الصبغ الداخلي او ورق الجدران

[مضارب دوسري]

السلام عليكم ورحمة الله وبركاته

بما اني بمرحلة الصبغ الداخلي
وش تنصحون ؟
ورق جدران او صبغ
او مزيج بين الاثنين

عن نفسي احب الالوان الهاديه ماحب الاصباغ المشغوله والاهل بعد رايهم نفس الشي
فكرت اصبغ البيت ابيض مطفي وبعدها قلت اماكن صبغ
والصالات تحت تكون ورق جدران
وكل شوي اغير رايي

وش الافضل للصالات وغرفة والماستر روم حسب ارائكم

وهل مثلا لو صبغت الحوايط لون واحد وفيه براويز معموله بالجبس وداخل البراويز ورق جدران بيكون حلو !!

وشكرا

[مضارب دوسري]

90382
مثلا نفس هالصوره

[مضارب دوسري]

وعندي مشكله بخصوص الصبغ الخارجي
بعد الانتهاء من العظم والبلاستر اهملت البيت وريحت نفسي سنه كامله
وما حطيت برايمر
بعد مرور سنه حطيت جوتن برايمر وجهين
بعدها بشهرين صبغت خارجي اللون الابيض جوتاشيلد نوع ماغنم (اللي حبته صغيره)
المشكله كثر ما صبغت للحين احس الصبغ كانه يتشرب
او يبهت لونه ويبين عليه اسوداد البلاستر بشكل طفيف
لحد من شهرين معطيه 4 وجيه صبغ جوتن
هل المشكله باللون الابيض ؟
او الغلط بسبب اهمالي للبلاستر سنه كامله ؟
حاليا في شركه بتستلم الصبغ الخارجي
هل اخليهم يصبغون ابيض ولا اخذ من الوان البيج الغامق ؟
خصوصا ان بعد ماعطيت الصبغ الخارجي الوجه الرابع خف كثييير موضوع الاسوداد

[خليفـة]

موفق ان شاء الله مقدماً
نصيحتي لك .. خلك مع الشغل الملكي
ابيض اوف وايت سادة
ورق الجران زين لبعض الاماكن كلمسات خفيفة
ولكن اختار للنوعية ذات الجودة العالية
والشخص الفنان للتركيب
وعليك بالصمغ من شركة العمودي

الحين اخوي شغل الكلاسيك السادة هو المنتشر والسائد

الله يسهل لكم ان شاء الله

خليفة

[dream~qa]

طبعا ورق جدران لكل الغرف لأنه يعطي دفء وفخامة في نفس الوقت ويفضل تكون الألوان هادية وسادة ابتعد عن النقوش الكبيرة .

أما الصالات والمجالس فأفضل الخلط بين الصبغ وورق الجداران مع ديكورات الجبس .

[مضارب دوسري]

جزاكم الله خير
وبيض الله وجيهكم ننتظر اراء بقية الاخوان

خليفه بديت تقنعني اكثر برايي الاول

[مضارب دوسري]

دريم شكرا عالنصيحه

[معماري قطري]

بالنسبة للصبغ الخارجي جوتاشيلد قوي وزين بس غريبة يطلع فيه سواد

هو صحيح مهم تسوي البرايمر سرعة بعد البلاستر .. بس ميزة جوتاشيلد إِنه يعطي حماية ويسد أَي شلوخ بسيطة والأَبيض هو أَفضل شيء كعاكس حرارة ومقاوم للأَشعة فوق البنفسجية اللي تتسبب في انبهات الأَلوان الثانية.

عندي احساس ان الصباغين لاعبين لك في نوعية الصبغ أَو طريقة الصبغ .. شوف حد شاطر يكشف ولو من شركة جوتن.

داخل انا ركبت ورق جدران من 10 سنين عن طريق رافكو واسافر كم مره طول الصيف والمكيف مبند ولا اخترب .. وركبت عن طريق هنود شكلهم تخصص جباتي وكيما من حول 3 سنين وبدا تقوم أَطرافه من فوق .. والورق شغله سهل الصعب الصبغ .. تصبغ أَلحين ولو بتغير تركب ورق زين أَبرك لك والصبغ الأَبيض هو أَفضل شيء البيج ودرجاته كئيب .. والأَبيض كخلفية يغطيها بعض الأَثاث وكل شيء يركب عليه يضيع اللون ويبقى إِنه يعطيك سعة ونور .. مب نور الحور مهندستنا .. نور طبيعي .. البراويز والصور والروشنات وتشكيلات الخشب كأَرفف أَو كبتات للتلفزيون كلها بعد تكسر حدة اللون وعندك الكورنيش الجبس لو فيه نقوشات مصبوغة مثل ورود حمر ووردية وعروق خضر بعد تعطيك نقطة ارتكاز بصري متغيرة في المحيط الأَبيض.

