حبه الكرز +21

[قطر love]

السلام عليكم ورحمه الله وبركاته

بعد غياب طويل عدنا لكم من جديد

طول فتره الغياب وخلال السنوات الماضيه لاحظنا شي ملفت للنظر وغريب على المجتمع

انه المجمتع بشكل عام قام يرفع قدر من لا يستحق التقدير ويقلل من شان العقول الكبيره واحب ارجع لكلمه حسن بوعلي يوم قال الشهاده ليست مقياس للعقول وانا الصراحه فكرت وايد فالكلام ذي ومن زمان استخدم نفس المقوله وبالفعل تنطبق على البعض في مجتمعنا والامثله كثيره ومرات للاسف البعض وقت الحاجه يصغر عقله

الشي الثاني والعقول الصغيره الي ترفعها الناس فالمجتمع والبعض يقدرها الي هم بعض الشباب الي يمصخرون من نفسهم ومن ناس غيرهم عشان يقولك ( هدفي رسم البسمه في قلوب الناس ) ياخي انت تمصخر من نفسك تنزل مستواك والي يسمي نفسه دكتور فلان ولا مهندس علان واخر شي شهادته ما تتعدى الثانويه ويشتهر باسم شهره والدكتور المسكين الي يكرف 6 الى 8 سنين دراسه لا حد يذكره ولا حد يعرفه ويمكن الكل يذمه بدون سبب والقهر تجيك قناه من قنوات الدوله تتبنى الشخصيه الهبيله وتسوي لهم برامج وترفع اسماميهم وبرامج واعلانات يا قناتنا الحبيبه هل تعرفين عن سواد ويه الشخص الي تبنيتيه ولا بس لانه تكلم عن قناتكم وغلط عليها خفتو منه وسويتو برنامج بهدف انكم تتبنون المواهب القطريه الشابه ؟ في يوم من الايام هذا الشاب كان سبب في مضره بعض الناس داخل وخارج قطر وكان سبب في سب وشتم الناس لدوله قطر ولا الشخص الثاني الي بركب لك جمل ويطلع لمطعم ولا يمشي بشارع عام ليش لتشويه المنظر العام ولا التقليل من التراث القطري

يا جماعه الاشكال ذي واجهه اعلاميه للبلد مواقع التواصل الاجتماعي الكل يشوفها كل العالم هم صحيح ما يمثلون قطر لكن العالم يوم يشوفوههم هم من قطر خلاص الفكره راح تنتشر الموضوع يبدا بفكره ثم مشكله وسمعه ومصيبه

ليش احنا ندفن العقول الكبيره والراقيه اصحاب الفكر العالي فالمنتدى او خارج المنتدى وانا متاكد انهم لو يعطونهم فرصه ولا مجال راح بخدمون البلد اكثر من بعض الناس الي يداومون عشان يقرون جريده ويشربون كرك في محللين اسهم ولا رياضين ولا سياسين ومجالات اكثر ليش ما نعطيهم فرصه ولا نعطيهم مجال نفتح لهم الباب ليش نسمح لشويه ناس تفتح باب الغلط والتفكير او الكلام السيء لدولتنا عشان شويه ناس مهرجين

بس صدق شايب لقال الحين زمن الي بيشتهر في قطر لازم يصير مهرج !!! اشرايكم


وانا من وجهه نظري انه المجتمع متقبل المهرجين ذول مثل كرز الزينه الي ينحط فوق الايسكريم الجسم يقولك لا تاكله سكر زياده والعقل يقولك لا ترميه حرام نعمه الله لي متى نشوفهم حلو على قلوبنا ونتعاطف معاهم بعقولنا ورمز +21 هو دليل على انه الناس ذول اكتملت عقولهم وعدو مرحله البلوغ والنضج ولكن لازال العقل تحت هذا العمر



بس ارجع واقول بعض الناس نحترمهم لكبر عقولهم وصغر سنهم وبعض الناس نحترمهم عشان كبر اعمارهم وصغر عقولهم

احترام الكبير واجب ولكم هناك فرق بين كبير العمر وكبير العقل ولكم الحكم


اتمنى رايكم بالموضوع بدون تشهير او سب او غلط وتجريح وبدون شات لو سمحتو

[ضوى]

موضوعك في الصميم ، بكرة ان شاء الله لي عودة

[مختلفة عقليا]

