي مايقصد ؟
السبب ؟
فيه قانون و فيه من يقوم على تطبيق القانون
و زياده المبلغ امر غير رادع نهائيا ... المرور لازم يغير طريقه تعامله مع المخالفين ،، المخالف لازم ينلطع في الشارع و بعض المخالفات مثل قطع الاشارة و التسابق و التجاوز من اليمين و الرعونه المتعمده في السواقه ،، المفروض تحجز السياره مباشره حال توقيفها ،، و السائق خل يدبر نفسه في الشارع يتصل بالدريول ياخذه ولا حد من ربعه .
ان الشارع ممتلىء بالبلشتيه الفوضويين .

[هيلو كيتي]

العفو برشلوني ،، موفق خير



هذا الي لاحظته بوحارب ،،، الربع صارو بيتوتيين ،، بمعنى اصح صارو يقعدون في مجالسهم داخل الفريج و مايطلعون الا للضروره بسبه الزحمه و السواقه



الكمرات كلن الحين يعتقد ان الكمرات هي الحل لانها جديده علينا ،،، الناس ماعندها التزام و الاولى حل المشكله الاساسيه وهي الالتزام و احترام القانون
فيه دول مخالفاتها المروريه شبه رمزيه ،، مع هذا ماتشوف حد يخالف الا المظطر او الي مايقصد ؟
السبب ؟
فيه قانون و فيه من يقوم على تطبيق القانون
و زياده المبلغ امر غير رادع نهائيا ... المرور لازم يغير طريقه تعامله مع المخالفين ،، المخالف لازم ينلطع في الشارع و بعض المخالفات مثل قطع الاشارة و التسابق و التجاوز من اليمين و الرعونه المتعمده في السواقه ،، المفروض تحجز السياره مباشره حال توقيفها ،، و السائق خل يدبر نفسه في الشارع يتصل بالدريول ياخذه ولا حد من ربعه .
ان الشارع ممتلىء بالبلشتيه الفوضويين .


الكاميرات بتكشف المخالفات والتي تؤدي الى اكتشاف المخالفه ومن ثم تطبيق القانون ,,, والي فهمته منك هو عدم تطبيق القانون لذلك لابد من مخاطب وزارة الداخليه في هالامر ,,,وان مااستجابة يجب مخاطبة الجهه الي اعلى منها

اي شي لايطبق فيه القانون اكيد بتعم الفوضى

بالتوفيق

[Aaziz]

انا اقولك اخوي والله الشررطه مب مقصرين بس اشتبهم يسون
لوالانسان مب متربي ومب هامه الي ف الشارع يعني بيربونهم

مافتحنا الموضوع لنتهمهم بالتقصير ،، اذا ايش فايده وضع قوانين في كل دول العالم ؟
لردع المتجاوزين و الانسان الي مش متربي على حد تعبيرك
شكرا


الكاميرات بتكشف المخالفات والتي تؤدي الى اكتشاف المخالفه ومن ثم تطبيق القانون ,,, والي فهمته منك هو عدم تطبيق القانون لذلك لابد من مخاطب وزارة الداخليه في هالامر ,,,وان مااستجابة يجب مخاطبة الجهه الي اعلى منها

اي شي لايطبق فيه القانون اكيد بتعم الفوضى

بالتوفيق

القائمين على ظبط النظام في الشارع من المدير الى الشرطي الي يحرر المخالفات في الشارع ،، كلهم يستخدمون الشارع سواء اثناء دوامهم او خارج اوقات الدوام ؟
مايشوفون الي نشوفه مثلا

[ولد العرب]

في نقص في الدويات فالشارع ،،، فالوافد بيلعب لعبته

اتمنى من الدولة تمنح بعض المواطنين صلاحيات رجال المرور
لك صلاحيه مرور والدليل صور وطرش بالمطراش

انا وقفت دنكر مجاري قاطع اشارة اخر ليل والاشاره مافيه كيمرات وتم يبكي ابد رحت بنفسي وفتحت له محضر ولها على بعضها نصف ساعه
وحررو له مخالفه 6000 ريال و7 نقاط
خله يعرف ان الله حق وحنا عيون ساهره
سلاماااااااااااااااات مكيم طبلونه وقاطع الاشاره

[Aaziz]

كفو عليك ولد العرب ،، صار نفس الموقف قدامي ،، لكن دقيت على المركز اكثر من مره ابي دوريه تجيني محد رد و السرلنكي كسر خاطري من قلب حسيت انه عقب هالموقف ماراح يعيدها ،، و اتمنى هالشي

[العلياا]

انا امس رحت مناطق جديدة بالعادة ما اتعدى حدود منطقتي وشغلي
اتوقع انه جاني ضغط وسكر وكل شي مب زين


استغفر الله واتوب اليه :)