[لما]

للصالات والمجالس وغرف الماستر براويز نفس لون صبغ الجدار أنصحك بسمايك ايفوري من جوتن وداخل البراويز جرب من ورق جدران درجات الذهبي العادي تباع في لورا اشلي في ازدان وادمج ألوان ثانيه في الماستر تناسب الورق اللي بتاخذه غرف الأطفال أعمل بوردرً من جبس في وسط الجدار بلون ابيض ونسق تحت لون صبغ ساده طفولي وفوق ورق جدران فيه نقش ناعم ويناسب اللون الساده اللي تحت البوردر وموفق

[لما]

مع احترامي للآراء اللون البيج أفخم بمليون مره في الصبغ من الابيض معظم القصور والأجنحة الفاخرة في الفنادق درجات البيج واللون الابيض احسه ينفع لستايل المودرن لو أدمج مع احمر واسود ويذكر ني الساده منه بالبيوت الشعبية القديمه

[لما]

وذهب براويز الجبس بصبغ إيطالي ذهبي مش ورق الذهب لانه لونه حاد في الجدار ينفع للقبب ملاحظه هامه لازم يكون التذهيب خط دقيق جدا في خارج الإيطار على فرزه وبس مايكون اكثر فخامته في انه لمسه مش لون واضح

[لما]

التذهيب مش كامل الإيطار فقط فقط اخر فرزه واصبغ البرواز مع الجدار بنفس اللون سمايك ايفوري

[لما]

الصمغ يباع في لورا اشلي نوعيه بريطانيه ممتازه والورق فقط داخل الايطار فوق ممكن تشجيره الورده الملكيه الأفضل لون ذهبي هادئ علا لمعه خفيفه والإيطار التحتي نفس اللون للورق المشجر ولكن ساده افضل

[مضارب دوسري]

السلام عليكم
جزاكم الله خير اخت لما
يعني تنصحيني اصبغ الحوايط جوتن سمايك ايفوري ؟

[مضارب دوسري]

بالنسبة للصبغ الخارجي جوتاشيلد قوي وزين بس غريبة يطلع فيه سواد

هو صحيح مهم تسوي البرايمر سرعة بعد البلاستر .. بس ميزة جوتاشيلد إِنه يعطي حماية ويسد أَي شلوخ بسيطة والأَبيض هو أَفضل شيء كعاكس حرارة ومقاوم للأَشعة فوق البنفسجية اللي تتسبب في انبهات الأَلوان الثانية.

عندي احساس ان الصباغين لاعبين لك في نوعية الصبغ أَو طريقة الصبغ .. شوف حد شاطر يكشف ولو من شركة جوتن.

داخل انا ركبت ورق جدران من 10 سنين عن طريق رافكو واسافر كم مره طول الصيف والمكيف مبند ولا اخترب .. وركبت عن طريق هنود شكلهم تخصص جباتي وكيما من حول 3 سنين وبدا تقوم أَطرافه من فوق .. والورق شغله سهل الصعب الصبغ .. تصبغ أَلحين ولو بتغير تركب ورق زين أَبرك لك والصبغ الأَبيض هو أَفضل شيء البيج ودرجاته كئيب .. والأَبيض كخلفية يغطيها بعض الأَثاث وكل شيء يركب عليه يضيع اللون ويبقى إِنه يعطيك سعة ونور .. مب نور الحور مهندستنا .. نور طبيعي .. البراويز والصور والروشنات وتشكيلات الخشب كأَرفف أَو كبتات للتلفزيون كلها بعد تكسر حدة اللون وعندك الكورنيش الجبس لو فيه نقوشات مصبوغة مثل ورود حمر ووردية وعروق خضر بعد تعطيك نقطة ارتكاز بصري متغيرة في المحيط الأَبيض.

جزاك الله خير يا بش مهندس الشبكه

[مضارب دوسري]

اخت لما شكرا لج بشوف لون سمايك ايفوري
وياليت تدليني المحل لورا تشلي في ازدان مول ؟

[اللوز]

في البداية كل عام وانت بخير
وبالنسبة للصبغ الداخلي
يجب ان تحدد نوعية التصميم هل مودرن او كلاسيك او تراثي ؟
ثانيا ورق الجدران يجب ان يركب بعناية فائقة
بدل ورق الجدران هناك نوع يسمى فايبر مثل ورق الجدران وهذا النوع يتحمل درجات الحرارة سواء كان المكيف موجود او غير موجود
فنصيحة اصبغ البيت من الداخل صبغ اوف وايت
لانه يركب مع جميع الاثاث والسجاد اذا بتحط
وبخصوص الجبس على الحوائط
يجب عمل تصميم للجبس وكذلك اختيار انواع الفريمات للحوائط وداخل الفريمات اتحط ورق الفايبر