السلام عليكم .,

انا ما بناقش اوضاع الشعب القطري (( المتاخره )) خليجيا في الاعلام .,

لان في عيني مالهم اي مبرر غير ما يبون يشتغلون ., ولا يتعبون ., ويخافون من الفشيله والكلام اللي بييهم .,

ردا علي سوال الشايب ., (( بس صدق شايب لقال الحين زمن الي بيشتهر في قطر لازم يصير مهرج !!! )) .,

انا اجوف اللي يبي يشتهر في قطر يتعب علي نفسهم في الكوميديا او في الفن او غيره ., انا ما بقول رايي مع او ضد .,

بس متاكده دامه وصل يعني ناجح ., والكوميديا لها اهداف دايما اتكون تحت الحزام .,

اما بخصوص الشهره ., فاي شي (( غير مالوف )) مغري ., واتوقع هاي اللي صار في اعالمنا .,

وانا مع الاعلام لان الاعلام لازم يتبناهم ., دام ما يسون شي (( غلط )) بغض النظر عن (( ماضيهم )) ومستواهم الادبي !!

بس عندي عتب علي اللي ينتقدون ., ليش ما اتقدمون شي للاعلام ., !! ليش بس تنتقدون !!

ويسلموو .,

[JN000N]

قطر لوف
معاك ف كل كلمه قلتها
بس بركز ع شي واحد
الواجهة الاعلاميه :)
هل يستحق سيء الاخلاق ان يمثل اي جهة رسميه او يمثل احد افراد الشعب القطري في الاعلام؟

[بومحمد المطاوعه]

موضوعك عجيب ريحته خخخخ

راجع لك غدآ ان شاءالله بطوله بال

جزيت خيرآ

[نفسي عزيزه]

قايل لك حكيم ماشاءالله عليك

فعلا واقع مرير والي قادم ادهى وامر والله يستر بس بزمن الرويبضه بيصير مسؤول

[مـراحـب]

هالمواضيع الزينه

ولي عوده

[قطر love]

موضوعك في الصميم ، بكرة ان شاء الله لي عودة

هذا هو المطلوب انه يكون بالصميم

فالانتظار

[قطر love]

السلام عليكم .,

انا ما بناقش اوضاع الشعب القطري (( المتاخره )) خليجيا في الاعلام .,

لان في عيني مالهم اي مبرر غير ما يبون يشتغلون ., ولا يتعبون ., ويخافون من الفشيله والكلام اللي بييهم .,

ردا علي سوال الشايب ., (( بس صدق شايب لقال الحين زمن الي بيشتهر في قطر لازم يصير مهرج !!! )) .,

انا اجوف اللي يبي يشتهر في قطر يتعب علي نفسهم في الكوميديا او في الفن او غيره ., انا ما بقول رايي مع او ضد .,

بس متاكده دامه وصل يعني ناجح ., والكوميديا لها اهداف دايما اتكون تحت الحزام .,

اما بخصوص الشهره ., فاي شي (( غير مالوف )) مغري ., واتوقع هاي اللي صار في اعالمنا .,

وانا مع الاعلام لان الاعلام لازم يتبناهم ., دام ما يسون شي (( غلط )) بغض النظر عن (( ماضيهم )) ومستواهم الادبي !!

بس عندي عتب علي اللي ينتقدون ., ليش ما اتقدمون شي للاعلام ., !! ليش بس تنتقدون !!

ويسلموو .,


اعلامنا الحين راقد في سابع نومه مكيف بارد ولحاف دافي


بس انا ضد ان الاعلام لازم يتبنى المواهب من هب ودب يا اختي مختلفه في ناس بنو شهرتهم بالكلام القبيح والالفاظ النابيه والسوقيه والغلط على الغير وانا ابصم لج انه بدون الي سوه ما عمرهم كانو بيوصلون للي وصلوه الحين من شهره


ثاني شي كلنا يد وحده لتقدم هذا البلد المعطاء بس من يتبنى كلامنا ولا اقتراحاتنا ولا اي شي نقوله ممكن نقدم افكار وكلام واقتراحات للاعلام بس لي متى نتكلم ومحد يهتم !!

[قطر love]

قطر لوف
معاك ف كل كلمه قلتها
بس بركز ع شي واحد
الواجهة الاعلاميه :)
هل يستحق سيء الاخلاق ان يمثل اي جهة رسميه او يمثل احد افراد الشعب القطري في الاعلام؟


هذا الي بوصل له يا طفله المنتدى انه ما يستحق ولا يجب ان يستحق بس رغم ذلك فهم وصلو للشهره حتى لو احنا تبرينا منهم العالم ما راح يدرون العالم بيقولون هذا قطري في دوله قطر ويتكلم عن ناس داخل قطر انتهى ...

[قطر love]

موضوعك عجيب ريحته خخخخ

راجع لك غدآ ان شاءالله بطوله بال

جزيت خيرآ

وايد عجيب وبيصير اعجب لو شاركت

وياك ان شاء الله

[قطر love]

قايل لك حكيم ماشاءالله عليك

فعلا واقع مرير والي قادم ادهى وامر والله يستر بس بزمن الرويبضه بيصير مسؤول


نسيت من وين ماخذ الحكمه يالشيبه

الله المستعان بالذيب سواء رويبضه ولا غيرهم هذي مسؤوليه مجتمع باكمله ولازم نعالج او نتحمل نتيجه السكوت وابقاء الكرز فالصحن

[قطر love]

هالمواضيع الزينه

ولي عوده


من زمان مواضيعي زينه هههههه وفي انتظار العوده وبقوه

[الجـــوديّ]

اخوي كلامك جميل جداً .. وأنا معاك في جزء واسمح لي اختلف معاك في نقطتين ..

- موضوع هالاشخاص اللي انت ذكرتهم واللي سبب مشاكل .. هو ما اثبتت فيه السالفة كسمعة ... ولا هو بخريج سجون
هي مجرد مشاكل وانتهت ويمكن انتو تعرفونها بينكم اكثر من باقي الناس يعني نطاقها محدود.

اما راعي الجمل .. فهو ماغلط .. طلع بفنتك .. فيه الي اقبله وفي اللي ارفضه
ولكن هالشي مايخليني اغض الطرف عن حلقاته الهادفه الله يجزاه خير.


بالنسبة للي سميتهم العقول الكبيرة واصحاب الفكر الراقي .... وينهم ؟
اذا يبون يظهرون محد بيعترضهم ولا بيمنعهم ...
فيه منهم مايبون وفيه منهم ماعنده مهارات الظهور


ترا اللي انشهروا هذول اقدروا يجذبون الناس لهم .. ولما تتبناهم الجهات الوطنية
هذا شي طيب يساعد في توصيل الرسالة لاكبر شريحة من الناس وخاصة الشباب.


أما التأخر الاعلامي ................ صج صج مالنا عذر لان كل الوسائل والادوات متاحة باقي همة الشخص نفسه
ومع احترامي الشعب القطري يعشق الراحة.

[فاهم وساكت]

اعرف من تقصد بكلامك وانا اخالفك الراي

الشخص الي ذكرته صج اني ما احب الي يقدمه واسلوبه مب عاجبني .. بس فالاخير هذي حريه شخصيه

واكبر غلط عندنا فالعالم العربي بشكل عام اي شخص من البلد الفلاني اذا ماعجبنا نتكلم عن البلد كامل وانت بموضوعك ذكرت هالشي بان الناس بتتكلم عنا اذا شافوه .. وهالشي مايعتبر ضدنا بالعكس يعكس صورة هالناس وتعرف الغباء الي فيهم لانهم يعممون على شعب كامل بس عشان واحد ولا اثنين

المفروض نفتح المجال حق الكل بانهم يسسون الي يبونه اما انك تخلي الكل يمشي بطريج واحد ومايحاول يسوي شي جديد حتى لو كان بالنسبه لك هالشي بايخ فالاخير النتيجه بتكون ايجابيه بان الناس تتشجع وتطلع المواهب الي داخلها " حتى لو اختلفنا بكلمة مواهب .. وناس اعتبرتها موهبه وناس شافت العكس " الافضل بانك ماتوقف ضدهم لان هالشي بيخلي باقي الناس تخاف بانها تطلع وتطور المواهب الي داخلها ..

[R 7 A L]

للاسف ماذكرت هو الحاصل الأن
وذلك من سوء التقييم
من يقيم هؤلا الذين ابتلينا بهم واصبحوا واجهه ؟
التهريج والتمثيل للاسف اصبح اليوم افضل من اعلى الشهادات

[همر]

رايك اتبنى هالمهرج "دامه انشهر اولريدي"

واصقل موهبته واعدل مساره واعلمه كيف يتكلم

وانقح مواضيعه واطلع منه شي مفيد ..




ولا اخليه مهرج طول عمره ؟!!