او اذا كان عندك غرف
بما ان الغرفة فيها 4 حوائط
فتضع على حائط واحد فيبر والباقي صبغ
وبالتوفيق

[لما]

محله فوق ورا مطعم تشيليز

[لما]

اذا عندك صور للبيت افضل تحطها عشان الاراء توافق ستايل البيت

[معماري قطري]

الله يعينك يا بو محمد في الصبغ والديكور إِذا حضر الحريم بطل سحر الرجال

الإِخت لما دقيقة وايد وخبره I'm out of here

[مضارب دوسري]

الله يعينك يا بو محمد في الصبغ والديكور إِذا حضر الحريم بطل سحر الرجال

الإِخت لما دقيقة وايد وخبره I'm out of here

ههههههههههههههه

[مضارب دوسري]

في البداية كل عام وانت بخير
وبالنسبة للصبغ الداخلي
يجب ان تحدد نوعية التصميم هل مودرن او كلاسيك او تراثي ؟
ثانيا ورق الجدران يجب ان يركب بعناية فائقة
بدل ورق الجدران هناك نوع يسمى فايبر مثل ورق الجدران وهذا النوع يتحمل درجات الحرارة سواء كان المكيف موجود او غير موجود
فنصيحة اصبغ البيت من الداخل صبغ اوف وايت
لانه يركب مع جميع الاثاث والسجاد اذا بتحط
وبخصوص الجبس على الحوائط
يجب عمل تصميم للجبس وكذلك اختيار انواع الفريمات للحوائط وداخل الفريمات اتحط ورق الفايبر

او اذا كان عندك غرف
بما ان الغرفة فيها 4 حوائط
فتضع على حائط واحد فيبر والباقي صبغ
وبالتوفيق

وانت بصحه وسلامه اخوي

وبيض الله وجهك عالنصيحه

[مضارب دوسري]

محله فوق ورا مطعم تشيليز

امممم بحاول قرييا ان شاء الله
من ناحية الستايل للحين البيت يعتبر مانعمل له شي
غير الجبس بورد والمعجون عالحوايط

[مضارب دوسري]

90404

90405


90406

[مضارب دوسري]

90407

90407

[مضارب دوسري]

هذي صور صورتها من شهر تقريبا قبل ما نظف البيت واركب باب مدخل البيت
الصور كلها عن الصالات اللي تحت مع الدرج

[مضارب دوسري]

90408

90409

[مضارب دوسري]

هذي صور الدرج طبعا الصباغ اللي بيصبغ البيت هو نفسه اللي بيصبغ خشب الدرج وابواب الخشب والحوايط الداخليه لثقتي فيه بصراحه

عشان كذا كانت نيتي اصبغ اوف وايت مع الدرج اوف وايت والابواب ايضا
مع بعض البوردرات اللي اركب داخلها ورق جدران او ورق فايبر بعد نصيحة اخوي اللوز

[ولد الدفنه]

بالتوفيق اخوي

[نور الحور]

بالتوفيق مضارب ..والله يسهل عليك يارب ..

نصيحتي لك تحدد ستايل الديكور بالأول .. عشان يكون المكان كله روح وحده ومتناسق ..

فيه أفكار كثيرة ممكن تدمج الصبغ مع الورق ..

لكن لو كنت تلقى صعوبة في التنسيق أو متخوف لا تغاااااامر ..

اصبغ اوف وايت وممكن تخلي جدار واحد ورق ..

أو بوردرات وداخلها ورق جدران ..

امشي على نفس النصيحة في الكتابة والقراءة بالفصحى :

(سكّن تسلم )!

يعني لو متوهق بالحركات اللي تظهر آخر الكلمات .. حط سكون ومش أمورك ههههههه

نفس المبدأ طبقه .. لو متوهق مالك إلا الأوف وايت بيريحك من سالفة عدم تناسق الديكور والألوان

وللأسف الصور مو طالعة عندي ولا كان ممكن أرشح لك بعض الأفكار

[مضارب دوسري]

شكرا لج اختي نور الحور
الكشخه بشغف ههههههه كلمتج المعهوده

انا خايف اتعبث واسوي بيت مريسه ههههههههههه

[مضارب دوسري]

الصور لاني منزلها من الجوال ما تطلعةالا اللي يدخل باستخدام الجوال

[لما]

احس يناسب البيت الكلاسيك
فيه كتالوجات في جرير بتساعدك في الاختيار
والألوان اللي قلت لك عليها مجربه

[مضارب دوسري]

يعطيج العافيه اختي لما
شكرا لج وجزاج الله خير