[JN000N]

هذا الي بوصل له يا طفله المنتدى انه ما يستحق ولا يجب ان يستحق بس رغم ذلك فهم وصلو للشهره حتى لو احنا تبرينا منهم العالم ما راح يدرون العالم بيقولون هذا قطري في دوله قطر ويتكلم عن ناس داخل قطر انتهى ...

طفلة المنتدى :| قدك عبالك :omg:
برجع لك بارد على ردك :mad:

[عزووز قطر]

أخوي قطر لوف أشكرك في البداية على الطرح الهادف .. وأتفق معاك في جزء وأختلف في جزء

أتوقع الكل فاهم قصدك عن الأشخاص المذكورين في الموضوع وأنا ماأتابعهم ومايعجبني اسلوبهم .. بس لو تابعت المقالب القديمة اللي كان يسويها واحد منهم بتلاحظ وجود كلمات كثيرة فيها قلة أدب وكلام ماينقال ويأثر على تربية اليهال لين سمعوا مثل هالكلمات .. لكن بعد مادعموه تلفزيون قطر واشتهر لاحظنا ان كلامه تعدل واسلوبه تغير ...


الشعب القطري عنده خجل من الكاميرا ومايحب الظهور في التلفزيون ... ولو دعمنا بعض هالناس اللي تحب الظهور إعلاميا ويحب الشهرة .. يقدر التلفزيون يستغله ويأهله لتقديم برامج هادفة وإيجابية على تلفزيون قطر..

وبخصوص الدكاترة والعلماء اللي ذكرتهم في بداية الموضوع انهم مب ماخذين حقهم .. انا اختلف معاك ..
منذ ظهور قناة الريان وتجديد تلفزيون قطر .. لاحظت ان برامج قناة الريان وتلفزيون قطر دائما يستضيفون العلماء والموهوبين والمثقفين لدرجة ان بعض الأشخاص تكرر ظهورهم في البرامج أكثر من مرة .. وهذه خطوة إيجابية للإعلام القطري

[اللوز]

انا من اول ما شفته
غيرت القناة
نصيحه هو له جمهوره

[قوت القلوب]

رايك اتبنى هالمهرج "دامه انشهر اولريدي"

واصقل موهبته واعدل مساره واعلمه كيف يتكلم

وانقح مواضيعه واطلع منه شي مفيد ..




ولا اخليه مهرج طول عمره ؟!!



هذا الكلام السليم 100%

[مختلفة عقليا]

اعلامنا الحين راقد في سابع نومه مكيف بارد ولحاف دافي


بس انا ضد ان الاعلام لازم يتبنى المواهب من هب ودب يا اختي مختلفه في ناس بنو شهرتهم بالكلام القبيح والالفاظ النابيه والسوقيه والغلط على الغير وانا ابصم لج انه بدون الي سوه ما عمرهم كانو بيوصلون للي وصلوه الحين من شهره


ثاني شي كلنا يد وحده لتقدم هذا البلد المعطاء بس من يتبنى كلامنا ولا اقتراحاتنا ولا اي شي نقوله ممكن نقدم افكار وكلام واقتراحات للاعلام بس لي متى نتكلم ومحد يهتم !!

هلا .,

انا قلت ما علينا من هو او شنهو ماضيه (( بما )) انه محترم نفسه .,

من اللي عنده شي وحاول يوصله للاعلام ., !! عندك اليوتيوب ., اشتغل وعقب هم بينادونك .,

وبقوك شي مهم جدااا ., (( انت لازم تعطيهم اللي يبونه بالطريقه اللي تبيها ., وهاي هو الصح ., بحيث ما تفقد (( مبادئك وبنفس الوقت ترضيهم ))

ويسلموو .,

[طبيب قطري]

لو الاعلام يهتم بالبرامج الدينيه والبرامج الهادفه اللي تفيد المجتمع كالصحه وغيرها كان افضل من هالتهريج..
اشكرك ..

[مختلفة عقليا]

لو الاعلام يهتم بالبرامج الدينيه والبرامج الهادفه اللي تفيد المجتمع كالصحه وغيرها كان افضل من هالتهريج..
اشكرك ..

هلا .,

عفوا ., بس لو الطرح مغري ولو كان عن اليهود الناس بتابعه ., بس للاسف الطرح ما يغري.,

ويسلموو .,

[حبر وقرطاس]

المبادره والذكاء الاجتماعي هم السبب
الله يسامح مدير التلفزيون